လံာ်နီၢ်အ့ၤစတၢ် 2:3 - Sgaw Karen Common Bible

³ ဒီးမ်စီၤပၤဃုထၢပဒိၣ်ဖးဒိၣ်တဖၣ်လၢကီၢ် တဘ့ၣ်ဘၣ်တဘ့ၣ်လၢဘီမုၢ်အပူၤဒီးမၤလိာ်အဝဲသ့ၣ် ဒ်သိးကဟဲကိးမုၣ်လိၤဘိလၢအက့ၢ်အဂီၤဂ့ၤခဲလၢာ်ဆူပိာ်မုၣ် အဟံၣ်ဖဲဝ့ၢ်ခိၣ်ဝ့ၢ်ၡူၡၣ်အပူၤန့ၣ်တက့ၢ်. ပာ်အဝဲသ့ၣ်လၢပှၤဒ့ဒံၣ်ဖိ စီၤဟ့က့ၤလၢအကွၢ်ထွဲပှၤပိာ်မုၣ်တဖၣ်အစုပူၤ, ဒီးမ်ပှၤမၤဃံမၤလၤအီၤန့ၣ်တက့ၢ်.

လံာ်နီၢ်အ့ၤစတၢ် 2:3 Iomraidhean Croise

လံာ်နီၢ်အ့ၤစတၢ် 2:19

အကတီၢ်ဖဲန့ၣ်, စီၤမၢ်ဒကဲၤဘၣ်တၢ်ဃုထၢပာ်လီၤအီၤလၢစီၤပၤ, လၢတၢ်ပၢဆှၢတၢ်ဖံးတၢ်မၤအဂီၢ်လီၤ.

လံာ်နီၢ်အ့ၤစတၢ် 2:4

တုၤနုၤတစု, ဟံးန့ၢ်မုၣ်လိၤဘိလၢနဘၣ်သူၣ်ဘၣ်သးအဒိၣ်က တၢၢ်တဂၤ, ဒီးဒုးကဲထီၣ်အီၤလၢနီၢ်ပၤမုၣ်, လၢနီၢ်ဝးၡတံၤ အလီၢ်တက့ၢ်.” စီၤပၤဆိကမိၣ်လၢတၢ်ဟ့ၣ်ကူၣ်အံၤမ့ၢ်တၢ်လၢအဂ့ၤသတးဒီးမၤ ထွဲဝဲဒၣ်န့ၣ်လီၤ.

လံာ်နီၢ်အ့ၤစတၢ် 2:5

ဖဲန့ၣ်လၢဝ့ၢ်ၡူၡၣ်အပူၤန့ၣ်ပှၤယူဒၤဖိစီၤ ယၤအံၢ်အဖိခွါလၢအမံၤမ့ၢ်ဝဲစီၤမၢ်ဒကဲၤအိၣ်ဝဲဒၣ်န့ၣ်လီၤ. အဝဲမ့ၢ်ပှၤဘၣ်ဃးဒီးပှၤဘံၣ်ယၤမံၣ်ဖိအဒူၣ်လၢအဟဲလီၤစၢၤ လီၤသွဲၣ်လၢစီၤၡံမံၤဒီးစီၤကံၣ်န့ၣ်လီၤ.