လံာ်နီၢ်အ့ၤစတၢ် 2:23 - Sgaw Karen Common Bible

²³ တၢ်လူၤဃုသ့ၣ်ညါတၢ်ဂ့ၢ်တမံၤအံၤ, ဒီးတၢ်ထံၣ်လၢအမ့ၢ်ဝဲတီဝဲ အဃိဒီးပှၤခံဂၤလိာ်အံၤဘၣ်တၢ်စၢသံကွံာ် အီၤလၢတၢ်စၢသံအလီၢ်န့ၣ်လီၤ. ဒီးစီၤပၤမၤလိာ်ဝဲဒၣ်လၢတၢ် မၤအသးတမံၤအံၤကဘၣ်တၢ်ကွဲးနီၣ်အီၤလၢဘီမုၢ်အလံာ် ကွဲးနီၣ်တၢ်အပူၤန့ၣ်လီၤ.

လံာ်နီၢ်အ့ၤစတၢ် 2:23 Iomraidhean Croise

လံာ်တၢ်ကဲထီၣ်အခီၣ်ထံး 40:19

လၢသၢသီအတီၢ်ပူၤန့ၣ်, စီၤပၤကမၤထူၣ်ဖျဲးနၤဒီးကဒီၣ်တဲာ် ကွံာ်နခိၣ်လီၤ. ဒီးကဘျးလီၤစဲၤနနီၢ်ခိလၢထူၣ်တထူၣ်အလိၤဒီးထိၣ်တဖၣ်ကအီၣ် ကွံာ်နဖံးနညၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 40:22

မ့မ့ၢ်မၤသံကွံာ်ပှၤကုၢ်ကိၣ်အဒိၣ်န့ၣ်လီၤ. ဒီးတၢ်ခဲလၢာ်မၤအသးဒ်စီၤယိၤသးစံးတ့ၢ်ဝဲအသိးန့ၣ်လီၤ.

လံာ်စီၤဧ့စြၤ 4:15

နကဟ့ၣ်လီၤနကလုၢ်လၢပှၤကဃုထံၣ်န့ၢ်က့ၤတၢ်ကွဲးနီၣ်တဖၣ်လၢ နမိၢ်ပၢ်ဖံဖုလၢပျၢၤတဖၣ်ပာ်ကီၤတ့ၢ်အီၤန့ၣ်လီၤ. နမ့ၢ်မၤဒီးနကထံၣ်ဘၣ်လၢဝ့ၢ်အံၤထီဘိပူထီၣ်လီထီၣ်တၢ်ဒီး စးထီၣ်လၢပျၢၤလၢသီလံၤလံၤန့ၣ်, ဟ့ၣ်တ့ၢ်လံတၢ်ကီတၢ်ခဲဆူ စီၤပၤတဖၣ်ဒီးကီၢ်အပှၤပၢတၢ်တဖၣ်န့ၣ်လီၤ. ဝ့ၢ်အံၤအပှၤဂီၢ်မုၢ်မ့ၢ်ပှၤတဖၣ်လၢထီဘိတၢ်ပၢအီၤကီဒိၣ်မး လီၤ. လၢတၢ်န့ၣ်အဃိ, ဝ့ၢ်အံၤဘၣ်တၢ်မၤဟးဂီၤကွံာ်တ့ၢ်အီၤန့ၣ် လီၤ.

လံာ်နီၢ်အ့ၤစတၢ် 10:2

ကယဲၢ်တၢ်အဒိၣ်အမုၢ်ဒီးတၢ်လီၤလးတဖၣ်လၢအဝဲမၤတ့ၢ်, ဒီးဒ်န့ၣ်အသိး, တၢ်တဲဒီတယုၢ်ဘၣ်ထွဲဒီးအဝဲသုးထီထီၣ် စီၤမၢ်ဒကဲၤဆူလီၢ်လၤအထီန့ၣ်, ဘၣ်တၢ်ကွဲးနီၣ်အီၤလၢကီၢ်ပၤရၣ်ဒီးကီၢ်မၤဒဲအစီၤပၤတဖၣ် အပဒိၣ်ပပှၢ်အတၢ်ကွဲးနီၣ်တဖၣ်အပူၤန့ၣ်လီၤ.

လံာ်နီၢ်အ့ၤစတၢ် 5:14

လၢတၢ်န့ၣ်အဃိအမါဒီးအတံၤသကိးခဲလၢာ်ဟ့ၣ်ကူၣ်အီၤစံးဝဲ, “မၢပှၤသူၣ်ထီၣ်သ့ၣ်တကျီၣ်, လၢအထီဝဲအပျၢ်ယဲၢ်ဆံတက့ၢ်. ခဲမုၢ်ဆ့ၣ်ဂီၤခီ, နဃ့စီၤပၤဒ်သိးကမၢတၢ်ဘျးထီၣ်စီၤမၢ်ဒကဲၤလၢ အလိၤသ့ဝဲဒီးနကလဲၤဘၣ်ဆူတၢ်အီၣ်အမူးလၢတၢ်သူၣ်ခု သးခုအပူၤလီၤ.” စီၤဟၤမၣ်ဆိကမိၣ်လၢတၢ်အံၤမ့ၢ်တၢ်ဟ့ၣ်ကူၣ်အဂ့ၤတမံၤအဃိ, မၢပှၤဘှီထီၣ်သ့ၣ်တကျီၣ်လီၤ.

လံာ်နီၢ်အ့ၤစတၢ် 6:1

ဖဲမုၢ်တနၤဃီန့ၣ်, စီၤပၤမံတန့ၢ်ဘၣ်အဃိ, အဝဲမၤလိာ်ဝဲလၢပှၤကဟဲစိာ်န့ၢ်အီၤဘီမုၢ်အတၢ်ကွဲးနီၣ် တဖၣ်ဒီးဖးန့ၢ်အီၤန့ၣ်လီၤ.

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

လံာ်မၤလကံ 3:16

တုၤနုၤတစု, ပှၤလၢအပျံၤယွၤန့ၣ်စံးလိာ်အသးတဂၤဒီးတဂၤ, ဒီးယွၤဒိကနၣ်, ဒီးနၢ်ဟူတၢ်လၢအဝဲသ့ၣ်စံးဝဲဒၣ်န့ၣ်လီၤ. လၢအဝဲအမဲာ်ညါန့ၣ်, တၢ်ကွဲးနီၣ်အိၣ်ကွဲးလီၤအသးလၢလံာ်တဘ့ၣ် အပူၤဘၣ်ထွဲဒီးပှၤလၢအပျံၤယွၤဒီးယူးယီၣ်ပာ်ကဲအီၤန့ၣ်လီၤ.

လံာ်စီၤယိၤၡူ 8:29

ဒီးအဝဲစၢသံဝ့ၢ်ဂဲအစီၤပၤလၢသ့ၣ်တထူၣ်အလိၤဒီးပာ်အစိၣ် ဒ်န့ၣ်တုၤမုၢ်ဟါလီၤန့ၣ်လီၤ. တုၤမုၢ်လီၤနုာ်ဒီးစီၤယိၤၡူဟ့ၣ်လီၤအကလုၢ်လၢအစိၣ်ကဘၣ်တၢ်သုးကွံာ် အီၤဒီးအစိၣ်ဘၣ်တၢ်ကွံာ်လီၤကွံာ်အီၤဖဲဝ့ၢ်အတြဲၤအခီၣ်ထံး ဒီးဘၣ်တၢ်မၤဘၢအီၤလၢလၢၢ်ကိၢ်လိၢ်ဖးဒိၣ်တဖၣ်ဒီးအိၣ်ဝဲတုၤမုၢ်မဆါတနံၤအံၤန့ၣ်လီၤ.