အ့းဖ့းစူး 5:32 - Sgaw Karen Common Bible

³² လၢတၢ်အံၤအပူၤတၢ်မ့ၢ်တၢ်တီခူသူၣ်ဘၣ်တၢ်လီၣ်ဖျါထီၣ်အီၤ လီၤ. ယနၢ်ပၢၢ်လၢတၢ်အံၤမ့ၢ်တၢ်ဘၣ်ဃးဒီးခရံာ်ဒီးတၢ်အိၣ်ဖှိၣ် အဂ့ၢ်လီၤ.

အ့းဖ့းစူး 5:32 Iomraidhean Croise

လံာ်ယၡါယၤ 54:5

နတၢ်ဘၣ်တ့အကစၢ်ကလီၤဂာ်ဒ် ဝၤတဂၤအသိးလၢနဂီၢ်လီၤ. အဝဲအမံၤမ့ၢ်ဝဲယွၤသ့တၢ်လၢာ်န့ၣ်လီၤ. ကီၢ်အံၣ်စရ့လးအကစၢ်ယွၤစီဆှံကအုၣ်က့ၤခီၣ်က့ၤနၤလီၤ. အဝဲမ့ၢ်ပှၤပၢဟီၣ်ခိၣ်ဒီဘ့ၣ်န့ၣ်လီၤ.

လံာ်ယိၤဟၣ် 3:29

ပှၤလၢအဘၣ်ဃးဒီးတလးမူးပိာ်ခွါန့ၣ်မ့ၢ်တလးမူးပိာ်မုၣ်လီၤ. ဘၣ်ဆၣ်ဒီး, တလးမူးပိာ်ခွါအတံၤသကိးလၢအဆၢထၢၣ်ဒီးဒိ ကနၣ်တၢ်တဂၤန့ၣ်, တုၤအနၢ်ဟူတလးမူးပိာ်ခွါအကလုၢ်ဒီး သးခုဒိၣ်မးလီၤ. ယတၢ်သးခုန့ၣ်လၢထီၣ်ပှဲၤထီၣ်လၢကျဲဒ်အံၤလီၤ.

၂ ကရံၣ်သူး 11:2

ယသးက့ၣ်တၢ်လၢသုဂီၢ်ဒ်ကစၢ်ယွၤသးက့ၣ်ဝဲအသိးန့ၣ်လီၤ. သုလီၤဂာ်ဒီးမုၣ်ကနီၤနီၢ်နီၢ်တဂၤ လၢယအၢၣ်လီၤအီလီၤတ့ၢ် ယဲလၢယကဒိးတ့ဒိးဖျီအီၤဒီးပိာ်ခွါထဲတဂၤဧိၤ, ခရံာ်အနီၢ်ကစၢ်ဒၣ်ဝဲန့ၣ်လီၤ.

အ့းဖ့းစူး 5:31

ဒ်တၢ်ကွဲးအသးစံးဝဲအသိး, လၢတၢ်ဂ့ၢ်အံၤအဃိပိာ်ခွါကဟးဖးဒီးအမိၢ်အပၢ်ဒီးကပာ်ဖှိၣ် အသးဒီးအမါလီၤ. ဒီးပှၤခံဂၤန့ၣ်ကကဲထီၣ်နီၢ်တဂၤဃီလီၤ.

အ့းဖ့းစူး 5:33

ဘၣ်ဆၣ်, မ့ၢ်စ့ၢ်ကီးတၢ်လၢအဘၣ်ဃးဒီးသုလီၤ. ဝၤကိးဂၤဒဲးမ်အအဲၣ်အမါဒ်အနီၢ်ကစၢ်ဒၣ်ဝဲအသိး တက့ၢ်. ဒီးမါကိးဂၤဒဲးန့ၣ်, မ်ကယူးယီၣ်ပာ်ကဲအဝၤတက့ၢ်.

အ့းဖ့းစူး 6:19

ဃ့ထုကဖၣ်စ့ၢ်ကီးလၢယဂီၢ်, ဒ်သိးယွၤကဟ့ၣ်ယၤတၢ်ကစီၣ်ဖဲယအိၣ်ကတဲာ်ကတီၤ ယသးလၢယကကတိၤထီၣ်တၢ်အဆၢကတီၢ်ဒီးဒ်သိး ယကကတိၤဘၣ်တၢ်အိၣ်ဒီးတၢ်သးခူတလ့ၢ်သတးဒီး လီၣ်ဖျါထီၣ်တၢ်သးခုကစီၣ်အတၢ်ခူသူၣ်အဂီၢ်န့ၣ်တက့ၢ်.

ကလီးစဲ 2:2

ယတၢ်ကျဲးစၢးမ့ၢ်ဒ်သိးဒီးသုကလၢထီၣ်ပှဲၤထီၣ်လၢတၢ်သူၣ်ဒူ သးဒူ, ဒီးလၢသုကအိၣ်ဒီးတၢ်သးတဖျၢၣ်ဃီလၢတၢ်အဲၣ်တၢ်ကွံ အပူၤ, ဒ်သိးသုကဒိးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဘၣ်ဃးဒီးတၢ် သူၣ်ဂၢၢ်သးကျၢၤလၢတၢ်သ့ၣ်ညါနၢ်ပၢၢ်နီၢ်နီၢ်ဟဲစိာ်ဝဲဒီးတၢ် သ့ၣ်ညါကစၢ်ယွၤအတၢ်ခူသူၣ်လၢအမ့ၢ်ခရံာ်န့ၣ်လီၤ.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

၁ တံၤမသ့း 3:8

ပှၤမၤစၢၤတၢ်လၢတၢ်အိၣ်ဖှိၣ်အပူၤတဖၣ်စ့ၢ်ကီးကဘၣ်အိၣ် ဒီးသကဲာ်ပဝးလၢအဂ့ၤဒီးကတိၤတၢ်တီတီလိၤလိၤန့ၣ် လီၤ. အဝဲသ့ၣ်တဘၣ်အီစပံးထံအါကဲၣ်ဆိးဒီးတဘၣ် သူၣ်လီသးကွံစ့န့ၣ်ဘၣ်.

လံာ်လီၣ်ဖျါ 21:2

ဒီးယထံၣ်ဝ့ၢ်စီဆှံ, ဝ့ၢ်ယရူၤၡလ့ၣ်အသီတဖျၢၣ်န့ၣ်, ဟဲလီၤလၢမူခိၣ်လၢကစၢ်ယွၤအအိၣ်, ဘၣ်တၢ်ကတဲာ်ကတီၤအီၤဒီးအိၣ်ကတဲာ်ကတီၤပာ်အသး, ဒ်တလးမူးပိာ်မုၣ်တဂၤဘၣ်တၢ်ဒုးကူဒုးသိးပာ်အီၤလၢ အကသဂၢၢ်အဝၤအဂီၢ်အသိးန့ၣ်လီၤ.