လံာ်နီၢ်အ့ၤစတၢ် 1:13 - Sgaw Karen Common Bible

¹³ မ့ၢ်စီၤပၤအလုၢ်အလၢ်လၢကဃ့တၢ်ဟ့ၣ်ကူၣ်ဘၣ်ထွဲဒီးတၢ်သံ ကွၢ်လၢတၢ်သိၣ်တၢ်သီဒီးတၢ်မၤလိာ်တဖၣ်အဂ့ၢ်န့ၣ်လီၤ. အဝဲကိးဃီၤအပှၤဟ့ၣ်ကူၣ်တၢ်တဖၣ်ဒီးသံကွၢ်ဝဲလၢ ကဘၣ်မၤဝဲဒ်လဲၣ်န့ၣ်လီၤ.

လံာ်နီၢ်အ့ၤစတၢ် 1:13 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 12:32

လၢပှၤယံးစၣ်ကၢ်ဖိအဒူၣ်ပူၤန့ၣ်, ပှၤအခိၣ်အနၢ်ခံကယၤဂၤ, ဃုာ်ဒီးပှၤတဖၣ်လၢအအိၣ်လၢအဝဲသ့ၣ်အတၢ်ပၢအဖီလာ်န့ၣ်လီၤ. (ပှၤခိၣ်ပှၤနၢ်တဖၣ်အံၤသ့ၣ်ညါတ့ၢ်တၢ်လၢပှၤအံၣ်စရ့လးဖိ ကြၢးမၤဝဲဒီးတၢ်ဆၢကတီၢ်အဂ့ၤကတၢၢ်လၢကဘၣ်မၤဝဲ န့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 12:33

လၢပှၤစဘူလိၣ်ဖိအဒူၣ်ပူၤန့ၣ်, ပှၤလၢအသးတီဒီးတၢ်နာ်န့ၢ်အီၤသ့အိၣ်ယဲၢ်ကလးန့ၣ်လီၤ. အဝဲသ့ၣ်မ့ၢ်ပှၤအိၣ်ကတဲာ်ကတီၤအသးလၢကဒုးတၢ်ဒီးဘၣ်တၢ်သိၣ်လိ တ့ၢ်အီၤလၢကသူတၢ်စုတၢ်ကဝဲၤကိးကလုာ်ဒဲးန့ၣ်လီၤ.

လံာ်နီၢ်အ့ၤစတၢ် 1:12

ဘၣ်ဆၣ်ဒီး, ဖဲတၢ်ခ့တၢ်ပှၤသ့ၣ်တဖၣ်တဲဘၣ်နီၢ်ပၤမုၣ်ဝးၡတံၤလၢစီၤပၤ အတၢ်မၤလိာ်အီၤန့ၣ်, အဝဲဂ့ၢ်လိာ်ဝဲလၢအကဟဲဝဲဒၣ်န့ၣ်လီၤ. တၢ်အံၤမၤသးဒိၣ်ထီၣ်စီၤပၤန့ၣ်လီၤ.

လံာ်ယံးရမံယၤ 10:7

ပှၤကလုာ်ခဲလၢာ်အစီၤပၤဧၢ, ပှၤလၢကယူးယီၣ်မၤလၤကပီၤ နၤန့ၣ်မ့ၢ်မတၤလဲၣ်. နကြၢးဒီးတၢ်မၤလၤကပီၤန့ၣ်လီၤ. လၢပှၤကူၣ်သ့ခဲလၢာ်လၢပှၤကလုာ်တဖၣ်အကျါမ့ၢ်ဂ့ၤ, လၢ အဝဲသ့ၣ်အစီၤပၤတဖၣ်အကျါမ့ၢ်ဂ့ၤ, ပှၤဒ်သိးနၤတအိၣ်ဘၣ် နီတဂၤဘၣ်.

လံာ်ဒၤနံးယ့လး 2:12

လၢတၢ်အံၤအဃိဒီးစီၤပၤအသးဒိၣ်ထီၣ်ဂီၤဆှုၣ်ကလာ်ဒီး ဟ့ၣ်လီၤအကလုၢ်လၢစီၤပၤအပှၤဟ့ၣ်ကူၣ်တၢ်ခဲလၢာ်လၢကီၢ် ဘၤဘူၤလိၣ်အပူၤကဘၣ်တၢ်မၤသံကွံာ်အီၤန့ၣ်လီၤ.

လံာ်ဒၤနံးယ့လး 2:2

ဒီးစီၤပၤမၢပှၤကိးန့ၢ်အီၤပှၤဖးတၢ်ဟဲဝံဟဲစိာ်, ပှၤသ့အူတၢ်သမူတၢ်, ပှၤမၤကဒါမဲာ်ဒီးပှၤသ့သမူပယၢ်တၢ်တဖၣ်လၢအကဟဲ ဖးန့ၢ်အတၢ်မံမီၢ်န့ၣ်လီၤ. ဖဲအဝဲသ့ၣ်ဟဲတုၤ ဒီးဆၢထၢၣ်တ့ၢ်ဝဲလၢစီၤပၤအမဲာ်ညါန့ၣ်,

လံာ်ဒၤနံးယ့လး 2:27

ဒီးစီၤဒၤနံးယ့လးစံးဆၢစီၤပၤ, “ပှၤသ့သမူပယၢ်တၢ်မ့ၢ်ဂ့ၤ, ပှၤမၤကဒါမဲာ်မ့ၢ်ဂ့ၤ, ပှၤဖးတၢ်ဟဲဝံဟဲစိာ်မ့ၢ်ဂ့ၤ, ပှၤဖးဆၣ်ဧိၤဖီဧိၤအဂ့ၢ်တဖၣ်မ့ၢ်ဂ့ၤလီၣ်ဖျါ ထီၣ်တၢ်အဒိၣ်အယိာ်လၢစီၤပၤသံကွၢ်န့ၣ်တသ့ဘၣ်နီတဂၤဘၣ်.

လံာ်ဒၤနံးယ့လး 5:7

ဒီးစီၤပၤကိးပသူထီၣ်လၢအကလုၢ်ဖးဒိၣ်လၢပှၤကဆှၢနုာ်ပှၤ မၤကဒါမဲာ်တဖၣ်, ပှၤသ့သမူပယၢ်တၢ်တဖၣ်ဒီးပှၤဖးဆၣ်ဧိၤ ဖီဧိၤအဂ့ၢ်တဖၣ်န့ၣ်လီၤ. စီၤပၤစံးဘၣ်ပှၤဟ့ၣ်ကူၣ်တၢ် တဖၣ်လၢဘၤဘူၤလိၣ်အပူၤန့ၣ်, “ပှၤတဂၤလၢ်လၢ်လၢအဖးတၢ် ကွဲးအသးအံၤဒီးမၤဖျါထီၣ်န့ၢ်ယၤအခီပညီမ့ၢ်သ့န့ၣ် ယကဒုးသိးထီၣ်အီၤလၢစီၤလိၣ်စီၤပၤအတၢ်ကူတၢ်သိး အလွဲၢ်လုးတကုာ်ဒုးလံာ်ထီၣ်အီၤလၢဖဲထူတပျံၤလၢ အကိာ်လိၤဒီးကဘၣ်တၢ်ဒုးကဲထီၣ်အီၤလၢပှၤပၢတၢ် သၢဂၤတဂၤလၢဘီမုၢ်အံၤအပူၤန့ၣ်လီၤ.”

လံာ်မးသဲ 16:3

တုၤမုၢ်ဆ့ၣ်ထီၣ်ဂီၤဂီၤတခီ, မူကပိာ်လိၤမ့ၢ်ဂီၤဒီးတၢ်အၢၣ်မ့ၢ်ခံးသူဝဲန့ၣ်, သုစံးလၢတနံၤအံၤ ကလံၤမုၢ်ကလီၤဝဲလီၤ. သုကွၢ်မူကပိာ်လိၤ, ဒီးဖးမူခိၣ်ကလံၤသီၣ်ဂီၤသ့မးလီၤ. ဘၣ်ဆၣ်တၢ်အပနီၣ်ဘၣ်ဃးဒီးတၢ်လၢအကမၤအသးတဖၣ်န့ၣ်, သုဖးတသ့ဘၣ်.

လံာ်မးသဲ 2:1

ယ့ၣ်ၡူးအိၣ်ဖျဲၣ်ထီၣ်လၢဝ့ၢ်ဘ့ၤသလ့ဃ့ၣ် ဘၣ်ဃးဒီးကီၢ်ယူဒၤ, ဖဲစီၤပၤဟ့ၤရိာ်ပၢတၢ်အကတီၢ်န့ၣ်လီၤ. ပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်ဟဲဆူဝ့ၢ်ယရူၤၡလ့ၣ် ဒီးသံကွၢ်တၢ်ဒီးစံး,