လံာ်နီၢ်အ့ၤစတၢ် 3:8 - Sgaw Karen Common Bible

⁸ လၢတၢ်န့ၣ်အဃိစီၤဟၤမၣ်တဲဘၣ်စီၤပၤ, “ပှၤအိၣ်ဝဲဒၣ်တကလုာ်လၢအအိၣ်လီၤပြံလီၤပြါလၢနဘီနမုၢ်ဒီ ဘ့ၣ်ညါအပူၤန့ၣ်လီၤ. အဝဲသ့ၣ်အိၣ်ဒီးအလုၢ်အလၢ်အတၢ်ဆဲးတၢ်လၤတဖၣ်လၢအတ ဒ်သိးဒီးပှၤဘၣ်န့ၣ်လီၤ. အါန့ၣ်အန့ၣ်, အဝဲသ့ၣ်တဒိကနၣ်ဘီ မုၢ်အတၢ်သိၣ်တၢ်သီတဖၣ်ဘၣ်. ဒီးနတကြၢးသူၣ်အိၣ်သးအိၣ်အဝဲသ့ၣ်ဒီးပျဲအဝဲသ့ၣ်ကမၤဒ် အလုၢ်အလၢ်အိၣ်အသိးန့ၣ်ဘၣ်.

လံာ်နီၢ်အ့ၤစတၢ် 3:8 Iomraidhean Croise

လံာ်စီၤဧ့စြၤ 4:6

ဖဲစီၤပၤဖးဒိၣ်အဃၤၡဝ့ရိၣ်စးထီၣ်ပၢတၢ်န့ၣ်ပှၤဂီၢ်မုၢ်လၢ အအိၣ်ဆိးလၢကီၢ်ယူဒၤဒီးဝ့ၢ်ယရူၤၡလ့ၣ်အပူၤအဒုၣ်အဒါတဖၣ်ဟဲ စိာ်လံာ်လၢတၢ်ကွဲးပာ်တၢ်ကမၣ်ထီဒါပှၤယူဒၤဖိတဖၣ်န့ၣ်လီၤ.

လံာ်စီၤနဃ့မယၤ 1:8

ဒီးခဲကနံၣ်အံၤသ့ၣ်နီၣ်ထီၣ်က့ၤတၢ်လၢနတဲဘၣ်စီၤမိၤၡ့န့ၣ် တက့ၢ်. “သုဝဲပှၤအံၣ်စရ့လးဖိတဖၣ်မ့ၢ်တတီဒီးယၤန့ၣ်ဘၣ်ဒီးယကမၤ လီၤပြံလီၤပြါသုလၢပှၤကလုာ်အဂၤတဖၣ်အကျါန့ၣ်လီၤ.

လံာ်နီၢ်အ့ၤစတၢ် 3:9

မ့ၢ်ဘၣ်စီၤပၤအသးဒီးမ်စီၤပၤကဟ့ၣ်လီၤအကလုၢ်လၢအဝဲ သ့ၣ်ကဘၣ်တၢ်မၤသံအီၤအဂီၢ်န့ၣ်တက့ၢ်. နမ့ၢ်မၤဒ်န့ၣ်ဒီး, ယအုၣ်ခီၣ်ယသးလၢယကဟ့ၣ်စ့အကံကၢ်သၢကလးကလီၢ်ဆူစီၤပၤ အတၢ်ပာ်ဖှိၣ်အလီၢ်လၢဘီမုၢ်အတၢ်ပၢတၢ်ပြးအဂီၢ်န့ၣ်လီၤ.”

လံာ်နီၢ်အ့ၤစတၢ် 4:1

တုၤစီၤမၢ်ဒကဲၤသ့ၣ်ညါဘၣ်တၢ်မၤအသးခဲလၢာ်ဒီး, အဝဲဖှီအကူအသိးလၢတၢ်သူၣ်ကိၢ်သးဂီၤနးမးအပူၤလီၤ. အန့ၣ်ဝံၤဒီးအဝဲကူထီၣ်သိးထီၣ်ဆ့ကၤထၢသွ့, ဖှံအခိၣ်ဒီးဖၣ်ဆါဒီးဟးလၢဝ့ၢ်ပူၤ, ဒီးဟီၣ်ဝဲဒိၣ်ဒိၣ် ကလဲာ်လၢတၢ်သူၣ်အုးသးအုးအပူၤ,

လံာ်ယံးရမံယၤ 50:17

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်သိတဖၣ် လၢဘၣ်တၢ်လူၤအီၤဒီးမၤလီၤပြံလီၤပြါအီၤလၢ ခ့ယုၢ်တဖၣ်အသိး န့ၣ်လီၤ. အဆိကတၢၢ်, အဝဲသ့ၣ်ဘၣ်တၢ်ဒုးအီၤလၢ ကီၢ် အၤၡူၢ်အစီၤပၤဖးဒိၣ်, ဝံၤဒီး ကီၢ်ဘၤဘူၤလိၣ်အစီၤပၤ နဘူၤကးန့စၢ်အ့ၣ်သဘှံးကွံာ်အဝဲသ့ၣ်အဃံအကွဲတဖၣ်န့ၣ်လီၤ.

လံာ်ယဃ့းစက့လး 11:16

ခဲကနံၣ်အံၤ, တၢ်လၢယစံးယဲန့ၣ်, စံးဘၣ်တဲဘၣ်ပှၤတဖၣ်လၢအဘၣ် တၢ်စိာ်မၢကဲကုၢ်သကိးဒီးနၤတက့ၢ်. ယမ့ၢ်ပှၤတဂၤလၢအဆှၢလီၤအဝဲသ့ၣ်လၢကလဲၤအိၣ်လဲၤဆိးလၢပှၤ ကလုာ်လၢအယံၤတဖၣ်အကျါ, ဒီးမၤလီၤပြံလီၤပြါအဝဲသ့ၣ်လၢထံဂုၤကီၢ်ဂၤတဖၣ်အပူၤန့ၣ်လီၤ. သနာ်က့, လၢတၢ်ဆၢကတီၢ်ဒ်အံၤအပူၤန့ၣ်, ယကအိၣ်လၢအဝဲသ့ၣ် အသိးအကျါလၢထံကီၢ်တဖၣ်လၢအဝဲသ့ၣ်လဲၤတ့ၢ်လံဝဲအပူၤန့ၣ်လီၤ.

လံာ်ယဃ့းစက့လး 6:8

ယကပျဲပှၤတနီၤပူၤဖျဲးကွံာ်လၢတၢ်မၤသံမၤဝီဒီးမၤလီၤပြံလီၤပြါအဝဲသ့ၣ်လၢပှၤကလုာ်တဖၣ်အကျါ,

လံာ်ဒၤနံးယ့လး 3:8

အကတီၢ်ဖဲန့ၣ်ပှၤဘၤဘူၤလိၣ်ဖိတနီၤဟံးန့ၢ်တၢ်အခွဲးအယာ်ဒီး ဆှိးအၢပှၤယူဒၤဖိတဖၣ်န့ၣ်လီၤ.

လံာ်ဒၤနံးယ့လး 6:13

တုၤနုၤတစုအဝဲသ့ၣ်စံးဘၣ်စီၤပၤ, “စီၤဒၤနံးယ့လး, လၢအမ့ၢ် ပှၤယူဒၤဖိလၢအဘၣ်တၢ်စိာ်မၢကဲကုၢ်အီၤတဖၣ်အကျါတဂၤ န့ၣ်တပာ်ကဲဘၣ်နဲဒၣ်စီၤပၤ, ဒီးတစူၢ်ဘၣ်တၢ်ကလုၢ်လၢနဟ့ၣ် လီၤအီၤန့ၣ်ဘၣ်. အဝဲဘါထုကဖၣ်တၢ်တနံၤသၢဘျီတီတီန့ၣ်လီၤ.”

လံာ်ဒၤနံးယ့လး 6:14

ဖဲစီၤပၤနၢ်ဟူဘၣ်တ့ၢ်တၢ်အံၤဒီးအသူၣ်ကိၢ်သးဂီၤဝဲဒီးပာ်လီၤ အသးလၢကဃုထံၣ်န့ၢ်ကျဲတဘိဘိဒ်သိးကမၤပူၤဖျဲးစီၤဒၤ နံးယ့လးန့ၣ်လီၤ. ကျဲးစၢးဝဲသပှၢ်ပှၢ်တုၤမုၢ်လီၤနုာ်တစုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:33

ဒီးယကဟဲစိာ်တၢ်ဒုးတၢ်ယၤဒီးသုကလီၤပြ လီၤပြါဆူပှၤကလုာ်ဂၤအကျါလီၤ. သုထံဧိၤကီၢ်ဧိၤကအိၣ်သယုၢ်ဒီးသုဝ့ၢ်တဖၣ်ကအိၣ်လၢတၢ်ဟးဂီၤ အပူၤန့ၣ်လီၤ.

လံာ်စကၤရယၤ 7:14

ဒ်ကလံၤမုၢ်ဆူၣ်အသိးန့ၣ်ယအူဖျိးကွံာ်အဝဲသ့ၣ်လၢကလဲၤအိၣ် ဆိးလၢတခီထံတခီကီၢ်တဖၣ်အပူၤန့ၣ်လီၤ. ထံကီၢ်အဂ့ၤအံၤအိၣ်တ့ၢ်ဝဲဒ်တၢ်လီၢ်အိၣ်သယုၢ်တတီၤအသိး, လၢပှၤတအိၣ်ဆိးနီတဂၤလၢအပူၤဘၣ်န့ၣ်လီၤ.”

လံာ်တၢ်ဂံၢ် 23:9

လၢလ့ဖးထီတဖၣ်အဒီခိၣ်န့ၣ်ယထံၣ်ဘၣ်အဝဲသ့ၣ်သ့ဝဲ, ယခိးကွၢ်အဝဲသ့ၣ်လၢတၢ်လူၢ်တဖၣ်အဖီခိၣ်သ့ဝဲလီၤ. အဝဲသ့ၣ်မ့ၢ်ပှၤတကလုာ်လၢအအိၣ်ဒၣ်အတၢ်ဒၣ်ဝဲ, အဝဲသ့ၣ်သ့ၣ်ညါဝဲလၢအဘၣ်ဆိၣ်ဂ့ၤအါန့ၢ်ဒံးပှၤကလုာ်ဂၤ တဖၣ်တက့ၢ်န့ၣ်လီၤ.

လံာ်ယိၤဟၣ် 7:35

ပှၤယူဒၤဖိအခိၣ်အနၢ်တဖၣ်စံးကတိၤလိာ်သးတဂၤဒီးတဂၤ, “ပထံၣ်အီၤတသ့ဘၣ်န့ၣ်, မ့ၢ်အဝဲကလဲၤဝဲဆူလဲၣ်. မ့ၢ်အဝဲကလဲၤဆူပှၤကြံးခ် ဖိအဝ့ၢ်တဖၣ်ဖဲပပှၤကလုာ်အိၣ်ဝဲဒီး သိၣ်လိသီလိပှၤကြံးခ်ဖိတဖၣ်န့ၣ်ဧါ.

မၤတၢ် 24:5

ပထံၣ်ဘၣ်ပှၤတဂၤအံၤလၢအမ့ၢ်ပှၤမၤတံာ်တာ်တၢ်လၢ အလီၤပျံၤလီၤဖုးတဂၤန့ၣ်လီၤ. အဝဲဒုးအိၣ်ထီၣ်တၢ်တၢထီၣ်တၢလီၤလၢပှၤယူဒၤဖိတဖၣ် အသိးအကျါသကုၤဟီၣ်ခိၣ်ဒီဘ့ၣ်ညါဒီးမ့ၢ်ဝဲပှၤနစၤရ့းဖိကရၢ အခိၣ်တဂၤလီၤ.

မၤတၢ် 28:22

ဘၣ်ဆၣ်ဒီး ပအဲၣ်ဒိးနၢ်ဟူဘၣ်နတၢ်ဆိကမိၣ်တဖၣ်လီၤ. အဂ့ၢ်ဒ်အံၤ, ပသ့ၣ်ညါပဝဲလၢတၢ်လီၢ်ကိးပူၤဒဲးန့ၣ်, ပှၤကတိၤထီဒါပှၤတကရၢလၢနဘၣ်ထွဲဒီးအီၤတဖုအံၤန့ၣ်လီၤ.”

လံာ်သိၣ်လီၤသီလီၤတၢ် 30:3

တုၤနုၤတစု, ယွၤ, သုကစၢ်ယွၤကအိၣ်ဒီးတၢ်သးကညီၤဘၣ်သုန့ၣ် လီၤ. အဝဲကဟဲက့ၤစိာ်က့ၤသုလၢ, ပှၤကလုာ်တဖၣ်ဖဲအဝဲမၤလီၤပြံလီၤပြါတ့ၢ်သုအကျါ, ဒီးအဝဲကဒုးဘီၣ်ထီၣ်ညီထီၣ်က့ၤကဒီးသုန့ၣ်လီၤ.

လံာ်သိၣ်လီၤသီလီၤတၢ် 32:26

ယကမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့တုၤဒၣ်လဲာ်ပှၤတသ့ၣ် နီၣ်ထီၣ်က့ၤဘၣ်အဝဲသ့ၣ်နီတဂၤဘၣ်.

လံာ်သိၣ်လီၤသီလီၤတၢ် 4:27

ယွၤကမၤလီၤပြံလီၤပြါသုဆူပှၤကလုာ်ဂၤတဖၣ်အကျါ, ဖဲထဲဒၣ်ပှၤစှၤဂၤဧိၤလၢသုကျါကအိၣ်မူလီၤတဲာ်တ့ၢ်ဝဲဒၣ် န့ၣ်လီၤ.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.

၁ ပ့းတရူး 1:1

လၢစီၤပ့းတရူး, ယ့ၣ်ၡူးခရံာ်အပှၤတၢ်မၢဖိ, ဆူကစၢ်ယွၤအပှၤဃုထၢဖိတဖၣ်လၢအလီၤပြံလီၤပြါဝဲ သကုၤကီၢ်ပီၣ်တူး, ကီၢ်ကလၤတံ, ကီၢ်ကးပၤဒကံ, ကီၢ်အၤစံ ဒီးကီၢ်ဘံၤသူၤနံတဖၣ်အပူၤအအိၣ်န့ၣ်လီၤ.