လံာ်နီၢ်အ့ၤစတၢ် 3:7 - Sgaw Karen Common Bible

⁷ လၢစီၤပၤအဃၤၡဝ့ရိၣ်ပၢတၢ်တဆံခံနံၣ်တနံၣ်, လါအခီၣ် ထံးတလါလၢအမ့ၢ်လါနံစၣ်အပူၤန့ၣ်, စီၤဟၤမၣ်ဟ့ၣ်လီၤ အကလုၢ်လၢတၢ်ကတ့ၢ်လီၤတၢ်ဖးတဖၣ်လၢအဘၣ်တၢ်ကိး အီၤလၢပူရးဒ်သိးကထံၣ်န့ၢ်နံၤသီဒီးလါအကြၢးကတၢၢ် လၢကမၤဝဲအတၢ်ကူၣ်ခူသူၣ်အဂီၢ်န့ၣ်လီၤ. ဒီးတၢ်ဖးလီၤဘၣ်ဝဲလၢလါတဆံခံလါတလါလၢအမ့ၢ်လါ အးဒၢ်ထီၣ်တဆံသၢနံၤတနံၤန့ၣ်လီၤ.

လံာ်နီၢ်အ့ၤစတၢ် 3:7 Iomraidhean Croise

လံာ်စီၤဧ့စြၤ 4:6

ဖဲစီၤပၤဖးဒိၣ်အဃၤၡဝ့ရိၣ်စးထီၣ်ပၢတၢ်န့ၣ်ပှၤဂီၢ်မုၢ်လၢ အအိၣ်ဆိးလၢကီၢ်ယူဒၤဒီးဝ့ၢ်ယရူၤၡလ့ၣ်အပူၤအဒုၣ်အဒါတဖၣ်ဟဲ စိာ်လံာ်လၢတၢ်ကွဲးပာ်တၢ်ကမၣ်ထီဒါပှၤယူဒၤဖိတဖၣ်န့ၣ်လီၤ.

လံာ်စီၤဧ့စြၤ 6:15

လၢစီၤပၤဖးဒိၣ်ဒၤရယါဝ့ၣ်ပၢတၢ်ဃုနံၣ်တနံၣ်လါအးဒၢ်လါ ထီၣ်သၢသီတသီန့ၣ်အဝဲသ့ၣ်မၤဝံၤတၢ်လုၢ်ဟံၣ်န့ၣ်လီၤ.

လံာ်စီၤနဃ့မယၤ 2:1

ဒီးလၢစီၤပၤဖးဒိၣ်အၢ်တၤၡါၡတၤအနံၣ်ပှဲၤထီၣ်ခံဆံနံၣ် တနံၣ်လါနံစၣ်အပူၤ, မုၢ်တနံၤဖဲစီၤပၤအီၣ်တၢ်အကတီၢ်န့ၣ်ယဟဲစိာ်န့ၢ်အီၤစပံးထံလီၤ. အဝဲတထံၣ်ဝဲယမဲာ်လီၤသပှၢ်တ့ၢ်ဒ်သိးအံၤနီတဘျီဘၣ်.

လံာ်နီၢ်အ့ၤစတၢ် 1:3

လၢအဝဲပၢတၢ်သၢနံၣ်တနံၣ်န့ၣ်, မၤတၢ်အီၣ်တၢ်အီအမူးဖးဒိၣ်တခါလၢအပဒိၣ်တဖၣ်ဒီးပှၤပၢတၢ် သ့ၣ်တဖၣ်အဂီၢ်န့ၣ်လီၤ. ကီၢ်ပၤရၣ်ဒီးကီၢ်မၤဒဲအသုးမုၢ်သံၣ်ဘိတဖၣ်, ဒီးဒ်န့ၣ်အသိးကီၢ်ဖိတဖၣ်အပဒိၣ်ဖးဒိၣ်ဒီးပှၤတူၢ်ဒိၣ်ကီၢ်ဒိၣ်တဖၣ် ဟဲဝဲစ့ၢ်ကီးန့ၣ်လီၤ.

လံာ်နီၢ်အ့ၤစတၢ် 2:16

လၢတၢ်န့ၣ်အဃိ, ဖဲစီၤပၤအဃၤၡဝ့ရိၣ်ကဲထီၣ်စီၤပၤနွံနံၣ်တနံၣ်, လၢလါတဆံလါတလါ, လါတ့ဘ့းအပူၤန့ၣ်, နီၢ်အ့ၤစတၢ်ဘၣ်တၢ်လဲၤဆှၢအီၤဆူစီၤပၤ အဃၤၡဝ့ရိၣ်အအိၣ်လၢစီၤပၤအနီပူၤန့ၣ်လီၤ.

လံာ်နီၢ်အ့ၤစတၢ် 9:1

မုၢ်တနံၤလၢစီၤပၤအတၢ်ဘိးဘၣ်သ့ၣ်ညါကဘၣ်ကဲထီၣ်လိၣ်ထီၣ်, လါအၢ်ဒးထီၣ်တဆံသၢသီတသီ, မုၢ်တနံၤဖဲပှၤယူဒၤဖိအဒုၣ်အဒါတဖၣ်မုၢ်လၢ်မၤန့ၢ်တၢ်ဒိၣ်စိ လၢပှၤယူဒၤဖိအဖီခိၣ်ဟဲတုၤဝဲလံ. ဘၣ်ဆၣ်လၢတၢ်န့ၣ်အလီၢ်ပှၤယူဒၤဖိတဖၣ်အိၣ်ဒီးတၢ်မၤနၢၤလၢ အဝဲသ့ၣ်အဖီခိၣ်န့ၣ်လီၤ.

လံာ်နီၢ်အ့ၤစတၢ် 9:21

တဲဘၣ်အဝဲသ့ၣ်လၢကဘၣ်တိၢ်န့ၢ်ဖံးဃာ်လါအးဒၢ်ထီၣ်တဆံ လွံၢ်နံၤတနံၤဒီးတဆံယဲၢ်နံၤတနံၤတဖၣ်ဒ်တၢ်အိၣ်ဘှံးအမုၢ်နံၤ တဖၣ်အသိးကိးနံၣ်ဒဲးန့ၣ်လီၤ.

လံာ်နီၢ်အ့ၤစတၢ် 9:5

လၢတၢ်န့ၣ်အဃိပှၤယူဒၤဖိမၤအဒုၣ်အဒါတဖၣ်ဖဲအသးသ့ဝဲလီၤ. အဝဲသ့ၣ်ထီဒါအဒုၣ်အဒါတဖၣ်လၢနးတဖၣ်ဒီးမၤသံအီၤလီၤ.

တၢ်ကတိၤဒိ. 16:33

ပှၤကညီတဖၣ်ကွံာ်တၢ်ဖးဒ်သိးအကသ့ၣ်ညါဘၣ်ကစၢ်ယွၤ အတၢ်ဘၣ်အသးလီၤ. ဘၣ်ဆၣ်ကစၢ်ယွၤအကစၢ်ဒၣ်ဝဲစံၣ်ညီၣ်နီၤဖးတၢ်အစၢန့ၣ်လီၤ.

လံာ်မးသဲ 27:35

ဖဲအဝဲသ့ၣ်ပျၤထီအီၤလၢထူၣ်စုညါအလိၤဝံၤန့ၣ်, ဖီၣ်တၢ်ဖးဒီးနီၤဟ့ၣ်လိာ်အသးလၢယ့ၣ်ၡူးအကူအသိးလီၤ.