အ့းဖ့းစူး 6:8 - Sgaw Karen Common Bible

⁸ သုသ့ၣ်ညါသုဝဲလၢကစၢ်ကဟ့ၣ်ဘူးဟ့ၣ်လဲပှၤကိးဂၤဒဲး, ပှၤကုၢ်ဖိမ့ၢ်ဂ့ၤ, ပှၤသဘျ့ဖိမ့ၢ်ဂ့ၤ, လၢတၢ်မၤအဂ့ၤအဘၣ်လၢအမၤဝဲအဃိခဲလၢာ်လီၤ.

အ့းဖ့းစူး 6:8 Iomraidhean Croise

တၢ်ကတိၤဒိ. 11:18

ပှၤတတီတလိၤတဖၣ်န့ၣ်တမၤန့ၣ်စဲဃဲၤတၢ်နီတမံၤဘၣ်. ဘၣ်ဆၣ်ဒီးနမ့ၢ်မၤတၢ်အဘၣ်န့ၣ်, နကဘၣ်ဘျုးဘၣ်ဖှိၣ်သ ပှၢ်ကတၢၢ်လီၤ.

တၢ်ကတိၤဒိ. 23:18

မ့မ့ၢ်ဒ်န့ၣ်ဒီး, နအိၣ်ဒီးခါဆူညါအတၢ်အိၣ်မူလၢအကပီၤက ပြုၢ်ဝဲန့ၣ်လီၤ.

လံာ်ယၡါယၤ 3:11

ဘၣ်ဆၣ်, ပှၤအၢပှၤသီတဖၣ်ဘၣ်တၢ်စံၣ်ညီၣ်ဃါမနၤလီၤ. တၢ်လၢအဝဲသ့ၣ်မၤဘၣ်တ့ၢ်ပှၤတဖၣ်န့ၣ်ခဲအံၤတၢ်ကမၤဘၣ်က့ၤ အဝဲသ့ၣ်လီၤ.

လံာ်မးသဲ 16:27

အဂ့ၢ်ဒ်အံၤ, ပှၤကညီဖိခွါအံၤကဟဲဝဲဒီးပၢ်အလၤကပီၤ, အိၣ်ဃုာ်ဒီးအကလူးတဖၣ်လီၤ. တုၤနုၤတစု, ကဟ့ၣ်ဘူးဟ့ၣ်လဲ ပှၤကညီကိးဂၤဒဲးဒ်အကြၢးဒီးတၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်မးသဲ 20:7

အဝဲသ့ၣ်စံးဆၢအီၤ, ‘မ့ၢ်လၢပှၤတမၢလဲပှၤနီတဂၤအဃိလီၤ.’ ဒီးစံးဘၣ်အဝဲသ့ၣ်, ‘လဲၤစ့ၢ်ကီးသုဝဲဆူစပံးလီၢ်အပူၤ, ဒီးမၤတၢ်ဖဲန့ၣ်တက့ၢ်.’

လံာ်မးသဲ 5:12

သူၣ်ခုသးခုဒီး သူၣ်ဖှံသးညီတက့ၢ်. အဂ့ၢ်ဒ်အံၤ, ယွၤကတီၤပာ်စၢၤတၢ်အဘူးအလဲအဒိၣ်အမုၢ်လၢမူခိၣ်လၢသုဂီၢ်လီၤ. ဝံလၢညါသ့ၣ်တဖၣ်စ့ၢ်ကီးဘၣ်တၢ်မၤအၢမၤနးတ့ၢ်အီၤဒ်န့ၣ် အသိးလီၤ.

လံာ်မးသဲ 6:1

လၢတၢ်မၤတၢ်ဘူၣ်တၢ်ဘါအမူအဒါလၢအလီၤဘၣ်သုအပူၤန့ၣ်, ပလီၢ်သုသးဒ်သိးသုသုတမၤအီၤလၢပှၤကညီကထံၣ်အီၤအဂီၢ် တဂ့ၤ. သုမ့ၢ်မၤအီၤလၢပှၤကညီကထံၣ်အီၤအဂီၢ်ဒီး, သုတဒိးန့ၢ်ဘၣ်တၢ်အဘူးအလဲလၢသုပၢ်အိၣ်လၢမူခိၣ်အအိၣ်နီ တမံၤဘၣ်.

လံာ်မးသဲ 6:4

တုၤနုၤတစုသုတၢ်ဟ့ၣ်သးကညီၤတၢ်ကစုဒုအံၤတဖျါဘၣ်လၢပှၤ ကညီအမဲာ်ညါဘၣ်ဒီးသုပၢ်လၢအထံၣ်သုတၢ်မၤကစုဒုန့ၣ်, ကဟ့ၣ်သုတၢ်အဘူးအလဲလီၤ.

လံာ်လူၤကၣ် 14:14

ဒီးနကဘၣ်တၢ်ဆိၣ်ဂ့ၤနၤလီၤ. အဂ့ၢ်ဒ်အံၤ, အဝဲသ့ၣ်ဟ့ၣ်ဆၢက့ၤနၤတသ့ဘၣ်. ဖဲပှၤဂ့ၤပှၤဝါတဖၣ်ဂဲၤဆၢထၢၣ်သမူထီၣ်က့ၤလၢတၢ်သံအဆၢ ကတီၢ်န့ၣ်, နကဘၣ်တၢ်ဟ့ၣ်ဘျုးက့ၤနၤလၢကစၢ်ယွၤလီၤ.”

လံာ်လူၤကၣ် 6:35

တဘၣ်မ့ၢ်ဒ်န့ၣ်ဘၣ်. အဲၣ်သုဒုၣ်သုဒါတဖၣ်ဒီးမၤဂ့ၤအဝဲသ့ၣ်တက့ၢ်. ဟ့ၣ်လိၢ်တၢ်, ဒီးမုၢ်လၢ်က့ၤတၢ်နီတမံၤတဂ့ၤ. သုကဒိးန့ၢ်ဘၣ်ခိၣ်ဖးလၢအဒိၣ်, ဒီးသုကမ့ၢ်တၢ်ထီကတၢၢ်ကစၢ်ယွၤတဂၤအဖိခွါတဖၣ်လီၤ. အဂ့ၢ်ဒ်အံၤ, အဝဲဒၣ်ဂ့ၤလၢပှၤတသ့ၣ်ညါတၢ်ဘျုးတၢ်ဖှိၣ်, ဒီးပှၤအၢပှၤသီတဖၣ် အဖီခိၣ်လီၤ.

1 ကရံၣ်သူး 12:13

လၢကျဲတဘိဃီန့ၣ်, ပဝဲကိးနီၢ်ဂၤဒဲး, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, ကုၢ်မ့ၢ်ဂ့ၤ, ပှၤသဘျ့မ့ၢ်ဂ့ၤ, ပဘၣ်တၢ်ဒိးဘျၢတ့ၢ်ပှၤဆူနီၢ်ခိတဂၤဃီလၢသးစီဆှံတဂၤဃီ, ဒီးပဝဲကိးဂၤဒဲးပဘၣ်တၢ်ဟ့ၣ်တ့ၢ်ပှၤသးစီဆှံတဂၤဃီ လၢပကအီအီၤအဂီၢ်န့ၣ်လီၤ.

၂ ကရံၣ်သူး 5:10

အဂ့ၢ်ဒ်အံၤ, ပဝဲကိးဂၤဒဲးပကဘၣ်အိၣ်ဖျါထီၣ်လၢခရံာ် အမဲာ်ညါ, ဒ်သိးပကဒိးတၢ်စံၣ်ညီၣ်လၢအီၤအဂီၢ်န့ၣ် လီၤ. ပှၤတဂၤဘၣ်တဂၤကဒိးန့ၢ်တၢ်လၢအကြၢးဒီး အီၤ, ဒ်အကြၢးအဘၣ်ဒီးတၢ်လၢအဝဲဒၣ်မၤတ့ၢ်ဝဲ ခဲလၢာ်, ဂ့ၤမ့ၢ်ဂ့ၤ, အၢမ့ၢ်ဂ့ၤ, လၢအဝဲဒၣ်အနီၢ်ခိအတၢ်အိၣ်မူ အပူၤန့ၣ်လီၤ.

ကလၤတံ 3:28

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.

ကလီးစဲ 3:11

လၢတၢ်အိၣ်မူအသီအံၤအပူၤန့ၣ်, တၢ်ပာ်တၢ်အဒူၣ်အဆၢဒ် ပှၤကလုာ်အဂၤ, ဒီးပှၤယူဒၤဖိ, ပှၤဒိးတၢ်ကူးတရံးဒီးပှၤတဒိးဘၣ် တၢ်ကူးတရံး, ပှၤတခီထံတခီကီၢ်, ပှၤရၢၢ်ပှၤစၢၢ်, ပှၤကုၢ်ဖိဒီးပှၤသဘျ့ဖိတဖၣ်အိၣ်တသ့လၢၤဘၣ်. အဂ့ၢ်ဒ်အံၤ, ခရံာ်မ့ၢ်တၢ်ခဲလၢာ်ဒီးအိၣ်ဝဲဆိးဝဲလၢပှၤခဲလၢာ်အပူၤလီၤ.

ကလီးစဲ 3:24

သ့ၣ်ညါသုဝဲလၢကစၢ်ကဟ့ၣ်သုတၢ်န့ၢ်သါလၢအကတီၤ ပာ်တ့ၢ်ဝဲလၢအပှၤဂီၢ်မုၢ်အဂီၢ်, ဒ်ခိၣ်ဖးအသိးန့ၣ်တက့ၢ်. အဂ့ၢ်ဒ်အံၤ, ခရံာ်မ့ၢ်ကစၢ်နီၢ်နီၢ်လၢသုမၤအတၢ်န့ၣ်လီၤ.

ကလီးစဲ 3:25

ဒီးပှၤမၤကမၣ်တၢ်ကိးဂၤဒဲးန့ၣ်ကဘၣ်တၢ်ဟ့ၣ်ကၣ်က့ၤအီၤဒ် အမၤတၢ်အသိးလီၤ. အဂ့ၢ်ဒ်အံၤကစၢ်ယွၤလၢအစံၣ်ညီၣ်တၢ်န့ၣ်, တကွၢ်မဲာ်ပှၤနီတဂၤဘၣ်.

ဧ့ၤဘြံၤ 10:35

မၤသးဒ်န့ၣ်ဒီး တဘၣ်ညိကွံာ်သုတၢ်သးခူတလ့ၣ် လၢအအိၣ်ဒီးအဘူးအလဲဒိၣ်ဒိၣ်ကလဲာ်န့ၣ်တဂ့ၤ.

ဧ့ၤဘြံၤ 11:26

အဝဲဆိကမိၣ်ဒီးပာ်လုၢ်ပာ်ပှ့ၤတၢ်တူၢ်တၢ်ဒုၣ်ဒွဲၣ်လၢခရံာ် အဂီၢ်အါန့ၢ်ဒိၣ်န့ၢ်အဲၤကူပတူးအတၢ်ထူးတၢ်တီၤတဖၣ် တက့ၢ်, အဂ့ၢ်မ့ၢ်လၢအဝဲကွၢ်ဒၣ်တၢ်ဆူခိၣ်ဖးလၢအအိၣ်လၢ အမဲာ်ညါအဃိန့ၣ်လီၤ.