လံာ်နီၢ်အ့ၤစတၢ် 1:3 - Sgaw Karen Common Bible

³ လၢအဝဲပၢတၢ်သၢနံၣ်တနံၣ်န့ၣ်, မၤတၢ်အီၣ်တၢ်အီအမူးဖးဒိၣ်တခါလၢအပဒိၣ်တဖၣ်ဒီးပှၤပၢတၢ် သ့ၣ်တဖၣ်အဂီၢ်န့ၣ်လီၤ. ကီၢ်ပၤရၣ်ဒီးကီၢ်မၤဒဲအသုးမုၢ်သံၣ်ဘိတဖၣ်, ဒီးဒ်န့ၣ်အသိးကီၢ်ဖိတဖၣ်အပဒိၣ်ဖးဒိၣ်ဒီးပှၤတူၢ်ဒိၣ်ကီၢ်ဒိၣ်တဖၣ် ဟဲဝဲစ့ၢ်ကီးန့ၣ်လီၤ.

လံာ်နီၢ်အ့ၤစတၢ် 1:3 Iomraidhean Croise

လံာ်တၢ်ကဲထီၣ်အခီၣ်ထံး 40:20

သၢသီပူၤကွံာ်ဝံၤဖဲစီၤပၤအိၣ်ဖျဲၣ်ဆၢက့ၤအမုၢ်နံၤန့ၣ် စီၤပၤအိၣ်ဒီးအတၢ်အီၣ်အမူးဖးဒိၣ်တမူးလၢအပဒိၣ်ပပှၢ်ခဲလၢာ် အဂီၢ်လီၤ. အဝဲပျၢ်ဖျဲးကွံာ်ပှၤကွၢ်ထွဲစပံးထံဒီးပှၤကုၢ်ကိၣ်အဒိၣ်ဒီး ဟဲစိာ်အဝဲသ့ၣ်ဆူအပဒိၣ်ပပှၢ်တဖၣ်အမဲာ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:15

စီၤၡလိၤမိၤမံပၢၢ်ထီၣ်ဒီးသ့ၣ်ညါဘၣ်ဝဲလၢကစၢ်ယွၤကတိၤတ့ၢ် တၢ်ဒီးအီၤလၢတၢ်မံမီၢ်အပူၤန့ၣ်လီၤ. အန့ၣ်ဝံၤဒီးအဝဲလဲၤဆူဝ့ၢ်ယရူၤၡလ့ၣ်, ဒီးဂဲၤဆၢထၢၣ်ဝဲလၢယွၤအတၢ်အၢၣ်လီၤအီလီၤအတလါစီဆှံအမဲာ်ညါ, ဒီးလုၢ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤဖိးတဖၣ်ဆူ ယွၤန့ၣ်လီၤ. အန့ၣ်ဝံၤအလီၢ်ခံ, အဝဲမၤဝဲတၢ်အီၣ်အမူးတမူး လၢကယဲၢ်အပဒိၣ်ပပှၢ်တဖၣ်အဂီၢ်န့ၣ်လီၤ.

လံာ်စီၤဧ့စြၤ 1:2

“အအံၤမ့ၢ်ကီၢ်ပၤရၣ်အစီၤပၤဖးဒိၣ်စီၤကိရ့ၣ်အတၢ်မၤလိာ်န့ၣ် လီၤ. ယွၤ, မူခိၣ်အကစၢ်ယွၤဒုးကဲတ့ၢ်လံယၤပှၤပၢဟီၣ်ခိၣ်ဒီဘ့ၣ်, ဒီးဟ့ၣ်မူဟ့ၣ်ဒါတ့ၢ်လံယၤလၢယကသူၣ်ထီၣ်တၢ်လုၢ်ဟံၣ်တဖျၢၣ်လၢ အဂီၢ်လၢဝ့ၢ်ယရူၤၡလ့ၣ်, လၢကီၢ်ယူဒၤအပူၤန့ၣ်လီၤ.

လံာ်နီၢ်အ့ၤစတၢ် 1:14

ပှၤလၢအဝဲညီနုၢ်ဃ့တၢ်ဟ့ၣ်ကူၣ်အအါကတၢၢ်မ့ၢ်ဝဲ, ကီၢ်ပၤရၣ်ဒီးကီၢ်မၤဒဲအပဒိၣ်ဖးဒိၣ်နွံဂၤလၢအမ့ၢ်စီၤကၢ်ၡနၤ, စီၤၡ့သၢ်, စီၤအၤဒမါသၤ, စီၤတၢ်ၡံၣ်, စီၤမ့ရ့း, စီၤမၢ်စနၤဒီးစီၤမမူကၣ်န့ၣ်လီၤ. အဝဲသ့ၣ်မ့ၢ်ပှၤအိၣ်ဒီးလီၢ်လၤအထီကတၢၢ်လၢဘီမုၢ်အပူၤန့ၣ်လီၤ.

လံာ်နီၢ်အ့ၤစတၢ် 1:4

ဒီးမၤတၢ်ဒုးနဲၣ်တမံၤလၢအပာ်ဖျါထီၣ်အဘီအမုၢ် အလၤကပီၤအတၢ်ထူးတၢ်တီၤဒီးအကဟုကညီၢ်လၢအယံာ်ဝဲဃု လါန့ၣ်လီၤ.

လံာ်နီၢ်အ့ၤစတၢ် 2:18

အန့ၣ်ဝံၤဒီး, စီၤပၤမၤတၢ်အီၣ်တၢ်အီအမူးဖးဒိၣ်တမူး လၢတၢ်မၤလၤကပီၤနီၢ်အ့ၤစတၢ်အဂီၢ်ဒီးကွဲမုာ်အပဒိၣ်တဖၣ်လီၤ. အဝဲဘိးဘၣ်သ့ၣ်ညါမုၢ်နံၤန့ၣ်ဒ်တၢ်အိၣ်ဘှံးအမုၢ်တနံၤ လၢကီၢ်ဒီဘ့ၣ်ညါအပူၤဒီး, နီၤလီၤတၢ်ဟ့ၣ်တဖၣ်ဒ်အကြၢးဝဲဒီးစီၤပၤတဂၤအသိးန့ၣ်လီၤ.

လံာ်နီၢ်အ့ၤစတၢ် 3:7

လၢစီၤပၤအဃၤၡဝ့ရိၣ်ပၢတၢ်တဆံခံနံၣ်တနံၣ်, လါအခီၣ် ထံးတလါလၢအမ့ၢ်လါနံစၣ်အပူၤန့ၣ်, စီၤဟၤမၣ်ဟ့ၣ်လီၤ အကလုၢ်လၢတၢ်ကတ့ၢ်လီၤတၢ်ဖးတဖၣ်လၢအဘၣ်တၢ်ကိး အီၤလၢပူရးဒ်သိးကထံၣ်န့ၢ်နံၤသီဒီးလါအကြၢးကတၢၢ် လၢကမၤဝဲအတၢ်ကူၣ်ခူသူၣ်အဂီၢ်န့ၣ်လီၤ. ဒီးတၢ်ဖးလီၤဘၣ်ဝဲလၢလါတဆံခံလါတလါလၢအမ့ၢ်လါ အးဒၢ်ထီၣ်တဆံသၢနံၤတနံၤန့ၣ်လီၤ.

လံာ်ယၡါယၤ 21:2

ယထံၣ်တ့ၢ်တၢ်ထံၣ်လၢညါခီဘၣ်ဃးတၢ်မၤအသးအၢအၢ သီသီတဖၣ်, တၢ်ထံၣ်လၢညါခီဘၣ်ဃးတၢ် ဟ့ၣ်လီၤကွံာ်ဒီးတၢ်မၤဟးဂီၤတၢ်လီၤ. ကီၢ်ဧ့ၤလၣ်အသုးမုၢ်ဧၢ, လဲၤဒုးတၢ်တက့ၢ်. ကီၢ်မၤဒဲအသုး မုၢ်ဧၢ, ကဝီၤဃာ်ဝ့ၢ်တဖၣ်န့ၣ်တက့ၢ်. ကစၢ်ယွၤကမၤကတၢၢ် ကွံာ်တၢ်နးတၢ်ဖှီၣ်လၢကီၢ်ဘၤဘူၤလိၣ်ဒုးအိၣ်ထီၣ်ဝဲန့ၣ်လီၤ.

လံာ်ယံးရမံယၤ 51:11

ယွၤထိၣ်ဂဲၤထီၣ်ကီၢ်မၤဒဲအစီၤပၤတဖၣ်အသး, မ့ၢ်လၢအဝဲတိာ်ပာ်လၢ ကမၤဟးဂီၤဘၤဘူၤလိၣ်အဃိန့ၣ်လီၤ. တၢ်န့ၣ်မ့ၢ်ကျဲလၢ အဟ့ၣ်ကၣ်က့ၤတၢ်လၢ တၢ်မၤဟးဂီၤတၢ်လုၢ်ဟံၣ်အဃိဒ်လဲၣ်န့ၣ်လီၤ. သုးခိၣ်တဖၣ်လၢ အထီၣ်ဒုးတၢ်ဟ့ၣ်လီၤအကလုၢ်စံးဝဲ, “မၤစူထီၣ်သုပျၢ်တဖၣ်, ကတဲာ်ကတီၤဃာ်သုကတီၤတဖၣ်တက့ၢ်.

လံာ်ဒၤနံးယ့လး 5:1

မုၢ်တနၤန့ၣ်စီၤပၤဘ့ၤလၡါစၢ်ကွဲဃီၤန့ၣ်အပဒိၣ်ပပှၢ်တကထိဆူတၢ်အီၣ် တၢ်အီအမူးဖးဒိၣ်ဒီးအီသကိးဝဲစပံးထံန့ၣ်လီၤ.

လံာ်ဒၤနံးယ့လး 5:28

ပၤစ့ၣ်စံးတၢ်န့ၣ်မ့ၢ်တၢ်နီၤဖးတဖၣ်ဒီး, နဘီနမုၢ်အံၤဘၣ်တၢ် နီၤဖးအီၤဒီးဟ့ၣ်လီၤအီၤဆူပှၤမၤဒဲဖိဒီးပှၤပၤရၣ်ဖိတဖၣ်အအိၣ်လီၤ.”

လံာ်ဒၤနံးယ့လး 6:1

ဒီးစီၤဒၤရယါဝ့ၣ်ပာ်လီၤတ့ၢ်အသးလၢကနီၤဖးလီၤအဘီအမုၢ် ဆူကီၢ်ဖိကီၢ်ဆၣ်တကယၤခံဆံဒီးပာ်ထီၣ်ပဒိၣ်ဖးဒိၣ်အဂၤတကယၤ ခံဆံလၢကပၢတၢ်စုာ်စုာ်န့ၣ်လီၤ.

လံာ်ဒၤနံးယ့လး 8:20

သိဖါအိၣ်ဒီးအနၢၤခံဘိလၢနထံၣ်တ့ၢ်အီၤန့ၣ်ဒိလီၤပှၤမၤဒဲဖိဒီး ပှၤပၤရၣ်ဖိအဘီအမုၢ်တဖၣ်န့ၣ်လီၤ.

လံာ်မၢ်ကူး 6:21

လၢခံကတၢၢ်, တၢ်ဆၢကတီၢ်အဂ့ၤလၢနီၢ်ဟ့ၤရိၤဒံအဂီၢ်တုၤဃီၤ ဖဲစီၤပၤဟ့ၤရိာ်အိၣ်ဖျဲၣ်ဆၢက့ၤအမုၢ်နံၤဒီးအဝဲဒၣ်အိၣ်ဒီးတၢ်အီၣ် သကိးအီသကိးအမူးဖးဒိၣ်လၢအပဒိၣ်ပပှၢ်တဖၣ်, သုးခိၣ်သုးနၢ်တဖၣ်ဒီးကီၢ်ကၤလံၤလါအပှၤကဲခိၣ်ကဲနၢ်တဖၣ် အဂီၢ်အခါလီၤ.