အ့းဖ့းစူး 5:6 - Sgaw Karen Common Bible

⁶ တဘၣ်ပျဲပှၤနီတဂၤလီန့ၢ်သုလၢတၢ်ကတိၤဟးဂူာ်ဟးဂီၤ တဖၣ်တဂ့ၤ. မ့ၢ်လၢတၢ်တဖၣ်အံၤအဃိ, ကစၢ်ယွၤအတၢ်သးဒိၣ်လီၤဘၣ်ပှၤလၢအတစူၢ်အကလုၢ် တဖၣ်န့ၣ်လီၤ.

အ့းဖ့းစူး 5:6 Iomraidhean Croise

လံာ်စီၤပၤခံဘ့ၣ်တဘ့ၣ် 18:20

ကီၢ်အၤၡူၢ်အစီၤပၤဖးဒိၣ်ဃ့ဆူၣ်သုလၢသုကစံးဆၢက့ၤအီၤ လၢ, မ့ၢ်သုဆိကမိၣ်လၢသုတၢ်ကတိၤတဖၣ်န့ၣ်ဟံးန့ၢ်ကွံာ်တၢ်ဒုးသုး ဒုးသံၣ်အတၢ်သ့တၢ်ဘၣ်ဒီးအတၢ်ဒိၣ်တၢ်မုၢ်အလီၢ်ကသ့ဝဲန့ၣ်ဧါ. မ့ၢ်သုဆိကမၣ်လၢမတၤကမၤစၢၤသုလၢသုကပူထီၣ်ထီဒါကီၢ်အၤ ၡူၢ်န့ၣ်လဲၣ်.

စံးထီၣ်ပတြၢၤ 78:31

ဒီးတုၤကစၢ်ယွၤအသးထီၣ်အဝဲသ့ၣ်န့ၣ် ဒီးမၤသံကွံာ်အပှၤဆူၣ်ကတၢၢ်တဖၣ်, အံၣ်စရ့လးအပှၤသးစၢ်လၢ အဂ့ၤကတၢၢ်တဖၣ်န့ၣ်လီၤ.

လံာ်ယံးရမံယၤ 27:9

ဒိကနၣ်သုဝံတဖၣ် မ့တမ့ၢ်, ပှၤတဂၤဂ့ၤတဂၤဂ့ၤလၢ အစံးဝဲလၢ သါကတိၤဆိပာ်တၢ်ကမၤအသးဆူညါ သ့ဝဲခီဖျိလၢ တၢ်မံမီၢ်တဖၣ်မ့ၢ်ဂ့ၤ, ခီဖျိလၢ တၢ်ကိးထီၣ်ပှၤသံအလၤတဖၣ် မ့ၢ်ဂ့ၤ, ဒီးခီဖျိလၢ တၢ်မၤကဒါမဲာ်မ့ၢ်ဂ့ၤ အကလုၢ်န့ၣ်တဂ့ၤ. အဝဲသ့ၣ်ခဲလၢာ်တဲဘၣ် သုလၢသုတဘၣ်ဆီၣ်လီၤသုသးလၢ ကီၢ်ဘၤဘူၤလိၣ်အစီၤပၤအဖီလာ် တဂ့ၤန့ၣ်လီၤ.

လံာ်ယံးရမံယၤ 29:31

ယကဆှၤလီၤတၢ်ကစီၣ်အံၤ ဆူပှၤလၢအဘၣ် တၢ်စိာ်မၢကဲကုၢ်အီၤလၢ ကီၢ်ဘၤဘူၤလိၣ်ခဲလၢာ် အအိၣ်ဘၣ်ဃးဒီး စီၤၡမါယၤ အဂ့ၢ်န့ၣ်လီၤ. “ယၤ, ယွၤအံၤ, ကစံၣ်ညီၣ်စီၤၡမါယၤဒီး အစၢၤအသွဲၣ်ခဲ လၢာ်လီၤ. ယတမၢလီၤဘၣ်အီၤဘၣ်. ဘၣ်ဆၣ် အဝဲ ကတိၤတၢ်ဒီးသု, မၤအသးဒ်အမ့ၢ်ဝံတဂၤအသိး ဒီးအဝဲမၢသုနာ်တၢ်လီတၢ်ဝ့ၤတဖၣ်န့ၣ်လီၤ.

လံာ်ယံးရမံယၤ 37:9

ယၤ, ယွၤအံၤ, ယဟ့ၣ်ပလီၢ်သုလၢ သုသုတလီလီၤ သုသးခီဖျိတၢ်ဆိကမိၣ်လၢ ပှၤဘၤဘူၤလိၣ်ဖိတဖၣ် တဟဲကဒါက့ၤ လၢၤဘၣ်န့ၣ်တဂ့ၤ. အဂ့ၢ်ဒ်အံၤ, အဝဲသ့ၣ် ကဟဲဝဲလီၤ.

လံာ်မံကၤ 3:5

ယပှၤဂီၢ်မုၢ်ဘၣ်တၢ်လီန့ၢ်အီၤလၢဝံတဖၣ်လၢအအၢၣ်လီၤတၢ်ဃူတၢ် ဖိးဆူပှၤတဖၣ်လၢအဟ့ၣ်အီၤစ့, ဘၣ်ဆၣ်ဒီးပှၤလၢအတဟ့ၣ်တဖၣ်န့ၣ်မၤပျံၤမၤဖုးဝဲလၢတၢ်ဒုးတၢ်ယၤလီၤ. ယွၤစံးဘၣ်ဝံသ့ၣ်တဖၣ်အံၤ,

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

လံာ်မးသဲ 24:4

ယ့ၣ်ၡူးစံးဆၢအဝဲသ့ၣ်, “ပလီၢ်သုသးဒ်သိးပှၤသုတလီန့ၢ်သုနီတဂၤတဂ့ၤ.

လံာ်မၢ်ကူး 13:22

အဂ့ၢ်ဒ်လဲၣ်န့ၣ်, ခရံာ်အဘျၣ်ဒီးဝံအဘျၣ်တဖၣ်ကဟဲပၢၢ်ထီၣ်, ဒီးကဒုးနဲၣ်ပှၤလၢတၢ်ပနီၣ်လီၤဆီအါမံၤဒီးကမၤတၢ်လီၤလး တဖၣ်ဒ်သိးမ့ၢ်သ့ဒီးကလီန့ၢ်လွဲန့ၢ်ကစၢ်ယွၤအပှၤဃုထၢဖိ တဖၣ်ဒၣ်လဲာ်န့ၣ်လီၤ.

လံာ်မၢ်ကူး 13:5

ယ့ၣ်ၡူးစံးဘၣ်အဝဲသ့ၣ်, “ပလီၢ်သုသးတက့ၢ်. သုတပျဲပှၤလီန့ၢ်သုနီတဂၤတဂ့ၤ.

ရိမ့ၤ 1:18

ကစၢ်ယွၤအတၢ်သးဒိၣ်ဘၣ်တၢ်လီၣ်ဖျါထီၣ်အီၤလၢအဟဲလၢ မူခိၣ်ထီဒါပှၤဟီၣ်ခိၣ်ဖိအတၢ်ဒဲးဘးဒီးအတၢ်အၢတၢ်သီခဲလၢာ် န့ၣ်လီၤ. ပှၤဟီၣ်ခိၣ်ဖိအကျဲအအၢအသီတဖၣ်တြီဃာ်အတၢ် သ့ၣ်ညါနၢ်ပၢၢ်တၢ်မ့ၢ်တၢ်တီန့ၣ်လီၤ.

ကလီးစဲ 2:18

တဘၣ်ပျဲပှၤလၢအပာ်မၤအသးဒ်အဆီၣ်လီၤအသးဘါကလူး တဖၣ်, ပှၤလၢအဟံးန့ၢ်အခီၣ်တဃာ်လၢအတၢ်ထံၣ်တၢ်လၢညါ ခီတဖၣ်, ဒီးပာ်ကဖၢလၢအသးလၢအတၢ်ကူၣ်တၢ်ဆးဒၣ်ဝဲ အဃိတဖၣ်, စံၣ်ညီၣ်သုတဂ့ၤ.

ကလီးစဲ 2:4

ယစံးဘၣ်တဲဘၣ်သုတၢ်တဖၣ်အံၤမ့ၢ်ဒ်သိးသုသုတပျဲပှၤဆှၢ ကမၣ်သုလၢတၢ်ဂ့ၢ်လိာ်ဘှီလိာ်ကဘျံးကဘျၣ်လၢအဖျါဂ့ၤဖျါဘၣ် တဖၣ်န့ၣ်တဂ့ၤ.

ကလီးစဲ 2:8

ဒ်သိးသုသုတဘၣ်တၢ်ဖီၣ်န့ၢ်ဟံးဃာ်သုလၢဟီၣ်ခိၣ်ဖိအတၢ် ကူၣ်သ့လၢအဘျုးတအိၣ်ဘၣ်ဒီးအလီန့ၢ်တၢ်တဂ့ၤဒီးပလီၢ် သုသးတက့ၢ်. တၢ်သိၣ်လိသီလိတဖၣ်အံၤမ့ၢ်ပှၤဟီၣ်ခိၣ်ဖိအတၢ်ဟ့ၣ်ခီ ဃီၤတဆီဘၣ်တဆီလၢအဟဲလၢဟီၣ်ခိၣ်အကစူၤကစၢ် အအိၣ်ဒီးတမ့ၢ်ဘၣ်လၢခရံာ်အအိၣ်န့ၣ်ဘၣ်လီၤ.

ကလီးစဲ 3:6

မ့ၢ်လၢတၢ်အၢတၢ်သီဒ်သိးအံၤတဖၣ်အဃိ, ကစၢ်ယွၤအတၢ်သးဒိၣ်ကဟဲဝဲဒီးကလီၤဘၣ်လၢပှၤလၢအတဒိ ကနၣ်ယွၤအကလုၢ်တဖၣ်အလိၤန့ၣ်လီၤ.

၂ သ့းစၤလနံ 2:3

သုတပျဲပှၤလီန့ၢ်သုနီတဂၤလၢကျဲနီတဘိတဂ့ၤ. အဂ့ၢ်ဒ်အံၤမုၢ်နံၤအဝဲန့ၣ်ကဟဲဒၣ်ဝဲဖဲတၢ်ပူထီၣ်လၢခံ ကတၢၢ်မၤအသးဒီးတၢ်အၢတၢ်သီတဂၤ, လရာ်ဆၣ်န့ၣ်ဟဲပၢၢ်ထီၣ်ဝဲဒၣ်ဝံၤအလီၢ်ခံန့ၣ်လီၤ.

ဧ့ၤဘြံၤ 13:9

တဘၣ်ပျဲတၢ်သိၣ်လိအကလုာ်ကလုာ်ဒီးအလီၤတိၢ်လီၤဆီ တဖၣ်ထုးဝ့ၤဝီၤသုတဂ့ၤ. အဂ့ၢ်ဒ်အံၤ, ဂ့ၤဝဲလၢပဒိးန့ၢ်တၢ်ဂံၢ်တၢ်ဘါဘၣ်ဃးဒီးသူၣ်ဒီးသးလၢ ကစၢ်ယွၤအဘျုးအဖှိၣ်ဒီးတမ့ၢ်ဘၣ်လၢတၢ်အီၣ်တၢ်အီ အတၢ်သိၣ်တၢ်ဘျၢန့ၣ်ဘၣ်. အဂ့ၢ်မ့ၢ်လၢပှၤလၢစူၢ်တၢ်ဘျၢ တဖၣ်အံၤန့ၣ်, တန့ၢ်ဘျုးန့ၢ်ဖှိၣ်ဘၣ်ဝဲဘၣ်.

ဧ့ၤဘြံၤ 3:19

လၢတၢ်န့ၣ်အဃိပထံၣ်ဘၣ်လၢအဝဲသ့ၣ်လဲၤနုာ်ဆူကီၢ်ပူၤ တသ့ဘၣ်, မ့ၢ်လၢအတၢ်တစူၢ်တနာ်အဃိလီၤ.

၁ ပ့းတရူး 2:8

ဒီးတၢ်ကွဲးအသးအဂၤတတီၤစံးဝဲ, “လၢၢ်အံၤကမ့ၢ်လၢၢ်လၢကမၤဘၣ်တိၢ်ပှၤအခီၣ်, လၢၢ်လၢကဒုးလီၤဃံၤပှၤန့ၣ်လီၤ.” အဝဲသ့ၣ်အခီၣ်ဘၣ်တိၢ်မ့ၢ်လၢအဝဲသ့ၣ်တနာ်တၢ်ကလုၢ် အဃိလီၤ. တၢ်ဒ်အံၤမ့ၢ်ကစၢ်ယွၤအတၢ်ဘၣ်အသးလၢ အဝဲသ့ၣ်အဂီၢ်လီၤ.

၁ ယိၤဟၣ် 4:1

ယတံၤသကိးသးဘိသ့ၣ်ဧၢ, ပှၤလၢအစံးလီၤအသးလၢအအိၣ်ဒီးယွၤအသးခဲလၢာ်န့ၣ်, နာ်အီၤတဂ့ၤ. မ့မ့ၢ်, မၤကွၢ်အီၤဒ်သိးသုကထံၣ်သ့ၣ်ညါသးလၢအအိၣ်ဒီးအဝဲသ့ၣ်, မ့ၢ်အဟဲလၢကစၢ်ယွၤအအိၣ်ကစီဒီဧါအဂီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်, ဝံအဘျၣ်အါဂၤအိၣ်ထီၣ်ဝဲလၢဟီၣ်ခိၣ်ချၢလံ.