အ့းဖ့းစူး 6:12 - Sgaw Karen Common Bible

¹² အဂ့ၢ်ဒ်အံၤ, ပတဒုးလိာ်ပသးဒီးပှၤကညီဘၣ်. မ့မ့ၢ်ပဒုးလိာ်ပသးဒီးသးအၢလၢအအိၣ်ဒီးအစိအကမီၤ လၢမူခိၣ်, ပှၤပၢထံပၢကီၢ်တဖၣ်, ပဒိၣ်ပပှၢ်တဖၣ်ဒီးဟီၣ်ခိၣ်အစိကမီၤလၢအဒုးအိၣ်ထီၣ်တၢ်ခံးတၢ် နၤတစိၤအံၤတဖၣ်န့ၣ်လီၤ.

အ့းဖ့းစူး 6:12 Iomraidhean Croise

လံာ်စီၤယိၤဘး 2:2

ဒီးယွၤသံကွၢ်မုၣ်ကီၤလံၢ်, “နဟဲလၢလဲၣ်” ဒီးမုၣ်ကီၤလံၢ် စံးဆၢယွၤဒီးစံး “ယဟးဖဲအံၤဖဲနုၤဒီးယဟးဝ့ၤဝီၤလၢ ဟီၣ်ခိၣ်ချၢအပူၤန့ၣ်လီၤ.”

လံာ်မးသဲ 16:17

ယ့ၣ်ၡူးစံးဆၢအီၤ, “စီၤယိၤနါအဖိခွါစီၤၡံမိၣ်ဧၢ, နဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, တၢ်သ့ၣ်ညါအံၤတဟဲလၢပှၤကညီအအိၣ်ဘၣ်. မ့မ့ၢ်, ဘၣ်တၢ်လီၣ်ဖျါထီၣ်န့ၢ်နၤလၢယပၢ်လၢအအိၣ်လၢမူခိၣ်န့ၣ်လီၤ.

လံာ်မၢ်ကူး 4:19

ဘၣ်ဆၣ်ဒီးတၢ်ကိၢ်တၢ်ဂီၤဘၣ်ဃးဟီၣ်ခိၣ်တစိၤအံၤ, တၢ်မိၣ်န့ၢ်သးလီတၢ်ထူးတၢ်တီၤဒီးကယဲၢ်တၢ်မိၣ်န့ၢ်သးလီတၢ် အဂုၤအဂၤတဖၣ်ခဲလၢာ်န့ၣ်ခဲဘၢကွံာ်ယွၤ အကလုၢ်ကထါဒီးသူထီၣ်သၣ်ထီၣ်တသ့လၢၤဘၣ်န့ၣ်လီၤ.

လံာ်လူၤကၣ် 13:24

“ဂုာ်ကျဲးစၢးလဲၤနုာ်သုဝဲလၢကျဲစၢၤအအံၣ်န့ၣ်တက့ၢ်. အဂ့ၢ်ဒ်အံၤ, ပှၤအါဒံအါဂၤကကျဲးစၢးဝဲ, ဘၣ်ဆၣ်ဒီးလဲၤနုာ်ဝဲတန့ၢ်ဘၣ်.

လံာ်လူၤကၣ် 22:53

ယအိၣ်ဒီးသုလၢတၢ်လုၢ်ဟံၣ်ပူၤကိးနံၤဒဲး, ဒီးသုတဂုာ်ကျဲးစၢးဖီၣ်ယၤဘၣ်. ဘၣ်ဆၣ်ဒီးအဝဲအံၤမ့ၢ်ဆၢကတီၢ်နၣ်ရံၣ်လၢ သုကမၤတၢ်တမံၤအံၤအဂီၢ်, ဖဲတၢ်ခံးတၢ်နၤအစိကမီၤပၢတၢ်န့ၣ်လီၤ.

လံာ်ယိၤဟၣ် 12:31

ခဲကနံၣ်အံၤ, မ့ၢ်တၢ်ဆၢကတီၢ်လၢဟီၣ်ခိၣ်ကဘၣ်တၢ်စံၣ်ညီၣ်အီၤ အဂီၢ်လီၤ. ခဲကနံၣ်အံၤပှၤလၢအပၢဟီၣ်ခိၣ်တဂၤန့ၣ်, ကဘၣ်တၢ်တၢၤကွံာ်အီၤလၢစီၤပၤအလီၢ်လီၤ.

လံာ်ယိၤဟၣ် 14:30

ယကတိၤတၢ်ဒီးသုယံာ်ယံာ်တသ့လၢၤဘၣ်. မ့ၢ်လၢ ပှၤလၢအပၢဟီၣ်ခိၣ်အံၤတဂၤဟဲဝဲလံအဃိလီၤ. အဝဲအစိကမီၤတအိၣ်လၢယဖီခိၣ်နီတမံၤဘၣ်.

လံာ်ယိၤဟၣ် 16:11

လၢကစၢ်ယွၤအတၢ်စံၣ်ညီၣ်အဂ့ၢ်, မ့ၢ်လၢပှၤလၢအပၢဟီၣ်ခိၣ် အံၤဘၣ်တၢ်စံၣ်ညီၣ်တ့ၢ်လံအီၤအဃိန့ၣ်လီၤ.

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

ရိမ့ၤ 8:38

အဂ့ၢ်ဒ်လဲၣ်န့ၣ်, ယနာ်လၢတၢ်သံမ့ၢ်ဂ့ၤ, တၢ်မူမ့ၢ်ဂ့ၤ, ကလူးတဖၣ်မ့ၢ်ဂ့ၤ, မူခိၣ်အပှၤပၢတၢ်တဂၤတဖၣ်မ့ၢ်ဂ့ၤ, တၢ်အစိကမီၤတဖၣ်မ့ၢ်ဂ့ၤ, တၢ်အိၣ်ခဲအံၤမ့ၢ်ဂ့ၤ, တၢ်လၢအကအိၣ်ဆူညါမ့ၢ်ဂ့ၤ,

1 ကရံၣ်သူး 15:50

တၢ်လၢယအဲၣ်ဒိးစံးယဲန့ၣ်ယဒီပုၢ်ဝဲၢ်သ့ၣ်ဧၢ, တၢ်လၢအဘၣ်တၢ်တ့အီၤလၢတၢ်ညၣ်ဒီးတၢ်သွံၣ်တၢ်ထံန့ၣ်, ဒိးန့ၢ်ဃုာ်ယွၤအဘီအမုၢ်တသ့ဘၣ်. ဒီးတၢ်လၢအသံသ့န့ၣ်, န့ၢ်ဘၣ်တၢ်သံတသ့န့ၣ် တသ့ဘၣ်.

၂ ကရံၣ်သူး 11:14

အဝဲန့ၣ်တမ့ၢ်တၢ်လီၤကမၢကမၣ်ဘၣ်. မုၣ်ကီၤလံၢ်ဒၣ်လဲာ်ပျိာ်လဲလိာ်အသးဒ်သိးအကလီၤဂာ်ဒီးတၢ် ကပီၤအကလူးန့ၣ်သ့ဝဲလီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

ကလၤတံ 1:16

လၢအကလီၣ်ဖျါထီၣ်အဖိခွါလၢယၤ, ဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးဒီးအီၤဆူပှၤကလုာ်ဂၤတဖၣ်န့ၣ်, ယတဃ့ပှၤကညီအတၢ်ဟ့ၣ်ကူၣ်ဟ့ၣ်ဖးနီတဂၤဘၣ်.

အ့းဖ့းစူး 1:21

ဖဲန့ၣ် ခရံာ်ပၢတၢ်, လၢပှၤလၢအပၢတၢ်လၢမူခိၣ်, ပဒိၣ်ပပှၢ်, တၢ်စိတၢ်ကမီၤ, ဒီးကစၢ်တဖၣ်ခဲလၢာ်အဖီခိၣ်န့ၣ်လီၤ. အဝဲအိၣ်ဒီးမံၤလၢအဒိၣ်န့ၢ်ထီန့ၢ်မံၤခဲလၢာ်လၢအဘၣ် တၢ်ယၢၤထီၣ်အီၤ, တမ့ၢ်ထဲလၢစိၤအခဲအံၤဘၣ်, မ့ၢ်စ့ၢ်ကီးလၢစိၤလၢအကဟဲအပူၤန့ၣ်လီၤ.

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.

အ့းဖ့းစူး 2:2

အကတီၢ်ဖဲန့ၣ်အခါသုအိၣ်မူတ့ၢ်သုဝဲလၢတၢ်ဒဲးဘးအပူၤ, သုလဲၤတ့ၢ်တၢ်လၢဟီၣ်ခိၣ်အကျဲအၢကျဲသီတဖၣ်အပူၤ ဒီးသုစူၢ်တ့ၢ်တၢ်ဝံတၢ်နါလၢမူကပိာ်လိၤတဖၣ်အကစၢ် လၢအပၢဘၣ်ပှၤတဖၣ်လၢအတစူၢ်ဘၣ်ကစၢ်ယွၤန့ၣ်လီၤ.

အ့းဖ့းစူး 3:10

ဒ်သိးဒီးလၢမုၢ်မဆါတနံၤအံၤ, ခီဖျိတၢ်အိၣ်ဖှိၣ်န့ၣ်ယွၤအတၢ်ကူၣ်သ့ကူၣ်ဘၣ်အကလုာ် ကလုာ်ကဘၣ်တၢ်သ့ၣ်ညါမၤလိန့ၢ်အီၤလၢကလူးလၢအပၢတၢ် တဖၣ်ဒီးတၢ်စိတၢ်ကမီၤဘၣ်ဃးမူခိၣ်န့ၣ်လီၤ.

ကလီးစဲ 1:13

အဝဲထုးထီၣ်ကွံာ်ပှၤလၢတၢ်ခံးတၢ်နၤအတၢ်ပၢအဖီလာ် ဒီးစိာ်ခီပှၤဆူအဖိခွါလၢတၢ်အဲၣ်အီၤတဂၤအဘီအမုၢ် အပူၤန့ၣ်လီၤ.

ကလီးစဲ 2:15

လၢထူၣ်စုညါအံၤအလိၤန့ၣ်ယ့ၣ်ၡူးဂုာ်န့ၢ်ဆူၣ်ကွံာ်ပှၤပၢတၢ် ဒီး, တၢ်စိတၢ်ကမီၤတဖၣ်လၢအဘၣ်ဃးဒီးသူၣ်ဒီးသးအစိအကမီၤ, ဒီးဒုးကဲထီၣ်အဝဲသ့ၣ်လၢကမျၢၢ်အတၢ်ကွၢ်ကီ အလီၢ်လၢအတၢ်မၤနၢၤအဝဲသ့ၣ်အပူၤန့ၣ်လီၤ.

၂ တံၤမသ့း 2:5

ပှၤပြၢတၢ်ဖိတဂၤလၢအလိာ်ကွဲပြၢတၢ်န့ၣ်မ့ၢ်တဒိကနၣ် မၤထွဲတၢ်ဘျၢတဖၣ်ဘၣ်ဒီး, မၤန့ၢ်ခိၣ်ဖးတသ့ဘၣ်.

ဧ့ၤဘြံၤ 12:1

မၤသးဒ်န့ၣ်ဒီး, ပအိၣ်ဒီးပှၤအုၣ်အသးအါမးဝးတရံးပှၤသတးဒီး မ်ပပာ်လီၤကွံာ်ကယဲၢ်တၢ်အဃၢတမံၤလၢ်လၢ်ဒီးတၢ်ဒဲးဘးလၢ အအိၣ်စဲဘူးဒီးပှၤ, ဝံၤတၢ်ဃ့ၢ်လၢအအိၣ်လၢပမဲာ်ညါန့ၣ်, မ်ပဃ့ၢ်သကိးလၢတၢ်သးစူၤအပူၤန့ၣ်တက့ၢ်.

ဧ့ၤဘြံၤ 12:4

အဂ့ၢ်ဒ်အံၤ, လၢသုတၢ်ဂုာ်လိာ်ထီဒါတၢ်ဒဲးဘးအပူၤန့ၣ်, သုတမၤဘၣ်ဒံးသုဝဲတုၤတၢ်သွံၣ်တၢ်စီၤလီၤဘၣ်ဝဲတစု န့ၣ်ဒံးဘၣ်.

၁ ပ့းတရူး 3:22

ယ့ၣ်ၡူးလၢအက့ၤထီၣ်ဆူမူခိၣ်ဒီးအိၣ်ဝဲလၢကစၢ်ယွၤ အစုထွဲတခီဒီးပၢဘၣ်ကလူးခဲလၢာ်ဒီးမူခိၣ်တၢ်အကဟုကညီၢ်ဒီးတၢ်အစိအကမီၤတဖၣ်ခဲလၢာ်တဂၤန့ၣ်လီၤ.