အ့းဖ့းစူး 4:4 - Sgaw Karen Common Bible

⁴ ပမ့ၢ်နီၢ်တဂၤဃီ, အိၣ်ဒီးယွၤအသးတမံၤဃီ, ဒ်ကစၢ်ယွၤကိးန့ၢ်ပှၤလၢတၢ်မုၢ်လၢ်တမံၤဃီအဂီၢ်အသိးန့ၣ်လီၤ.

အ့းဖ့းစူး 4:4 Iomraidhean Croise

စံးထီၣ်ပတြၢၤ 122:8

လၢယဒီပုၢ်ဝဲၢ်ဒီးယတံၤသကိးတဖၣ်အဃိန့ၣ်ယကစံးဘၣ်ဝ့ၢ် ယရူၤၡလ့ၣ် “မ်တၢ်ဃူတၢ်ဖိးအိၣ်လၢနပူၤန့ၣ်တက့ၢ်.”

လံာ်ယံးရမံယၤ 14:8

နမ့ၢ်ကီၢ်အံၣ်စရ့လးအတၢ်မုၢ်လၢ်ထဲတမံၤဧိၤလီၤ. နမ့ၢ်ပှၤထဲတဂၤဧိၤလၢအအုၣ်က့ၤခီၣ်က့ၤပှၤလၢ တၢ်တတၢးတနါန့ၣ်လီၤ. ဘၣ်မနုၤအဃိနလီၤဂာ်ဒ်ပှၤစီစၣ်တဂၤအသိးလၢပထံပကီၢ်အပူၤ, နလီၤဂာ်ဒ်ပှၤလဲၤတၢ်ဖိတဂၤအသိးလၢအအိၣ်ဝဲဆိးဝဲထဲတနၤဧိၤန့ၣ်လဲၣ်.

လံာ်ယံးရမံယၤ 17:7

မ့မ့ၢ်ပှၤလၢအပာ်အတၢ်နာ်လၢယပူၤန့ၣ်ယကဆိၣ်ဂ့ၤအီၤန့ၣ်လီၤ.

လံာ်မးသဲ 28:19

လၢတၢ်န့ၣ်အဃိ, လဲၤဆူပှၤကလုာ်ခဲလၢာ်အအိၣ်လၢတၢ်လီၢ်ကိးပူၤဒဲး ဒီးဒုးကဲထီၣ်အဝဲသ့ၣ်လၢယပျဲၢ်ယဘီၣ်တဖၣ်တက့ၢ်. ဘျၢအဝဲသ့ၣ်လၢပၢ်, ဖိဒီးသးစီဆှံအမံၤအပူၤန့ၣ်တက့ၢ်.

မၤတၢ် 15:11

တမ့ၢ်ဒ်န့ၣ်ဘၣ်. ပစူၢ်က့ၤနာ်က့ၤတၢ်ဒီးပဘၣ်တၢ်အုၣ်က့ၤခီၣ်က့ၤပှၤ ခီဖျိကစၢ်ယ့ၣ်ၡူးအဘျုးအဖှိၣ်လီၤ. အဝဲသ့ၣ်စ့ၢ်ကီးစူၢ်က့ၤနာ်က့ၤတၢ်ဒီးဘၣ်တၢ်အုၣ်က့ၤခီၣ်က့ၤအီၤ န့ၣ်လီၤ.

ရိမ့ၤ 11:29

အဂ့ၢ်ဒ်လဲၣ်န့ၣ်, ကစၢ်ယွၤတလဲလိာ်အတၢ်ပာ်သူၣ်ပာ်သးဘၣ် ထွဲဒီးပှၤလၢအဃုထၢဝဲဒီးဆိၣ်ဂ့ၤဝဲန့ၣ်ဘၣ်.

1 ကရံၣ်သူး 10:17

မ့ၢ်လၢကိၣ်အိၣ်ထဲတလိၣ်အဃိ, ပဝဲကိးဒံကိးဂၤဒဲး, ပမ့မ့ၢ်အါဂၤသနာ်က့, ပမ့ၢ်ဒၣ်နီၢ်ခိတဂၤဃီလီၤ. အဂ့ၢ်ဒ်အံၤ, ပနီၤဟံးန့ၢ်သကိးကိၣ်တလိၣ်ဃီလီၤ.

1 ကရံၣ်သူး 12:20

ဒ်တၢ်မၤအသးအသိးန့ၣ်, က့ၢ်ဂီၤအိၣ်ဝဲဒၣ်အါမံၤဘၣ်ဆၣ်နီၢ်ခိအိၣ်ထဲတဂၤဧိၤလီၤ.

၂ ကရံၣ်သူး 11:4

အဂ့ၢ်ဒ်အံၤ, သုတူၢ်လိာ်ပှၤတဂၤလၢ်လၢ်လၢအဟဲဆူသုအိၣ် ဒီးစံၣ်တဲၤတဲလီၤယ့ၣ်ၡူးအဂၤတဂၤ, တမ့ၢ်တဂၤဃီလၢပစံၣ်တဲၤတဲလီၤလၢအဂ့ၢ်ဘၣ်. ဒီးသုတူၢ်လိာ်သးလၢအလီၤဆီဝဲဒၣ်လၢာ်လၢာ်ဆ့ဆ့ ဒီးသးလၢသုဒိးန့ၢ်လၢပအိၣ်, ဒီးတၢ်သးခုကစီၣ်လၢအလီၤဆီဝဲလၢာ်လၢာ်ဆ့ဆ့ဒီးတၢ် သးခုကစီၣ်လၢသုဒိးန့ၢ်သုဝဲလၢပအိၣ်န့ၣ်လီၤ.

အ့းဖ့းစူး 1:18

ယဃ့လၢသုသးအမဲာ်ကအိးထီၣ်အသးဒီးသုကထံၣ်အတၢ် ကပီၤ, ဒ်သိးဒီးသုကနၢ်ပၢၢ်အဝဲအတၢ်ကိးန့ၢ်သုဆူတၢ်မုၢ် လၢ်မနုၤတမံၤအအိၣ်လဲၣ်, ဒီးတၢ်ဆိၣ်ဂ့ၤလၢအဝဲတိာ်ပာ် ဒီးစံးပာ်လၢအကဟ့ၣ်အပှၤဂီၢ်မုၢ်န့ၣ်ထူးတီၤဆံးဒိၣ်လဲၣ်,

အ့းဖ့းစူး 2:16

ခီဖျိအတၢ်သံလၢထူၣ်စုညါအလိၤန့ၣ်, ခရံာ်မၤကတၢၢ်ကွံာ်အဝဲသ့ၣ်အတၢ်သူၣ်ဟ့သးဟ့လီၤ. ခီဖျိထူၣ်စုညါန့ၣ်, အဝဲပာ်ဖှိၣ်ပှၤခံကလုာ်လၢာ်ဆူနီၢ်တဂၤဃီ အပူၤ, ဒီးဆှၢက့ၤအဝဲသ့ၣ်ဆူကစၢ်ယွၤအအိၣ်လီၤ.

အ့းဖ့းစူး 2:18

ခီဖျိခရံာ်န့ၣ်, ပဝဲကိးဂၤဒဲး, ယူဒၤဖိတဖၣ်ဒီးပှၤကလုာ်ဂၤတဖၣ် ပလဲၤနုာ်ဆူပၢ်အမဲာ်ညါလၢသးစီဆှံတဂၤဃီအပူၤသ့ဝဲလီၤ.

အ့းဖ့းစူး 2:22

လၢယ့ၣ်ၡူးခရံာ်အပူၤန့ၣ် သုဝဲဒၣ်စ့ၢ်ကီးသုဘၣ်တၢ်ဒုးစဲဘူးဒီး ဟံးဃာ်သုလၢတၢ်သူၣ်ထီၣ်အံၤအပူၤ, ဒီးသုဘၣ်တၢ်ဒုးကဲထီၣ်သုလၢတၢ်အိၣ်တၢ်ဆိးအလီၢ်လၢ ကစၢ်ယွၤအိၣ်ဝဲခီဖျိအသးစီဆှံန့ၣ်လီၤ.

အ့းဖ့းစူး 4:1

ယၤ, ပှၤလၢအလီၤဘၣ်ဃိာ်ပူၤလၢအမၤကစၢ်အတၢ်မၤအဃိ တဂၤအံၤ, ယသဆၣ်ထီၣ်သုခံဒ်သိးသုကအိၣ်မူထီၣ်ဘးတၢ်အိၣ်မူ အတီၤလၢကစၢ်ယွၤပာ်လီၤဝဲဖဲအကိးထီၣ်သုအကတီၢ်အဂီၢ် န့ၣ်လီၤ.

အ့းဖ့းစူး 5:30

အဂ့ၢ်ဒ်အံၤပမ့ၢ်ခရံာ်အနီၢ်ခိဒီးအက့ၢ်အဂီၤတဖၣ်လီၤ.)

ကလီးစဲ 1:5

လၢသုတၢ်မုၢ်လၢ်လၢအဘၣ်တၢ်ကတီၤပာ်န့ၢ်သုဂီၢ်လၢမူခိၣ် အဃိန့ၣ်လီၤ. ဘၣ်ဃးဒီးတၢ်မုၢ်လၢ်အံၤအဂ့ၢ်န့ၣ်, သုနၢ်ဟူတ့ၢ်လၢအခီၣ်ထံးလံၤလံၤခီဖျိတၢ်ကစီၣ်အမ့ၢ် အတီလၢအမ့ၢ်တၢ်သးခုအကစီၣ်န့ၣ်လီၤ.

ကလီးစဲ 3:15

မ်ခရံာ်အတၢ်ဃူတၢ်ဖိးပၢတၢ်လၢသုသူၣ်ကံၢ်သးလဲအပူၤ တက့ၢ်. အဂ့ၢ်ဒ်အံၤကစၢ်ယွၤကိးသုဆူတၢ်ကဲထီၣ်နီၢ်တဂၤ ဃီလၢတၢ်အိၣ်ဖှိၣ်အပူၤဒ်သိးသုကကလၢၢ်ဘၣ်တၢ်ဃူ တၢ်ဖိးအံၤန့ၣ်လီၤ. ဒီးသုဘၣ်စံးဘျုးယွၤလီၤ.

၂ သ့းစၤလနံ 2:16

မ်ပကစၢ်ယ့ၣ်ၡူးခရံာ်အနီၢ်ကစၢ်ဒၣ်ဝဲ, ဒီးပပၢ်ကစၢ် ယွၤ, လၢအအဲၣ်ပှၤဒီးလၢအဘျုးအဖှိၣ်အဃိဟ့ၣ်ပှၤတၢ်သးဒူလၢ အအိၣ်စံာ်အိၣ်ကျၢၤဒီးတၢ်မုၢ်လၢ်အဂၢၢ်အကျၢၤတဂၤန့ၣ်,

၁ တံၤမသ့း 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိတဂၤဒ်ကစၢ်ယွၤ ပတၢ်အုၣ်က့ၤခီၣ်က့ၤကစၢ်ဒီးယ့ၣ်ၡူးခရံာ်ပတၢ်မုၢ်လၢ်အတၢ် ဟ့ၣ်လီၤအကလုၢ်အသိး,

တံတူး 1:2

လၢအသူၣ်လီၤအသးလၢတၢ်မုၢ်လၢ်ဘၣ်ဃးတၢ်မူအထူအယိာ် အဖီခိၣ်န့ၣ်လီၤ. တချုးလၢဟီၣ်ခိၣ်ကဲထီၣ်ဒံးဘၣ်န့ၣ်, ကစၢ်ယွၤလၢအကတိၤတၢ်မ့ၢ်တၢ်တီတဂၤအံၤအၢၣ်လီၤ တ့ၢ်ဝဲလၢအကဟ့ၣ်ပှၤတၢ်မူအံၤ,

တံတူး 2:13

ဖဲပအိၣ်ခိးမုၢ်နံၤဘၣ်ဆိၣ်ဂ့ၤလၢပမုၢ်လၢ်တ့ၢ်, ဖဲပကစၢ်ယွၤလၢအဒိၣ်ဝဲ ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အလၤကပီၤ ကအိၣ်ဖျါထီၣ်ဝဲန့ၣ်လီၤ.

တံတူး 3:7

ဒ်သိးပကန့ၢ်ဘၣ်တၢ်ပာ်တီပာ်လိၤပှၤခီဖျိအဝဲအဘျုးအဖှိၣ် ဒီးပကန့ၢ်ဘၣ်သါတၢ်မူအထူအယိာ်လၢပမုၢ်လၢ်အီၤန့ၣ်လီၤ.

၁ ပ့းတရူး 1:21

ခီဖျိအီၤန့ၣ်သုစူၢ်က့ၤနာ်က့ၤကစၢ်ယွၤ, လၢအဒုးဂဲၤဆၢထၢၣ်က့ၤအီၤလၢတၢ်သံအပူၤဒီးဟ့ၣ် အီၤတၢ်လၤကပီၤန့ၣ်လီၤ. သတးဒီးသုတၢ်စူၢ်တၢ်နာ် ဒီးတၢ်မုၢ်လၢ်န့ၣ်, အိၣ်စဲထီဃာ်အသးဒီးကစၢ်ယွၤန့ၣ်လီၤ.

၁ ယိၤဟၣ် 3:3

ပှၤတဂၤဂ့ၤတဂၤဂ့ၤလၢအအိၣ်ဒီးတၢ်မုၢ်လၢ်ဒ်အံၤလၢ ခရံာ်အပူၤန့ၣ်, အိၣ်စီအိၣ်ဆှံအသးဒ်ခရံာ်စီဝဲဆှံဝဲ အသိးန့ၣ်လီၤ.