အ့းဖ့းစူး 6:21 - Sgaw Karen Common Bible

²¹ ပဒီပုၢ်ဝဲၢ်လၢတၢ်အဲၣ်အီၤစီၤတူဃံၤကူးလၢအမ့ၢ် တၢ်ခ့တၢ်ပှၤလၢအကလုၢ်တီလၢကစၢ်ယွၤအတၢ်မၤအပူၤတဂၤ, ကတဲဘၣ်သုလၢယဂ့ၢ်ယကျိၤခဲလၢာ်, ဒ်သိးသုကသ့ၣ်ညါတၢ်လၢအမၤအသးဒီးယၤန့ၣ်လီၤ.

အ့းဖ့းစူး 6:21 Iomraidhean Croise

မၤတၢ် 20:4

ပှၤဘ့းရံၤဖိစီၤပူရူးအဖိခွါစီၤစိပၤတြူး, ပှၤသ့းစၤလနံဖိစီၤအရံစတၢ်ဃူးဒီးစီၤစ့းကူၣ်ဒူး, ပှၤဒ့ၢ်ဘ့ၤဖိ စီၤကါယူး, ဒီးစီၤတံၤမသ့း, ဒီးပှၤအၤစံဖိစီၤတူဃံၤကူးဒီးစီၤ တြီးဖံၤမူးတဖၣ်လဲၤဃုာ်ဒီးအီၤလီၤ.

1 ကရံၣ်သူး 4:17

လၢတၢ်တမံၤအံၤအဂီၢ်န့ၣ်, ယဆှၢလီၤယဲစီၤတံၤမသ့းဆူသုအိၣ်, အဝဲဒၣ်မ့ၢ်ယဖိသးဘိဒၣ်ယဲလၢခရံာ်အပူၤ, လၢအသးတီဝဲတဂၤ လီၤ. အဝဲဒၣ်ကဒုးသ့ၣ်နီၣ်ထီၣ်သုတၢ်ဘျၢတဖၣ်လၢယပိာ်ထွဲယဲ လၢတၢ်အိၣ်မူအသီဘၣ်ဃးတၢ်ပာ်ဖှိၣ်ထီၣ်ဃုာ်သးတဖျၢၣ်ဃီလၢ ယ့ၣ်ၡူးခရံာ်အပူၤ, ဒီးလၢယသိၣ်လီၤသီလီၤယဲလၢအဂ့ၢ်လၢတၢ်အိၣ်ဖှိၣ်ကိးဖုဒဲး အပူၤ, သကုၤဆးဒးလီၤ.

ဖံလံးပံၤ 1:12

ယဒီပုၢ်ဝဲၢ်သ့ၣ်ဧၢ, ယအဲၣ်ဒိးသုသ့ၣ်ညါလၢတၢ်လၢအမၤတ့ၢ်အသးဒီးယၤ တဖၣ်, ကဲထီၣ်တၢ်မၤစၢၤနီၢ်နီၢ်လၢတၢ်သးခုကစီၣ် အတၢ်လဲၤထီၣ်လဲၤထီအဂီၢ်လီၤ.

ကလီးစဲ 1:7

ခီဖျိပှၤလၢတၢ်အဲၣ်အီၤဒီးယွၤအခ့အပှၤသကိးဒီးပှၤစီၤ အ့းပၤဖြါန့ၣ်လီၤ. အဝဲမ့ၢ်ပခၢၣ်စး, ခရံာ်အခ့အပှၤလၢ အကလုၢ်တီတဂၤ,

၁ တံၤမသ့း 4:6

နမ့ၢ်ဟ့ၣ်လီၤတၢ်သိၣ်လိသီလိတဖၣ်အံၤဆူဒီပုၢ်ဝဲၢ်တဖၣ် အအိၣ်, ဒ်နလုၢ်အီၣ်လုၢ်အီလီၤက့ၤနသးလၢ သူၣ်ဂ့ၤသးကျိၤ လၢတၢ်စူၢ်တၢ်နာ်အတၢ်ကတိၤတဖၣ်အသိးဒီးလၢတၢ်သိၣ်လိ သီလိအမ့ၢ်အတီတဖၣ်လၢနပိာ်ထွဲတ့ၢ်အခံအဃိန့ၣ်, နကမ့ၢ်ယ့ၣ်ၡူးခရံာ်အခ့အပှၤလၢအဂ့ၤန့ၣ်လီၤ.

၂ တံၤမသ့း 4:12

ယမၢလီၤစီၤတူဃံၤကူးဆူဝ့ၢ်အ့းဖ့းစူးလီၤ. နမ့ၢ်ဟဲဒီး, ဟဲစိာ်ယဆ့ကၤဖးဒိၣ်လၢ ယပာ်တီၢ်ဖဲဝ့ၢ်တြိၤအါလၢစီၤကၢ်ပူးအအိၣ်န့ၣ်တက့ၢ်. ဟဲစိာ်ဃုာ်လံာ်အထူတဖၣ်, လီၤဆီဒၣ်တၢ်လံာ်တၢ်ဖံးတဖၣ် န့ၣ်တက့ၢ်.

တံတူး 3:12

တုၤယမၢလီၤစီၤအၢ်တ့းမါမ့တမ့ၢ်စီၤတူဃံၤကူးဆူနအိၣ်န့ၣ်, ဂုာ်ကျဲးစၢးဟဲဆိဆိတသ့ဖဲအသ့ဆူယအိၣ်ဖဲဝ့ၢ်နံၤကပီလံး, မ့ၢ်လၢယပာ်လီၤယသးလၢယကအိၣ်ဖဲန့ၣ်လၢ တၢ်ဂိၢ်ခါဒီ ကတီၢ်ညါအဃိလီၤ.

ဖံၤလ့မိၣ် 1:16

တမ့ၢ်လၢၤဒ်ကုၢ်တဂၤအသိးဘၣ်. မ့ၢ်ဒ်ဒီပုၢ်ဝဲၢ်လၢခရံာ်အပူၤလၢတၢ်အဲၣ်အီၤတဂၤအသိး, လီၤဆီဒၣ်တၢ်လၢယဂီၢ်ဒီးဒိၣ်ဒၣ်တၢ်တက့ၢ်လၢနဂီၢ်, အဂ့ၢ်မ့ၢ်လၢနဒိးန့ၢ်က့ၤအီၤလၢနီၢ်ခိနီၢ်ခီဒ်နကုၢ်တဂၤ အသိး, ဒီးလၢကစၢ်အပူၤဒ်ဒီပုၢ်ဝဲၢ်တဂၤအသိးအဃိန့ၣ်လီၤ.

၁ ပ့းတရူး 5:12

ယကွဲးန့ၢ်သုလံာ်ပရၢဖုၣ်ကိာ်ဖိအံၤခီဖျိစီၤစံလၤလၢယပာ်အီၤဒ် ဒီပုၢ်ဝဲၢ်လၢအသးတီဒီးယၤတဂၤအတၢ်မၤစၢၤယၤအပူၤန့ၣ်လီၤ. ယသးအိၣ်ဟ့ၣ်ဆူၣ်ထီၣ်သုဂံၢ်သုဘါဒီးဟ့ၣ်ယတၢ်အုၣ်ယသး လၢတၢ်အံၤမ့ၢ်ကစၢ်ယွၤအဘျုးအဖှိၣ်နီၢ်နီၢ်လီၤ. ဆၢထၢၣ်ဂၢၢ်ကျၢၤလၢတၢ်အံၤအပူၤန့ၣ်တက့ၢ်.

၂ ပ့းတရူး 3:15

ပာ်ပကစၢ်အတၢ်ဝံသးစူၤဒ်အမ့ၢ်တၢ်ခွဲးတၢ်ယာ်လၢအဟ့ၣ် သုလၢသုကတုၤလၢတၢ်အုၣ်က့ၤခီၣ်က့ၤအဂီၢ်, ဒ်ပဒီပုၢ်ဝဲၢ်သးဘိစီၤပီလူးကွဲးန့ၢ်သုအိၣ်ဒီးတၢ်သူတၢ် ကူၣ်သ့ကူၣ်ဘၣ်လၢကစၢ်ယွၤဟ့ၣ်အီၤအသိးန့ၣ်တက့ၢ်.