လံာ်နီၢ်အ့ၤစတၢ် 2:5 - Sgaw Karen Common Bible

⁵ ဖဲန့ၣ်လၢဝ့ၢ်ၡူၡၣ်အပူၤန့ၣ်ပှၤယူဒၤဖိစီၤ ယၤအံၢ်အဖိခွါလၢအမံၤမ့ၢ်ဝဲစီၤမၢ်ဒကဲၤအိၣ်ဝဲဒၣ်န့ၣ်လီၤ. အဝဲမ့ၢ်ပှၤဘၣ်ဃးဒီးပှၤဘံၣ်ယၤမံၣ်ဖိအဒူၣ်လၢအဟဲလီၤစၢၤ လီၤသွဲၣ်လၢစီၤၡံမံၤဒီးစီၤကံၣ်န့ၣ်လီၤ.

လံာ်နီၢ်အ့ၤစတၢ် 2:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:5

ဖဲစီၤပၤစီၤဒၤဝံးဟဲတုၤဝဲလၢဝ့ၢ်ဘၤဃူရံၣ်န့ၣ်, ပှၤလၢစီၤစီလူးအဘူးအတံၢ်အကျါတဂၤ, လၢအမ့ၢ်စီၤကရၤအဖိခွါ စီၤၡံမံၤဟဲထီၣ်လၢသဂၢၢ်အီၤအဂီၢ်ဒီးဆိၣ်အၢအီၤဖဲအဟဲ ထီၣ်ဝဲအခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:12

ဒီးစီၤပၤယဟိၤယါခံၣ်ဃုာ်ဒီးအဝဲအမိၢ်, အဝဲအဖိခွါတဖၣ်, သုးခိၣ်သုးနၢ်တဖၣ်, ဒီးပဒိၣ်ပပှၢ်လၢနူၢ်ပူၤစီၤပူၤတဖၣ်ဟ့ၣ် လီၤအသးဆူပှၤဘၤဘူၤလိၣ်ဖိတဖၣ်အစုပူၤန့ၣ်လီၤ. ဖဲစီၤပၤနဘူၤကးန့စၢ်ပၢတၢ်ဃိးနံၣ်တနံၣ်အပူၤန့ၣ်အဝဲစိာ် ထီၣ်ကွံာ်ဝဲစီၤယဟိၤယါခံၣ်ဒ်ပှၤဘၣ်စၢဃာ်အသိး,

လံာ်စီၤပၤခံဘ့ၣ်တဘ့ၣ် 24:15

စီၤနဘူၤကးန့စၢ်က့ၤကိးကွံာ်စီၤယဟိယါခံၣ်ဆူဝ့ၢ်ဘၤဘူၤ လိၣ်ဒ်ပှၤဘၣ်တၢ်စၢဃာ်တဂၤအသိး, ဃုာ်ဒီးစီၤယဟိၤယါခံၣ်အမိၢ်, အမါတဖၣ်, အပဒိၣ်ပပှၢ်တဖၣ်ဒီးပှၤတူၢ်ဒိၣ်ကီၤဒိၣ်တဖၣ်လၢကီၢ်ယူ ဒၤအပူၤန့ၣ်လီၤ.

လံာ်နီၢ်အ့ၤစတၢ် 10:3

ပှၤယူဒၤဖိစီၤမၢ်ဒကဲၤအိၣ်လၢလီၢ်လၤခံတီၤတတီၤဖဲ စီၤပၤအဃၤၡဝ့ရိၣ်အကစၢ်ဒၣ်ဝဲအဖီလာ်န့ၣ်လီၤ. အဝဲဘၣ်တၢ်ယူးယီၣ်တ့ၢ်ဒီးဘၣ်သူၣ်ဘၣ်သးတ့ၢ်အီၤလၢအပှၤယူဒၤ ဖိကဒဲကဒဲဒီးအီၤတဖၣ်လီၤ. အဝဲမၤတ့ၢ်တၢ်အဂ့ၤလၢအပှၤဂီၢ်မုၢ်အဂီၢ်ဒီးလၢကယဲၢ်အစၢၤ အသွဲၣ်တဖၣ်အတၢ်ဘံၣ်တၢ်ဘၢအဂီၢ်န့ၣ်လီၤ.

လံာ်နီၢ်အ့ၤစတၢ် 2:3

ဒီးမ်စီၤပၤဃုထၢပဒိၣ်ဖးဒိၣ်တဖၣ်လၢကီၢ် တဘ့ၣ်ဘၣ်တဘ့ၣ်လၢဘီမုၢ်အပူၤဒီးမၤလိာ်အဝဲသ့ၣ် ဒ်သိးကဟဲကိးမုၣ်လိၤဘိလၢအက့ၢ်အဂီၤဂ့ၤခဲလၢာ်ဆူပိာ်မုၣ် အဟံၣ်ဖဲဝ့ၢ်ခိၣ်ဝ့ၢ်ၡူၡၣ်အပူၤန့ၣ်တက့ၢ်. ပာ်အဝဲသ့ၣ်လၢပှၤဒ့ဒံၣ်ဖိ စီၤဟ့က့ၤလၢအကွၢ်ထွဲပှၤပိာ်မုၣ်တဖၣ်အစုပူၤ, ဒီးမ်ပှၤမၤဃံမၤလၤအီၤန့ၣ်တက့ၢ်.

လံာ်နီၢ်အ့ၤစတၢ် 2:4

တုၤနုၤတစု, ဟံးန့ၢ်မုၣ်လိၤဘိလၢနဘၣ်သူၣ်ဘၣ်သးအဒိၣ်က တၢၢ်တဂၤ, ဒီးဒုးကဲထီၣ်အီၤလၢနီၢ်ပၤမုၣ်, လၢနီၢ်ဝးၡတံၤ အလီၢ်တက့ၢ်.” စီၤပၤဆိကမိၣ်လၢတၢ်ဟ့ၣ်ကူၣ်အံၤမ့ၢ်တၢ်လၢအဂ့ၤသတးဒီးမၤ ထွဲဝဲဒၣ်န့ၣ်လီၤ.

လံာ်နီၢ်အ့ၤစတၢ် 5:1

လၢနီၢ်အ့ၤစတၢ်ဒုၣ်တၢ်အီၣ်တၢ်အီသၢနံၤတနံၤန့ၣ်, အဝဲကူထီၣ်သိးထီၣ်နီၢ်ပၤမုၣ်အကူအသိးဒီးလဲၤနုာ် ဒီးဆၢထၢၣ်လၢနီအဂၢၤအခၢၣ်သးဒၢးတဒၢးအပူၤလၢ အအိၣ်သဃီၤဒီးစီၤပၤအလီၢ်ပစိာ်အဒၢးအမဲာ်ညါန့ၣ်လီၤ. စီၤပၤဆ့ၣ်နီၤဝဲလၢအလီၢ်ပစိာ်အဖီခိၣ်လၢအအိၣ်သဃီၤဒီးကျဲ စၢၤဟဲနုာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:1

ပှၤအိၣ်ဝဲတဂၤလၢအမ့ၢ်ပှၤထူးပှၤတီၤဒီးမ့ၢ်ပှၤအစိကမီၤအိၣ် လၢပှၤဂၤအဖီခိၣ်ဒီးအမံၤမ့ၢ်ဝဲ စီၤကံၣ်လၢစီၤဘံၣ်ယၤမံၣ်အဒူၣ်ပူၤန့ၣ်လီၤ. အဝဲမ့ၢ်စီၤစရိာ်အလံၤခွါ, စီၤအဘိၤအ့လးအဖိခွါ, ဒီးဘၣ်ထွဲဒီးစီၤအဖံၤအဒူၣ်ထၢအကျါဒူၣ်ထၢဖိတဒူၣ်လၢအမ့ၢ်စီၤဘကိရး အဟံၣ်ဖိဃီဖိန့ၣ်လီၤ.