အ့းဖ့းစူး 5:5 - Sgaw Karen Common Bible

⁵ သးမံသးကျၢၤလၢတၢ်ဂ့ၢ်အံၤတက့ၢ်. တၢ်လၢပှၤမၤကမၣ်မုၣ် ကမၣ်ခွါ, ပှၤအဲၣ်တၢ်ကလုာ်ကလိၤ, ဒီးပှၤသူၣ်လီသးကွံတၢ်စုလီၢ်ခီၣ်ခိၣ် (အဂ့ၢ်ဒ်အံၤတၢ်သူၣ်လီသးကွံမ့ၢ်တၢ်ဘါတၢ်ဂီၤတၢ်ဖီၣ်တကလုာ်လီၤ.) တဖၣ်န့ၣ်, တန့ၢ်သါဘၣ်ခရံာ်ဒီးယွၤအဘီအမုၢ်နီတဂၤဘၣ်.

အ့းဖ့းစူး 5:5 Iomraidhean Croise

လံာ်တၢ်ဟးထီၣ်ကွံာ် 20:17

သးကွံပှၤဂၤတဂၤအဟံၣ်တဂ့ၤ. သးကွံအမါ, အကုၢ်တဖၣ်, အဂီၤဘုၣ်ဂီၤဖံး, အကသ့ၣ်ယီၤတဖၣ်, ဒီးတၢ်တမံၤလၢ်လၢ်လၢအဘၣ် ဃးဒီးအီၤန့ၣ်တဂ့ၤ.”

မၤတၢ် 20:32

ဒီးခဲကနံၣ်အံၤ, ယဟ့ၣ်လီၤသုဆူကစၢ်ယွၤအတၢ်အံးတၢ်ကွၢ်ဒီးတၢ်ကစီၣ်ဘၣ်ဃး အဝဲဒၣ်အဘျုးအဖှိၣ်အပူၤ, လၢအမၤထီၣ်မၤထီသုသ့ဝဲဒီးဟ့ၣ်သုတၢ်ဆိၣ်ဂ့ၤဆိၣ်ဝါလၢ အကတဲာ်ကတီၤပာ်ဝဲလၢအပှၤဂီၢ်မုၢ်ခဲလၢာ်အဂီၢ်န့ၣ်လီၤ.

မၤတၢ် 8:21

နတဘၣ်ထွဲဘၣ်ဃးဒီးပတၢ်မၤအံၤဘၣ်. အဂ့ၢ်မ့ၢ်လၢနသးတဘျၢလၢကစၢ်ယွၤအမဲာ်အတၢ်ထံၣ်အပူၤ အဃိလီၤ.

ကလၤတံ 5:19

တၢ်လၢတၢ်ဖံးတၢ်ညၣ်အတၢ်မၤန့ၣ်, အိၣ်ဖျါဝဲဒၣ်ဆှံဆှံလီၤ. အိၣ်ဖျါဝဲဒၣ်ခီဖျိတၢ်မၤကမၣ်မုၣ်ကမၣ်ခွါ, တၢ်အိၣ်မူတကဆှီ, တၢ်ကလုာ်ကလိၤတဖၣ်,

ကလၤတံ 5:21

တၢ်သူၣ်က့ၣ်သးကါ, တၢ်မၤသံပှၤကညီ, တၢ်အီမူၤသံး, တၢ်မၤမူးဧိၤပွဲဧိၤ, ဒီးတၢ်မၤတၢ်အဂၤဒ်သိးအံၤတဖၣ်လီၤ. ဒ်လၢအပူၤကွံာ်အသိးန့ၣ်ယဟ့ၣ်ပလီၢ်ကဒီးသုခဲအံၤလီၤ. ပှၤလၢအမၤတၢ်ဒ်အံၤတဖၣ်န့ၣ်, တန့ၢ်ဘၣ်သါကစၢ်ယွၤအဘီ အမုၢ်ဘၣ်.

အ့းဖ့းစူး 5:3

ဒ်သုမ့ၢ်ကစၢ်ယွၤအပှၤတကလုာ်အသိးန့ၣ်, တၢ်မၤကမၣ်မုၣ် ကမၣ်ခွါမ့ၢ်ဂ့ၤ, တၢ်ကလုာ်ကလိၤမ့ၢ်ဂ့ၤ, တၢ်သူၣ်လီသးကွံမ့ၢ်ဂ့ၤ, တကြၢးဘၣ်တၢ်ယၢၤထီၣ်ဒၣ်လဲာ်အီၤလၢသုသိးသုကျါဘၣ်.

ကလီးစဲ 1:13

အဝဲထုးထီၣ်ကွံာ်ပှၤလၢတၢ်ခံးတၢ်နၤအတၢ်ပၢအဖီလာ် ဒီးစိာ်ခီပှၤဆူအဖိခွါလၢတၢ်အဲၣ်အီၤတဂၤအဘီအမုၢ် အပူၤန့ၣ်လီၤ.

ကလီးစဲ 3:5

မ့မ့ၢ်ဒ်န့ၣ်ဒီး, တၢ်မိၣ်န့ၢ်သးလီလၢဟီၣ်ခိၣ်ချၢလၢအမၤတၢ် လၢသုပူၤဒ်တၢ်မၤကမၣ်မုၣ်ကမၣ်ခွါ, တၢ်ကလုာ်ကလိၤလၢအဟ့ၣ်လီၤအသးဆူတၢ် တကဆှီဘၣ်, တၢ်သူၣ်ကတၢသးကတၢ, တၢ်မိၣ်န့ၢ်သးလီအအၢအသီဒီးတၢ်သူၣ်လီ သးကွံတၢ်စုလီၢ်ခီၣ်ခိၣ်လၢအမ့ၢ်တၢ်တမံၤဃီဒီးတၢ်ဘါ တၢ်ဂီၤတၢ်ဖီၣ်တဖၣ်န့ၣ်, မၤသံကွံာ်ခဲလၢာ်တက့ၢ်.

၁ တံၤမသ့း 6:10

အဂ့ၢ်ဒ်လဲၣ်န့ၣ်, တၢ်အဲၣ်စ့မ့ၢ်တၢ်အၢတၢ်သီခဲလၢာ်အဂံၢ်ထံးလီၤ. ပှၤတနီၤသူၣ်ဆူၣ်သးဂဲၤလၢအကမၤန့ၢ်ဘၣ်အီၤတုၤဒၣ်လဲာ် အဝဲသ့ၣ်ဟးဖးဒီးတၢ်စူၢ်တၢ်နာ်, ဒီးတၢ်သူၣ်အုးသးအုးအါမံၤမၤသဘှံးအဝဲသ့ၣ်အသးန့ၣ်လီၤ.

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.

လံာ်စီၤယိၤၡူ 7:21

တၢ်လၢပဂုာ်န့ၢ်အကျါ, ယထံၣ်ဘၣ်ဆ့ကၤဘၤဘူၤလိၣ်လၢအဃံလၤတဘ့ၣ်, ဒီးစ့ညၣ်လီၤတယၢၢ်အဘးခံကယၤ, ဒီးထူတဘိလၢအ လီၤတယၢၢ်အဘးယဲၢ်ဆံဒီးယသးလီဘၣ်အီၤဒိၣ်မးတုၤဒၣ်လဲာ်ယဟံး န့ၢ်ဘၣ်အီၤန့ၣ်လီၤ. နကထံၣ်ဘၣ်တၢ်သ့ၣ်တဖၣ်အံၤလၢအဘၣ်တၢ်ခူၣ်လီၤဃာ်အီၤလၢဟီၣ်ခိၣ် လာ်လၢယဒဲပူၤဒီးစ့န့ၣ်အိၣ်ဝဲလၢအဖီလာ်ကတၢၢ်လီၤ.”

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.