အ့းဖ့းစူး 5:16 - Sgaw Karen Common Bible

¹⁶ တၢ်ဆၢကတီၢ်ဒီးတၢ်ခွဲးတၢ်ယာ်ကိးကတီၢ်ဒဲးလၢသုဒိးန့ၢ်ဘၣ် န့ၣ်, သူအီၤအဂ့ၤကတၢၢ်တက့ၢ်. အဂ့ၢ်ဒ်အံၤမုၢ်နံၤတဖၣ်အံၤမ့ၢ် အအၢအသီလီၤ.

အ့းဖ့းစူး 5:16 Iomraidhean Croise

လံာ်တၢ်ကဲထီၣ်အခီၣ်ထံး 29:7

ဒီးစီၤယၤကိာ်စံးဝဲဒၣ်, “မုၢ်တၢ်ကပီၤအိၣ်ဒံးဝဲဖးထီ ဒီးတမ့ၢ်ဘၣ်အဆၢကတီၢ်လၢတၢ်ဝီနုာ်က့ၤသိအဖုအဂီၢ်တဖၣ်ဒံးဘၣ် န့ၣ်, ဘၣ်မနုၤလၢသုတဒုးအီအီၤလၢထံဒီးဆှၢကဒါက့ၤဆူတၢ်အီၣ် အဆၣ်အလီၢ်ဘၣ်န့ၣ်လဲၣ်.”

စံးထီၣ်ပတြၢၤ 37:19

အဝဲသ့ၣ်တတူၢ်ဘၣ်တၢ်ဖဲ တၢ်အၢတၢ်သီအကတီၢ်န့ၣ်ဘၣ်. အဝဲသ့ၣ်ကအီၣ်ကုးအီပှဲၤဖဲ တၢ်သၣ်ဝံၤလီၤဒိအကတီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 11:2

ဟ့ၣ်နီၤဖးတၢ်လၢကျဲနွံဘိမ့တမ့ၢ်ဃိးဘိအပူၤဒၣ်လဲာ်တ က့ၢ်. အဂ့ၢ်ဒ်အံၤ, တၢ်အၢမနုၤအကမၤအသးလၢဟီၣ်ခိၣ်ချၢလဲၣ်န့ၣ်နတသ့ၣ်ညါဘၣ်.

လံာ်ပှၤစံၣ်တဲၤတဲလီၤတၢ် 12:1

တချုးဒံးဘၣ်လၢမုၢ်နံၤတဖၣ်ဒီးနံၣ်တဖၣ်လၢအမၤသးအုးတၢ်ဟဲ ဒီးဖဲနကစံး, “ယအိၣ်မူတမုာ်တလၤဘၣ်ယၤဘၣ်” န့ၣ်, သ့ၣ်နီၣ်ထီၣ်က့ၤနတၢ်ဘၣ်တ့အကစၢ်ဖဲနသးစၢ်ဒံးအကတီၢ် အံၤန့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ဒၤနံးယ့လး 2:8

အန့ၣ်ဒီးစီၤပၤစံးဝဲ, “ယသ့ၣ်ညါသပှၢ်ကတၢၢ်လၢသုဂုာ်ကျဲး စၢးသုးနံၤသုးသီလီၤ. အဂ့ၢ်ဒ်အံၤ, သုသ့ၣ်ညါလၢယတၢ်ကတိၤမ့ၢ်တၢ်ဂၢၢ်တၢ်ကျၢၤလီၤ.

လံာ်ဧၤမိၣ် 5:13

မၤသးဒ်န့ၣ်ဒီး, ပှၤလၢအကူၣ်တၢ်သ့န့ၣ်ကအိၣ်ဃိကလာ်လၢတၢ် အကတီၢ်ဒ်သိးအံၤအပူၤန့ၣ်လီၤ. အဂ့ၢ်ဒ်အံၤ, မ့ၢ်တၢ်အကတီၢ်လၢအအၢလီၤ.

လံာ်မးသဲ 25:17

ပှၤလၢအဒိးန့ၢ်စ့ခံတၤလၣ်တဂၤန့ၣ်, မၤစ့ၢ်ကီးဝဲဒၣ်ဒ်န့ၣ်ဒီးဒိးန့ၢ်အါထီၣ်စ့ခံတၤလၣ်န့ၣ် လီၤ.

လံာ်ယိၤဟၣ် 12:35

ယ့ၣ်ၡူးစံးဆၢတၢ်ဒီးစံးဝဲ, “တၢ်ကပီၤကအိၣ်ဒံးလၢသုကျါ တစိၢ်တလီၢ်လီၤ. ဖဲသုအိၣ်ဒံးဒီးတၢ်ကပီၤအဖၢမုၢ်အံၤ, တၢ်လဲၤလၢအအိၣ်ဒီးသုန့ၣ်လဲၤတက့ၢ်. မ့တမ့ၢ်ဘၣ်ဒီးတၢ်ခံး ကတုၤအိၣ်သုလီၤ. အဂ့ၢ်ဒ်အံၤ, ပှၤတဂၤလၢအဟးလၢ တၢ်ခံးကျါန့ၣ်, မ့ၢ်အလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်.

ရိမ့ၤ 13:11

သုကဘၣ်မၤတၢ်အံၤမ့ၢ်လၢသုသ့ၣ်ညါတၢ်ချုးခံနိးသး အကတီၢ်တုၤလံ. တၢ်ဆၢကတီၢ်ဘၣ်လံလၢသုကပၢၢ်ထီၣ်လၢ သုတၢ်မံအပူၤလံ. အဂ့ၢ်ဒ်လဲၣ်န့ၣ်, တၢ်ဆၢကတီၢ်လၢပကဘၣ်တၢ်အုၣ်က့ၤခီၣ်က့ၤပှၤ အဂီၢ်န့ၣ်ဘူးထီၣ်ဒိၣ်န့ၢ်ဒံးဖဲပနာ်က့ၤတၢ်သီသီအခါန့ၣ်လီၤ.

1 ကရံၣ်သူး 7:26

ပမ့ၢ်ကွၢ်ပဝဲဒ်အဘၣ်ထွဲဒီးတၢ်ကီတၢ်ခဲလၢဆၢကတီၢ်နၣ်ရံၣ် အဝဲအံၤအသိးန့ၣ်, ယဆိကမိၣ်, ကဂ့ၤတက့ၢ်လၢပှၤတဂၤကအိၣ်ဒ်အအိၣ်ဝဲအသိးန့ၣ်လီၤ.

ကလၤတံ 1:4

ခရံာ်ဟ့ၣ်လီၤကွံာ်အသးလၢပတၢ်ဒဲးဘးတဖၣ်အဂီၢ်ဒ်သိး ကဒုးထူၣ်ဖျဲးထီၣ်ကွံာ်ပှၤလၢဆၢကတီၢ်အအၢအသီတကတီၢ် အံၤန့ၣ်လီၤ. မၤဝဲလၢတၢ်ဒိကနၣ်ပပၢ်ယွၤအတၢ်ဘၣ်အသး အပူၤန့ၣ်လီၤ.

ကလၤတံ 6:10

လၢတၢ်န့ၣ်အဃိ, ဒ်ပအိၣ်ဒီးတၢ်အခွဲးအယာ်အသိးန့ၣ်, ပကြၢးမၤဂ့ၤပှၤကိးဂၤဒဲးဒီးလီၤဆီဒၣ်တၢ်ပှၤသ့ၣ်တဖၣ် လၢအဘၣ်ဃးဒီးပဒူၣ်ဖိထၢဖိလၢတၢ်စူၢ်တၢ်နာ်အပူၤလီၤ.

အ့းဖ့းစူး 6:13

လၢတၢ်န့ၣ်အဃိကူထီၣ်သိးထီၣ်တၢ်ဒုးသုးအကူအသိးလၢ ကစၢ်ယွၤဟ့ၣ်သုအခဲအံၤ, ဒ်သိးဒီးလၢမုၢ်နံၤအအၢအသီ န့ၣ်သုတြီဆၢသုဒုၣ်သုဒါကန့ၢ်ဒီးဒ်သိးသုဒုးတၢ်ခဲလၢာ်ဝံၤဒီးသု ကအိၣ်ဆၢထၢၣ်ဒံးအဂီၢ်န့ၣ်တက့ၢ်.

အ့းဖ့းစူး 6:15

သိးထီၣ်တၢ်သးခုကစီၣ်ဘၣ်ဃးဒီးတၢ်ဃူတၢ်ဖိးဒ်ခီၣ်ဖံး အသိးတက့ၢ်.

ကလီးစဲ 4:5

လၢသုတၢ်ဘၣ်ထွဲဒီးပှၤတစူၢ်တနာ်တၢ်တဖၣ်အပူၤန့ၣ်, အိၣ်ဒီးတၢ်ကူၣ်သ့တက့ၢ်. တၢ်ဆၢကတီၢ်ဒီးတၢ်ခွဲးတၢ်ယာ်လၢသုဒိးန့ၢ်ကိးကတီၢ်ဒဲးန့ၣ်, သူအီၤအဂ့ၤကတၢၢ်တက့ၢ်.