လံာ်နီၢ်အ့ၤစတၢ် 2:9 - Sgaw Karen Common Bible

⁹ ဒီးစီၤဟ့က့ၤဘၣ်သူၣ်ဘၣ်သးနီၢ်အ့ၤစတၢ်ဒီးအဝဲကွၢ်မဲာ်အီၤန့ၣ်လီၤ. စီၤဟ့က့ၤတမၤယံာ်မၤနီၣ်အသးလၢတၢ်ကွၢ်ထွဲ နီၢ်အ့ၤစတၢ်ခီဖျိတၢ်မၤဃံမၤလၤအီၤဒီးဟ့ၣ်အီၤတၢ်အီၣ်တၢ်အီ လီၤဆီန့ၣ်ဘၣ်. အဝဲဟ့ၣ်အီၤလၢတၢ်လီၢ်အဂ့ၤကတၢၢ်လၢပှၤပိာ်မုၣ်အိၣ်ဟံၣ်အပူၤ ဒီးဃုထၢလီၤဆီပိာ်မုၣ်ဖိလၢစီၤပၤအနီပူၤနွံဂၤဒ်သိးကမၤန့ၢ်အတၢ်လီၤ.

လံာ်နီၢ်အ့ၤစတၢ် 2:9 Iomraidhean Croise

လံာ်တၢ်ကဲထီၣ်အခီၣ်ထံး 39:21

ဘၣ်ဆၣ်ယွၤအိၣ်ဒီးစီၤယိၤသးဒီးဆိၣ်ဂ့ၤအီၤလီၤ. ဒီးဃိာ်ဒိၣ်ဘၣ်သူၣ်ဘၣ်သးအီၤလီၤ.

လံာ်တၢ်ကဲထီၣ်အခီၣ်ထံး 39:4

စီၤပိၤတံၤဖၢ်ဘၣ်သူၣ်ဘၣ်သးလၢအီၤဒီးဒုးကဲထီၣ်အီၤလၢ အနီၢ်ကစၢ်ဒၣ်ဝဲအတၢ်ခ့တၢ်ပှၤဒီးပာ်အီၤလၢပှၤပၢၤဘၣ်အဟံၣ်ဒီး တၢ်လၢအမ့ၢ်အတၢ်ခဲလၢာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:50

ပျၢ်လၢ်အဝဲသ့ၣ်အတၢ်ဒဲးဘးဒီးအဝဲသ့ၣ်အတၢ်ပူထီၣ်ထီဒါနၤခဲ လၢာ်, ဒီးပျဲအဝဲသ့ၣ်အဒုၣ်အဒါတဖၣ်မၤဘၣ်အီၤလၢတၢ်သူၣ်ကညီၤသး ကညီၤအပူၤန့ၣ်တက့ၢ်.

လံာ်စီၤဧ့စြၤ 7:6

စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

လံာ်စီၤနဃ့မယၤ 2:8

ဒီးယဃ့စ့ၢ်ကီးစီၤပၤလၢကကွဲးန့ၢ်ယၤလံာ်ပရၢတဘ့ၣ်ဆူပှၤ ပၢၤစီၤပၤအသ့ၣ်ပှၢ်စီၤအၤစာ်အအိၣ်ဒီးမၢအီၤလၢအကဟ့ၣ်ယၤသ့ၣ် လၢယွၤအတၢ်လုၢ်ဟံၣ်အဃၢၤတိာ်လၢအဒီသဒၢအီၤအကျဲစၢၤတဖၣ်အထူၣ် အဂီၢ်, ဒီးလၢဝ့ၢ်အခိၣ်ဒူအဂီၢ်ဒီးလၢဟံၣ်လၢယကအိၣ်အဂီၢ်န့ၣ်လီၤ. ဒီးစီၤပၤဟ့ၣ်ယၤကယဲၢ်တၢ်လၢယဃ့ယဲခဲလၢာ်မ့ၢ်လၢကစၢ်ယွၤ အိၣ်ဒီးယၤအဃိန့ၣ်လီၤ.

လံာ်နီၢ်အ့ၤစတၢ် 2:12

မုၣ်လိၤဘိတဖၣ်ဘၣ်တၢ်မၤဃံမၤလၤအီၤဒ်အညီနုၢ်အသိးယံာ် ဝဲတနံၣ်ဒ်အမ့ၢ်တၢ်ဖှူအီၤလၢမူရၣ်ဃုလါဒီးသိနၢမူအဂၤ ဃုလါန့ၣ်လီၤ. တၢ်န့ၣ်ဝံၤအလီၢ်ခံ, တၢ်ဆှၢအဝဲသ့ၣ်တဂၤဘၣ်တဂၤဆူစီၤပၤအဃၤ ၡဝ့ရိၣ်အအိၣ်လၢအကတီၢ်ဒၣ်ဝဲန့ၣ်လီၤ.

လံာ်နီၢ်အ့ၤစတၢ် 2:3

ဒီးမ်စီၤပၤဃုထၢပဒိၣ်ဖးဒိၣ်တဖၣ်လၢကီၢ် တဘ့ၣ်ဘၣ်တဘ့ၣ်လၢဘီမုၢ်အပူၤဒီးမၤလိာ်အဝဲသ့ၣ် ဒ်သိးကဟဲကိးမုၣ်လိၤဘိလၢအက့ၢ်အဂီၤဂ့ၤခဲလၢာ်ဆူပိာ်မုၣ် အဟံၣ်ဖဲဝ့ၢ်ခိၣ်ဝ့ၢ်ၡူၡၣ်အပူၤန့ၣ်တက့ၢ်. ပာ်အဝဲသ့ၣ်လၢပှၤဒ့ဒံၣ်ဖိ စီၤဟ့က့ၤလၢအကွၢ်ထွဲပှၤပိာ်မုၣ်တဖၣ်အစုပူၤ, ဒီးမ်ပှၤမၤဃံမၤလၤအီၤန့ၣ်တက့ၢ်.

လံာ်နီၢ်အ့ၤစတၢ် 5:2

တုၤစီၤပၤထံၣ်ဘၣ်နီၢ်ပၤမုၣ်အ့ၤစတၢ်ဆၢထၢၣ်ဖဲတၢ်ချၢန့ၣ်, အဝဲကွၢ်မဲာ်အီၤဒီးယူာ်ဃီၤအနီၣ်ထိးထူဆူအအိၣ်န့ၣ်လီၤ. နီၢ်အ့ၤစတၢ်ဟဲနုာ်ဒီးထိးနီၣ်ထိးထူအခိၣ်န့ၣ်လီၤ.

စံးထီၣ်ပတြၢၤ 106:46

အဝဲထိးဘၣ်ပှၤမၤနးမၤဖှီၣ် အဝဲသ့ၣ်တဖၣ်အသး ဒ်သိးကသးကညီၤက့ၤအဝဲသ့ၣ်န့ၣ်လီၤ.

တၢ်ကတိၤဒိ. 16:7

တုၤနမၤတၢ်ဘၣ်ယွၤအသးဒီး, နဒုးကဲထီၣ်နဒုၣ်နဒါတဖၣ်လၢနတံၤ သကိးသ့လီၤ.

လံာ်ဒၤနံးယ့လး 1:9

ဒီးကစၢ်ယွၤမၤတ့ၢ်ဝဲဒ်သိးစီၤအၤၡပနးကသူၣ်အိၣ်သးအိၣ် စီၤဒၤနံးယ့လးန့ၣ်လီၤ.

မၤတၢ် 7:10

ဒီးမၤပူၤမၤဖျဲးအီၤတဘျီလၢ်လၢ်ဖဲအဘၣ်တၢ်ကီတၢ်ခဲ အကတီၢ်န့ၣ်လီၤ. တုၤအလဲၤထီၣ်ဘၣ်လၢကီၢ်အဲၤကူပတူးအစီၤပၤဖၤရိၤအမဲာ် ညါဒီး, ကစၢ်ယွၤဟ့ၣ်အီၤတၢ်ပာ်သူၣ်ပာ်သးဒီးတၢ်ကူၣ်သ့ကူၣ် ဘၣ်လၢအထုးန့ၢ်စီၤပၤဖၤရိၤအသးသတးဒီး, စီၤပၤန့ၣ်ဒုးကဲထီၣ်အီၤလၢပဒိၣ်ပၢတၢ်လၢကီၢ်အဲၤကူပတူး အဖီခိၣ်, ဒီးလၢအနူၢ်အစီၤအဖီခိၣ်န့ၣ်လီၤ.