အ့းဖ့းစူး 5:11 - Sgaw Karen Common Bible

¹¹ တဘၣ်မၤဃုာ်တၢ်ခံးတၢ်နၤအတၢ်မၤလၢအဘျုးတအိၣ်ဘၣ် လၢပှၤအဂၤမၤဝဲတဖၣ်န့ၣ်တဂ့ၤ. မ့မ့ၢ်မၤဖျါထီၣ်အီၤတက့ၢ်.

အ့းဖ့းစူး 5:11 Iomraidhean Croise

လံာ်တၢ်ကဲထီၣ်အခီၣ်ထံး 20:16

အဝဲစံးဘၣ်နီၢ်စၤရါ, “ယဟ့ၣ်နဒီပုၢ်ဝဲၢ်ခွါလၢစ့ညၣ်အဘ့ၣ် တကထိဒ်အမ့ၢ်တၢ်အုၣ်သးလၢပှၤလၢအိၣ်ဒီးနၤသ့ၣ်တဖၣ်အကျါလၢ နမ့ၢ်ပှၤလၢအတၢ်ကမၣ်တအိၣ်ဘၣ်န့ၣ်လီၤ. ပှၤကိးဂၤဒဲးကသ့ၣ်ညါလၢနတမၤကမၣ်တၢ်နီတမံၤဘၣ်န့ၣ်လီၤ.”

စံးထီၣ်ပတြၢၤ 141:5

မ်ပှၤအတီအလိၤတီၢ်ယၤ မ့တမ့ၢ်သိၣ်ဃီၣ်ယၤလၢ တၢ်သးကညီၤအပူၤန့ၣ်တက့ၢ်. မ်ပှၤအအၢအသီအသိအသုတဘၣ်တၢ်ဖှူအီၤလၢ ယခိၣ်နီတဘျီတဂ့ၤ. အဂ့ၢ်ဒ်အံၤ, ယထုကဖၣ်တၢ်ထီဒါ အတၢ်အၢတၢ်သီတဘိယူၢ်ဃီန့ၣ်လီၤ.

တၢ်ကတိၤဒိ. 1:10

ယဖိခွါဧၢ, ဖဲပှၤတၢ်ဒဲးဘးဖိလ့ပစီနၤဒီးဟ့ၣ်လီၤနသးတဂ့ၤ.

တၢ်ကတိၤဒိ. 1:31

သတးဒီး, သုကဒိးန့ၢ်တၢ်လၢအကြၢးဒီးသု, ဒီးသုတၢ်မၤဒၣ်ဝဲတဖၣ်ကမၤဆူးမၤဆါသုလီၤ.

တၢ်ကတိၤဒိ. 13:18

ပှၤတဂၤလၢအတမၤလိတၢ်ဘၣ်န့ၣ်, ကဖှီၣ်လီၤယာ်လီၤဝဲဒီးကဘၣ် တၢ်မဲာ်ဆှးလီၤ. မ့မ့ၢ်ပှၤတဂၤလၢ်လၢ်လၢအဒိကနၣ်တၢ်သိၣ်က့ၤသီ က့ၤအီၤန့ၣ်, ဘၣ်တၢ်ယူးယီၣ်ပာ်ကဲအီၤလီၤ.

တၢ်ကတိၤဒိ. 15:12

ပှၤလၢအပာ်ထီၣ်ထီအသးတဖၣ်န့ၣ်တအဲၣ်ဒိးတၢ်သိၣ်က့ၤသီက့ၤ အီၤဘၣ်. အဝဲသ့ၣ်တဃ့တၢ်ဟ့ၣ်ကူၣ်ဟ့ၣ်ဖးလၢပှၤကူၣ်တၢ်သ့ န့ၢ်အီၤ, နီတဘျီဘၣ်.

တၢ်ကတိၤဒိ. 19:25

ပှၤပာ်ထီၣ်ထီအသးတဖၣ်န့ၣ်, ကြၢးဘၣ်တၢ်စံၣ်ညီၣ်အီၤဒ်သိး, ပှၤလၢအတသ့ၣ်ညါတၢ်အါန့ၢ်အဝဲသ့ၣ်တဖၣ်ကမၤလိန့ၢ်တၢ်မၤလိ တမံၤန့ၣ်လီၤ. နမ့မ့ၢ်ပှၤကူၣ်သ့ဒီး, ဖဲတၢ်သိၣ်က့ၤသီက့ၤနၤန့ၣ်နကမၤလိတၢ်လီၤ.

တၢ်ကတိၤဒိ. 25:12

ပှၤလၢအတၢ်လဲၤခီဖျိအါတဂၤအတၢ်ဟ့ၣ်ပလီၢ်တထံၣ်ဆူ ပှၤတဂၤဂၤလၢအသးအိၣ်ဒိကနၣ်အီၤန့ၣ်, လုၢ်ဒိၣ်ပှ့ၤဒိၣ်အါန့ၢ်ဒံးပသံးထူတဖၣ်မ့ၢ်ဂ့ၤ, တၢ်ကယၢကယဲ လၢအဘၣ်တၢ်မၤအီၤလၢထူစီမ့ၢ်ဂ့ၤတက့ၢ်န့ၣ်လီၤ.

တၢ်ကတိၤဒိ. 28:4

နမ့ၢ်တပာ်ကဲတၢ်သိၣ်တၢ်သီဘၣ်ဒီး, နအိၣ်တကပၤဃီဒီးပှၤတတီ တလိၤတဖၣ်လီၤ. ဘၣ်ဆၣ်နမ့ၢ်ဒိကနၣ်တၢ်သိၣ်တၢ်သီဒီး, နမ့ၢ်ပှၤထီဒါအဝဲသ့ၣ်န့ၣ်လီၤ.

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

လံာ်ယၡါယၤ 29:21

ပှၤတဖၣ်လၢအကတိၤခဲၣ်သူခဲၣ်ဂီၤပှၤဂၤ, ပှၤတဖၣ်လၢအတြီတၢ်စံၣ်ညီၣ်ပှၤမၤ တၢ်ထီဒါပဒိၣ်သဲစးဒီးပှၤတဖၣ်လၢအလီတၢ် ဝ့ၤတၢ်ဒ်သိးပှၤသူၣ်လိၤသးဘျၢတဖၣ်ကဒိး န့ၢ်တၢ်စံၣ်ညီၣ်တီန့ၣ်ကစၢ်ယွၤကမၤဟးဂီၤအီၤလီၤ.

လံာ်ယံးရမံယၤ 15:17

ယတမၤလၢာ်ယတၢ်ဆၢကတီၢ်ဒီးပှၤအဂၤတဖၣ်လၢတၢ်နံၤကဝဲၤ ပျီၢ်ကဒီဒီးတၢ်မၤမုာ်လၤယသးအပူၤန့ၣ်ဘၣ်. လၢယတၢ်စူၢ်နတၢ်ဟ့ၣ်လီၤနကလုၢ်တဖၣ်အပူၤန့ၣ်, ယအိၣ်ဒၣ်ယတၢ်ဒၣ်ယဲဒီးယပှဲၤဆၢၣ်ကလာ်ဒီးတၢ်သူၣ်ဒိၣ်သးဖျိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:17

သးဟ့သုဒီပုၢ်ဝဲၢ်လၢသုသးကံၢ်ပူၤတဂ့ၤ. မ့မ့ၢ်မၤလိၤမၤဘၣ်က့ၤသုသးဒီးအီၤဒ်သိးသုသု တမၤဘၣ်တၢ်ဒဲးဘးလၢအဃိတဂ့ၤန့ၣ်တက့ၢ်.

လံာ်မးသဲ 18:15

နဒီပုၢ်ဝဲၢ်ပှၤနာ်တၢ်ဖိဒ်သိးသိးဒီးနၤမ့ၢ်မၤကမၣ်ဘၣ်နၤဒီး, လဲၤဆူအအိၣ်ဒီးတဲဘၣ်အီၤလၢအတၢ်ကမၣ်တက့ၢ်. တဲအီၤထဲလၢသုခံဂၤအဘၢၣ်စၢၤတက့ၢ်. အဝဲမ့ၢ်ဒိကနၣ်နၤဒီး, နန့ၢ်က့ၤနဒီပုၢ်ဝဲၢ်လံ.

လံာ်လူၤကၣ် 3:19

ဘၣ်ဆၣ်အဝဲဒၣ်သိၣ်ဃီၣ်ဒီးပာ်တၢ်ကမၣ်လၢပဒိၣ်ဖးဒိၣ် စီၤဟ့ၤရိာ်အလိၤမ့ၢ်လၢအဝဲဒၣ်ဟံးန့ၢ်အဒီပုၢ်ဝဲၢ်အမါ, နီၢ်ဟ့ၤရိၤဒံ, ဒီးလၢတၢ်အၢတၢ်သီအဂၤအါမံၤအါကလုာ်လၢအမၤ တ့ၢ်ဝဲတဖၣ်အဃိလီၤ.

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

ရိမ့ၤ 13:12

မုၢ်နၤကလၢာ်တ့ၢ်ဒီးမုၢ်ဆါကတုၤဃီၤဘူးထီၣ်လံ. မ်ပကဆိကတီၢ်ပတၢ်မၤတၢ်ခံးတၢ်နၤအတၢ်မၤတဖၣ်, ဒီးဟံးထီၣ်သကိးစုကဝဲၤတဖၣ်လၢပကဒုးတၢ်လၢတၢ် ကပီၤအပူၤအဂီၢ်န့ၣ်တက့ၢ်.

ရိမ့ၤ 16:17

ယဒီပုၢ်ဝဲၢ်သ့ၣ်ဧၢ, ယသဆၣ်ထီၣ်သုခံ, ပလီၢ်သုသးလၢပှၤလၢအဒုးအိၣ်ထီၣ်တၢ်လီၤမုၢ် လီၤဖးဒီးမၤကဒံကဒါပှၤအတၢ်စူၢ်တၢ်နာ်, ပှၤလၢအထီဒါ တၢ်သိၣ်လိလၢသုဒိးန့ၢ်တ့ၢ်လံတဖၣ်န့ၣ်တက့ၢ်. ဟးဆှဲးပှၤတဖၣ်န့ၣ်တက့ၢ်.

ရိမ့ၤ 6:21

တၢ်လၢသုမၤတ့ၢ်ဒီးသုမဲာ်ဆှးက့ၤလၢအဃိခဲအံၤ တဖၣ်အဘျုးလၢသုဂီၢ်အိၣ်မနုၤလဲၣ်. တၢ်တဖၣ်န့ၣ် အကတၢၢ်မ့ၢ်တၢ်သံလီၤ.

ကလၤတံ 6:8

အဂ့ၢ်ဒ်အံၤ, အဝဲဒၣ်မ့ၢ်သူၣ်လီၤဖျးလီၤတၢ်လၢအတၢ်သူၣ်လီ သးကွံတဖၣ်အပူၤန့ၣ်, တၢ်လၢအကကူးဘၣ်က့ၤဝဲမ့ၢ်တၢ်သံ န့ၣ်လီၤ. မ့မ့ၢ်အဝဲဒၣ်မ့ၢ်သူၣ်လီၤဖျးလီၤတၢ်လၢယွၤအသး အပူၤဒီး, ယွၤအသးကမၤစၢၤအီၤဒ်သိးအကကူးဘၣ်က့ၤဝဲတၢ်မူ အထူအယိာ်န့ၣ်လီၤ.

အ့းဖ့းစူး 4:22

လၢတၢ်န့ၣ်အဃိ, ဘ့ၣ်လီၤကွံာ်တၢ်အိၣ်မူလီၢ်လံၤလၢအဒုးမူ သုဒ်သုမ့ၢ်တ့ၢ်သုဝဲအသိးန့ၣ်တက့ၢ်. ဒ်ပစံးတၢ်အသိး, တၢ်မူအလီၢ်လံၤလၢအဘၣ်တၢ်မၤဟးဂီၤကွံာ်အီၤလၢတၢ်မိၣ် န့ၢ်သးလီလၢအလီန့ၢ်တၢ်တဖၣ်န့ၣ်လီၤ.

အ့းဖ့းစူး 5:12

(တၢ်လၢပှၤတဖၣ်အံၤမၤဝဲလၢတၢ်ခူသူၣ်အပူၤန့ၣ်, ပကကတိၤတၢ်လၢအဂ့ၢ်ဒၣ်လဲာ်မ့ၢ်တၢ်လီၤမဲာ်ဆှးဒိၣ်မးလီၤ.)

အ့းဖ့းစူး 5:7

လၢတၢ်န့ၣ်အဃိ, တဘၣ်မၤဃုာ်ပှၤဒ်န့ၣ်အသိးတဖၣ် တဂ့ၤ.

ကလီးစဲ 1:12

ဒီးလၢတၢ်သူၣ်ခုသးခုအပူၤစံးထီၣ်ပတြၢၤပၢ်လၢအဒုးထီၣ် ဘးလံပှၤဒ်သိးပကန့ၢ်သါဃုာ်တၢ်ဒီးပှၤစီဆှံတဖၣ်လၢတၢ်ကပီၤ အဘီအမုၢ်အပူၤန့ၣ်တက့ၢ်.

၁ သ့းစၤလနံ 5:7

ဖဲမုၢ်နၤအကတီၢ်န့ၣ်ပှၤကညီမံဝဲ, ဒီးဖဲမုၢ်နၤအကတီၢ်န့ၣ်အဝဲသ့ၣ်အီသံးမူၤဝဲန့ၣ်လီၤ.

၂ သ့းစၤလနံ 3:14

ပှၤမ့ၢ်အိၣ်ဝဲတဂၤဂၤလၢအဂ့ၢ်လိာ်လၢအကပိာ်ထွဲတၢ်သိၣ် လီၤသီလီၤလၢပဆှၢလီၤလၢတၢ်ပရၢတဘ့ၣ်အံၤအပူၤန့ၣ်, ပာ်သူၣ်ပာ်သးဒီးမၤဘၣ်ထွဲသုသးလၢအီၤနီတမံၤတဂ့ၤ. သုကဘၣ်မၤဒ်အံၤ, မ့ၢ်ဒ်သိးအဝဲကမဲာ်ဆှးလီၤက့ၤအသး အဂီၢ်န့ၣ်လီၤ.

၂ သ့းစၤလနံ 3:6

ပဒီပုၢ်ဝဲၢ်သ့ၣ်ဧၢ, ပမၤလိာ်သုလၢပကစၢ်ယ့ၣ်ၡူးခရံာ်အမံၤ အပူၤ, ဒ်သိးသုကဟးဆှဲးဒီပုၢ်ဝဲၢ်လၢအအိၣ်ကၢၣ်အိၣ်ကျူဒီး တမၤဘၣ်ဒ်ပတၢ်သိၣ်လိနဲၣ်ယုၤသုအသိးဘၣ်တဖၣ်န့ၣ်လီၤ.

၁ တံၤမသ့း 5:20

ပှၤလၢအမၤတၢ်ဒဲးဘးခဲလၢာ်န့ၣ်, သိၣ်ဃီၣ်အီၤလၢကမျၢၢ်အမဲာ်ညါ, ဒ်သိးပှၤဂၤတဖၣ်ကအိၣ်ဒီးတၢ်ပျံၤတၢ်ဖုးအဂီၢ်န့ၣ် တက့ၢ်.

၁ တံၤမသ့း 5:22

တၢ်ပာ်စုပှၤတဂၤဂ့ၤတဂၤဂ့ၤလၢအကမၤကစၢ်ယွၤ အတၢ်မၤန့ၣ်, တဘၣ်မၤအီၤချ့ချ့တဂ့ၤ. တဘၣ်မၤဘၣ်ဃးနသးဒီးပှၤဂၤအတၢ်ဒဲးဘးတဖၣ် တဂ့ၤ. အိၣ်စီအိၣ်ဆှံနဲဒၣ်တက့ၢ်.

၁ တံၤမသ့း 6:5

ဒီးတၢ်ဂ့ၢ်လိာ်ဘှီလိာ်တထံၣ်ဃီလၢပှၤလၢအတဆိကမိၣ်ဆိ ကမးတၢ်ဒီးလၢအတအိၣ်လၢၤဒီးတၢ်မ့ၢ်တၢ်တီတဖၣ်အသိး အကျါန့ၣ်လီၤ. အဝဲသ့ၣ်ဆိကမိၣ်ဝဲလၢတၢ်ဘူၣ်တၢ်ဘါမ့ၢ်ကျဲ တဘိလၢပှၤကထူးထီၣ်တီၤထီၣ်အဂီၢ်န့ၣ်လီၤ.

၂ တံၤမသ့း 3:5

အဝဲသ့ၣ်ကဟံးဃာ်ပတၢ်ဘူၣ်တၢ်ဘါအလုၢ်အလၢ်လၢ အဖျါလၢခိ, ဘၣ်ဆၣ်ဒီးတတူၢ်လိာ်ဝဲအတၢ်စိကမီၤနီၢ်နီၢ် န့ၣ်ဘၣ်. ဟးဆှဲးပှၤဒ်န့ၣ်အသိးတဖၣ်တက့ၢ်.

၂ တံၤမသ့း 4:2

လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.

တံတူး 2:15

သိၣ်လိတၢ်တဖၣ်အံၤဒီးသူနတၢ်စိကမီၤလၢလၢပှဲၤပှဲၤဖဲ နဟ့ၣ်ဂံၢ်ဟ့ၣ်ဘါဒီးသိၣ်ဃီၣ်တၢ်အဆၢကတီၢ်န့ၣ်တက့ၢ်. တဘၣ်ပျဲအဝဲသ့ၣ်ကွၢ်တလီၤနၤနီတဂၤတဂ့ၤ.

လံာ်လီၣ်ဖျါ 18:4

တုၤနုၤတစုယနၢ်ဟူတၢ်ကလုၢ်အဂၤတထံၣ်လၢမူခိၣ်န့ၣ်စံးဝဲ, “ဟးထီၣ်ကွံာ်တက့ၢ်, ယပှၤဂီၢ်မုၢ်သ့ၣ်ဧၢ, ဟးထီၣ်ကွံာ်လၢအဝဲဒၣ်အပူၤတက့ၢ်. သုတဘၣ်မၤဘၣ်ထွဲဃုာ်သုသးလၢ အဝဲအတၢ်ဒဲးဘးတဖၣ်ဘၣ်. သုတဘၣ်တူၢ်သကိးအဝဲအတၢ်စံၣ်ညီၣ်ဘၣ်.