အ့းဖ့းစူး 6:3 - Sgaw Karen Common Bible

³ “လၢသုကဘီၣ်ထီၣ်ညီထီၣ်ဒီးသုကအိၣ်မူဘၣ်အါနံၣ်အါ လါလၢကီၢ်အပူၤန့ၣ်လီၤ.”

အ့းဖ့းစူး 6:3 Iomraidhean Croise

လံာ်ယၡါယၤ 3:10

ပှၤအတီအလိၤတဖၣ်ကသူၣ်ဖှံသးညီဒီးတၢ်ခဲလၢာ်ကလဲၤအသး ဂ့ၤဂ့ၤဘၣ်ဘၣ်လၢအဝဲသ့ၣ်အဂီၢ်လီၤ. အဝဲသ့ၣ်ကမုာ်လၤသးခု ဘၣ်ဝဲလၢတၢ်လၢအမၤတ့ၢ်ဝဲအဃိန့ၣ်လီၤ.

လံာ်ယံးရမံယၤ 35:7

အဝဲစံးဘၣ်တ့ၢ်စ့ၢ်ကီး ပှၤလၢပတဘၣ်သူၣ်ထီၣ်ဟံၣ်ဧိၤဃီဧိၤတဖၣ်မ့ၢ်ဂ့ၤ, ထူစံာ်ထူပှဲၤမ့ၢ်ဂ့ၤ, ဒီးသူၣ်လီၤစပံးလီၢ်တဖၣ်မ့ၢ်ဂ့ၤ, ပှ့ၤအီၤမ့ၢ်ဂ့ၤန့ၣ်ဘၣ်. အဝဲမၤလိာ်တ့ၢ် ပှၤထီဘိလၢပကအိၣ်ဆိး လၢဒဲတဖၣ်အပူၤ ဖဲပကအိၣ်ဒံးလၢထံကီၢ်အံၤ, လၢပအိၣ်ဆိးလၢ အပူၤဒ်ပှၤတခီဘီမုၢ်ဖိတဖၣ်အသိးန့ၣ်လီၤ.

လံာ်ယံးရမံယၤ 42:6

တၢ်ဘၣ်ပှၤမုာ်မ့ၢ်ဂ့ၤ, တမုာ်မ့ၢ်ဂ့ၤ ပကစူၢ်ယွၤပကစၢ် ယွၤလၢ ပမၢနဃ့ဘါထုကဖၣ်ဆူ အအိၣ်လၢပဂီၢ်န့ၣ် လီၤ. ပမ့ၢ်စူၢ်အီၤဒီး, တၢ်ခဲလၢာ်ကလဲၤအသးဂ့ၤဂ့ၤဘၣ် ဘၣ်လၢပဂီၢ်န့ၣ်လီၤ.”

အ့းဖ့းစူး 6:2

“ယူးယီၣ်ပာ်ကဲသုမိၢ်သုပၢ်တက့ၢ်.” တၢ်အံၤမ့ၢ်တၢ်မၤလိာ်အဆိကတၢၢ်တထံၣ်လၢအအိၣ်ဒီးတၢ်စံးပာ်,

အ့းဖ့းစူး 6:4

မိၢ်ပၢ်သ့ၣ်ဧၢ, တဘၣ်မၤတုၤဒၣ်လဲာ်သုဖိကသးဒိၣ်ထီၣ်တဂ့ၤ. မ့မ့ၢ်လုၢ်ဒိၣ်ထီၣ်အဝဲသ့ၣ်လၢကစၢ်အတၢ်သိၣ်တၢ်သီဒီးအကျဲ အကပိၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 12:25

သုမ့ၢ်စူၢ်တၢ်မၤလိာ်အံၤဒီးယွၤကဘၣ်သူၣ်ဘၣ်သးဝဲ, ဒီးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢသုဂီၢ်ဒီးလၢသုစၢၤ သုသွဲၣ်တဖၣ်အဂီၢ်လီၤ.

လံာ်သိၣ်လီၤသီလီၤတၢ် 12:28

ကယဲၢ်တၢ်ခဲလၢာ်လၢယမၤလိာ်တ့ၢ်သုန့ၣ်စူၢ်အီၤလၢတၢ်ကလုၢ်တီ အပူၤတက့ၢ်. ဒီးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢသုဂီၢ်ဒီး သုစၢၤသုသွဲၣ်တဖၣ်အဂီၢ်လီၤစိၤလီၤထီမ့ၢ်လၢ, သုကမၤတၢ်လၢအဂ့ၤအဘၣ်ဒီးမၤဘၣ်သူၣ်ဘၣ်သးယွၤသုကစၢ်ယွၤအဃိန့ၣ်လီၤ.

လံာ်သိၣ်လီၤသီလီၤတၢ် 22:7

သုဖီၣ်န့ၢ်ထိၣ်ဖိတဖၣ်သ့ဝဲ, မ့မ့ၢ်သုကဘၣ်ပျဲဟးကွံာ်ထိၣ်မိၢ်န့ၣ်, ဒ်သိးသုတၢ်အိၣ်မူကအိၣ်ကၢအိၣ်ခိးဒီးဘီၣ်ထီၣ်ညီထီၣ်အဂီၢ် န့ၣ်လီၤ.

လံာ်သိၣ်လီၤသီလီၤတၢ် 4:40

စူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤ သုတနံၤအံၤ, ဒီးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဒီးသုစၢၤ သုသွဲၣ်တဖၣ်အဂီၢ်န့ၣ်လီၤ. သုကအိၣ်ဆိးဘၣ်ဒံးဆူညါလၢကီၢ်တဘ့ၣ်အံၤအပူၤလၢယွၤ, သုကစၢ်ယွၤဟ့ၣ်လီၤသုဒ်သိးကမ့ၢ်သုတၢ်အစိၤစိၤအဃၣ်ဃၣ်အဂီၢ် န့ၣ်လီၤ.”

လံာ်သိၣ်လီၤသီလီၤတၢ် 5:16

ယူးယီၣ်သုပၢ်ဒီးသုမိၢ်, ဒ်ယၤ, ယွၤ, သုကစၢ်ယွၤမၤလိာ်သု, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဂီၢ်, ဒီးဒ်သိးသုကအိၣ်မူယံာ်ယံာ်ထၢထၢလၢကီၢ်တဘ့ၣ်လၢယဟ့ၣ် လီၤသုအပူၤန့ၣ်တက့ၢ်.

လံာ်သိၣ်လီၤသီလီၤတၢ် 5:33

စူၢ်အီၤကိးထံၣ်ဒဲး, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤ ဘၣ်ဘၣ်လၢသုဂီၢ်ဒီးဒ်သိးသုကအိၣ်ဆိးဘၣ်ဒံးဆူညါလၢကီၢ် တဘ့ၣ်လၢသုကလဲၤနုာ်လီၤမၤန့ၢ်အီၤအပူၤအဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 6:18

တၢ်လၢယွၤစံးဝဲလၢအမ့ၢ်အတီဒီးဂ့ၤန့ၣ်မၤအီၤတက့ၢ်. ဒီးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢသုဂီၢ်လီၤ. ကီၢ်လၢအပှဲၤဒီးဟီၣ်ခိၣ်ညၣ်ထ့ၣ်အဂ့ၤလၢယွၤအၢၣ်လီၤတ့ၢ်သု မိၢ်ပၢ်ဖံဖုလၢပျၢၤတဖၣ်န့ၣ်, သုလဲၤနုာ်မၤန့ၢ်ကသ့ဝဲ,

လံာ်သိၣ်လီၤသီလီၤတၢ် 6:3

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်တဖၣ်န့ၣ်, ဒီးစူၢ်အီၤတက့ၢ်. အန့ၣ်တစု, တၢ်ခဲလၢာ်ကလဲၤအသးဂ့ၤဂ့ၤဘၣ် ဘၣ်လၢသုဂီၢ်, ဒီးသုကကဲထီၣ်ပှၤတကလုာ်ဖးဒိၣ်ဒီးအိၣ်ဆိးလၢကီၢ်တဘ့ၣ်အပူၤ လၢအထူးအတီၤဒီးပှဲၤဝဲဒီးဟီၣ်ခိၣ်ညၣ်ထ့ၣ်အဂ့ၤ, ဒ်ယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤအၢၣ်လီၤတ့ၢ်ဝဲ အသိးန့ၣ်လီၤ.

လံာ်နီၢ်ရူၤသး 3:1

ဒီးနီၢ်နၤဧမံစံးဘၣ်နီၢ်ရူၤသး, “ယဖိမုၣ်ဧၢ, ယကဘၣ်ဃုန့ၢ်ဟံၣ်လၢနဂီၢ်ဒ်သိးတၢ်မုာ်ကအိၣ်ဒီးနၤအဂီၢ်လီၤ.