အ့းဖ့းစူး 6:19 - Sgaw Karen Common Bible

¹⁹ ဃ့ထုကဖၣ်စ့ၢ်ကီးလၢယဂီၢ်, ဒ်သိးယွၤကဟ့ၣ်ယၤတၢ်ကစီၣ်ဖဲယအိၣ်ကတဲာ်ကတီၤ ယသးလၢယကကတိၤထီၣ်တၢ်အဆၢကတီၢ်ဒီးဒ်သိး ယကကတိၤဘၣ်တၢ်အိၣ်ဒီးတၢ်သးခူတလ့ၢ်သတးဒီး လီၣ်ဖျါထီၣ်တၢ်သးခုကစီၣ်အတၢ်ခူသူၣ်အဂီၢ်န့ၣ်တက့ၢ်.

အ့းဖ့းစူး 6:19 Iomraidhean Croise

မၤတၢ် 13:46

ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.

မၤတၢ် 14:3

ပှၤတၢ်မၢဖိခံဂၤအံၤအိၣ်ဖဲန့ၣ်ဖးယံာ်လီၤ. အဝဲသ့ၣ်စံးကတိၤတၢ်ဒူဒူဘၣ်ဃးဒီးကစၢ်အဂ့ၢ်ဒီးအတၢ် ကစီၣ်ဘၣ်ဃးဒီးကစၢ်အဘျုးအဖှိၣ်အံၤမ့ၢ်တၢ်မ့ၢ်တၢ်တီအဂ့ၢ်န့ၣ်, ကစၢ်အုၣ်အသးခီဖျိအဟ့ၣ်တၢ်စိတၢ်ကမီၤလၢတၢ်မၤတၢ်လီၤလးဒီး တၢ်ပနီၣ်လီၤလးတဖၣ်န့ၣ်လီၤ.

မၤတၢ် 18:26

အဝဲကတိၤထီၣ်တၢ်ဒူဒူလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤ လီၤ. ဖဲနီၢ်ပြံစကံးလၤဒီးစီၤအကူလၤနၢ်ဟူဘၣ်အဝဲဒၣ်ကတိၤ တၢ်န့ၣ်, က့ၤကိးအီၤဆူအဟံၣ်, တဲဖျါန့ၢ်အီၤကစၢ်ယွၤအကျဲဒ်သိးအကနၢ်ပၢၢ်ဝဲလီၤတံၢ်ဒိၣ်န့ၢ် အလီၢ်တက့ၢ်လီၤ.

မၤတၢ် 19:8

လၢသၢလါအတီၢ်ပူၤစီၤပီလူးလဲၤနုာ်ဆူဘူၣ်ဘျီၣ်လၢအမ့ၢ် တၢ်ဘါလီၢ်အပူၤဒီးကတိၤတၢ်ဒီးပှၤဂီၢ်မုၢ်တဖၣ်ဒူဒူလီၤ. အဝဲဒၣ်ကတိၤဂ့ၢ်လိာ်ဘှီလိာ်တၢ်ဒီးအဝဲသ့ၣ်, ဒီးဂုာ်ကျဲးစၢးဒုးနာ်အဝဲသ့ၣ်ဘၣ်ဃးကစၢ်ယွၤအဘီ အမုၢ်အဂ့ၢ်န့ၣ်လီၤ.

မၤတၢ် 2:4

အဝဲသ့ၣ်ခဲလၢာ်လၢထီၣ်ပှဲၤထီၣ်ဒီးသးစီဆှံ, ဒီးကတိၤထီၣ်တၢ်လၢကျိာ်ဂၤတဖၣ်ဒ်ယွၤအသးဒုးသ့စံးသ့ ကတိၤအီၤအသိးန့ၣ်လီၤ.

မၤတၢ် 28:31

အဝဲဒၣ်စံၣ်တဲၤတဲလီၤတၢ်ဘၣ်ဃးကစၢ်ယွၤအဘီအမုၢ်, ဒီးသိၣ်လီၤသီလီၤတၢ်ဘၣ်ဃးကစၢ်ယ့ၣ်ၡူးခရံာ်အဂ့ၢ်ဒီး ကတိၤတၢ်လၢတၢ်သူၣ်ဒူသးဒူအလၢအပှဲၤဒီးလၢတၢ်သဘျ့ နီၢ်နီၢ်အပူၤလီၤ. ပှၤလၢအကတြီအီၤတအိၣ်နီတဂၤဘၣ်.

မၤတၢ် 4:13

ပှၤလၢအအိၣ်လၢကီၣ်ကးအပူၤတဖၣ်တုၤအထံၣ်ဘၣ်စီၤပ့းတရူး ဒီးစီၤယိၤဟၣ်အတၢ်သူၣ်ဒူသးဒူဒီးသ့ၣ်ညါဝဲလၢပှၤခံ ဂၤအံၤမ့ၢ်ပှၤတမၤလိမၤဒိးဘၣ်တၢ်ဘၣ်, ဒီးမ့ၢ်ဒၣ်ပှၤမုၢ်ဆ့ၣ်မုၢ်ဂီၤဖိသတးဒီး, အဝဲသ့ၣ်ကမၢကမၣ်ဝဲဒၣ်လီၤ. အန့ၣ်ဒီးသ့ၣ်ညါဝဲလၢအဝဲသ့ၣ်မ့ၢ်တ့ၢ်ပှၤတဖၣ်လၢအရ့လိာ်ဘၣ် အသးတံၢ်တံၢ်ဒီးယ့ၣ်ၡူးန့ၣ်လီၤ.

မၤတၢ် 4:29

မ့မ့ၢ်ခဲကနံၣ်အံၤ, ကစၢ်ဧၢ, ကနၣ်ကွၢ်အဝဲသ့ၣ်အတၢ်ကတိၤပျံၤကတိၤဖုးတ့ၢ်ပဝဲဒၣ်တဖၣ်န့ၣ်, ဒီးဒုးစံးဒုးကတိၤပဝဲနခ့နပှၤတဖၣ်လၢနတၢ်ကစီၣ်, လၢတၢ်သူၣ်ဒူသးဒူအပူၤတက့ၢ်.

မၤတၢ် 4:31

တုၤအဝဲသ့ၣ်ဃ့ဘါထုကဖၣ်တၢ်ကတၢၢ်ဝဲဒီး, တၢ်လီၢ်ဖဲအဝဲသ့ၣ်အိၣ်ဖှိၣ်သကိးဝဲလၢအပူၤန့ၣ်ဟူးဝးဝဲလီၤ. အဝဲသ့ၣ်ကိးဂၤဒဲးလၢထီၣ်ပှဲၤထီၣ်ဒီးသးစီဆှံ, ဒီးစံၣ်တဲၤတဲလီၤယွၤအတၢ်ကစီၣ်လၢတၢ်သူၣ်ဒူသးဒူအပူၤလီၤ.

မၤတၢ် 9:27

အန့ၣ်ဒီးစီၤဘၢ်နါဘၤနုာ်လီၤမၤစၢၤအီၤဒီးလဲၤကိးအီၤ ဆူပှၤတၢ်မၢဖိတဖၣ်အအိၣ်န့ၣ်လီၤ. အဝဲဒၣ်ကတိၤဒုးနၢ်ပၢၢ်အဝဲသ့ၣ်လၢစီၤစီလူးထံၣ်ဘၣ်တ့ၢ်လံ ကစၢ်ဖဲအလဲၤတၢ်ဆူဝ့ၢ်ဒၤမ့ၤစ့းအကတီၢ်, ဒီးလၢကစၢ်န့ၣ်ကတိၤတ့ၢ်လံတၢ်ဒီးအီၤအဂ့ၢ်တဖၣ်န့ၣ်လီၤ. အဝဲဒၣ်စံးဘၣ်စ့ၢ်ကီးအဝဲသ့ၣ်လၢစီၤစီလူးစံၣ်တဲၤတဲလီၤ တၢ်လၢယ့ၣ်ၡူးအမံၤအပူၤအိၣ်ဒီးတၢ်သူၣ်ဒူသးဒူလၢ ဝ့ၢ်ဒၤမ့ၤစ့းအပူၤအဂ့ၢ်န့ၣ်လီၤ.

မၤတၢ် 9:29

အဝဲဒၣ်စံးကတိၤတၢ်ဒီးဂ့ၢ်လိာ်ဘှီလိာ်စ့ၢ်ကီးအသးဒီးပှၤ ယူဒၤဖိလၢအကတိၤထဲကြံးခ်ကျိာ်ဧိၤတဖၣ်, ဘၣ်ဆၣ်ဒီးအဝဲသ့ၣ်ဃုဒၣ်ကျဲလၢကမၤသံအီၤအဂီၢ်လီၤ.

ရိမ့ၤ 15:30

ဒီပုၢ်ဝဲၢ်သ့ၣ်ဧၢ, ခီဖျိပကစၢ်ယ့ၣ်ၡူးခရံာ်ဒီးခီဖျိတၢ်အဲၣ်တၢ်ကွံလၢ ကစၢ်ယွၤအသးဟ့ၣ်လီၤဝဲန့ၣ်, ယသဆၣ်ထီၣ်သုခံလၢသုကဃ့ထုကဖၣ်ယွၤသပှၢ်ပှၢ်ဃုာ်ဒီးယၤလၢ ယဂီၢ်န့ၣ်လီၤ.

ရိမ့ၤ 16:25

မ်ပဟ့ၣ်ကစၢ်ယွၤတၢ်လၤကပီၤတက့ၢ်. အဝဲဒၣ်ဒုးဆၢထၢၣ်ဂၢၢ်ကျၢၤသုလၢသုတၢ်စူၢ်တၢ်နာ်အပူၤ သ့ဝဲ, ဒ်တၢ်သးခုကစီၣ်လၢယစံၣ်တဲၤတဲလီၤန့ၢ်သုအသိး, တၢ်သးခုကစီၣ်ဘၣ်ဃးဒီးယ့ၣ်ၡူးဒီးဒ်တၢ်မ့ၢ်တၢ်တီခူသူၣ်လၢ အအိၣ်ဘံၣ်အိၣ်ဘၢဝဲအစိၤစိၤအဃၣ်ဃၣ်လၢပျၢၤအတၢ်လီၣ်ဖျါထီၣ် အသးအသိးန့ၣ်လီၤ.

1 ကရံၣ်သူး 1:5

အဂ့ၢ်ဒ်အံၤ, လၢတၢ်ပာ်ဖှိၣ်ဃုာ်သုသးတဖျၢၣ်ဃီဒီးခရံာ်အပူၤ န့ၣ်, သုထူးထီၣ်တီၤထီၣ်တ့ၢ်လၢတၢ်ကိးမံၤဒဲးအပူၤ, ဃုာ်ဒီးတၢ်စံးတၢ်ကတိၤခဲလၢာ်, ဒီးတၢ်သ့ၣ်ညါနၢ်ပၢၢ်ခဲလၢာ် န့ၣ်လီၤ.

1 ကရံၣ်သူး 2:7

တၢ်ကူၣ်ဘၣ်ကူၣ်သ့လၢယစံၣ်တဲၤတဲလီၤအဝဲအံၤန့ၣ် မ့ၢ်ကစၢ်ယွၤအတၢ်ကူၣ်ဘၣ်ကူၣ်သ့ခူသူၣ်, လၢအအိၣ်တဒၢလၢပှၤကညီအမဲာ်ညါ, ဘၣ်ဆၣ်ဒီးမ့ၢ်တၢ်လၢအဝဲဒၣ်ဃုထၢတ့ၢ်ဝဲလၢပလၤကပီၤ အဂီၢ်, တချုးဒၣ်လဲာ်လၢဟီၣ်ခိၣ်တဘ့ၣ်အံၤဘၣ်တၢ်တ့လီၤ ပာ်လီၤအီၤဒံးဘၣ်န့ၣ်လီၤ.

1 ကရံၣ်သူး 4:1

သုကြၢးထံၣ်ပှၤဒ်ပမ့ၢ်ခရံာ်အခ့အပှၤတဖၣ်လၢအဘၣ်တၢ်ဟ့ၣ် မူဟ့ၣ်ဒါအီၤဒ်သိးအကပၢၤဃာ်တၢ်ခူသူၣ်ဘၣ်ဃးဒီးကစၢ်ယွၤ အတၢ်မ့ၢ်တၢ်တီတဖၣ်န့ၣ်လီၤ.

၂ ကရံၣ်သူး 1:11

မ့ၢ်လၢသုမၤစၢၤပှၤခီဖျိသုတၢ်ထုကဖၣ်လၢပဂီၢ် အဃိန့ၣ်လီၤ. လၢတၢ်န့ၣ်အဃိ, တၢ်ကမၤအသးလၢတၢ်ထုကဖၣ်အါယုၢ်လၢပဂီၢ်ကဘၣ် တၢ်စံးဆၢအီၤ, ဒီးကစၢ်ယွၤကဆိၣ်ဂ့ၤပှၤဒီးပှၤအါဒံအါဂၤ ကထုထီၣ်အကလုၢ်ဆူအအိၣ်လၢတၢ်စံးဘျုးစံးဖှိၣ်အီၤလၢ ပဂီၢ်န့ၣ်လီၤ.

၂ ကရံၣ်သူး 3:12

မ့ၢ်လၢပအိၣ်ဒီးတၢ်မုၢ်လၢ်တမံၤအံၤအဃိ, ပသူၣ်ဒူသးဒူပဝဲ ဒိၣ်မးလီၤ.

၂ ကရံၣ်သူး 6:11

တံၤသကိးသးဘိလၢဝ့ၢ်ကရံၣ်သူးသ့ၣ်ဧၢ, ပကတိၤတၢ်လိၤလိၤဘျၢဘျၢဒီးသုလီၤ. ပအိးထီၣ်လံ ပသးလဲၢ်လဲၢ်လံ.

၂ ကရံၣ်သူး 7:4

ယနာ်န့ၢ်သုအဒိၣ်အမုၢ်လီၤ. ယပာ်ကဖၢလၢမးယသးလၢ သုဃိလီၤ. လၢပတၢ်ကီတၢ်ခဲတၢ်နးတၢ်ဖှီၣ်ခဲလၢာ်အပူၤ န့ၣ်, ယလၢပှဲၤဒံးယဲဒီးတၢ်သးဒူလီၤ. ယပှဲၤလုာ်ကွံာ်ယဲဒီး တၢ်သးဖှံလီၤ.

၂ ကရံၣ်သူး 8:7

လၢတၢ်အိၣ်ဒီးသုခဲလၢာ်အပူၤ, လၢတၢ်စူၢ်တၢ်နာ်, တၢ်စံးတၢ်ကတိၤဒီးတၢ်သ့ၣ်ညါနၢ်ပၢၢ်အပူၤ, လၢသုတၢ် သးဆူၣ်မၤစၢၤတၢ်, ဒီးလၢသုတၢ်အဲၣ်ဘၣ်ပှၤအပူၤန့ၣ်, သုထူးဝဲတီၤဝဲဒိၣ်မးလီၤ. ဒီးလၢတၢ်န့ၣ်အဃိပအဲၣ်ဒိးလၢသုကအိၣ်ဒီးတၢ်သးအိၣ် အတၢ်ဟ့ၣ်တၢ်အါ, လၢတၢ်အဲၣ်အတၢ်ဖံးတၢ်မၤတမံၤအံၤ အပူၤစ့ၢ်ကီးန့ၣ်လီၤ.

အ့းဖ့းစူး 1:9

လၢအတၢ်ကူၣ်ဘၣ်ကူၣ်သ့ဒီးအတၢ်ထံၣ်တုာ်ကွၢ်ဖျါတၢ်ခဲလၢာ် အပူၤ, ယွၤမၤတ့ၢ်တၢ်ဒ်အတိာ်ပာ်တ့ၢ်ဝဲအသိးဒီးလီၣ်ဖျါထီၣ်န့ၢ်ပှၤ လၢအတၢ်ရဲၣ်တၢ်ကျဲၤခူသူၣ်လၢအတိာ်ပာ်တ့ၢ်လံဝဲလၢ အကမၤလၢထီၣ်ပှဲၤထီၣ်ဝဲခီဖျိခရံာ်န့ၣ်လီၤ.

အ့းဖ့းစူး 3:9

ဒီးလၢယကဒုးထံၣ်ပှၤခဲလၢာ်လၢကစၢ်ယွၤအတၢ်ရဲၣ်တၢ်ကျဲၤ ဘၣ်ဃးတၢ်လၢအအိၣ်ခူသူၣ်တ့ၢ်လၢနံၣ်လၢအပူၤကွံာ်တဖၣ် စးထီၣ်လၢတၢ်ဘၣ်တ့အခီၣ်ထံးလံၤလံၤ,

ကလီးစဲ 2:2

ယတၢ်ကျဲးစၢးမ့ၢ်ဒ်သိးဒီးသုကလၢထီၣ်ပှဲၤထီၣ်လၢတၢ်သူၣ်ဒူ သးဒူ, ဒီးလၢသုကအိၣ်ဒီးတၢ်သးတဖျၢၣ်ဃီလၢတၢ်အဲၣ်တၢ်ကွံ အပူၤ, ဒ်သိးသုကဒိးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဘၣ်ဃးဒီးတၢ် သူၣ်ဂၢၢ်သးကျၢၤလၢတၢ်သ့ၣ်ညါနၢ်ပၢၢ်နီၢ်နီၢ်ဟဲစိာ်ဝဲဒီးတၢ် သ့ၣ်ညါကစၢ်ယွၤအတၢ်ခူသူၣ်လၢအမ့ၢ်ခရံာ်န့ၣ်လီၤ.

ကလီးစဲ 4:3

ဒီးဃ့ဘါထုကဖၣ်စ့ၢ်ကီးလၢပဂီၢ်, ဒ်သိးကစၢ်ယွၤကအိးထီၣ် န့ၢ်ပှၤကျဲလၢပကစံၣ်တဲၤတဲလီၤဘၣ်တၢ်အကစီၣ်ဘၣ်ဃးဒီးခရံာ် အတၢ်ခူသူၣ်န့ၣ်တက့ၢ်. အဂ့ၢ်ဒ်အံၤယလီၤဘၣ်လၢဃိာ်အပူၤမ့ၢ်လၢတၢ်ဂ့ၢ်အံၤအဃိလီၤ.

၁ သ့းစၤလနံ 2:2

သုသ့ၣ်ညါလၢတချုးပဟဲဒံးဘၣ်ဆူသုအိၣ်န့ၣ်ပဘၣ်တၢ်မၤနးမၤ ဖှီၣ်ဒီးကတိၤတရီတပါပှၤဖဲဝ့ၢ်ဖံလံးပံၤဒ်လဲၣ်န့ၣ်လီၤ. ဒီးတၢ်ထီဒါအိၣ်ဝဲအဒိၣ်အမုၢ်သနာ်က့, ပကစၢ်ယွၤဟ့ၣ်ပှၤတၢ်သးဒူဒ်သိးပကတဲဘၣ်သုတၢ်ကစီၣ် အမုာ်လၢအဟဲလၢအဝဲဒၣ်အအိၣ်န့ၣ်လီၤ.

၁ သ့းစၤလနံ 5:25

ဒီပုၢ်ဝဲၢ်သ့ၣ်ဧၢ, ဃ့ဘါထုကဖၣ်စ့ၢ်ကီးလၢပဂီၢ်တက့ၢ်.

၂ သ့းစၤလနံ 3:1

လၢခံကတၢၢ်န့ၣ်, ပဒီပုၢ်ဝဲၢ်သ့ၣ်ဧၢ, ဃ့ဘါထုကဖၣ်တၢ်လၢပဂီၢ်, ဒ်သိးကစၢ်အတၢ်ကစီၣ်ကရၤလီၤအသးချ့ချ့ကလဲာ်, ဒီးဖဲတၢ်လီၢ်ကိးပူၤဒဲးန့ၣ်, ကဘၣ်တၢ်တူၢ်လိာ်မၤလၤကပီၤအီၤ, ဒ်အမၤအသးလၢသုသိးသုကျါန့ၣ်တက့ၢ်.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

ဖံၤလ့မိၣ် 1:22

တဘျီဃီဝံသးစူၤကတဲာ်ကတီၤဆိပာ်စၢၤဒၢးတဖျၢၣ်လၢ ယဂီၢ်, အဂ့ၢ်ဒ်အံၤယမုၢ်လၢ်လၢကစၢ်ယွၤကစံးဆၢသုခဲလၢာ် အတၢ်ထုကဖၣ်ဒီးဆှၢက့ၤယၤဆူသုအိၣ်န့ၣ်လီၤ.

ဧ့ၤဘြံၤ 13:18

ဘါထုကဖၣ်တၢ်လၢပဂီၢ်တဘိယူၢ်ဃီတက့ၢ်. ပနာ်လၢပအိၣ်ဒီးသးလၢအသ့ၣ်ညါတၢ်လၢအတီ လၢအအဲၣ်ဒိးမၤတၢ်လၢအဂ့ၤအဘၣ်ဝဲကိးဆၢကိး ကတီၢ်လီၤ.