လံာ်နီၢ်အ့ၤစတၢ် 3:15 - Sgaw Karen Common Bible

¹⁵ လၢစီၤပၤအကလုၢ်န့ၣ်တၢ်မၤလိာ်ဘၣ်တၢ်ရၤလီၤ အီၤလၢဝ့ၢ်ခိၣ်ဝ့ၢ်ၡူၡၣ်အပူၤဒီး, ပှၤဆှၢလံာ်ဖိတဖၣ်ဆှၢလီၤတၢ်ကစီၣ်ဆူကီၢ်တဖၣ်န့ၣ်လီၤ. စီၤပၤဒီးစီၤဟၤမၣ်ဆ့ၣ်နီၤဝဲဒီးအီတၢ်, ဖဲဝ့ၢ်ၡူၡၣ်ပှဲၤဝဲဒီး တၢ်သဘံၣ်ဘုၣ်ဒီးသူၣ်ကိၢ်သးဂီၤအခါန့ၣ်လီၤ.

လံာ်နီၢ်အ့ၤစတၢ် 3:15 Iomraidhean Croise

လံာ်တၢ်ကဲထီၣ်အခီၣ်ထံး 37:25

ဖဲအဝဲသ့ၣ်အီၣ်တၢ်အခါန့ၣ်, သတူၢ်ကလာ်ထံၣ်ဃီၤပှၤယံးၡမၤဧ့လး ဖိတဖုလဲၤတၢ်လၢကီၢ်ကံးလဧးဆူကီၢ်အဲၤကူပတူးန့ၣ်လီၤ. အကီၤလၤအူးတဖၣ်ဘၣ်တၢ်ပဒၢးအီၤဒီးတၢ်နၢမူနၢဆှီတဖၣ်ဒီး စပံးသၣ်အဃ့တဖၣ်လီၤ.

လံာ်စီၤပၤအခီၣ်ထံးတဘ့ၣ် 14:27

လၢတၢ်မၤပှဲၤက့ၤတၢ်သ့ၣ်တဖၣ်န့ၣ်အလီၢ်အဂီၢ်, စီၤပၤရဃၤဘၣ်မၤကတီၤတိၢ်ဘီတဖၣ်, ဒီးဟ့ၣ်လီၤအးလီၤဝဲဆူ ပဒိၣ်ပပှၢ်တဖၣ်လၢအအိၣ်မူအိၣ်ဒါလၢတၢ်ပၢၤနီအတြဲၤဖးဒိၣ်တ ဖၣ်, အစုပူၤန့ၣ်လီၤ.

လံာ်နီၢ်အ့ၤစတၢ် 1:10

ဒီးလၢတၢ်အီၣ်တၢ်အီအမူးဖးဒိၣ်နွံနံၤတနံၤ, ဖဲစီၤပၤမုာ်လၤဝဲလၢစပံးထံအကတီၢ်အခါန့ၣ်, ကိးဃီၤပှၤဒ့ဒံၣ်ဖိနွံဂၤလၢအမ့ၢ်အနီၢ်ကစၢ်ဒၣ်ဝဲအခ့အပှၤ, စီၤမဟူမၣ်, စီၤဘံးစသၤ, စီၤဃၤရဘိနၤ, စီၤဘံးကသၤ, စီၤအဘၤကသၤ, စီၤစ့သၢ်ဒီးစီၤကၤရယၣ်တဖၣ်န့ၣ်လီၤ.

လံာ်နီၢ်အ့ၤစတၢ် 8:15

စီၤမၢ်ဒကဲၤဟးထီၣ်ဝဲလၢနီပူၤ, ကူသိးဝဲဒၣ်စီၤပၤအကူအသိး, လၢတၢ်လါဒီးတၢ်ဝါဆ့ကၤဖးထီတဘ့ၣ်လၢပှၤမၤအီၤလၢ ဖှီဝါကဆှၣ်လုးတကုာ်အိၣ်ဒီးခိၣ်သလုးထူဖးဒိၣ်လီၤ. ဝ့ၢ်ၡူၡၣ်အပှၤဝ့ၢ်ဖိကိးပသူထီၣ်လၢတၢ်သူၣ်ခုသးခုဒီး တၢ်သူၣ်ဖှံသးညီလၢကျဲတဖၣ်အပူၤလီၤ.

စံးထီၣ်ပတြၢၤ 37:7

အိၣ်ဃိကလာ်လၢယွၤအမဲာ်ညါ, ဒီးခိးအီၤလၢတၢ်ဝံသးစူၤအပူၤန့ၣ်တက့ၢ်. ဘၣ်ကိၢ်ဘၣ်ဂီၤလၢ ပှၤလၢအဘီၣ်ထီၣ်ညီထီၣ်လၢအကျဲဒၣ်ဝဲ, မ့တမ့ၢ်ပှၤလၢအမၤန့ၢ်တၢ်လၢ အတၢ်ကူၣ်အၢအဃိန့ၣ်တဂ့ၤ.

တၢ်ကတိၤဒိ. 1:16

အဂ့ၢ်ဒ်အံၤ, အဝဲသ့ၣ်တဖၣ်အခီၣ်ဃ့ၢ်ဝဲချ့ချ့ကလဲာ်ဆူတၢ် အၢတၢ်သီအပူၤလီၤ. ဒီးအိၣ်ကတဲာ်ကတီၤအသးထီဘိလၢကမၤသံတၢ်အဂီၢ်လီၤ.

တၢ်ကတိၤဒိ. 29:2

ဒုးနဲၣ်ယၤပှၤပၢတၢ်အတီအလိၤတဂၤတက့ၢ်. ဒီးယကဒုးနဲၣ်နၤပှၤဂီၢ်မုၢ်လၢအသူၣ်ဖှံသးညီတဖုလီၤ. ဒုးနဲၣ်ယၤပှၤပၢတၢ်အအၢအသီတဂၤတက့ၢ်. ဒီးယကဒုးနဲၣ်နၤပှၤဂီၢ်မုၢ်လၢအဘၣ်ကိၢ်ဘၣ်ဂီၤတဖုန့ၣ်လီၤ.

တၢ်ကတိၤဒိ. 31:4

ဒိကနၣ်ယၤတက့ၢ်စီၤလမူၤအ့လးဧၢ, စီၤပၤတဖၣ်တကြၢးအီ စပံးထံမ့ၢ်ဂ့ၤ, တကြၢးအိၣ်ဒီးသးလၢအဆၢအီသံးအီဂာ်မ့ၢ်ဂ့ၤ န့ၣ်ဘၣ်.

တၢ်ကတိၤဒိ. 4:16

ပှၤတတီတလိၤတဖၣ်န့ၣ်, မ့ၢ်တမၤကမၣ်ဘၣ်တၢ်တမံၤမံၤဒီးမံဝဲ တန့ၢ်ဘၣ်. မ့ၢ်တမၤဆါဘၣ်ပှၤတဂၤဂၤဘၣ်ဒီး, တမံဘၣ်ဝဲဘၣ်.

လံာ်ဟိၤၡ့ 7:5

လၢမုၢ်တနံၤဖဲစီၤပၤအမူးအပွဲဘၣ်န့ၣ်အဝဲသ့ၣ်ဒုးအီစီၤပၤဒီးအပဒိၣ် ပပှၢ်တဖၣ်အတၢ်ဒီးမၤမူၤအီၤလၢစပံးထံန့ၣ်လီၤ.

လံာ်ဧၤမိၣ် 6:6

သုအီစပံးထံလၢသလၢဖးဒိၣ်အပှဲၤ, ဒီးဖှူသိနၢမူအဂ့ၤကတၢၢ်, ဘၣ်ဆၣ်သုတသူၣ်အုးသးအုးဘၣ်လၢကီၢ်အံၣ်စရ့လးအတၢ်ဟးဂူာ်ဟး ဂီၤအဃိဘၣ်.

လံာ်ယိၤဟၣ် 16:20

ယစံးဘၣ်တဲဘၣ်သုတၢ်မ့ၢ်တၢ်တီ, သုကဟီၣ်သုကယၢၤဘၣ်ဆၣ်ဒီး ဟီၣ်ခိၣ်ကသးခုလီၤ. သုကသူၣ်အုးသးအုးဘၣ်ဆၣ်ဒီး သုတၢ်သူၣ်အုးသးအုးန့ၣ်, ကကဲထီၣ်ကဒါက့ၤလၢ တၢ်သူၣ်ခုသးခု န့ၣ်လီၤ.

လံာ်လီၣ်ဖျါ 11:10

ပှၤအိၣ်ဝဲဆိးဝဲလၢဟီၣ်ခိၣ်ချၢတဖၣ်ကသူၣ်ခုသးခုဝဲ လၢပှၤခံဂၤအံၤအတၢ်သံအဃိလီၤ. အဝဲသ့ၣ်ကမုာ်လၤသးခုသကိးဝဲဒီးဆှၢလီၤတၢ်ဟ့ၣ်ဆူတဂၤဒီး တဂၤအအိၣ်, မ့ၢ်လၢဝံခံဂၤအံၤဒုးအိၣ်ထီၣ်တ့ၢ်တၢ်တူၢ်ဘၣ် တၢ်နးတၢ်ဖှီၣ်အဒိၣ်အအါလၢပှၤဟီၣ်ခိၣ်ဖိတဖၣ်အဂီၢ် အဃိန့ၣ်လီၤ.