အ့းဖ့းစူး 6:5 - Sgaw Karen Common Bible

⁵ ကုၢ်သ့ၣ်ဧၢ, စူၢ်သုကစၢ်တဖၣ်အိၣ်ဒီးတၢ်ပျံၤဒီးတၢ်ကနိးကစုာ် တက့ၢ်. မၤတၢ်အံၤလၢတၢ်သးတီအပူၤဒ်သုမၤဘၣ်ခရံာ်အတၢ် အသိး,

အ့းဖ့းစူး 6:5 Iomraidhean Croise

လံာ်တၢ်ကဲထီၣ်အခီၣ်ထံး 16:9

ဒီးယွၤအကလူးန့ၣ်စံးဘၣ်အီၤ, “က့ၤကဒါက့ၤဆူနကစၢ်မုၣ် အအိၣ်ဒီးကဲအကုၢ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

စံးထီၣ်ပတြၢၤ 123:2

ကွၢ်ကွၢ်, ဒ်ကုၢ်ပိာ်ခွါအမဲာ်ကွၢ်တၢ်ဆူ အကစၢ်အစုအသိးဒီး ဒ်အခ့အပှၤပိာ်မုၣ်အမဲာ်ကွၢ်တၢ်ဆူ အကစၢ်မုၣ်အစုအသိးန့ၣ်, ပမဲာ်ကွၢ်တၢ်ဆူယွၤပကစၢ်အအိၣ်တုၤ အသူၣ်ကညီၤသးကညီၤပှၤတစုလီၤ.

စံးထီၣ်ပတြၢၤ 86:11

ယွၤဧၢ, နဲၣ်လိယၤလၢနကျဲဒ်သိး ယကလဲၤတၢ်လၢနတၢ်မ့ၢ်တၢ်တီအပူၤ, ဒီးဟ့ၣ်ယၤတၢ်သးစၢၢ်ဆၢပံၢ်ကလာ် လၢယကပျံၤနမံၤအဂီၢ်တက့ၢ်.

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

လံာ်မးသဲ 6:22

ပှၤကညီအမဲာ်ချံမၤသးဒ်မ့ၣ်အူဒၢတဖျၢၣ်လၢအနီၢ်ခိအဂီၢ် လီၤ. အမဲာ်ချံမ့ၢ်ဆးဒီးအနီၢ်ခိဒီဂၤညါကပှဲၤဒီးတၢ်ကပီၤလီၤ.

လံာ်မးသဲ 6:24

ပှၤမၤတၢ်အခ့အပှၤအတၢ်မၤလၢကစၢ်ခံဂၤအဂီၢ်တသ့နီတဂၤဘၣ်. ကအဲၣ်ဝဲတဂၤဒီးကသးဟ့ဝဲတဂၤလီၤ. ကတီဝဲဒီးကစၢ်တဂၤဒီးကကွၢ်တလီၤဝဲအတဂၤန့ၣ်လီၤ. သုမၤကစၢ်ယွၤအတၢ်မၤဒီးကျိၣ်စ့အတၢ်မၤခံမံၤလၢာ်တသ့ဘၣ်.

လံာ်မးသဲ 8:9

အဂ့ၢ်ဒ်အံၤ, ယဲယမ့ၢ်ပှၤတဂၤလၢအအိၣ်လၢပှၤအလီၢ်အလၤ ဒိၣ်န့ၢ်ယၤတဖၣ်အဖီလာ်ဒီးယအိၣ်ဒီးပှၤသုးဖိလၢယဖီလာ်တဖၣ်လီၤ. ယစံးဘၣ်အဝဲတဂၤ, ‘လဲၤတက့ၢ်’ ဒီးလဲၤဝဲလီၤ. ယစံးဘၣ်အဂၤတဂၤ, ‘ဟဲတက့ၢ်’ ဒီးဟဲဝဲလီၤ. ယစံးဘၣ်ယကုၢ်ယပှၤတဂၤ, ‘မၤတၢ်အံၤတက့ၢ်’ ဒီးမၤဝဲလီၤ.”

မၤတၢ် 2:46

တနံၤဘၣ်တနံၤအဝဲသ့ၣ်လဲၤသကိးဆူတၢ်လုၢ်ဟံၣ်အပူၤ, ဒီးအီၣ်သကိးတၢ်အီၣ်လၢအဝဲသ့ၣ်အဟံၣ်တဖၣ်အပူၤပှဲၤဒီး တၢ်သူၣ်ခုသးခုဒီးတၢ်သူၣ်အိၣ်သးအိၣ်,

ရိမ့ၤ 9:3

လၢအဝဲသ့ၣ်အဃိ, ယဆၢယဲဒၣ်လၢယကအိၣ်လၢကစၢ်ယွၤ အတၢ်ဆိၣ်အၢအဖီလာ်ဒီးအိၣ်လီၤဖးဒီးခရံာ်န့ၣ်လီၤ.

1 ကရံၣ်သူး 2:3

လၢတၢ်န့ၣ်အဃိဖဲယဟဲဆူသုအိၣ်န့ၣ်, ယဂံၢ်စၢ်ဘါစၢ်, ဒီးကနိးကစုာ်ယဲဒီဂၤညါလၢတၢ်ပျံၤတၢ်ဖုးအဃိ

1 ကရံၣ်သူး 7:22

အဂ့ၢ်ဒ်အံၤ, ကုၢ်တဂၤလၢအဘၣ်တၢ်ကိးတ့ၢ်အီၤလၢ ကစၢ်န့ၣ်, မ့ၢ်ကစၢ်အပှၤသဘျ့တဂၤလီၤ. လၢကျဲတဘိဃီန့ၣ်, ပှၤသဘျ့တဂၤလၢအဘၣ်တၢ်ကိးတ့ၢ်အီၤလၢ ခရံာ်န့ၣ်, မ့ၢ်အဝဲဒၣ်အကုၢ်လီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

၂ ကရံၣ်သူး 7:15

ဒီးလၢတၢ်န့ၣ်အဃိအဝဲအတၢ်အဲၣ်ဘၣ်သုဒိၣ်ထီၣ် ဆူၣ်ထီၣ်ဝဲ, ဖဲအဝဲဒၣ်သ့ၣ်နီၣ်ထီၣ်လၢသုဝဲကိးဂၤဒဲးသုအိၣ် ကတဲာ်ကတီၤသုသးလၢသုကစူၢ်ဒီးမၤထွဲအဝဲအတၢ်နဲၣ် သုကျဲတဖၣ်ဒ်လဲၣ်အဂ့ၢ်, လၢသုတူၢ်လိာ်ခီၣ်ဆၢအီၤလၢတၢ်ပျံၤ တၢ်ဖုးဒီးတၢ်ကနိးကစုာ်အပူၤဒ်လဲၣ်အဂ့ၢ်န့ၣ်လီၤ.

အ့းဖ့းစူး 5:22

မါသ့ၣ်ဧၢ, ဒိးပၢဒိးဆှၢသုသးလၢသုဝၤတဖၣ်ဒ်သုဒိးပၢဒိးဆှၢသုသးလၢ ကစၢ်အသိးန့ၣ်တက့ၢ်.

အ့းဖ့းစူး 6:24

မ်ယွၤအဘျုးအဖှိၣ်အိၣ်ဒီးပှၤလၢအအဲၣ်ပကစၢ်ယ့ၣ်ၡူးခရံာ် လၢတၢ်အဲၣ်အထူအယိာ်ခဲလၢာ်န့ၣ်တက့ၢ်.

ဖံလံးပံၤ 2:12

လၢတၢ်န့ၣ်အဃိ, တံၤသကိးသးဘိသ့ၣ်ဧၢ, ဖဲယအိၣ်ဒီးသုအဆၢကတီၢ်သုဒိကနၣ်ယၤထီဘိအသိးန့ၣ်, ခဲကနံၣ်အံၤဖဲယအိၣ်ယံၤဒီးသုအဆၢကတီၢ်န့ၣ်, အကါဒိၣ်တက့ၢ်လၢသုဒိကနၣ်ယၤန့ၣ်လီၤ. ဂုာ်ကျဲးစၢးမၤတၢ်လၢတၢ်ပျံၤတၢ်ဖုးဒီးတၢ်ကနိးကစုာ်အပူၤ လၢတၢ်မၤလၢထီၣ်ပှဲၤထီၣ်သုတၢ်အုၣ်က့ၤခီၣ်က့ၤအဂီၢ်န့ၣ်တက့ၢ်.

ဖံၤလ့မိၣ် 1:16

တမ့ၢ်လၢၤဒ်ကုၢ်တဂၤအသိးဘၣ်. မ့ၢ်ဒ်ဒီပုၢ်ဝဲၢ်လၢခရံာ်အပူၤလၢတၢ်အဲၣ်အီၤတဂၤအသိး, လီၤဆီဒၣ်တၢ်လၢယဂီၢ်ဒီးဒိၣ်ဒၣ်တၢ်တက့ၢ်လၢနဂီၢ်, အဂ့ၢ်မ့ၢ်လၢနဒိးန့ၢ်က့ၤအီၤလၢနီၢ်ခိနီၢ်ခီဒ်နကုၢ်တဂၤ အသိး, ဒီးလၢကစၢ်အပူၤဒ်ဒီပုၢ်ဝဲၢ်တဂၤအသိးအဃိန့ၣ်လီၤ.

လံာ်စီၤယိၤၡူ 24:14

လၢတၢ်န့ၣ်အဃိ, ပျံၤယွၤဒီးမၤအတၢ်လၢတၢ်သးအိၣ်ဒီးတၢ်သး တီအပူၤတက့ၢ်. ပာ်ကွံာ်ကစၢ်တဖၣ်လၢသုမိၢ်ပၢ်ဖံဖုလၢပျၢၤမၤအတၢ်လၢထံမိၢ်ပှၢ်ဝၢ်ဘးခီ ဒီးလၢကီၢ်အဲၤကူပတူးဒီးမၤယွၤအတၢ်တက့ၢ်.

၁ ပ့းတရူး 3:2

မ့ၢ်လၢအဝဲသ့ၣ်ကထံၣ်သုသကဲာ်ပဝးကဆှီဝဲဒီးလီၤယူးယီၣ် ပာ်ကဲဆံးအါလဲၣ်အဃိန့ၣ်လီၤ.