အ့းဖ့းစူး 6:2 - Sgaw Karen Common Bible

² “ယူးယီၣ်ပာ်ကဲသုမိၢ်သုပၢ်တက့ၢ်.” တၢ်အံၤမ့ၢ်တၢ်မၤလိာ်အဆိကတၢၢ်တထံၣ်လၢအအိၣ်ဒီးတၢ်စံးပာ်,

အ့းဖ့းစူး 6:2 Iomraidhean Croise

လံာ်တၢ်ဟးထီၣ်ကွံာ် 20:12

ယူးယီၣ်ပာ်ကဲသုပၢ်ဒီးသုမိၢ်, ဒ်သိးသုကအိၣ်ကၢအိၣ်ခိးလၢ ကီၢ်တဘ့ၣ်လၢကယဟ့ၣ်လီၤသုအပူၤန့ၣ်တက့ၢ်.

တၢ်ကတိၤဒိ. 20:20

နမ့ၢ်ဆိၣ်အၢနမိၢ်နပၢ်န့ၣ်နတၢ်အိၣ်မူကကတၢၢ်ဝဲဒ်မ့ၣ်အူဒၢ တဖျၢၣ်လၢအလီၤပံာ်ကွံာ်ဝဲလၢတၢ်ခံးကျါအသိးန့ၣ်လီၤ.

လံာ်ယံးရမံယၤ 35:18

အန့ၣ်ဒီး, ယတဲဘၣ်ပှၤရ့ကးအဒူၣ်ထၢလၢ ယွၤသ့တၢ်လၢာ်, အံၣ်စရ့လးအကစၢ်ယွၤစံးတ့ၢ်ဝဲဒၣ်, “သုစူၢ်တ့ၢ်သုပၢ်ဖးဒိၣ် လၢပျၢၤစီၤယိၤနဒာ်အတၢ်မၤလိာ်လၢ အဟ့ၣ်လီၤတ့ၢ်သု, ဒီၤသုပိာ်ထွဲအဝဲအတၢ်သိၣ်လိနဲၣ်ယုၤခဲလၢာ်, ဒီးသုမၤ တ့ၢ်တၢ်ခဲလၢာ်လၢ အဝဲဒၣ်မၤလိာ်တ့ၢ်သုန့ၣ်လံ.

လံာ်ယံးရမံယၤ 35:7

အဝဲစံးဘၣ်တ့ၢ်စ့ၢ်ကီး ပှၤလၢပတဘၣ်သူၣ်ထီၣ်ဟံၣ်ဧိၤဃီဧိၤတဖၣ်မ့ၢ်ဂ့ၤ, ထူစံာ်ထူပှဲၤမ့ၢ်ဂ့ၤ, ဒီးသူၣ်လီၤစပံးလီၢ်တဖၣ်မ့ၢ်ဂ့ၤ, ပှ့ၤအီၤမ့ၢ်ဂ့ၤန့ၣ်ဘၣ်. အဝဲမၤလိာ်တ့ၢ် ပှၤထီဘိလၢပကအိၣ်ဆိး လၢဒဲတဖၣ်အပူၤ ဖဲပကအိၣ်ဒံးလၢထံကီၢ်အံၤ, လၢပအိၣ်ဆိးလၢ အပူၤဒ်ပှၤတခီဘီမုၢ်ဖိတဖၣ်အသိးန့ၣ်လီၤ.

လံာ်ယဃ့းစက့လး 22:7

ပှၤအိၣ်လၢဝ့ၢ်ပူၤတယူးယီၣ်အမိၢ်အပၢ်နီတဂၤဘၣ်. သုလီန့ၢ်ပှၤတခီဘီမုၢ်ဖိတဖၣ်ဒီးသုဟံးန့ၢ်တၢ်အခွဲး အယာ်လၢပှၤမုၣ်ကမဲတဖၣ်ဒီးပှၤဖိၣ်ဃဲတဖၣ်အဖီခိၣ်လီၤ.

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

ရိမ့ၤ 13:7

မ့မ့ၢ်ဒ်န့ၣ်ဒီး, ဟ့ၣ်တၢ်လၢသုကဘၣ်ဟ့ၣ်အဝဲသ့ၣ်န့ၣ်တက့ၢ်. ကယဲၢ်တၢ်ခိတၢ်သွဲလၢအလီၤဘၣ်သုတမံၤလၢ်လၢ်န့ၣ်ဟ့ၣ် အီၤတက့ၢ်. ဒီးဒုးနဲၣ်တၢ်ယူးယီၣ်ဒီးတၢ်မၤလၤကပီၤလၢ အဝဲသ့ၣ်ခဲလၢာ်အဂီၢ်တက့ၢ်.

အ့းဖ့းစူး 6:3

“လၢသုကဘီၣ်ထီၣ်ညီထီၣ်ဒီးသုကအိၣ်မူဘၣ်အါနံၣ်အါ လါလၢကီၢ်အပူၤန့ၣ်လီၤ.”

လံာ်သိၣ်လီၤသီလီၤတၢ် 27:16

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်အပၢ်မ့ၢ်ဂ့ၤအမိၢ်မ့ၢ်ဂ့ၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 5:16

ယူးယီၣ်သုပၢ်ဒီးသုမိၢ်, ဒ်ယၤ, ယွၤ, သုကစၢ်ယွၤမၤလိာ်သု, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဂီၢ်, ဒီးဒ်သိးသုကအိၣ်မူယံာ်ယံာ်ထၢထၢလၢကီၢ်တဘ့ၣ်လၢယဟ့ၣ် လီၤသုအပူၤန့ၣ်တက့ၢ်.

၁ တံၤမသ့း 5:4

ဘၣ်ဆၣ်မုၣ်ကမဲတဂၤမ့ၢ်အိၣ်ဒီးအဖိ, မ့တမ့ၢ်အလံၤတဖၣ်န့ၣ်ဒီး, အဝဲသ့ၣ်ကဘၣ်မၤလိဆိတၢ်မၤလၢပှဲၤအတၢ်ဘူၣ်တၢ်ဘါအမူ အဒါတဖၣ်လၢအဒူၣ်ဖိထၢဖိဒၣ်ဝဲအဂီၢ်, ဒီးလၢကျဲဒ်အံၤန့ၣ်မၤဘျုးက့ၤမိၢ်ပၢ်ဖံဖုတဖၣ်, အဂ့ၢ်မ့ၢ်လၢတၢ်အံၤမ့ၢ်တၢ်ဘၣ်ကစၢ်ယွၤအသးအဃိန့ၣ်လီၤ.