အ့းဖ့းစူး 6:4 - Sgaw Karen Common Bible

⁴ မိၢ်ပၢ်သ့ၣ်ဧၢ, တဘၣ်မၤတုၤဒၣ်လဲာ်သုဖိကသးဒိၣ်ထီၣ်တဂ့ၤ. မ့မ့ၢ်လုၢ်ဒိၣ်ထီၣ်အဝဲသ့ၣ်လၢကစၢ်အတၢ်သိၣ်တၢ်သီဒီးအကျဲ အကပိၤအပူၤန့ၣ်တက့ၢ်.

အ့းဖ့းစူး 6:4 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 28:20

စီၤပၤစီၤဒၤဝံးစံးဘၣ်အဖိခွါစီၤၡလိၤမိၤ, “နာ်န့ၢ်လီၤနသးဒီးပာ်နသးကျၢၤမုဆှုတက့ၢ်. စးထီၣ်နတၢ်မၤဒီးပျဲတၢ်နီတမံၤဒုးဆိကတီၢ်နၤတဂ့ၤ. ယွၤ, ကစၢ်ယွၤလၢယမၤအတၢ်ကအိၣ်ဒီးနၤလီၤ. အဝဲတပာ်လီၤတဲာ်နၤဘၣ်. မ့မ့ၢ်အဝဲကအိၣ်ဒီးနၤတုၤနသူၣ်ထီၣ်ယွၤအတၢ်လုၢ်ဟံၣ်ဝံၤဝဲ တစုန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 29:19

ယဟ့ၣ်လီၤယဖိခွါစီၤၡလိၤမိၤလၢကစူၢ်တၢ်တမံၤလၢ်လၢ်လၢန မၤလိာ်အီၤလၢအသးဒီဖျၢၣ်ညါလၢတၢ်သးအိၣ်, ဒီးလၢကသူၣ်ထီၣ်ယွၤအတၢ်လုၢ်ဟံၣ်လၢယကတဲာ်ကတီၤတ့ၢ်တၢ်သ့ၣ်တဖၣ် အံၤလၢအဂီၢ်န့ၣ်တက့ၢ်.”

တၢ်ကတိၤဒိ. 19:18

သိၣ်က့ၤသီက့ၤနဖိနလံၤတဖၣ်ဖဲအဝဲသ့ၣ်အသးစၢ်ဒံးလၢကမၤလိ တၢ်အဂီၢ်အခါတက့ၢ်. နမ့ၢ်တမၤဘၣ်ဒီး, နမၤစၢၤလံအဝဲသ့ၣ်လၢ ကမၤဟးဂီၤလီၤက့ၤအသးဒၣ်ဝဲလီၤ.

တၢ်ကတိၤဒိ. 22:15

ဖိလံၤတဖၣ်ညီနူၢ်လိာ်မၢးအသးဒီးမၤတၢ်နါစံၢ်နါစိၤတဖၣ်လီၤ. ဘၣ်ဆၣ်ဒီးတၢ်သိၣ်ဃီၣ်အနီၣ်တီၢ်တဘိကသိၣ်လိအဝဲသ့ၣ်လၢကဘၣ်အိၣ် မူပာ်သူၣ်ပာ်သးဒ်လဲၣ်ဒ်လဲၣ်န့ၣ်လီၤ.

တၢ်ကတိၤဒိ. 22:6

သိၣ်လိဖိသၣ်တဂၤလၢအကဘၣ်အိၣ်မူဒ်လဲၣ်ဒ်လဲၣ်န့ၣ်တက့ၢ်. ဒီးအဝဲကသ့ၣ်နီၣ်ထီၣ်က့ၤဝဲလၢအတၢ်အိၣ်မူတစိၤသးလီၤ.

တၢ်ကတိၤဒိ. 29:15

တၢ်သိၣ်ဂ့ၤသီဘၣ်အနီၣ်တီၢ်န့ၣ်ဟ့ၣ်လီၤတၢ်ကူၣ်သ့လီၤ. မ့မ့ၢ်, တၢ်ပျဲဖိသၣ်အိၣ်ဒၣ်အတၢ်န့ၣ်ကဒုးမဲာ်ဆှးအမိၢ်လီၤ.

တၢ်ကတိၤဒိ. 29:17

သိၣ်က့ၤဘှီက့ၤနဖိခွါတက့ၢ်. ဒီးနပာ်ကဖၢလၢနသးလၢအဃိ ထီဘိကသ့ဝဲလီၤ. တၢ်ဂ့ၢ်လၢအဝဲကမၤမဲာ်ဆှးနၤတအိၣ်နီ တစုဘၣ်.

လံာ်ယၡါယၤ 38:19

ဒ်ယစံးထီၣ်ပတြၢၤနၤခဲအံၤအသိး, ပှၤလၢအစံးထီၣ်ပတြၢၤနၤမ့ၢ်ပှၤအမူန့ၣ်လီၤ. ပၢ်တဖၣ်စံးဘၣ်တဲဘၣ်အဖိတဖၣ်လၢနသူၣ်တီသးရၤထဲလဲၣ်အဂ့ၢ် န့ၣ်လီၤ.

အ့းဖ့းစူး 6:3

“လၢသုကဘီၣ်ထီၣ်ညီထီၣ်ဒီးသုကအိၣ်မူဘၣ်အါနံၣ်အါ လါလၢကီၢ်အပူၤန့ၣ်လီၤ.”

လံာ်သိၣ်လီၤသီလီၤတၢ် 4:9

အိၣ်ဒီးတၢ်ပလီၢ်သူၣ်ပလီၢ်သးတက့ၢ်. လၢသးသမူဒီတစိၤညါ န့ၣ်, တၢ်လၢသုထံၣ်ဘၣ်အီၤလၢသုမဲာ်ချံဒၣ်သုအံၤမၤလီၤတံၢ်လၢသု တသးပ့ၤနီၣ်ကွံာ်အီၤဘၣ်န့ၣ်တက့ၢ်. တဲဘၣ်သုဖိသုလံၤတဖၣ်,

လံာ်သိၣ်လီၤသီလီၤတၢ် 6:7

သိၣ်လိသီလိသုဖိသုလံၤတဖၣ်န့ၣ်တက့ၢ်. ဖဲသုအိၣ်လၢဟံၣ် ဒီးဖဲသုအိၣ်လၢတၢ်လီၢ်အယံၤ, ဖဲသုအိၣ်ဘှံးဒီးဖဲသုမၤ တၢ်အခါန့ၣ်, ယၢၤထီၣ်ကဒါက့ၤအီၤတက့ၢ်.

ကလီးစဲ 3:21

မိၢ်ပၢ်သ့ၣ်ဧၢ, တဘၣ်မၤအ့န့မၤအၢထီၣ်သီထီၣ်သုဖိတဖၣ် အသးလၢအကသးဟးဂီၤအဂီၢ်န့ၣ်တဂ့ၤ.

၂ တံၤမသ့း 1:5

ယသ့ၣ်နီၣ်ထီၣ်တၢ်စူၢ်တၢ်နာ်တံၢ်နီၢ်လၢအအိၣ် လၢနပူၤ, တၢ်စူၢ်တၢ်နာ်တကလုာ်လၢအအိၣ်တ့ၢ်လၢနဖံနီၢ် လိၤအ့ၣ်ဒီးနမိၢ်နီၢ်အူၤနံက့ၤအပူၤန့ၣ်လီၤ. ဒီးယနာ်နီၢ်နီၢ်လၢအအိၣ်စ့ၢ်ကီးလၢနပူၤန့ၣ်လီၤ.

၂ တံၤမသ့း 3:15

ဒီးလၢနမ့ၢ်ဖိသၣ်လံၤလံၤန့ၣ်, နသ့ၣ်ညါတ့ၢ်တၢ်ကွဲးအသးစီဆှံ တဖၣ်လၢအဟ့ၣ်နၤတၢ်ကူၣ်တၢ်ဆးလၢအဆှၢနၤဆူတၢ်အုၣ်က့ၤ ခီၣ်က့ၤခီဖျိတၢ်စူၢ်က့ၤနာ်က့ၤယ့ၣ်ၡူးခရံာ်န့ၣ်လီၤ.

လံာ်စီၤယိၤၡူ 24:15

သုမ့ၢ်တသးအိၣ်မၤအတၢ်ဘၣ်ဒီး, ဃုထၢလၢမုၢ်မဆါတနံၤအံၤပှၤ လၢသုကမၤအတၢ်န့ၣ်တက့ၢ်. သုကဃုထၢကစၢ်တဖၣ်လၢသုမိၢ်ပၢ်ဖံဖုလၢပျၢၤတဖၣ်မၤအတၢ်လၢ ထံမိၢ်ပှၢ်ဝၢ်ဘးခီ, မ့တမ့ၢ်ပှၤအမိၢ်ဖိလၢသုအိၣ်သုဆိး လၢအကီၢ်ပူၤအကစၢ်တဖၣ်ဧါ. မ့မ့ၢ်ယဲဒၣ်အံၤဒီးယပှၤဟံၣ်ဖိ, ပကမၤယွၤအတၢ်လီၤ.”

လံာ်ပှၤစံၣ်ညီၣ်ကွီၢ် 13:12

အန့ၣ်ဒီးစီၤမၤနိစံးဝဲ, “မ့မ့ၢ်ဒ်န့ၣ်ဒီးခဲအံၤ, ဖဲတၢ်လၢနစံးတ့ၢ်တဖၣ်လၢထီၣ်ပှဲၤထီၣ်ဝဲန့ၣ်, ဖိသၣ်အံၤကဘၣ်မၤတၢ်မနုၤလဲၣ်. အဝဲကဘၣ်အိၣ်မူတၢ်အိၣ်မူဒ်လဲၣ်တကလုာ်လဲၣ်.”