လံာ်နီၢ်အ့ၤစတၢ် 2:7 - Sgaw Karen Common Bible

⁷ အဝဲဒၣ်န့ၣ်အိၣ်ဒီးအတခွါမုၣ်တဂၤ, နီၢ်အ့ၤစတၢ်, လၢအမံၤလၢဧ့ၤဘြံၤ အကျိာ်မ့ၢ်ဝဲနီၢ်ဟဒးစၤဒီး မ့ၢ်မုၣ်လိၤဘိဃံလၤတဂၤန့ၣ်လီၤ. ဖဲအမိၢ်အပၢ်သံသဒၣ်ကွံာ်အီၤန့ၣ်, စီၤမၢ်ဒကဲၤလုၢ်ဖိက့ၤအီၤဒီးလုၢ်ဒိၣ်ထီၣ်အီၤဒ်အဖိမုၣ်ဒၣ်ဝဲ အသိးန့ၣ်လီၤ.

လံာ်နီၢ်အ့ၤစတၢ် 2:7 Iomraidhean Croise

လံာ်တၢ်ကဲထီၣ်အခီၣ်ထံး 48:5

စီၤယၤကိာ်စံးကဒီးဝဲ, “စီၤယိၤသးဧၢ, နဖိခွါခံဂၤလၢအအိၣ်ဖျဲၣ်ထီၣ်လၢနဂီၢ်လၢကီၢ်အဲၤကူပတူးအ ပူၤ, တချုးယဟဲဒံးဘၣ်ဖဲအံၤန့ၣ်ဘၣ်ဃးဒီးယၤလီၤ. စီၤအ့ဖရဲၣ်ဒီးစီၤမနၤၡ့ၤတဖၣ်န့ၣ်, မ့ၢ်စ့ၢ်ကီးယဖိခွါတဖၣ် ဒ်စီၤရူၤဘ့ၣ်ဒီးစီၤစူၤမ့းအိၣ်အသိးန့ၣ်လီၤ.

လံာ်နီၢ်အ့ၤစတၢ် 1:11

စီၤပၤမၤလိာ်အဝဲသ့ၣ်ဒ်သိးအကဟဲကိးန့ၢ်အီၤနီၢ်ပၤမုၣ်ဝးၡတံၤ, အိၣ်ဒီးနီၢ်ပၤမုၣ်အခိၣ်သလုးလၢအခိၣ်လိၤလီၤ. နီၢ်ပၤမုၣ်မ့ၢ်ပိာ်မုၣ်လၢအဃံလၤဝဲဒီးစီၤပၤသးအိၣ်ပာ်ဖျါထီၣ် အတၢ်ဃံတၢ်လၤဆူပဒိၣ်ဖးဒိၣ်တဖၣ်ဒီးအပှၤတမှံၤတပျီၤခဲလၢာ် န့ၣ်လီၤ.

လံာ်နီၢ်အ့ၤစတၢ် 2:15

ဒီးတၢ်ဆၢကတီၢ်ဘၣ်ဝဲလၢနီၢ်အ့ၤစတၢ်အဂီၢ်, လၢကလဲၤဆူစီၤပၤအအိၣ်လီၤ. နီၢ်အ့ၤစတၢ်မ့ၢ်, စီၤအဘံဃယ့းလးအဖိမုၣ်ဒီးစီၤမၢ်ဒကဲၤအတခွါမုၣ်လၢအ ကွၢ်လုၢ်ဖိက့ၤဝဲဒ်အဖိမုၣ်အသိးန့ၣ်လီၤ. ပှၤတဂၤလၢ်လၢ်လၢအထံၣ်ဘၣ်နီၢ်အ့ၤစတၢ်န့ၣ်, ဘၣ်သူၣ်ဘၣ်သးအီၤလီၤ. ဖဲအဝဲအကတီၢ်တုၤဃီၤန့ၣ်, အဝဲကူသိးဒၣ်တၢ်ဒ်ပှၤဒ့ဒံၣ်ဖိလၢအကွၢ်ထွဲပှၤပိာ်မုၣ်အိၣ်ဟံၣ်, စီၤဟ့က့ၤဟ့ၣ်ကူၣ်အီၤအသိးန့ၣ်လီၤ.

လံာ်နီၢ်အ့ၤစတၢ် 2:20

မ့မ့ၢ်နီၢ်အ့ၤစတၢ်တဒုးသ့ၣ်ညါဒံးအသးလၢအမ့ၢ်ပှၤယူဒၤဖိဘၣ်. အအံၤမ့ၢ်စီၤမၢ်ဒကဲၤတဲဘၣ်အီၤလၢအသုတစံးဘၣ်ပှၤနီတဂၤတဂ့ၤ, ဒီးအဝဲဒိကနၣ်ဝဲ, ဒ်အဝဲဒိကနၣ်တ့ၢ်အီၤဖဲအမ့ၢ်ဒံးဖိသၣ်ပိာ် မုၣ်ဖိတဂၤလၢအအိၣ်လၢအတၢ်အံးထွဲကွၢ်ထွဲအဆၢ ကတီၢ်အခါအသိးန့ၣ်လီၤ.

လံာ်နီၢ်အ့ၤစတၢ် 8:1

ဒီးလၢမုၢ်တနံၤဃီန့ၣ်, စီၤပၤအဃၤၡဝ့ရိၣ်ဟ့ၣ်ကွံာ်, ပှၤယူဒၤဖိတဖၣ်အဒုၣ်အဒါစီၤဟၤမၣ်, အတၢ်စုလီၢ်ခီၣ်ခိၣ်ခဲလၢာ်ဆူနီၢ်ပၤမုၣ်အ့ၤစတၢ်အအိၣ်လီၤ. နီၢ်အ့ၤစတၢ်တဲဘၣ်စီၤပၤလၢစီၤမၢ်ဒကဲၤမ့ၢ်ပှၤဒီဘူးဒီတံၢ်ဒီးအီၤ, ဒီးစးထီၣ်ဖဲန့ၣ်, စီၤမၢ်ဒကဲၤမၤန့ၢ်တၢ်အခွဲးအယာ် လၢကလဲၤနုာ်ဆူစီၤပၤအမဲာ်ညါလီၤ.

လံာ်စီၤယိၤဘး 31:17

ဒီးယတပျဲပှၤဖိၣ်ဃဲတဖၣ်သၣ်ဝံၤလီၤဒိဖဲယအီၣ်တၢ်အခါန့ၣ်ဘၣ်.

လံာ်စီၤယိၤဘး 31:18

ယအံးထွဲကွၢ်ထွဲပှၤဖိၣ်ဃဲတဖၣ်ဒ်ပၢ်တဂၤအသိးတစိၤဒၣ်ယၤ ဒီးပၢဆှၢတ့ၢ်ပှၤမုၣ်ကမဲတဖၣ်လၢယအိၣ်ဖျဲၣ်ထီၣ်လံၤလံၤန့ၣ်လီၤ.

၂ ကရံၣ်သူး 6:18

ယကမ့ၢ်ပၢ်တဂၤလၢသုဂီၢ် ဒီးသုကမ့ၢ်ယဖိခွါဒီးယဖိမုၣ်တဖၣ်လီၤ. သ့တၢ်လၢာ်ကစၢ်စံးဝဲဒၣ်”

အ့းဖ့းစူး 6:4

မိၢ်ပၢ်သ့ၣ်ဧၢ, တဘၣ်မၤတုၤဒၣ်လဲာ်သုဖိကသးဒိၣ်ထီၣ်တဂ့ၤ. မ့မ့ၢ်လုၢ်ဒိၣ်ထီၣ်အဝဲသ့ၣ်လၢကစၢ်အတၢ်သိၣ်တၢ်သီဒီးအကျဲ အကပိၤအပူၤန့ၣ်တက့ၢ်.

၁ ယိၤဟၣ် 3:1

ပၢ်ကစၢ်အဲၣ်တ့ၢ်ပှၤထဲထဲလဲၣ်န့ၣ်, ကွၢ်တက့ၢ်. အတၢ်အဲၣ်အံၤဒိၣ်ဝဲတုၤဒၣ်လဲာ်ပဘၣ်တၢ်ကိးပှၤလၢ ကစၢ်ယွၤအဖိတဖၣ်ဒီးပမ့ၢ်တၢ်အဝဲန့ၣ်န့ၣ်လီၤ. လၢတၢ်အံၤအဃိ, ဟီၣ်ခိၣ်တသ့ၣ်ညါပှၤဘၣ်, အဂ့ၢ်မ့ၢ်လၢတသ့ၣ်ညါကစၢ်ယွၤအဃိလီၤ.