အ့းဖ့းစူး 5:14 - Sgaw Karen Common Bible

¹⁴ အဂ့ၢ်ဒ်အံၤ, တၢ်တမံၤလၢ်လၢ်လၢအဘၣ်တၢ်လီၣ်ဖျါထီၣ်အီၤ ဆှံဆှံန့ၣ်ကဲထီၣ်တၢ်ကပီၤလီၤ. လၢတၢ်န့ၣ်အဃိတၢ်စံးတ့ၢ်ဝဲ, ပှၤလၢအမံနၤဧၢ, ဖုသံနီၣ်တက့ၢ်. ဂဲၤဆၢထၢၣ်က့ၤလၢတၢ်သံတက့ၢ်. ဒီးခရံာ်ကဒုးကပီၤထီၣ်အတၢ်ကပီၤလၢနလိၤလီၤ.

အ့းဖ့းစူး 5:14 Iomraidhean Croise

လံာ်ယၡါယၤ 26:19

ပပှၤဂီၢ်မုၢ်လၢအသံတ့ၢ်တဖၣ်ကမူကဒီးလီၤ. အဝဲသ့ၣ်အနီၢ်ခိတဖၣ်ကမူထီၣ်က့ၤလီၤ. ကယဲၢ်ပှၤလၢအမံလၢအသွၣ်ခိၣ်အပူၤတဖၣ်ကပၢၢ်ထီၣ် ဒီးသးဝံၣ်တၢ်လၢတၢ်သးခုအပူၤလီၤ. ဒ်ဘှ့ၣ်ပစီၤအတၢ်ကပီၤမၤသီထီၣ်က့ၤဟီၣ်ခိၣ်အသိးန့ၣ်, ယွၤကမၤမူထီၣ်ပှၤလၢအသံတ့ၢ်ဝဲလၢပျၢၤတဖၣ်လီၤ.

လံာ်ယၡါယၤ 51:17

ဝ့ၢ်ယရူၤၡလ့ၣ်ဧၢ, ဖုသံနီၣ်ထီၣ်တက့ၢ်. ထိၣ်ဂဲၤထီၣ်နသးဒီးဆၢထၢၣ်တက့ၢ်. နအီတ့ၢ်တၢ်စံၣ်ညီၣ်အလီခီလၢယွၤ, လၢအတၢ်သးထီၣ်အပူၤ, ဟ့ၣ်နၤလၢနကအီအဂီၢ်လံ. နအီလၢာ်ကွံာ်အီၤဒီးဒုးလဲၤနၤကနူၤနူၤကပၤပၤလီၤ.

လံာ်ယၡါယၤ 52:1

ဝ့ၢ်ယရူၤၡလ့ၣ်ဧၢ, ဂံၢ်ဆူၣ်ဘါဆူၣ်ဒီး ဒိၣ်ကဒီးက့ၤနဲတက့ၢ်. ကစၢ်ယွၤအဝ့ၢ်စီဆှံဧၢ, ကူသိးထီၣ်နဲတၢ်ဃံဒိၣ်လၤဒိၣ်တ က့ၢ်. ပှၤတသ့ၣ်ညါယွၤတဟဲနုာ်ဘၣ်ကဒီး လၢနတြဲၤတဖၣ်အပူၤနီတစုဘၣ်.

လံာ်ယၡါယၤ 60:1

ဂဲၤဆၢထၢၣ်, ဝ့ၢ်ယရူၤၡလ့ၣ်ဧၢ, ဒီးကပီၤထီၣ်ဒ်မုၢ်အသိးတက့ၢ်. ယွၤအလၤကပီၤ, ကပီၤထီၣ်လၢနလိၤလီၤ.

လံာ်လူၤကၣ် 1:78

ပကစၢ်ယွၤမ့ၢ်ပှၤလၢ အသူၣ်ကညီၤသးကညီၤတၢ်လီၤ. အဝဲဒၣ်ကပျဲတၢ်အုၣ်က့ၤခီၣ်က့ၤအမုၢ်ဆ့ၣ်ဟဲဝါထီၣ် လၢပဖီခိၣ်ကပြုၢ်ကပြီၤ,

လံာ်လူၤကၣ် 15:24

အဂ့ၢ်ဒ်အံၤယဖိခွါတဂၤအံၤသံတ့ၢ်ဝဲ, ဘၣ်ဆၣ်ဒီးခဲကနံၣ်အံၤအဝဲဒၣ်မူထီၣ်က့ၤလံ. အဝဲဒၣ်လီၤမၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤအီၤလံ.’ မၤသးဒ်န့ၣ်ဒီး တၢ်အီၣ်တၢ်အီအမူးစးထီၣ်ဝဲဒၣ်လီၤ.

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

လံာ်ယိၤဟၣ် 9:5

ဖဲယအိၣ်ဒံးလၢဟီၣ်ခိၣ်အံၤအပူၤဒီး, ယမ့ၢ်တၢ်ကပီၤလၢဟီၣ်ခိၣ် အဂီၢ်လီၤ.”

မၤတၢ် 13:47

အဂ့ၢ်ဒ်အံၤ, အအံၤမ့ၢ်တၢ်မၤလိာ်လၢကစၢ်ဟ့ၣ်တ့ၢ်ပှၤန့ၣ်လီၤ. ‘ယဒုးကဲလံနၤတၢ်ကပီၤတဖျၢၣ်လၢပှၤကလုာ်ဂၤတဖၣ်အဂီၢ်, ဒ်သိးဟီၣ်ခိၣ်ဒီဘ့ၣ်ကဘၣ်တၢ်အုၣ်က့ၤခီၣ်က့ၤအီၤအဂီၢ်န့ၣ်လီၤ.’ ”

ရိမ့ၤ 6:13

တဘၣ်ဟ့ၣ်လီၤသုနီၢ်ခိအက့ၢ်အဂီၤတဖၣ်ဆူတၢ်ဒဲးဘး အစုပူၤလၢတၢ်ကသူအီၤလၢတၢ်အၢတၢ်သီအဂီၢ်နီတမံၤ တဂ့ၤ. မ့မ့ၢ်, ဟ့ၣ်လီၤသုသးဆူကစၢ်ယွၤအစုပူၤဒ်ပှၤသ့ၣ် တဖၣ်လၢအဘၣ်တၢ်မၤမူထီၣ်က့ၤအီၤလၢတၢ်သံ, ဒီးဟ့ၣ်လီၤသုသးဒီးနီၢ်ခိဒီဂၤညါဆူအစုပူၤဒ် သိးတၢ်ကသူအီၤလၢတၢ်တီတၢ်လိၤအဂီၢ်န့ၣ်တက့ၢ်.

1 ကရံၣ်သူး 15:34

ဃၣ်ကဒါက့ၤသုသးဆူသုတၢ်သ့ၣ်ညါအကြၢး အဘၣ်, ဒီးဆိကတီၢ်ကွံာ်သုကျဲအၢကျဲသီတဖၣ်န့ၣ်တက့ၢ်. လၢသုကမဲာ်ဆှးအဂီၢ်ယပာ်ဖျါယဲဒၣ်လၢ, သုဝဲတနီၤသုတသ့ၣ်ညါကစၢ်ယွၤဘၣ်န့ၣ်လီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

အ့းဖ့းစူး 2:1

ဒီးအဝဲဒၣ်မၤမူထီၣ်က့ၤသု, ဖဲသုမ့ၢ်တ့ၢ်ပှၤအသံလၢသူၣ်လၢသးလၢသုတၢ်တစူၢ် တနာ်ယွၤအကလုၢ်ဒီးသုတၢ်ဒဲးဘးတဖၣ်အဃိန့ၣ်လီၤ.

အ့းဖ့းစူး 2:5

မၤမူထီၣ်ပှၤတပူၤဃီဒီးခရံာ်ဖဲပမ့ၢ်တ့ၢ်ပှၤသံလၢသူၣ်လၢ သးခီဖျိပတၢ်ဒဲးဘး, တၢ်တဒိကနၣ်ဘၣ်အခါဒၣ်လဲာ်န့ၣ်လီၤ. (သုဘၣ်တၢ်အုၣ်က့ၤခီၣ်က့ၤသုခီဖျိယွၤအဘျုးအဖှိၣ်န့ၣ် လီၤ.)

ကလီးစဲ 3:1

သုဘၣ်တၢ်ဒုးဂဲၤဆၢထၢၣ်က့ၤသုလၢတၢ်သံဃုာ်ဒီးခရံာ်သတး ဒီး, သးအိၣ်ဆၢန့ၢ်ဘၣ်တၢ်ဘၣ်ဃးဒီးမူခိၣ်ဖဲခရံာ်ဆ့ၣ်နီၤဝဲလၢ ကစၢ်ယွၤအစုထွဲတခီန့ၣ်တက့ၢ်.

၁ သ့းစၤလနံ 5:6

လၢတၢ်န့ၣ်အဃိ, ပတကြၢးမံပဝဲ, ဒ်ပှၤအဂၤတဖၣ်မၤဝဲ အသိးန့ၣ်ဘၣ်. ပကြၢးအိၣ်ဆိးသီဒီးတမူၤတဘှီးဘၣ်န့ၣ်လီၤ.

၂ တံၤမသ့း 1:10

ဘၣ်ဆၣ်ဒီးခဲကနံၣ်အံၤတၢ်ဘျုးတၢ်ဖှိၣ်အံၤဘၣ်တၢ်လီၣ် ဖျါထီၣ်န့ၢ်ပှၤခီဖျိပပှၤအုၣ်က့ၤခီၣ်က့ၤတၢ်, ယ့ၣ်ၡူးခရံာ် အတၢ်ဟဲန့ၣ်လီၤ. အဝဲဒၣ်မၤကတၢၢ်ကွံာ်တၢ်သံအစိကမီၤ ဒီးခီဖျိတၢ်သးခုကစီၣ်န့ၣ်, လီၣ်ဖျါထီၣ်တ့ၢ်တၢ်အိၣ်မူလၢ အသံတသ့ဘၣ်န့ၣ်လီၤ.

၂ တံၤမသ့း 2:26

ဒီးအဝဲသ့ၣ်ကသ့ၣ်ညါလီၤက့ၤအသးဒီးမၤထူၣ်ဖျဲးကွံာ်အသး လၢမုၣ်ကီၤလံၢ်အပျံၤသကွီၤလၢအဖီၣ်န့ၢ်အဝဲသ့ၣ်ဒ်သိးအဝဲသ့ၣ် ကစူၢ်အဝဲအတၢ်ဘၣ်အသးအဂီၢ်န့ၣ်လီၤ.