လံာ်နီၢ်အ့ၤစတၢ် 2:18 - Sgaw Karen Common Bible

¹⁸ အန့ၣ်ဝံၤဒီး, စီၤပၤမၤတၢ်အီၣ်တၢ်အီအမူးဖးဒိၣ်တမူး လၢတၢ်မၤလၤကပီၤနီၢ်အ့ၤစတၢ်အဂီၢ်ဒီးကွဲမုာ်အပဒိၣ်တဖၣ်လီၤ. အဝဲဘိးဘၣ်သ့ၣ်ညါမုၢ်နံၤန့ၣ်ဒ်တၢ်အိၣ်ဘှံးအမုၢ်တနံၤ လၢကီၢ်ဒီဘ့ၣ်ညါအပူၤဒီး, နီၤလီၤတၢ်ဟ့ၣ်တဖၣ်ဒ်အကြၢးဝဲဒီးစီၤပၤတဂၤအသိးန့ၣ်လီၤ.

လံာ်နီၢ်အ့ၤစတၢ် 2:18 Iomraidhean Croise

လံာ်တၢ်ကဲထီၣ်အခီၣ်ထံး 29:22

ဒီးစီၤလၤဘၣ်မၤတၢ်ဖျီအမူးဒီးကွဲပှၤကိးဂၤဒဲးန့ၣ်လီၤ.

လံာ်စီၤနဃ့မယၤ 8:11

ပှၤလ့ၤဝံဖိတဖၣ်မၤဘှ့ၣ်မၤဘှီၣ်က့ၤပှၤဂီၢ်မုၢ်ဒီးတဲဘၣ် အဝဲသ့ၣ်လၢအသုတသူၣ်အုးသးအုးလၢမုၢ်နံၤစီၤဆှံတနံၤအံၤ တဂ့ၤန့ၣ်လီၤ.

လံာ်နီၢ်အ့ၤစတၢ် 1:7

တၢ်အီတဖၣ်ဘၣ်တၢ်ဟ့ၣ်အီအီၤလၢလီ ခီထူလီၤဆီလိာ်အသးတဖၣ်အပူၤ, ဒီးစီၤပၤဟ့ၣ်အီအစပံးထံလၢ တၢ်သူၣ်အိၣ်သးအိၣ်အပူၤန့ၣ်လီၤ.

လံာ်နီၢ်အ့ၤစတၢ် 9:22

မုၢ်နံၤတဖၣ်အံၤမ့ၢ်မုၢ်နံၤလၢပှၤယူဒၤဖိတဖၣ်မၤပူၤ ဖျဲးအသးလၢအဒုၣ်အဒါအတၢ်ကူၣ်အၢ, ဒီးလါအံၤမ့ၢ်လါတလါ လၢအလဲလိာ်ကွံာ်တၢ်သူၣ်အုးသးအုးဒီးတၢ်သးဟးဂီၤ, ဆူတၢ်သူၣ်ခုသးခုဒီးတၢ်သူၣ်ဖှံသးညီန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်မုၢ်နံၤတဖၣ်အံၤ, အိၣ်ဒီးတၢ်အီၣ်တၢ်အီအမူးတဖၣ်ဒီးတၢ်သူၣ်ဖှံသးညီအမူး, တၢ်ဟ့ၣ်လိာ်သကိးအသးလၢတၢ်အီၣ်တၢ် အီတဖၣ်တဂၤဒီးတဂၤဒီးဆူပှၤဖှီၣ်ဖိယာ်ဖိန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 3:11

ဝ့ၢ်စံယိၣ်အဖိမုၣ်သ့ၣ်ဧၢ, ဟဲဒီးကွၢ်စီၤပၤၡလိၤမိၤတက့ၢ်. အဝဲအိၣ်ဒီးခိၣ်သလုးလၢအမိၢ်ဒုးကုာ်ထီၣ်အီၤလၢအခိၣ်လိၤ, ဖဲအဒိးတ့ဒိးဖျီအသးအနံၤ, အမုၢ်နံၤလၢအပှဲၤဒီးတၢ်သူၣ်ခုသးခုဒီးတၢ်သူၣ်ဖှံသးညီ န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:1

ယတၢ်အဲၣ်သးဘိ, ယတလးမူးပိာ်မုၣ်ဧၢ, ယဟဲနုာ်လံလၢယတၤသၣ်ကရၢၢ်ပူၤလံန့ၣ်လီၤ. ယထၢဖှိၣ်ယသ့ၣ်နၢမူအထုးအစီတဖၣ်ဒီးမူရၣ်, ယအီၣ်ယကနဲစီဒီးကနဲခိၣ်ထံ, ယအီယစပံးထံဒီးတၢ်နုၢ်ထံန့ၣ်လီၤ. ပှၤလၢအအဲၣ်လိာ်အသးသ့ၣ်ဧၢ, အီၣ်တၢ်ဒီးအီတၢ် တုၤလီၤလၢသုမူၤလၢတၢ်အဲၣ်အဃိတက့ၢ်.

လံာ်မးသဲ 22:2

“မူခိၣ်အဘီအမုၢ်န့ၣ်မၤအသးဒ်အံၤလီၤ. တဘျီစီၤပၤတဂၤကတဲာ်ကတီၤတၢ်ဖျီအမူးလၢအဖိခွါအဂီၢ်လီၤ.

လံာ်မၢ်ကူး 6:21

လၢခံကတၢၢ်, တၢ်ဆၢကတီၢ်အဂ့ၤလၢနီၢ်ဟ့ၤရိၤဒံအဂီၢ်တုၤဃီၤ ဖဲစီၤပၤဟ့ၤရိာ်အိၣ်ဖျဲၣ်ဆၢက့ၤအမုၢ်နံၤဒီးအဝဲဒၣ်အိၣ်ဒီးတၢ်အီၣ် သကိးအီသကိးအမူးဖးဒိၣ်လၢအပဒိၣ်ပပှၢ်တဖၣ်, သုးခိၣ်သုးနၢ်တဖၣ်ဒီးကီၢ်ကၤလံၤလါအပှၤကဲခိၣ်ကဲနၢ်တဖၣ် အဂီၢ်အခါလီၤ.

လံာ်လူၤကၣ် 14:8

“ဖဲနဘၣ်တၢ်ကွဲနၤလၢပှၤတဂၤဂၤဆူတၢ်ဖျီအမူးတမူးန့ၣ်, တဘၣ်ဆ့ၣ်နီၤနဲလၢတၢ်လီၢ်အဂ့ၤကတၢၢ်တဂ့ၤ. တၢ်ကမၤဘၣ်ဖုးအသးလၢပှၤအကါဒိၣ်န့ၢ်နၤတဂၤဘၣ် တၢ်ကွဲတ့ၢ်အီၤစ့ၢ်ကီး,

လံာ်လီၣ်ဖျါ 11:10

ပှၤအိၣ်ဝဲဆိးဝဲလၢဟီၣ်ခိၣ်ချၢတဖၣ်ကသူၣ်ခုသးခုဝဲ လၢပှၤခံဂၤအံၤအတၢ်သံအဃိလီၤ. အဝဲသ့ၣ်ကမုာ်လၤသးခုသကိးဝဲဒီးဆှၢလီၤတၢ်ဟ့ၣ်ဆူတဂၤဒီး တဂၤအအိၣ်, မ့ၢ်လၢဝံခံဂၤအံၤဒုးအိၣ်ထီၣ်တ့ၢ်တၢ်တူၢ်ဘၣ် တၢ်နးတၢ်ဖှီၣ်အဒိၣ်အအါလၢပှၤဟီၣ်ခိၣ်ဖိတဖၣ်အဂီၢ် အဃိန့ၣ်လီၤ.

လံာ်လီၣ်ဖျါ 19:9

တုၤနုၤတစုကလူးန့ၣ်စံးဘၣ်ယၤ, “ကွဲးလီၤတၢ်အဝဲအံၤတက့ၢ်. ပှၤတဖၣ်လၢအဘၣ်တၢ်ကွဲတ့ၢ်လံအီၤဆူသိဖိအတၢ်တ့တၢ်ဖျီ အမူးပူၤန့ၣ်ဘၣ်ဆိၣ်ဂ့ၤဝဲဒၣ်လီၤ.” ဒီးကလူးန့ၣ်တဲအါထီၣ်ဝဲ, “တၢ်သ့ၣ်တဖၣ်အံၤမ့ၢ်ဝဲကစၢ်ယွၤအကလုၢ်ကထါအမ့ၢ်အတီ တဖၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:8

ထဲဒၣ်သံကွၢ်ကွၢ်အဝဲသ့ၣ်, ဒီးအဝဲသ့ၣ်ကတဲနၤလီၤ. ပဟဲပဝဲဒၣ်လၢမူးဖးဒိၣ်အမုၢ်တနံၤ, ဒီးစီၤဒၤဝံးဃ့ကညး နၤလၢနကတူၢ်လိာ်ပဝဲသ့ၣ်တဖၣ်လၢတၢ်သူၣ်အိၣ်သးအိၣ်လီၤ. ဝံသးစူၤဟ့ၣ်ပှၤတၢ်လၢနဟ့ၣ်နခ့နပှၤပဝဲဒၣ်ဒီးနတံၤသကိးစီၤ ဒၤဝံးသ့ဝဲဒၣ်တဖၣ်တက့ၢ်.”