လံာ်နီၢ်အ့ၤစတၢ် 3:2 - Sgaw Karen Common Bible

² စီၤပၤဟ့ၣ်လီၤအကလုၢ်ဒ်သိးအပဒိၣ်ပပှၢ်ခဲလၢာ်လၢအမၤ တၢ်လၢအနီပူၤကဘၣ်ပာ်ဖျါတၢ်ဟ့ၣ်တၢ် ယူးယီၣ်ဆူစီၤဟၤမၣ်ခီဖျိတၢ်တီၤလီၤကဒွံကျိာ်ဒီးတၢ်သကူး လီၤအသးလၢအမဲာ်ညါန့ၣ်လီၤ. မ့တမ့ၢ်ဘၣ်လၢစီၤမၢ်ဒကဲၤဘၣ်ဒီး, ပှၤအဂၤခဲလၢာ်မၤဝဲဒ်န့ၣ်လီၤ.

လံာ်နီၢ်အ့ၤစတၢ် 3:2 Iomraidhean Croise

လံာ်တၢ်ကဲထီၣ်အခီၣ်ထံး 41:43

စီၤပၤဟ့ၣ်လီၤအီၤလၢစီၤပၤအလ့ၣ်ကဟၣ်ခံဆိတဆိလၢကဒိးဝဲ အဂီၢ်, ဒီးပှၤဃ့ၢ်ဆိတၢ်တဖၣ်လၢစီၤပၤအလ့ၣ်ကဟၣ်မဲာ်ညါန့ၣ် ကိးထီၣ်ဝဲ, “ဟ့ၣ်ကျဲတက့ၢ်, ဟ့ၣ်ကျဲတက့ၢ်” န့ၣ်လီၤ. အန့ၣ်ဒီးစီၤယိၤသးဘၣ်တၢ်ဃုထၢပာ်လီၤအီၤဒ်ပဒိၣ် ဖးဒိၣ်လၢကီၢ်အဲၤကူပတူးဒီဘ့ၣ်အဖီခိၣ်န့ၣ်လီၤ.

လံာ်နီၢ်အ့ၤစတၢ် 2:19

အကတီၢ်ဖဲန့ၣ်, စီၤမၢ်ဒကဲၤဘၣ်တၢ်ဃုထၢပာ်လီၤအီၤလၢစီၤပၤ, လၢတၢ်ပၢဆှၢတၢ်ဖံးတၢ်မၤအဂီၢ်လီၤ.

လံာ်နီၢ်အ့ၤစတၢ် 2:21

ဖဲစီၤမၢ်ဒကဲၤမၤတၢ်လၢနီပူၤအခါန့ၣ်, စီၤဘံးကသၤနၤဒီးစီၤ တ့ရ့ၣ်, လၢအမ့ၢ်ပှၤဒ့ဒံၣ်ဖိခံဂၤလၢစီၤပၤအနီပူၤလၢ အပၢၤစီၤပၤအဒၢးအကျဲစၢၤန့ၣ်, ကူၣ်ထီၣ်ဝဲဒၣ်လၢကမၤသံ စီၤပၤအဃၤၡဝ့ရိၣ်န့ၣ်လီၤ.

လံာ်နီၢ်အ့ၤစတၢ် 2:5

ဖဲန့ၣ်လၢဝ့ၢ်ၡူၡၣ်အပူၤန့ၣ်ပှၤယူဒၤဖိစီၤ ယၤအံၢ်အဖိခွါလၢအမံၤမ့ၢ်ဝဲစီၤမၢ်ဒကဲၤအိၣ်ဝဲဒၣ်န့ၣ်လီၤ. အဝဲမ့ၢ်ပှၤဘၣ်ဃးဒီးပှၤဘံၣ်ယၤမံၣ်ဖိအဒူၣ်လၢအဟဲလီၤစၢၤ လီၤသွဲၣ်လၢစီၤၡံမံၤဒီးစီၤကံၣ်န့ၣ်လီၤ.

လံာ်နီၢ်အ့ၤစတၢ် 3:1

တၢ်န့ၣ်တဖၣ်အလီၢ်ခံ, စီၤပၤအဃၤၡဝ့ရိၣ်သုးထီထီၣ်ပှၤအကၤကးဖိ စီၤဟးမဒၤသၤအဖိခွါစီၤဟၤမၣ်အလီၢ်အလၤဆူကိတိာ်ခိၣ်ကျၢၢ်လီၤ.

လံာ်နီၢ်အ့ၤစတၢ် 3:3

စီၤပၤအပဒိၣ်ပပှၢ်တဖၣ်လၢအမၤတၢ်လၢနီပူၤသံကွၢ်စီၤမၢ်ဒကဲၤ ဘၣ်မနုၤနတဒိကနၣ်စီၤပၤအတၢ်မၤလိာ်လဲၣ်အဂ့ၢ်လီၤ.

လံာ်နီၢ်အ့ၤစတၢ် 3:5

တုၤစီၤဟၤမၣ်ထံၣ်သ့ၣ်ညါဘၣ်ဝဲလၢစီၤမၢ်ဒကဲၤတတီၤလီၤ ကဒွံကျိာ်ဒီးသကူးလီၤအသးလၢအမဲာ်ညါန့ၣ်အဝဲအသးဒိၣ် ထီၣ်ဒိၣ်ဒိၣ်ကလဲာ်လီၤ.

လံာ်နီၢ်အ့ၤစတၢ် 5:9

တုၤစီၤဟၤမၣ်အီၣ်တၢ်ဝံၤဒီးဟးထီၣ်န့ၣ်အသူၣ်ခုသးခုဒီးအသူၣ် မုာ်သးမုာ်ဝဲဒၣ်လီၤ. ဘၣ်ဆၣ်ဒီးတုၤအထံၣ်စီၤမၢ်ဒကဲၤလၢနီအကျဲစၢၤ, ဒီးဖဲစီၤမၢ်ဒကဲၤတဂဲၤဆၢထၢၣ်မ့ၢ်ဂ့ၤ, တပာ်ဖျါထီၣ်တၢ်ပနီၣ် လၢအဟ့ၣ်အီၤတၢ်ယူးယီၣ်မ့ၢ်ဂ့ၤဖဲအဝဲက့ၤခီပတာ်ဘၣ်န့ၣ်အသး ထီၣ်ဘၣ်စီၤမၢ်ဒကဲၤန့ၣ်လီၤ.

စံးထီၣ်ပတြၢၤ 15:4

အဝဲသ့ၣ်တပာ်ကဲပှၤလၢယွၤညိကွံာ်အီၤတဖၣ်ဘၣ်, ဘၣ်ဆၣ်ယူးယီၣ်ပှၤတဖၣ်လၢအပျံၤယွၤန့ၣ်လီၤ. လၢအတၢ်ဆိၣ်လီၤအသးအပူၤ, တၢ်အၢမ့ၢ်ဘၣ်က့ၤအီၤဒၣ်လဲာ်, မၤဝဲဒ်အအၢၣ်လီၤဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 17:14

ဒီးယွၤစံးဘၣ်စီၤမိၤၡ့, “ကွဲးနီၣ်တၢ်မၤနၢၤတမံၤအံၤ အဂ့ၢ်အကျိၤဒ်သိးကဘၣ်တၢ်သ့ၣ်နီၣ်အီၤတက့ၢ်. တဲဘၣ်စီၤယိၤၡူလၢယကမၤနၢၤကွံာ်ပှၤဧမၤလ့းဖိလၢာ်လၢာ်ဆ့ ဆ့န့ၣ်တက့ၢ်.”

လံာ်တၢ်ဟးထီၣ်ကွံာ် 17:16

အဝဲစံးဝဲဒၣ်, “ယူာ်ထီၣ်ထီယွၤအနီၣ်တယၢ်တက့ၢ်. ယွၤကဒုးဒံးတၢ်ထီဒါပှၤဧမၤလ့းဖိတဘိယူၢ်ဃီန့ၣ်လီၤ.”

လံာ်ဒၤနံးယ့လး 2:49

စီၤဒၤနံးယ့လးဃ့တၢ်လၢစီၤပၤဒီးစီၤပၤပာ်လီၤစီၤၡဒရး, စီၤမ့ၤၡး, ဒီးစီၤဧဘ့ၤဒနကိၤဒ်ကိတိာ်တဖၣ်လၢကီၢ်ဘၤဘူၤလိၣ်အပူၤလီၤ. မ့မ့ၢ်စီၤဒၤနံးယ့လးဆ့ၣ်နီၤဝဲဒ်ကိတိာ်ခိၣ်ကျၢၢ်အသိးလၢစီၤပၤ အနီပူၤန့ၣ်လီၤ.

လံာ်သိၣ်လီၤသီလီၤတၢ် 25:19

ဒီးလၢတၢ်န့ၣ်အဃိဖဲယွၤသုကစၢ်ယွၤဟ့ၣ်လီၤသုလၢကီၢ်န့ၣ် ဒီးဒုးပူၤဖျဲးသုလၢကယဲၢ်သုဒုၣ်ဒါတဖၣ်လၢအအိၣ်ဝးတရံးသုခဲလၢာ်ဒီး, မၤလီၤတံၢ်လၢသုကမၤသံကွံာ်ပှၤဧမၤလ့းဖိ ခဲလၢာ်န့ၣ်တက့ၢ်. တၢ်န့ၣ်မ့ၢ်ဒ်သိးပှၤသုတသ့ၣ်နီၣ်ထီၣ်က့ၤ အဝဲသ့ၣ်နီတဂၤနီတဘျီလၢၤတဂ့ၤအဂီၢ်န့ၣ်လီၤ. သးပ့ၤနီၣ်တၢ်န့ၣ်တဂ့ၤ.

ဖံလံးပံၤ 2:10

ဒ်သိး လၢတၢ်မၤလၤကပီၤယ့ၣ်ၡူးအမံၤအပူၤ, ကယဲၢ်တၢ်အိၣ်လၢမူခိၣ်, လၢဟီၣ်ခိၣ်ဒီး လၢဟီၣ်ခိၣ်လာ်တဖၣ်ကချံးလီၤအခီၣ်,

လံာ်စီၤၡမူၤအ့လးအခီၣ်ထံးတဘ့ၣ် 15:3

လဲၤဒီးဒုးပှၤဧမၤလ့းဖိတဖၣ်ဒီးမၤဟးဂီၤကွံာ်ကယဲၢ်အတၢ် ကိးမံၤလၢအအိၣ်ဒီးအဝဲသ့ၣ်တဖၣ်န့ၣ်တက့ၢ်. ပာ်တ့ၢ်တၢ်နီတမံၤတဂ့ၤ. မၤသံကွံာ်ကယဲၢ်ပှၤပိာ်ခွါကိးဂၤဒဲး, ပိာ်မုၣ်တဖၣ်, ဖိသၣ်တဖၣ်ဒီးဖိသၣ်ဆံးတဖၣ်, ဂီၤဘုၣ်ဂီၤဖံးတဖၣ်, သိတဖၣ်, ကီၤလၤအူးတဖၣ်ဒီးကသ့ၣ်ယီၤတဖၣ်တက့ၢ်.”