လံာ်နီၢ်အ့ၤစတၢ် 3:5 - Sgaw Karen Common Bible

⁵ တုၤစီၤဟၤမၣ်ထံၣ်သ့ၣ်ညါဘၣ်ဝဲလၢစီၤမၢ်ဒကဲၤတတီၤလီၤ ကဒွံကျိာ်ဒီးသကူးလီၤအသးလၢအမဲာ်ညါန့ၣ်အဝဲအသးဒိၣ် ထီၣ်ဒိၣ်ဒိၣ်ကလဲာ်လီၤ.

လံာ်နီၢ်အ့ၤစတၢ် 3:5 Iomraidhean Croise

လံာ်နီၢ်အ့ၤစတၢ် 1:12

ဘၣ်ဆၣ်ဒီး, ဖဲတၢ်ခ့တၢ်ပှၤသ့ၣ်တဖၣ်တဲဘၣ်နီၢ်ပၤမုၣ်ဝးၡတံၤလၢစီၤပၤ အတၢ်မၤလိာ်အီၤန့ၣ်, အဝဲဂ့ၢ်လိာ်ဝဲလၢအကဟဲဝဲဒၣ်န့ၣ်လီၤ. တၢ်အံၤမၤသးဒိၣ်ထီၣ်စီၤပၤန့ၣ်လီၤ.

လံာ်နီၢ်အ့ၤစတၢ် 3:2

စီၤပၤဟ့ၣ်လီၤအကလုၢ်ဒ်သိးအပဒိၣ်ပပှၢ်ခဲလၢာ်လၢအမၤ တၢ်လၢအနီပူၤကဘၣ်ပာ်ဖျါတၢ်ဟ့ၣ်တၢ် ယူးယီၣ်ဆူစီၤဟၤမၣ်ခီဖျိတၢ်တီၤလီၤကဒွံကျိာ်ဒီးတၢ်သကူး လီၤအသးလၢအမဲာ်ညါန့ၣ်လီၤ. မ့တမ့ၢ်ဘၣ်လၢစီၤမၢ်ဒကဲၤဘၣ်ဒီး, ပှၤအဂၤခဲလၢာ်မၤဝဲဒ်န့ၣ်လီၤ.

လံာ်နီၢ်အ့ၤစတၢ် 3:4

တနံၤဘၣ်တနံၤအဝဲသ့ၣ်မၢန့ၢ်ဆီၣ်ခံအီၤဘၣ်ဆၣ်အဝဲတဒိက နၣ်အဝဲသ့ၣ်ဘၣ်. အဝဲစံးဘၣ်အဝဲသ့ၣ်, “ယမ့ၢ်ပှၤယူဒၤဖိ တဂၤလီၤ. ယတီၤလီၤလၢစီၤဟၤမၣ်အမဲာ်ညါတသ့ဘၣ်.” လၢတၢ်န့ၣ်အဃိအဝဲသ့ၣ်တဲဘၣ်စီၤဟၤမၣ်လၢတၢ်ဂ့ၢ်အံၤ, ဒ်သိးကသ့ၣ်ညါဘၣ်ဝဲလၢမ့ၢ်စီၤမၢ်ဒကဲၤအိၣ်ဂၢၢ်ကျၢၤလၢအတၢ် ကတိၤဧါ, မ့တမ့ၢ်တအိၣ်ဂၢၢ်ကျၢၤလၢအတၢ်ကတိၤဘၣ်လဲၣ်န့ၣ်လီၤ.

လံာ်နီၢ်အ့ၤစတၢ် 5:9

တုၤစီၤဟၤမၣ်အီၣ်တၢ်ဝံၤဒီးဟးထီၣ်န့ၣ်အသူၣ်ခုသးခုဒီးအသူၣ် မုာ်သးမုာ်ဝဲဒၣ်လီၤ. ဘၣ်ဆၣ်ဒီးတုၤအထံၣ်စီၤမၢ်ဒကဲၤလၢနီအကျဲစၢၤ, ဒီးဖဲစီၤမၢ်ဒကဲၤတဂဲၤဆၢထၢၣ်မ့ၢ်ဂ့ၤ, တပာ်ဖျါထီၣ်တၢ်ပနီၣ် လၢအဟ့ၣ်အီၤတၢ်ယူးယီၣ်မ့ၢ်ဂ့ၤဖဲအဝဲက့ၤခီပတာ်ဘၣ်န့ၣ်အသး ထီၣ်ဘၣ်စီၤမၢ်ဒကဲၤန့ၣ်လီၤ.

လံာ်စီၤယိၤဘး 5:2

တၢ်မၤကိၢ်မၤဂီၤလီၤနသးတုၤနသံလၢတၢ်သူၣ်ဒိၣ်သးဖျိး အဃိန့ၣ်ကမ့ၢ်တၢ်မၢးဒီးတၢ်သးတဆးအတၢ်မၤလီၤ.

စံးထီၣ်ပတြၢၤ 37:12

ပှၤအၢပှၤသီကူၣ်ထီဒါပှၤအဂ့ၤအဝါ ဒီးအ့ၣ်စဃံးအမဲလၢအီၤလီၤ.

တၢ်ကတိၤဒိ. 12:16

ဖဲပှၤဟးဂီၤဖိအသးဘၣ်တံာ်တာ်န့ၣ်, လီၣ်ဖျါထီၣ်ဝဲချ့သဒံး လီၤ. မ့မ့ၢ်ပှၤလၢအအိၣ်ဒီးတၢ်သ့ၣ်ညါနၢ်ပၢၢ်တဖၣ်န့ၣ်, ကွၢ်ကပာ်ကွံာ်တၢ်ကတိၤဒုၣ်ဒွဲၣ်တမံၤလီၤ.

တၢ်ကတိၤဒိ. 19:19

ပှၤတဂၤဂၤမ့ၢ်အိၣ်ဒီးတၢ်သးထီၣ်ကဲၤတမံၤန့ၣ်, မ်အတူၢ်တၢ်အဘူးအလဲတဖၣ်န့ၣ်တက့ၢ်. နမ့ၢ်ထုးထီၣ်ကွံာ်အီၤလၢ တၢ်ကီတၢ်ခဲအပူၤတဘျီဒီးနကဘၣ်မၤကဒီးအီၤတဘျီန့ၣ်လီၤ.

တၢ်ကတိၤဒိ. 21:24

ဒုးနဲၣ်ယၤပှၤလၢအပာ်ထီၣ်ထီအသးတဂၤန့ၣ်တက့ၢ်, ဒီးယကဒုးနဲၣ်နၤပှၤတဂၤလၢအပာ်အသးကဖိလိ, ပာ်ထီၣ်ထီအသးဒီးတကွၢ်ဆိကမိၣ်တၢ်လၢပှၤဂၤနီတဂၤအဂီၢ်န့ၣ် လီၤ.

လံာ်ပှၤစံၣ်တဲၤတဲလီၤတၢ် 10:6

ပှၤအသူၣ်တထံသးတဆးတဖၣ်ဘၣ်တၢ်ဟ့ၣ်လီၤအီၤလၢတၢ်စိကမီၤ အလီၢ်အလၤတဖၣ်, ဖဲပှၤထူးပှၤတီၤတဖၣ်ဘၣ်တၢ်ကွၢ်ကပာ်ကွံာ်အီၤ န့ၣ်လီၤ.

လံာ်ဒၤနံးယ့လး 3:19

တုၤနုၤတစုစီၤပၤနဘူၤကးန့စၢ်အသးဖျိးထီၣ်ဝဲဒိၣ်ဒိၣ်ကလဲာ် ဒီးအမဲာ်သၣ်ထီၣ်ဂီၤဝဲဒၣ်လၢတၢ်သးဒိၣ်ဘၣ်စီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤအဃိန့ၣ်လီၤ. ဒီးဟ့ၣ်လီၤအကလုၢ်လၢဖၣ်က ပူၤမ့ၣ်အူကဘၣ်တၢ်မၤကဲၤထီၣ်အီၤအါန့ၢ်ဒံးအလီၢ်နွံစးန့ၣ်လီၤ.