အ့းဖ့းစူး 5:7 - Sgaw Karen Common Bible

⁷ လၢတၢ်န့ၣ်အဃိ, တဘၣ်မၤဃုာ်ပှၤဒ်န့ၣ်အသိးတဖၣ် တဂ့ၤ.

အ့းဖ့းစူး 5:7 Iomraidhean Croise

စံးထီၣ်ပတြၢၤ 50:18

နကဲထီၣ်ကယဲၢ်ပှၤဟုၣ်တၢ်တဂၤလၢ်လၢ်လၢ နထံၣ်အီၤအတံၤသကိး ဒီးနမၤသကိးတၢ်ဒီးပှၤအဲၣ်ဘၢတၢ်တဖၣ်လီၤ.

တၢ်ကတိၤဒိ. 13:20

လဲၤတၢ်ဒီးပှၤကူၣ်သ့ဒီးနကကဲထီၣ်ပှၤကူၣ်သ့န့ၣ်လီၤ. နမ့ၢ်မၤတံၤမၤသကိးဒီးပှၤဟးဂီၤဖိတဖၣ်န့ၣ်နကဟးဂီၤလီၤ.

တၢ်ကတိၤဒိ. 9:6

ပာ်တ့ၢ်ကွံာ်ပှၤလၢအတသ့လံာ်သ့လဲာ်အတၢ်အိၣ်ဖှိၣ်ဒီးမူနဲ တက့ၢ်. ပိာ်ထွဲတၢ်သ့ၣ်ညါနၢ်ပၢၢ်အကျဲတက့ၢ်.”

လံာ်တၢ်ဘူၣ်ထီၣ်ဘါထီၣ် 11:16

ကယဲၢ်စိးဝၣ်ဃးဒ်အကလုာ်အသိး, ထိၣ်ကီၤလၤအူး, ထိၣ်သဘၣ်, ထိၣ်ၡဃးဒီးလံာ်ပီၢ်တ့ဒ်အကလုာ်အသိး,

လံာ်တၢ်ဂံၢ် 16:26

အဝဲဒၣ်စံးဘၣ်ပှၤဂီၢ်မုၢ်, “ဆၢထၢၣ်ယံၤဒီးပှၤတတီတလိၤတဖၣ် အံၤအဒဲတဖၣ်ဒီးထိးဘူးတၢ်ဘၣ်ဃးဒီးအဝဲသ့ၣ်န့ၣ်နီတမံၤတ ဂ့ၤ. မ့တမ့ၢ်ဘၣ်ဒီး, သုကဘၣ်တၢ်တြူာ်ကွံာ်သုဃုာ်ဒီးအဝဲသ့ၣ်အတၢ် ဒဲးဘးတဖၣ်န့ၣ်လီၤ.”

၂ ကရံၣ်သူး 6:14

တဘၣ်ဂုာ်ကျဲးစၢးမၤသကိးတၢ်ဒီးပှၤတစူၢ်တနာ်တၢ် တဖၣ်ဒ်သုမ့ၢ်ပှၤဒ်သိးသိးဒီးအဝဲသ့ၣ်တဂ့ၤ. အဂ့ၢ်ဒ်အံၤ, တၢ်မၤဒ်န့ၣ်တသ့ဘၣ်. တၢ်အဘၣ်ဒီးတၢ်ကမၣ်န့ၣ်, ဒီတံၤဒီသကိးကသ့ဝဲလၢကျဲဒ်လဲၣ်. တၢ်ကပီၤဒီးတၢ်ခံးန့ၣ်အိၣ်ဃုာ်တပူၤဃီကသ့ဝဲလၢကျဲဒ်လဲၣ်.

အ့းဖ့းစူး 3:6

တၢ်ခူသူၣ်မ့ၢ်ဝဲ, ခီဖျိတၢ်သးခုကစီၣ်န့ၣ်, ပှၤကလုာ်ဂၤတဖၣ်မ့ၢ်ပှၤန့ၢ်သါဘၣ်ဃုာ်ကစၢ်ယွၤအတၢ်ဆိၣ်ဂ့ၤ တဖၣ်ဒီးပှၤယူဒၤဖိ, အဝဲသ့ၣ်မ့ၢ်နီၢ်တဂၤဃီအက့ၢ်အဂီၤတဖၣ် ဒီးဒိးန့ၢ်ဃုာ်တၢ်စံးပာ်လၢကစၢ်ယွၤစံးပာ်တ့ၢ်ဝဲခီဖျိယ့ၣ်ၡူးခရံာ် န့ၣ်လီၤ.

အ့းဖ့းစူး 5:11

တဘၣ်မၤဃုာ်တၢ်ခံးတၢ်နၤအတၢ်မၤလၢအဘျုးတအိၣ်ဘၣ် လၢပှၤအဂၤမၤဝဲတဖၣ်န့ၣ်တဂ့ၤ. မ့မ့ၢ်မၤဖျါထီၣ်အီၤတက့ၢ်.

၁ တံၤမသ့း 5:22

တၢ်ပာ်စုပှၤတဂၤဂ့ၤတဂၤဂ့ၤလၢအကမၤကစၢ်ယွၤ အတၢ်မၤန့ၣ်, တဘၣ်မၤအီၤချ့ချ့တဂ့ၤ. တဘၣ်မၤဘၣ်ဃးနသးဒီးပှၤဂၤအတၢ်ဒဲးဘးတဖၣ် တဂ့ၤ. အိၣ်စီအိၣ်ဆှံနဲဒၣ်တက့ၢ်.

လံာ်လီၣ်ဖျါ 18:4

တုၤနုၤတစုယနၢ်ဟူတၢ်ကလုၢ်အဂၤတထံၣ်လၢမူခိၣ်န့ၣ်စံးဝဲ, “ဟးထီၣ်ကွံာ်တက့ၢ်, ယပှၤဂီၢ်မုၢ်သ့ၣ်ဧၢ, ဟးထီၣ်ကွံာ်လၢအဝဲဒၣ်အပူၤတက့ၢ်. သုတဘၣ်မၤဘၣ်ထွဲဃုာ်သုသးလၢ အဝဲအတၢ်ဒဲးဘးတဖၣ်ဘၣ်. သုတဘၣ်တူၢ်သကိးအဝဲအတၢ်စံၣ်ညီၣ်ဘၣ်.