လံာ်နီၢ်အ့ၤစတၢ် 2:16 - Sgaw Karen Common Bible

¹⁶ လၢတၢ်န့ၣ်အဃိ, ဖဲစီၤပၤအဃၤၡဝ့ရိၣ်ကဲထီၣ်စီၤပၤနွံနံၣ်တနံၣ်, လၢလါတဆံလါတလါ, လါတ့ဘ့းအပူၤန့ၣ်, နီၢ်အ့ၤစတၢ်ဘၣ်တၢ်လဲၤဆှၢအီၤဆူစီၤပၤ အဃၤၡဝ့ရိၣ်အအိၣ်လၢစီၤပၤအနီပူၤန့ၣ်လီၤ.

လံာ်နီၢ်အ့ၤစတၢ် 2:16 Iomraidhean Croise

လံာ်စီၤဧ့စြၤ 4:6

ဖဲစီၤပၤဖးဒိၣ်အဃၤၡဝ့ရိၣ်စးထီၣ်ပၢတၢ်န့ၣ်ပှၤဂီၢ်မုၢ်လၢ အအိၣ်ဆိးလၢကီၢ်ယူဒၤဒီးဝ့ၢ်ယရူၤၡလ့ၣ်အပူၤအဒုၣ်အဒါတဖၣ်ဟဲ စိာ်လံာ်လၢတၢ်ကွဲးပာ်တၢ်ကမၣ်ထီဒါပှၤယူဒၤဖိတဖၣ်န့ၣ်လီၤ.

လံာ်စီၤဧ့စြၤ 7:8

အဝဲသ့ၣ်ဟးထီၣ်ဝဲလၢကီၢ်ဘၤဘူၤလိၣ်ဖဲလါအခီၣ်ထံးတလါထီၣ် တသီအနံၤ, ဒီးလၢကစၢ်ယွၤအတၢ်မၤစၢၤန့ၣ်အဝဲသ့ၣ်လဲၤတုၤဃီၤဆူ ဝ့ၢ်ယရူၤၡလ့ၣ်အပူၤ, ဖဲလါယဲၢ်လါတလါထီၣ်တသီအနံၤန့ၣ်လီၤ.

လံာ်နီၢ်အ့ၤစတၢ် 2:1

တၢ်န့ၣ်တဖၣ်ဝံၤအလီၢ်ခံတုၤစီၤပၤအတၢ်သးဒိၣ်စၢ်လီၤက့ၤန့ၣ်, အဝဲသ့ၣ်နီၣ်ထီၣ်က့ၤတၢ်လၢနီၢ်ပၤမုၣ်ဝးၡတံၤမၤဝဲဒီးအဝဲ အတၢ်မၤလိာ်လၢအထီဒါအီၤအဂ့ၢ်န့ၣ်လီၤ.

လံာ်နီၢ်အ့ၤစတၢ် 2:15

ဒီးတၢ်ဆၢကတီၢ်ဘၣ်ဝဲလၢနီၢ်အ့ၤစတၢ်အဂီၢ်, လၢကလဲၤဆူစီၤပၤအအိၣ်လီၤ. နီၢ်အ့ၤစတၢ်မ့ၢ်, စီၤအဘံဃယ့းလးအဖိမုၣ်ဒီးစီၤမၢ်ဒကဲၤအတခွါမုၣ်လၢအ ကွၢ်လုၢ်ဖိက့ၤဝဲဒ်အဖိမုၣ်အသိးန့ၣ်လီၤ. ပှၤတဂၤလၢ်လၢ်လၢအထံၣ်ဘၣ်နီၢ်အ့ၤစတၢ်န့ၣ်, ဘၣ်သူၣ်ဘၣ်သးအီၤလီၤ. ဖဲအဝဲအကတီၢ်တုၤဃီၤန့ၣ်, အဝဲကူသိးဒၣ်တၢ်ဒ်ပှၤဒ့ဒံၣ်ဖိလၢအကွၢ်ထွဲပှၤပိာ်မုၣ်အိၣ်ဟံၣ်, စီၤဟ့က့ၤဟ့ၣ်ကူၣ်အီၤအသိးန့ၣ်လီၤ.

လံာ်နီၢ်အ့ၤစတၢ် 2:17

စီၤပၤဘၣ်သူၣ်ဘၣ်သး, ကွၢ်မဲာ်ဒီးအဲၣ်နီၢ်အ့ၤစတၢ်ဒိၣ်န့ၣ်ဒံး မုၣ်လိၤဘိအဂၤခဲလၢာ်လီၤ. ဒီးစီၤပၤပာ်ထီၣ်နီၢ်ပၤမုၣ်အခိၣ်သလုးလၢနီၢ်အ့ၤစတၢ်အခိၣ် လိၤဒီးဒုးကဲထီၣ်အီၤလၢနီၢ်ပၤမုၣ်လၢနီၢ်ဝးၡတံၤအလီၢ်န့ၣ်လီၤ.

လံာ်နီၢ်အ့ၤစတၢ် 2:3

ဒီးမ်စီၤပၤဃုထၢပဒိၣ်ဖးဒိၣ်တဖၣ်လၢကီၢ် တဘ့ၣ်ဘၣ်တဘ့ၣ်လၢဘီမုၢ်အပူၤဒီးမၤလိာ်အဝဲသ့ၣ် ဒ်သိးကဟဲကိးမုၣ်လိၤဘိလၢအက့ၢ်အဂီၤဂ့ၤခဲလၢာ်ဆူပိာ်မုၣ် အဟံၣ်ဖဲဝ့ၢ်ခိၣ်ဝ့ၢ်ၡူၡၣ်အပူၤန့ၣ်တက့ၢ်. ပာ်အဝဲသ့ၣ်လၢပှၤဒ့ဒံၣ်ဖိ စီၤဟ့က့ၤလၢအကွၢ်ထွဲပှၤပိာ်မုၣ်တဖၣ်အစုပူၤ, ဒီးမ်ပှၤမၤဃံမၤလၤအီၤန့ၣ်တက့ၢ်.

လံာ်နီၢ်အ့ၤစတၢ် 8:9

တၢ်အံၤမၤအသးဖဲလါသၢလါတလါ, လါစံဝၣ်ထီၣ်ခံဆံသၢသီအနံၤန့ၣ်လီၤ. စီၤမၢ်ဒကဲၤကိးန့ၢ်စီၤပၤအပှၤကွဲးလံာ်ဒိၣ်တဖၣ်, ဒီးကိးထီၣ်န့ၢ်အီၤလံာ်ပရၢတဖၣ်လၢကဘၣ်ကွဲးဝဲဆူပှၤယူဒၤဖိတဖၣ်, ဒီးဆူပဒိၣ်တဖၣ်, လၢပှၤပၢတၢ်ဆှၢတၢ်တဖၣ်ဒီးပဒိၣ်ဖးဒိၣ်တဖၣ် အအိၣ်လၢကီၢ်တကယၤခံဆံနွံဘ့ၣ်အပူၤ, စးထီၣ်လၢကီၢ်ဟံၣ်ဒူၤတုၤဆူကီၢ်ကူၤၡးန့ၣ်လီၤ. လံာ်ပရၢတဖၣ်န့ၣ်ဘၣ်တၢ်ကွဲးအီၤဆူကီၢ်တဘ့ၣ်ဘၣ်တဘ့ၣ်လၢအကျိာ် ဒၣ်ဝဲဒီးအတၢ်ကွဲးအကျိၤအကွာ်ဒၣ်ဝဲဒီးဆူပှၤယူဒၤဖိတဖၣ်အအိၣ် လၢအကျိာ်ဒီးအတၢ်ကွဲးအကျိၤအကွာ်ဒၣ်ဝဲန့ၣ်လီၤ.