လံာ်နီၢ်အ့ၤစတၢ် 2:14 - Sgaw Karen Common Bible

¹⁴ အဝဲကဘၣ်လဲၤဖဲန့ၣ်လၢမုၢ်ဟါ, ဒီးလၢမုၢ်ဆ့ၣ်ထီၣ်တနံၤန့ၣ်ကဘၣ်တၢ်ဆှၢအီၤဆူပှၤ ပိာ်မုၣ်အိၣ်ဟံၣ်အဂၤတဖျၢၣ်ဒီးပာ်အီၤလၢ, ပှၤဒ့ဒံၣ်ဖိစီၤၡၤၡကးလၢအကွၢ်ထွဲစီၤပၤအသံၣ်မါတဖၣ်, အတၢ်အံးထွဲကွၢ်ထွဲအပူၤန့ၣ်လီၤ. မ့တမ့ၢ်ဘၣ်လၢစီၤပၤဘၣ်သူၣ်ဘၣ် သးအီၤဒီးကိးအီၤလၢအမံၤဘၣ်န့ၣ်, အဝဲတလဲၤဘၣ်ကဒီးဆူစီၤပၤ အအိၣ်ဘၣ်.

လံာ်နီၢ်အ့ၤစတၢ် 2:14 Iomraidhean Croise

လံာ်တၢ်ကဲထီၣ်အခီၣ်ထံး 34:19

ဒီးစီၤၡက့ၣ်တသုးဆၢသုးကတီၢ်လၢကမၤတၢ်ဒ်အဘၣ်တၢ်ဟ့ၣ်ကူၣ်အီၤ ဘၣ်လီၤ. အဂ့ၢ်ဒ်အံၤ, အဝဲအဲၣ်လိာ်အသးဒီးစီၤယၤကိာ်အဖိမုၣ်န့ၣ်လီၤ. အဝဲဒၣ်န့ၣ်မ့ၢ်ပှၤအကါဒိၣ်ကတၢၢ်တဂၤလၢအဟံၣ်ဒူၣ်ဃီထၢအပူၤ န့ၣ်လီၤ.

လံာ်နီၢ်အ့ၤစတၢ် 2:13

ဖဲအဝဲသ့ၣ်တဂၤဘၣ်တဂၤဟးထီၣ်လၢပှၤပိာ်မုၣ်အိၣ်ဟံၣ်ဒီးလဲၤဆူနီန့ၣ်, အဝဲကူသိးတၢ်ဒ်အအဲၣ်ဒိးဝဲအသိးသ့ဝဲဒၣ်န့ၣ်လီၤ.

လံာ်နီၢ်အ့ၤစတၢ် 2:15

ဒီးတၢ်ဆၢကတီၢ်ဘၣ်ဝဲလၢနီၢ်အ့ၤစတၢ်အဂီၢ်, လၢကလဲၤဆူစီၤပၤအအိၣ်လီၤ. နီၢ်အ့ၤစတၢ်မ့ၢ်, စီၤအဘံဃယ့းလးအဖိမုၣ်ဒီးစီၤမၢ်ဒကဲၤအတခွါမုၣ်လၢအ ကွၢ်လုၢ်ဖိက့ၤဝဲဒ်အဖိမုၣ်အသိးန့ၣ်လီၤ. ပှၤတဂၤလၢ်လၢ်လၢအထံၣ်ဘၣ်နီၢ်အ့ၤစတၢ်န့ၣ်, ဘၣ်သူၣ်ဘၣ်သးအီၤလီၤ. ဖဲအဝဲအကတီၢ်တုၤဃီၤန့ၣ်, အဝဲကူသိးဒၣ်တၢ်ဒ်ပှၤဒ့ဒံၣ်ဖိလၢအကွၢ်ထွဲပှၤပိာ်မုၣ်အိၣ်ဟံၣ်, စီၤဟ့က့ၤဟ့ၣ်ကူၣ်အီၤအသိးန့ၣ်လီၤ.

လံာ်နီၢ်အ့ၤစတၢ် 4:11

ဒီးစံးဝဲဒၣ်, “ပှၤတဂၤလၢ်လၢ်, ပိာ်ခွါမ့ၢ်ဂ့ၤ, ပိာ်မုၣ်မ့ၢ်ဂ့ၤ, မ့ၢ်လဲၤနုာ်ဆူဂၢၤပူၤဒီးထံၣ်စီၤပၤတအိၣ်ဘၣ်ဒီးစီၤပၤ အတၢ်ကိးအီၤဘၣ်န့ၣ်ကဘၣ်သံလီၤ. တၢ်အံၤမ့ၢ်တၢ်သိၣ်တၢ်သီလၢပှၤကိးဂၤဒဲးစးထီၣ် လၢစီၤပၤအပှၤကူၣ်လိာ်တၢ်တဖၣ်ဒီးတုၤလၢပှၤဂီၢ်မုၢ်ခဲလၢာ် လၢဘီမူၢ်အပူၤသ့ၣ်ညါဝဲန့ၣ်လီၤ. ကျဲအိၣ်ဒၣ်ထဲတဘိဧိၤလၢတၢ်သိၣ်တၢ်သီအံၤပျဲပူၤအီၤသ့ ဝဲလၢအမ့ၢ်ဝဲဖဲစီၤပၤယူာ်ဃီၤအနီၣ်ထိးထူဆူပှၤတ ဂၤဂၤအအိၣ်န့ၣ်အဝဲအသးသမူကပူၤဖျဲးဝဲလီၤ. မ့မ့ၢ်ယဲစီၤပၤတကိးဘၣ်ယၤအိၣ်လံတလါလံန့ၣ်လီၤ.”

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယၡါယၤ 45:4

ယဃုထၢပာ်ထီၣ်နၤလၢနကမၤစၢၤယခ့ယပှၤ ကီၢ်အံၣ်စရ့လး, ပှၤဂီၢ်မုၢ်လၢယဃုထၢတ့ၢ်အီၤန့ၣ်လီၤ. နတသ့ၣ်ညါယၤဘၣ်ဆၣ်ဒီး, ယဟ့ၣ်တ့ၢ်နၤလၢတၢ်လၤကပီၤဖးဒိၣ်လီၤ.

လံာ်သိၣ်လီၤသီလီၤတၢ် 21:14

လၢခံ, သုမ့ၢ်တအဲၣ်ဒိးလၢၤအီၤဘၣ်န့ၣ်, သုကဘၣ်ပျဲ အဝဲဟးထီၣ်သဘျ့ကွံာ်န့ၣ်လီၤ. မ့ၢ်လၢသုမၤဆူၣ်အီၤလၢကမံဃုာ်ဒီးသုဝံၤလံအဃိ, သုပာ်အီၤဒ်ကုၢ်တဂၤအသိးဒီးဆါကွံာ်အီၤတသ့လၢၤဘၣ်.