အ့းဖ့းစူး 5:12 - Sgaw Karen Common Bible

¹² (တၢ်လၢပှၤတဖၣ်အံၤမၤဝဲလၢတၢ်ခူသူၣ်အပူၤန့ၣ်, ပကကတိၤတၢ်လၢအဂ့ၢ်ဒၣ်လဲာ်မ့ၢ်တၢ်လီၤမဲာ်ဆှးဒိၣ်မးလီၤ.)

အ့းဖ့းစူး 5:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:12

နမၤတ့ၢ်တၢ်ဒဲးဘးလၢတၢ်ခူသူၣ်အပူၤ, ဘၣ်ဆၣ်ဒီးယကပျဲတၢ်အံၤမၤအသးလၢမုၢ်ထူၣ်မုၢ်ဆါအဆၢကတီၢ် ဒ်သိးကီၢ်အံၣ်စရ့လးဒီကီၢ်ကထံၣ်ဘၣ်အီၤအဂီၢ်န့ၣ်လီၤ.”

တၢ်ကတိၤဒိ. 9:17

“ထံလၢပဟုၣ်အီအီၤန့ၣ်, ဆၢဒိၣ်မးလီၤ. ကိၣ်လၢပဟုၣ်အီၣ်အီၤ န့ၣ်, ဝံၣ်ဒိၣ်တက့ၢ်လီၤ.”

လံာ်ပှၤစံၣ်တဲၤတဲလီၤတၢ် 12:14

ကစၢ်ယွၤကစံၣ်ညီၣ်တၢ်ခဲလၢာ်လၢပမၤအီၤ, ဂ့ၤမ့ၢ်ဂ့ၤ, အၢမ့ၢ်ဂ့ၤ, တုၤဒၣ်လဲာ်လၢတၢ်တဖၣ်လၢပမၤအီၤလၢတၢ်ခူသူၣ်အပူၤန့ၣ်လီၤ.

လံာ်ယံးရမံယၤ 23:24

ပှၤအိၣ်ခူသူၣ်လၢတၢ်လီၢ်ဖဲယထံၣ်အီၤတသ့, တအိၣ်နီတဂၤဘၣ်. မ့ၢ်သုတသ့ၣ်ညါဘၣ်လၢယအိၣ် လၢတၢ်လီၢ်ကိးပူၤဒဲးလၢမူခိၣ်ဒီးလၢဟီၣ်ခိၣ်န့ၣ်ဘၣ်ဧါ.

ရိမ့ၤ 2:16

လၢတၢ်န့ၣ်အဃိ, ဒ်တၢ်သးခုကစီၣ်လၢယစံၣ်တဲၤတဲလီၤ ဟဲဝဲအသိး, လၢမုၢ်နံၤတနံၤန့ၣ်ကစၢ်ယွၤ, ကစံၣ်ညီၣ်ပှၤကညီအတၢ်ဆိကမိၣ်ခူသူၣ်ခဲလၢာ်ခီဖျိယ့ၣ်ၡူး ခရံာ်, န့ၣ်လီၤ.

အ့းဖ့းစူး 5:11

တဘၣ်မၤဃုာ်တၢ်ခံးတၢ်နၤအတၢ်မၤလၢအဘျုးတအိၣ်ဘၣ် လၢပှၤအဂၤမၤဝဲတဖၣ်န့ၣ်တဂ့ၤ. မ့မ့ၢ်မၤဖျါထီၣ်အီၤတက့ၢ်.

အ့းဖ့းစူး 5:13

ဖဲတၢ်ခဲလၢာ်ဘၣ်တၢ်မၤဖျါထီၣ်အီၤလၢတၢ်ကပီၤန့ၣ်, အတၢ်မ့ၢ်တၢ်နီၢ်နီၢ်ဘၣ်တၢ်လီၣ်ဖျါထီၣ်အီၤဆှံဆှံန့ၣ်လီၤ.

အ့းဖ့းစူး 5:3

ဒ်သုမ့ၢ်ကစၢ်ယွၤအပှၤတကလုာ်အသိးန့ၣ်, တၢ်မၤကမၣ်မုၣ် ကမၣ်ခွါမ့ၢ်ဂ့ၤ, တၢ်ကလုာ်ကလိၤမ့ၢ်ဂ့ၤ, တၢ်သူၣ်လီသးကွံမ့ၢ်ဂ့ၤ, တကြၢးဘၣ်တၢ်ယၢၤထီၣ်ဒၣ်လဲာ်အီၤလၢသုသိးသုကျါဘၣ်.

၁ ပ့းတရူး 4:3

သုမၤလၢာ်တ့ၢ်တၢ်ဆၢကတီၢ်လၢအပူၤကွံာ်ခီဖျိသုမၤ တၢ်လၢပှၤတသ့ၣ်ညါယွၤတဖၣ်သးအိၣ်မၤဝဲန့ၣ်လီၤ. သုတၢ်အိၣ်မူဘၣ်တၢ်မၤလၢာ်အီၤလၢတၢ်တဆဲးတလၤ, တၢ်သးကတၢ, တၢ်အီမူၤအီဘှီးသး, တၢ်အီသံးဂဲၤ ကလံာ်တဖၣ်, တၢ်အီသံးအမူးတဖၣ်, ဒီးတၢ်လီၤသးဘၣ်အၢလၢတၢ်ဘါထီၣ်တၢ်ဂီၤတၢ်ဖီၣ် တဖၣ်န့ၣ်လီၤ.

လံာ်လီၣ်ဖျါ 20:12

ဒီးယထံၣ်ဘၣ်ပှၤသံတဖၣ်, အဒိၣ်ဒီးအဆံးစ့ၢ်ကီး, အိၣ်ဆၢထၢၣ်လၢလီၢ်ပစိာ်အမဲာ်ညါန့ၣ်လီၤ. လံာ်တဖၣ် ဘၣ်တၢ်အိးထီၣ်အီၤ, ဒီးအန့ၣ်ဝံၤအလီၢ်ခံလံာ်အဂၤ တဘ့ၣ်ဘၣ်တၢ်အိးထီၣ်အီၤ, လၢအမ့ၢ်လံာ်မူတဘ့ၣ်န့ၣ်လီၤ. ပှၤသံတဖၣ်ဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲ, ဒ်အဘၣ်တၢ်ကွဲးနီၣ်တ့ၢ်အီၤလၢလံာ်တဖၣ် အပူၤအသိးန့ၣ်လီၤ.