အ့းဖ့းစူး 5:4 - Sgaw Karen Common Bible

⁴ တၢ်ကတိၤဘၣ်အၢဘၣ်သီ, တၢ်ကတိၤဟးဂူာ်ဟးဂီၤ, ဒီးတၢ်ကတိၤလီၤလူလီၤဘျၢၣ်တဖၣ်န့ၣ်, မ့ၢ်တၢ်လၢအတကြၢးတဘၣ်သတးဒီးတဘၣ်ကတိၤအီၤ တဂ့ၤ. မ့မ့ၢ်စံးထီၣ်ပတြၢၤကစၢ်ယွၤတက့ၢ်.

အ့းဖ့းစူး 5:4 Iomraidhean Croise

စံးထီၣ်ပတြၢၤ 33:1

သုဝဲပှၤတီပှၤလိၤခဲလၢာ်သ့ၣ်ဧၢ, သူၣ်ဖှံသးညီလၢယွၤအပူၤတက့ၢ်. တၢ်စံးထီၣ်ပတြၢၤန့ၣ်ဂ့ၤဝဲလၢပှၤလၢ အသူၣ်လိၤအသးဘျၢအဂီၢ်န့ၣ်လီၤ.

စံးထီၣ်ပတြၢၤ 92:1

ယွၤဧၢ, တၢ်စံးဘျုးစံးဖှိၣ်နၤ, တၢ်သးဝံၣ်မၤလၤကပီၤ တၢ်ထီကတၢၢ်ကစၢ်ယွၤ,

တၢ်ကတိၤဒိ. 12:23

ပှၤလၢအသူၣ်ထံအသးဆးတဖၣ်န့ၣ်အိၣ်ဘှီၣ်ဝဲဘၣ်ဃးတၢ်လၢအသ့ၣ်ညါ ဝဲအဂ့ၢ်လီၤ. မ့မ့ၢ်ပှၤလၢအသူၣ်တထံအသးတဆးတဖၣ်န့ၣ်ဒုးဟူထီၣ်သါလီၤ အတၢ်တမၤလိမၤဒိးဘၣ်တၢ်န့ၣ်လီၤ.

တၢ်ကတိၤဒိ. 15:2

ဖဲပှၤကူၣ်သ့ကတိၤတၢ်န့ၣ်, ဒုးကဲထီၣ်တၢ်သ့ၣ်ညါလၢတၢ်ထုးန့ၢ် ပှၤအသးလီၤ. မ့မ့ၢ်ပှၤဟးဂီၤဖိအထးခိၣ်ဖျိးထီၣ်လၢတၢ်တဂီာ်တသီၣ်ဘၣ်န့ၣ်လီၤ.

တၢ်ကတိၤဒိ. 26:19

မ့ၢ်ပှၤတဂၤလၢအလီၤဂာ်ဒီးပှၤအပျုၢ်တဂၤလၢအလိာ်ကွဲဒီးတၢ်စု ကဝဲၤလၢအမၤသံတၢ်သ့န့ၣ်လီၤ.

လံာ်ပှၤစံၣ်တဲၤတဲလီၤတၢ် 10:13

အဝဲစးထီၣ်ဒီးပှၤအမၢးအကျိာ်ဒီးလဲၤကတၢၢ်ဝဲလၢတၢ်ပျုၢ် အကျိာ်န့ၣ်လီၤ.

လံာ်ဒၤနံးယ့လး 6:10

ဖဲစီၤဒၤနံးယ့လးသ့ၣ်ညါတ့ၢ်လၢစီၤပၤဆဲးလီၤအမံၤလၢအက လုၢ်လံာ်တၢ်ကွဲးနီၣ်အဖီခိၣ်ဒၣ်လဲာ်, အဝဲက့ၤဆူအဟံၣ်န့ၣ်ဒီး, လၢအဟံၣ်ဖီခိၣ်တကထၢအဒၢးဖိအပူၤန့ၣ်ကွၢ်ဃီၤတၢ်ခီဖျိ ပဲတြီဖိတဖၣ်ဆူဝ့ၢ်ယရူၤၡလ့ၣ်ဒီးတီၤလီၤဘါထုကဖၣ်စံးထီၣ် ပတြၢၤတၢ်အဘျုးအဖှိၣ်တနံၤသၢဘျီဒ်အညီနုၢ်မၤတ့ၢ်ဝဲ အသိးန့ၣ်လီၤ.

လံာ်မၢ်ကူး 7:22

တၢ်အဲၣ်ဘၢမါအဲၣ်ဘၢဝၤ, တၢ်မၤတၢ်သူၣ်လီသးကွံတၢ်, တၢ်အၢတၢ်သီကိးကလုာ်ဒဲး, တၢ်လီတၢ်ဝ့ၤ, တၢ်တဃံတလၤ, တၢ်သးကါ, တၢ်ဒုၣ်ဒွဲၣ်စံးအၢ, တၢ်ပာ်ထီၣ်ထီသး, ဒီးတၢ်သူၣ်တဆးသးတဆးတဖၣ်လီၤ.

လံာ်ယိၤဟၣ် 6:23

ချံအဂၤတဖၣ်ဟဲလၢဝ့ၢ်တံၤဘ့ၤရံဒီးဟဲတိၢ်ထီၣ်အသးဘူး ဒီးတၢ်လီၢ်ဖဲယ့ၣ်ၡူးစံးဘျုးယွၤဝံၤအလီၢ်ခံပှၤဂီၢ်မုၢ်အီၣ် တ့ၢ်ကိၣ်န့ၣ်လီၤ.

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

၂ ကရံၣ်သူး 1:11

မ့ၢ်လၢသုမၤစၢၤပှၤခီဖျိသုတၢ်ထုကဖၣ်လၢပဂီၢ် အဃိန့ၣ်လီၤ. လၢတၢ်န့ၣ်အဃိ, တၢ်ကမၤအသးလၢတၢ်ထုကဖၣ်အါယုၢ်လၢပဂီၢ်ကဘၣ် တၢ်စံးဆၢအီၤ, ဒီးကစၢ်ယွၤကဆိၣ်ဂ့ၤပှၤဒီးပှၤအါဒံအါဂၤ ကထုထီၣ်အကလုၢ်ဆူအအိၣ်လၢတၢ်စံးဘျုးစံးဖှိၣ်အီၤလၢ ပဂီၢ်န့ၣ်လီၤ.

၂ ကရံၣ်သူး 9:15

မ်ပကစံးဘျုးယွၤလၢအတၢ်ဟ့ၣ်လၢအဒိၣ်မးဝဲတုၤပဒွး အလုၢ်အပှ့ၤတသ့ဘၣ်အဃိန့ၣ်တက့ၢ်.

အ့းဖ့းစူး 1:16

ယတဆိတ့ၢ်တၢ်စံးထီၣ်ပတြၢၤကစၢ်ယွၤလၢသုဃိဘၣ်, ယသ့ၣ်နီၣ်ဘၣ်သုလၢယတၢ်ထုကဖၣ်အပူၤ,

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

ဖံလံးပံၤ 4:6

တဘၣ်သူၣ်ကိၢ်သးဂီၤလၢတၢ်နီတမံၤအဂ့ၢ်တဂ့ၤ. မ့မ့ၢ်, လၢသုတၢ်ထုကဖၣ်ခဲလၢာ်အပူၤန့ၣ်ဃ့ကစၢ်ယွၤတၢ်လၢသု လိၣ်ဘၣ်အီၤ, ဒီးဃ့အီၤလၢတၢ်စံးဘျုးစံးဖှိၣ်အသးအပူၤန့ၣ် တက့ၢ်.

ကလီးစဲ 3:8

ဘၣ်ဆၣ်အခဲအံၤ, ညိကွံာ်တၢ်သူၣ်ဒိၣ်သးဖျိး, တၢ်သူၣ်ထီၣ်သးထီၣ်, တၢ်သူၣ်ဟ့သးဟ့ဒီးတၢ်ကတိၤစံးအၢစံးသီပှၤဂၤ, တၢ်ကတိၤဘၣ်အၢဘၣ်သီတဖၣ်တက့ၢ်. ဒီးတၢ်ကတိၤလၢအတကြၢးတဘၣ်တဖၣ်န့ၣ်, တဘၣ်ဒုးဟးထီၣ်အီၤလၢသုထးခိၣ်နီတဘီတဂ့ၤ.

၁ သ့းစၤလနံ 3:9

ခဲကနံၣ်အံၤ, ပစံးထီၣ်ပတြၢၤပကစၢ်ယွၤသ့ဝဲလၢသုဃိ လီၤ. လၢသုဃိန့ၣ်, ပအိၣ်ဒီးတၢ်သးခုလၢကစၢ်အမဲာ်ညါ, သတးဒီးပစံးဘျုးအီၤလီၤ.

၁ သ့းစၤလနံ 5:18

လၢတၢ်မၤအသးခဲလၢာ်အပူၤန့ၣ်, စံးဘျုးစံးဖှိၣ်ကစၢ်ယွၤထီဘိ တက့ၢ်. အဝဲအံၤမ့ၢ်တၢ်လၢကစၢ်ယွၤအဲၣ်ဒိးဝဲလၢပှၤဘၣ်ထွဲဒီး ယ့ၣ်ၡူးခရံာ်တဖၣ်အအိၣ်န့ၣ်လီၤ.

ဖံၤလ့မိၣ် 1:8

လၢတၢ်ဂ့ၢ်အံၤအဃိ, ဒ်နဒီပုၢ်ဝဲၢ်ခရံာ်ဖိတဂၤအသိးယအိၣ်ဒီးတၢ်သးဒူလၢ ယကဟ့ၣ်လီၤယကလုၢ်လၢနကမၤတၢ်လၢအဂ့ၤဘၣ်တၢ်မၤအီၤ န့ၣ်လီၤ.

ဧ့ၤဘြံၤ 13:15

ခီဖျိအဝဲဒၣ်န့ၣ်, မ်ပလုၢ်ထီၣ်သကိးပတၢ်စံးထီၣ်ပတြၢၤကစၢ်ယွၤ တဘိယူၢ်ဃီလၢအမ့ၢ်ပထးခိၣ်အတၢ်အၢၣ်လီၤအီလီၤယ့ၣ်ၡူးခရံာ် အမံၤန့ၣ်တက့ၢ်.

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.

၂ ပ့းတရူး 2:7

အဝဲမၤပူၤဖျဲးစီၤလိာ်, ပှၤအဂ့ၤတဂၤလၢအသးဘၣ်ကိၢ်ဘၣ်ဂီၤလၢပှၤအအၢအသီတဖၣ် အတၢ်ကလုာ်ကလိၤအဃိလီၤ.

ယူဒၤ 1:10

ဘၣ်ဆၣ်ဒီးပှၤသ့ၣ်တဖၣ်အံၤကတိၤဒုၣ်ဒွဲၣ်ထီဒါတၢ် တမံၤလၢ်လၢ်လၢအဝဲသ့ၣ်တနၢ်ပၢၢ်ဝဲန့ၣ်လီၤ. ဒီးတၢ်တဖၣ်လၢအသ့ၣ်ညါဝဲခီဖျိတၢ်သ့ၣ်ညါလၢန့ဆၢၣ်ဟ့ၣ်အီၤ, ဒ်ဆၣ်ဖိကီၢ်ဖိအမံၤတဖၣ်အသိးန့ၣ်, မ့ၢ်တၢ်သ့ၣ်တဖၣ်လၢအမၤဟးဂီၤအဝဲသ့ၣ်န့ၣ်လီၤ.

ယူဒၤ 1:13

အဝဲသ့ၣ်တဖၣ်လီၤဂာ်ဒီးပီၣ်လဲၣ်လပီတပျုာ်တပျီၤ, ဒီးအတၢ်မၤလၢအလီၤမဲာ်ဆှးတဖၣ်အိၣ်ဖျါထီၣ်ဒ်ပီၣ်လဲၣ် သဘှဲထီၣ်အသိးန့ၣ်လီၤ. အဝဲသ့ၣ်လီၤဂာ်ဒီးဆၣ်လၢအယူၤ တဖၣ်, လၢကစၢ်ယွၤကတဲာ်ကတီၤပာ်စၢၤန့ၢ်အလီၢ်လီၤထူလီၤ ယိာ်လၢတၢ်ခံးယိာ်အပူၤန့ၣ်လီၤ.