လံာ်နီၢ်အ့ၤစတၢ် 1:22 - Sgaw Karen Common Bible

²² အဝဲဆှၢလီၤတၢ်ကစီၣ်တမံၤအံၤဆူကီၢ်တဘ့ၣ်ဘၣ် တဘ့ၣ်လၢအပၢဘၣ်ဝဲဒ်အကျိာ်ဒၣ်ဝဲအသိး, လၢဝၤကိးဂၤဒဲးကဘၣ်မ့ၢ်ဟံၣ်ခိၣ်လၢအဟံၣ်ဒၣ်ဝဲဒီး ကတိၤတၢ်အိၣ်ဒီးတၢ်စိတၢ်ကမီၤလၢခံကတၢၢ်န့ၣ်လီၤ.

လံာ်နီၢ်အ့ၤစတၢ် 1:22 Iomraidhean Croise

လံာ်နီၢ်အ့ၤစတၢ် 1:21

စီၤပၤအပဒိၣ်ဖးဒိၣ်တဖၣ်ဘၣ်သူၣ်ဘၣ်သးတၢ်ဟ့ၣ်ကူၣ်အံၤ, ဒီးစီၤပၤမၤဝဲဒ်စီၤမမူကၣ်ဟ့ၣ်ကူၣ်ဝဲအသိးန့ၣ်လီၤ.

လံာ်နီၢ်အ့ၤစတၢ် 3:12

လၢတၢ်န့ၣ်အဃိ, လၢလါအခီၣ်ထံးတလါထီၣ်တဆံသၢ သီတနံၤန့ၣ်, စီၤဟၤမၣ်ကိးန့ၢ်စီၤပၤအပှၤ ကွဲးလံာ်တဖၣ်ဒီးကိးထီၣ်ထးခိၣ်န့ၢ်အီၤလၢ တၢ်ဘိးဘၣ်သ့ၣ်ညါတခါလၢကဘၣ်တၢ်ကွဲးကျိးထံ အီၤဆူကျိာ်ကိးကျိာ်ဒဲးလၢတၢ်သူအီၤလၢဘီမုၢ်အ ပူၤခဲလၢာ်ဒီးကဘၣ်တၢ်ရၤလီၤအီၤဆူပှၤပၢတၢ်တဖၣ်, ပဒိၣ်ပပှၢ်ခဲလၢာ်အအိၣ်န့ၣ်လီၤ. လံာ်ဘိးဘၣ်သ့ၣ်ညါအံၤဘၣ်တၢ်ရၤလီၤအီၤလၢစီၤပၤအဃၤၡဝ့ ရိၣ်အမံၤဒီးဘၣ်တၢ်စဲပနီၣ်ဃာ်အီၤလၢစီၤပၤအပသံးန့ၣ်လီၤ.

လံာ်နီၢ်အ့ၤစတၢ် 8:9

တၢ်အံၤမၤအသးဖဲလါသၢလါတလါ, လါစံဝၣ်ထီၣ်ခံဆံသၢသီအနံၤန့ၣ်လီၤ. စီၤမၢ်ဒကဲၤကိးန့ၢ်စီၤပၤအပှၤကွဲးလံာ်ဒိၣ်တဖၣ်, ဒီးကိးထီၣ်န့ၢ်အီၤလံာ်ပရၢတဖၣ်လၢကဘၣ်ကွဲးဝဲဆူပှၤယူဒၤဖိတဖၣ်, ဒီးဆူပဒိၣ်တဖၣ်, လၢပှၤပၢတၢ်ဆှၢတၢ်တဖၣ်ဒီးပဒိၣ်ဖးဒိၣ်တဖၣ် အအိၣ်လၢကီၢ်တကယၤခံဆံနွံဘ့ၣ်အပူၤ, စးထီၣ်လၢကီၢ်ဟံၣ်ဒူၤတုၤဆူကီၢ်ကူၤၡးန့ၣ်လီၤ. လံာ်ပရၢတဖၣ်န့ၣ်ဘၣ်တၢ်ကွဲးအီၤဆူကီၢ်တဘ့ၣ်ဘၣ်တဘ့ၣ်လၢအကျိာ် ဒၣ်ဝဲဒီးအတၢ်ကွဲးအကျိၤအကွာ်ဒၣ်ဝဲဒီးဆူပှၤယူဒၤဖိတဖၣ်အအိၣ် လၢအကျိာ်ဒီးအတၢ်ကွဲးအကျိၤအကွာ်ဒၣ်ဝဲန့ၣ်လီၤ.

လံာ်ဒၤနံးယ့လး 3:29

ဒီးခဲကနံၣ်အံၤ, ယခါလီၤယကလုၢ်လၢကယဲၢ်ပှၤတဂၤလၢ်လၢ် လၢထံကီၢ်တဘ့ၣ်လၢ်လၢ်အကျါမ့ၢ်ဂ့ၤ, ပှၤတကလုာ်လၢ်လၢ်အကျါမ့ၢ်ဂ့ၤ, ပှၤကတိၤကျိာ်တကျိာ်လၢ်လၢ်အကျါမ့ၢ်ဂ့ၤ, မ့ၢ်ကတိၤထီဒါစီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤလၢတၢ်တယူးတယီၣ်ဘၣ် အပူၤန့ၣ်ကဘၣ်တၢ်ဒီၣ်တဲာ်ကွံာ်အီၤတကူာ်တကူာ်, ဒီးအ ဟံၣ်ကကဲထီၣ်တၢ်ဟးဂီၤတဖၣ်အတၢ်ပာ်ဖှိၣ်န့ၣ်လီၤ. အဂ့ၢ်ဒ်အံၤ, ကစၢ်အဂၤလၢအကမၤပူၤဖျဲးတၢ်ဒ်သိးအံၤတအိၣ် ဘၣ်နီတဂၤဘၣ်.”

လံာ်ဒၤနံးယ့လး 4:1

စီၤပၤနဘူၤကးန့စၢ်ဘိးဘၣ်သ့ၣ်ညါလီၤတၢ်ဆူကယဲၢ်ပှၤဂီၢ် မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ် အကလုာ်ကလုာ်လၢအအိၣ်လၢဟီၣ်ခိၣ်ဒီဘ့ၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.

လံာ်လူၤကၣ် 16:8

ပှၤပၢၤတၢ်စုလီၢ်ခီၣ်ခိၣ်တဂၤအံၤအကစၢ်စံးထီၣ်ပတြၢၤအီၤလၢ အမၤတၢ်လၢအလၢပှဲၤဒီးတၢ်ကူၣ်ဘၣ်ဖးသ့ဒ်အံၤအသိးအဃိန့ၣ်လီၤ. အဂ့ၢ်ဒ်အံၤ, ဖဲလၢအဘၣ်ဃးဒီးတၢ်ကွၢ်ထွဲသုးကျဲၤတၢ်လၢ အတၢ်ဂ့ၢ်တၢ်ကျိၤတဖၣ်အဂ့ၢ်န့ၣ်ပှၤလၢဟီၣ်ခိၣ်တစိၤအံၤတဖၣ် ကူၣ်ဘၣ်ဖးသ့ဒိၣ်န့ၢ်ပှၤဘၣ်ဃးဒီးတၢ်ကပီၤတဖၣ်, တက့ၢ်လီၤ.”

၁ တံၤမသ့း 2:12

ယတဟ့ၣ်အဝဲသ့ၣ်အခွဲးလၢကသိၣ်လိတၢ်, မ့တမ့ၢ်, အိၣ်ဒီးအစိကမီၤလၢပိာ်ခွါတဖၣ်အဖီခိၣ်န့ၣ်ဘၣ်. အဝဲသ့ၣ်ကဘၣ်အိၣ်ဘှီၣ်ဝဲဒၣ်န့ၣ်လီၤ.