လံာ်နီၢ်အ့ၤစတၢ် 1:10 - Sgaw Karen Common Bible

¹⁰ ဒီးလၢတၢ်အီၣ်တၢ်အီအမူးဖးဒိၣ်နွံနံၤတနံၤ, ဖဲစီၤပၤမုာ်လၤဝဲလၢစပံးထံအကတီၢ်အခါန့ၣ်, ကိးဃီၤပှၤဒ့ဒံၣ်ဖိနွံဂၤလၢအမ့ၢ်အနီၢ်ကစၢ်ဒၣ်ဝဲအခ့အပှၤ, စီၤမဟူမၣ်, စီၤဘံးစသၤ, စီၤဃၤရဘိနၤ, စီၤဘံးကသၤ, စီၤအဘၤကသၤ, စီၤစ့သၢ်ဒီးစီၤကၤရယၣ်တဖၣ်န့ၣ်လီၤ.

လံာ်နီၢ်အ့ၤစတၢ် 1:10 Iomraidhean Croise

လံာ်တၢ်ကဲထီၣ်အခီၣ်ထံး 43:34

တၢ်အီၣ်ဘၣ်တၢ်ဟံးန့ၢ်အီၤလၢစီၤယိၤသးအစီၢ်နီၤခိၣ်ဒီးဟ့ၣ် လီၤဆူအဝဲသ့ၣ်, ဒီးစီၤဘံၣ်ယၤမံၣ်ဘၣ်တၢ်ဟ့ၣ်အီၤအါန့ၢ်အဂၤတဖၣ်ယဲၢ်စးလီၤ. ဒီးအဝဲသ့ၣ်အီၣ်တၢ်ဒီးအီတၢ်ဒီးစီၤယိၤသးတုၤအမူၤအဘှီး တစုန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:28

ဒီးမၤလိာ်ပိာ်လီၤအခ့အပှၤတဖၣ်ဒ်အံၤ, ဖဲစီၤအၤမနိၣ် မုာ်လၤလၢတၢ်အီစပံးထံအါမးအခါန့ၣ်, ပာ်သူၣ်ပာ်သး, ဒီးတုၤယဟ့ၣ်လီၤယကလုၢ်န့ၣ်, မၤသံကွံာ်အီၤတက့ၢ်. ပျံၤတၢ်တဂ့ၤ. ယကဟံးန့ၢ်မူဒါလၢယနီၢ်ကစၢ်ဒၣ်ယဲလီၤ. အိၣ်ဒီးတၢ်သးဒူဒီးမၤသုသးယၢ်တံၢ်ယၢ်တၢၤတဂ့ၤ.

လံာ်နီၢ်အ့ၤစတၢ် 1:9

တကတီၢ်ဃီအံၤန့ၣ်, နီၢ်ပၤမုၣ်ဝးၡတံၤမၤစ့ၢ်ကီးတၢ်အီၣ်တၢ်အီအမူးဖးဒိၣ်တခါ လၢပိာ်မုၣ်ပိာ်မၢၤသ့ၣ်တဖၣ်အဂီၢ်လၢစီၤပၤအနီပူၤန့ၣ်လီၤ.

လံာ်နီၢ်အ့ၤစတၢ် 3:15

လၢစီၤပၤအကလုၢ်န့ၣ်တၢ်မၤလိာ်ဘၣ်တၢ်ရၤလီၤ အီၤလၢဝ့ၢ်ခိၣ်ဝ့ၢ်ၡူၡၣ်အပူၤဒီး, ပှၤဆှၢလံာ်ဖိတဖၣ်ဆှၢလီၤတၢ်ကစီၣ်ဆူကီၢ်တဖၣ်န့ၣ်လီၤ. စီၤပၤဒီးစီၤဟၤမၣ်ဆ့ၣ်နီၤဝဲဒီးအီတၢ်, ဖဲဝ့ၢ်ၡူၡၣ်ပှဲၤဝဲဒီး တၢ်သဘံၣ်ဘုၣ်ဒီးသူၣ်ကိၢ်သးဂီၤအခါန့ၣ်လီၤ.

လံာ်နီၢ်အ့ၤစတၢ် 7:9

တုၤနုၤတစု, အဝဲသ့ၣ်အကျါတဂၤ, လၢအမံၤမ့ၢ်ဝဲစီၤဃၤရဘိစံးဝဲဒၣ်, “စီၤဟၤမၣ်မၤတ့ၢ်ဒၣ်လဲာ်ပှၤပျၤထီသံတၢ်အသ့ၣ်တကျီၣ်လၢအ ဟံၣ်, ဒ်သိးကဘျးထီၣ်စီၤမၢ်ဒကဲၤ, ပှၤလၢအမၤပူၤဖျဲးတ့ၢ်ကစၢ်စီၤပၤအသးသမူလီၤ. ဒီးသ့ၣ်ကျီၣ်န့ၣ်, ထီဝဲဒၣ်အပျၢ်ယဲၢ်ဆံလီၤ.” စီၤပၤဟ့ၣ်လီၤအကလုၢ်, “ဘျးထီၣ်စီၤဟၤမၣ်လၢအလိၤတက့ၢ်.”

တၢ်ကတိၤဒိ. 20:1

တၢ်အီမူၤသံးဒုးကဲထီၣ်နၤလၢပှၤတၢထီၣ်တၢလီၤဒီးပှၤ ဟးဂီၤဖိလီၤ. တၢ်အီၤမူၤအီဘှီးန့ၣ်မ့ၢ်တၢ်မၢးလီၤ.

တၢ်ကတိၤဒိ. 31:4

ဒိကနၣ်ယၤတက့ၢ်စီၤလမူၤအ့လးဧၢ, စီၤပၤတဖၣ်တကြၢးအီ စပံးထံမ့ၢ်ဂ့ၤ, တကြၢးအိၣ်ဒီးသးလၢအဆၢအီသံးအီဂာ်မ့ၢ်ဂ့ၤ န့ၣ်ဘၣ်.

လံာ်ပှၤစံၣ်တဲၤတဲလီၤတၢ် 10:19

အီၣ်တၢ်အီတၢ်မၤသူၣ်ဖှံသးညီနၤဒီးစပံးထံမၤသးဖှံထီၣ် နၤလီၤ. ဘၣ်ဆၣ်စ့မ့ၢ်တအိၣ်ဘၣ်ဒီးနမၤတၢ်န့ၣ်တန့ၢ်နီတမံၤဘၣ်.

လံာ်ပှၤစံၣ်ညီၣ်ကွီၢ် 16:25

ဖဲအဝဲသ့ၣ်ဟဲစိာ်ထီၣ်စီၤၡံၣ်ၡိၣ်လၢဃိာ်ပူၤန့ၣ်အဝဲသ့ၣ်မၢ အမၤသးဖှံအီၤဒီးမၢအဆၢထၢၣ်လၢတၢ်အထူၣ်တဖၣ်အကဆူးန့ၣ်လီၤ. ဖဲပှၤဂီၢ်မုၢ်ထံၣ်အီၤန့ၣ်အဝဲသ့ၣ်သးဝံၣ်စံးထီၣ်ပတြၢၤအကစၢ်, “ပကစၢ်ဟ့ၣ်လံပှၤလၢတၢ်မၤနၢၤပဒုၣ်ပဒါလၢ အမၤဟးဂူာ်ဟးဂီၤပကီၢ်ဒီးမၤသံတ့ၢ်ပှၤအါဂၤန့ၣ်လံ.”

လံာ်ပှၤစံၣ်ညီၣ်ကွီၢ် 19:6

ဒီးပှၤခံဂၤန့ၣ်ဆ့ၣ်နီၤဒီးအီၣ်သကိးအီသကိးတၢ်လီၤ. တုၤနုၤတစု ပိာ်မုၣ်ဖိအပၢ်န့ၣ်စံးဘၣ်အီၤ, “မံဖဲအံၤတနၤဒီးမၤမုာ်နသးတက့ၢ်.”

လံာ်နီၢ်ရူၤသး 3:7

ဖဲစီၤဘိၤဧးအီၣ်တၢ်ဒီးအီတၢ်ဝံၤဝဲန့ၣ်, အသူၣ်ဖှံအသးညီဝဲလီၤ. ဒီးလဲၤမံလီၤဝဲလၢဘုပူၣ်အကတၢၢ်န့ၣ်လီၤ. အန့ၣ်ဒီး, နီၢ်ရူၤသးဟဲဝဲကယီကယီ, အိးထီၣ်တၢ်လၢအမၤဘၢအခီၣ်ဒီးမံလီၤဝဲလီၤ.