အ့းဖ့းစူး 4:31 - Sgaw Karen Common Bible

³¹ ပာ်တ့ၢ်ကွံာ်ကယဲၢ်မ့ၢ်တၢ်သးဆါ, တၢ်သူၣ်ထီၣ်သးထီၣ်, တၢ်သူၣ်ဒိၣ်သးဖျိး, တၢ်အ့ၣ်လိာ်ဆိးက့သီၣ်သီၣ်သဲသဲ, တၢ်ကတိၤဒုၣ်ဒွဲၣ်ဃုာ်ဒီးတၢ်သူၣ်ဟ့သးဟ့ကိးကလုာ်ဒဲး တက့ၢ်.

အ့းဖ့းစူး 4:31 Iomraidhean Croise

လံာ်တၢ်ကဲထီၣ်အခီၣ်ထံး 27:41

စီၤဧ့ၤၡီၤသးဟ့စီၤယၤကိာ်လီၤ. အဂ့ၢ်ဒ်အံၤ, အပၢ်ဟ့ၣ်လံစီၤယၤကိာ်လၢတၢ်ဆိၣ်ဂ့ၤအဃိန့ၣ်လီၤ. ဒီးဆိကမိၣ်ထီၣ်ဝဲ, “အကတီၢ်လၢတၢ်ဟီၣ်တၢ်ယၢၤလၢယပၢ်အတၢ်သံ အဂီၢ်အံၤဘူးထီၣ်လံ. တုၤနုၤတစု, ယကမၤသံစီၤယၤကိာ်လီၤ.”

လံာ်တၢ်ကဲထီၣ်အခီၣ်ထံး 37:21

စီၤရူၤဘ့ၣ်နၢ်ဟူအဝဲသ့ၣ်အတၢ်ကတိၤဒီးဂုာ်ကျဲးစၢးမၤပူၤ မၤဖျဲးစီၤယိၤသးန့ၣ်လီၤ. အဝဲစံးဝဲ, “မ်ပသုတမၤသံအီၤတဂ့ၤ.”

လံာ်တၢ်ကဲထီၣ်အခီၣ်ထံး 37:4

တုၤအဒီပုၢ်ဝဲၢ်ခွါတဖၣ်ထံၣ်ဝဲလၢအပၢ်စီၤယၤကိာ်အဲၣ်တ့ၢ်စီၤ ယိၤသးဒိၣ်န့ၢ်အအဲၣ်တ့ၢ်အဝဲသ့ၣ်န့ၣ်, အဝဲသ့ၣ်သးဟ့ တ့ၢ်အီၤနးမးတုၤဒၣ်လဲာ်တကတိၤတၢ်ဒီးအီၤမုာ်မုာ်ဘၣ်လီၤ.

လံာ်တၢ်ကဲထီၣ်အခီၣ်ထံး 4:8

ဒီးစီၤကၤယံၣ်စံးဘၣ်အပုၢ်စီၤဟ့းဘ့းလး, “ပကလဲၤသကိးဆူပျီပူၤ” န့ၣ်လီၤ. ဒီးဖဲအတုၤလၢပျီပူၤန့ၣ်ဒီးစီၤကၤယံၣ်ထီဒါအပုၢ်စီၤဟ့း ဘ့းလးဒီးမၤသံကွံာ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:22

ဒီးစီၤအးဘၡါလိၣ်သးဟ့ကွံာ်ဝဲစီၤအၤမနိၣ်နးမး, လၢအမၤတရီတပါအပုၢ်ပိာ်မုၣ်နီၢ်တၤမၢ်အဃိ, တုၤဒၣ်လဲာ်တကတိၤလၢၤတၢ်ဒီးအီၤနီတစုလၢၤဘၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:27

အဝဲတဲတၢ်တတီတလိၤဘၣ်ဃးယဂ့ၢ်လၢနဲဒၣ်တၢ်ဒိၣ်ကစၢ်စီၤပၤအမဲာ်ညါလီၤ. ဘၣ်ဆၣ်ဒီးနလီၤဂာ်မးဒ်ကစၢ်ယွၤအကလူးအသိး, အဃိဒီးမၤနဲဒ်နဆိကမိၣ်ဘၣ်ဝဲတီဝဲန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 19:43

ပှၤကီၢ်အံၣ်စရ့လးဖိတဖၣ်စံးဆၢဝဲဒၣ်, “အဝဲမ့မ့ၢ်ဒၣ်လဲာ် ပှၤတဂၤလၢသုဘူးသုတံၢ်အကျါဘၣ်ဆၣ်, ပတဲသ့လၢပတၢ်ဘၣ်ဃးဒီးစီၤပၤန့ၣ်အိၣ်ဝဲဆံဆဲၣ်ဘျီ, ဒီးအါန့ၢ်ဒံးသုလၢသုဘၣ်ဃးဒီးအီၤတက့ၢ်လီၤ. ဘၣ်မနုၤအဃိသုကွၢ်တလီၤပှၤန့ၣ်လဲၣ်. ပမ့ၢ်တ့ၢ်ပှၤအဆိကတၢၢ်လၢအကတိၤတၢ်ဘၣ်ဃး တၢ်ကိးကဒါက့ၤစီၤပၤအဂ့ၢ်လီၤန့ၣ်, သးပ့ၤနီၣ်အီၤတဂ့ၤ.” ဘၣ်ဆၣ်ဒီး, ပှၤလၢကီၢ်ယူဒၤတဖၣ်ကတိၤတၢ်ဆူၣ်ဆူၣ်လၢအတၢ်ဘၣ်ဃး ဒီးစီၤပၤအဂ့ၢ်န့ၣ်, အါန့ၢ်ဒိၣ်န့ၢ်ဒံးပှၤလၢကီၢ်အံၣ်စရ့လးတဖၣ်တက့ၢ်န့ၣ်လီၤ.

စံးထီၣ်ပတြၢၤ 101:5

ပှၤလၢအခဲၣ်သူခဲၣ်ဂီၤပှၤအိၣ်လၢအဃၢၤန့ၣ် ယကမၤဟးဂီၤကွံာ်အီၤလီၤ. ပှၤလၢအပာ်ထီၣ်ထီအသးဒီးပာ်ကဖၢလၢအသးန့ၣ်, ယတပျဲပူၤအီၤနီတဂၤဘၣ်

စံးထီၣ်ပတြၢၤ 140:11

မ်ပှၤလၢအကတိၤခဲၣ်သူခဲၣ်ဂီၤတၢ်တဖၣ်, အသုတအိၣ် ဂၢၢ်ဆိးကျၢၤဘၣ်လၢထံဧိၤကီၢ်ဧိၤပူၤန့ၣ်တဂ့ၤ. မ်တၢ်တတၢးတနါမၤဒၢၣ်ကွံာ် ပှၤမၤဆူၣ်မၤစိးတၢ်တဖၣ်န့ၣ်တက့ၢ်.

စံးထီၣ်ပတြၢၤ 15:3

ပှၤလၢအတကတိၤခဲၣ်ဘၣ်ပှၤဂၤတဖၣ်န့ၣ်လီၤ. အဝဲသ့ၣ်တမၤကမၣ်ဘၣ် အတံၤသကိးသ့ၣ်တဖၣ်ဘၣ်, ဒီးတဒုၣ်ဒွဲၣ်ကတိၤအၢကတိၤသီ ပှၤလၢအဃၢၤဘၣ်.

စံးထီၣ်ပတြၢၤ 37:8

ပၢၤနသးလၢတၢ်သးထီၣ်, ဒီးညိကွံာ်တၢ်သးဒိၣ်န့ၣ်တက့ၢ်. ဘၣ်ကိၢ်ဘၣ်ဂီၤတဂ့ၤ. တၢ်ကိၢ်တၢ်ဂီၤန့ၣ်မ့ၢ်ဒၣ်တၢ်လၢအဆှၢပှၤဆူ တၢ်အၢတၢ်သီန့ၣ်လီၤ.

စံးထီၣ်ပတြၢၤ 50:20

နကတိၤထီဒါ နဒီပုၢ်ဝဲတထံၣ်ဃီဒီး နဒုၣ်ဒွဲၣ်နမိၢ်အဖိခွါလီၤ.

စံးထီၣ်ပတြၢၤ 64:3

အဝဲသ့ၣ်ကျ့အပျ့ၤတဖၣ်ဒ်နးတဖၣ်အသိး, ဒီးပညိၣ်အတၢ်ကတိၤအအၢအသီတဖၣ် ဒ်ပျၢ်တဖၣ်အသိးန့ၣ်လီၤ.

တၢ်ကတိၤဒိ. 10:12

တၢ်သးဟ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်လီၤ. မ့မ့ၢ်, တၢ်အဲၣ်တၢ်ကွံကွၢ်ကပာ်ကွံာ်တၢ်မၤကမၣ်ခဲလၢာ်လီၤ.

တၢ်ကတိၤဒိ. 10:18

ပှၤတဂၤလၢအပာ်ခူသူၣ်အတၢ်သူၣ်ဟ့သးဟ့န့ၣ်မ့ၢ်ပှၤလီတၢ် တဂၤလီၤ. ပှၤတဂၤဂ့ၤတဂၤဂ့ၤလၢအသီၣ်ဝံသဲကလၤန့ၣ်, မ့ၢ်ပှၤဟးဂီၤဖိလီၤ.

တၢ်ကတိၤဒိ. 14:17

ပှၤလၢအသးထီၣ်ကဲၤတဖၣ်မၤပှၤဟးဂီၤဖိအတၢ်မၤလီၤ. ပှၤလၢအကူၣ်သ့ဒိၣ်ဒၣ်တၢ်တက့ၢ်တဖၣ်အိၣ်ဝဲခုၣ်ခုၣ်မုာ်မုာ်လီၤ.

တၢ်ကတိၤဒိ. 18:8

တၢ်သီၣ်ဝံသဲကလၤပှၤအဂ့ၢ်မ့ၢ်တၢ်လၢအဝံၣ်ဘဲဒိၣ်မးဒီး ပအဲၣ်ဒိးယူၢ်လီၤကွံာ်အီၤဒိၣ်မးလီၤ.

တၢ်ကတိၤဒိ. 19:12

စီၤပၤအတၢ်သးထီၣ်န့ၣ်လီၤဂာ်ဒ်ခ့ယုၢ်တဒုအကညီၤတၢ်အသိးလီၤ. မ့မ့ၢ်အတၢ်ဘၣ်အသးန့ၣ်မၤအသးဒ်ပစီၤထံလၢအလီၤဘၣ်လၢကပံာ် အဖီခိၣ်အသိးန့ၣ်လီၤ.

တၢ်ကတိၤဒိ. 25:23

တၢ်သီၣ်ဝံသဲကလၤဟဲစိာ်တၢ်သူၣ်ဒိၣ်သးဖျိးဒ်ကလံၤလၢ ကလံၤစိးဟဲစိာ်တၢ်စူၤထံလီၤတံၢ်လီၤဆဲးအသိးန့ၣ်လီၤ.

တၢ်ကတိၤဒိ. 26:20

သ့ၣ်မုၣ်တအိၣ်ဘၣ်ဒီးမ့ၣ်အူလီၤပံာ်ဝဲလီၤ. တၢ်ကတိၤသီၣ်ဝံသဲကလၤတအိၣ်ဘၣ်န့ၣ်, တၢ်အ့ၣ်လိာ်ဆိးက့လိာ်ဆိကတီၢ်အသးလီၤ.

တၢ်ကတိၤဒိ. 29:22

ပှၤလၢအသးထီၣ်ချ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်ဒီး ဒုးအိၣ်ထီၣ်တၢ်ကီတၢ်ခဲအါမးလီၤ.

တၢ်ကတိၤဒိ. 29:9

ဖဲပှၤအိၣ်ဒီးတၢ်သူၣ်ဆးသးဆးတဂၤလိာ်ကွီၢ်ထီဒါတၢ်ဒီးပှၤ အမၢးတဂၤန့ၣ်, ပှၤအမၢးဖိနံၤဒၣ်အတၢ်ဒၣ်ဝဲ, ကတိၤထီၣ်တၢ်သီၣ်ဒိၣ်သီၣ်သွါဒီးရၢၢ်ရၢၢ်စၢၢ်စၢၢ်န့ၣ်လီၤ.

တၢ်ကတိၤဒိ. 6:19

ပှၤအုၣ်အသးလၢကတိၤလီတၢ်တခါဝံၤတခါ, ဒီးပှၤလၢအထိၣ်ဂဲၤ ထီၣ်တၢ်ကီတၢ်ခဲလၢတံၤသကိးတဖၣ်အကျါန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:9

ပၢၤဃာ်နတၢ်သူၣ်ဒိၣ်သးထီၣ်တက့ၢ်. တၢ်စၢဃးပှၤဂၤအတၢ်ကမၣ်နၣ်မ့ၢ်တၢ်မၢးလီၤ.

လံာ်ယံးရမံယၤ 6:28

အဝဲသ့ၣ်ခဲလၢာ်မ့ၢ်ပှၤပူထီၣ်တၢ်ဖိတဖၣ်အခိၣ်ကိၤဝဲ, ကိၤဝဲဒ်တိၢ်ဘီဒီးထးအသိးန့ၣ်လီၤ. အဝဲသ့ၣ်ခဲလၢာ်ဟးဂီၤ ဝဲ, ဟးဝ့ၤဝီၤဒီးရၤလီၤတၢ်သီၣ်ဝံသဲကလၤန့ၣ်လီၤ.

လံာ်ယံးရမံယၤ 9:4

ပှၤကိးဂၤဒဲးကဘၣ်ဒီဒၣ်လီၤက့ၤအသးထီဒါအတံၤသကိး ဒီးပှၤနာ်န့ၢ်အဒီပုၢ်ဝဲၢ်တသ့နီတဂၤဘၣ်. အဂ့ၢ်ဒ်အံၤ, ပှၤဒီပုၢ်ဝဲၢ်ကိးဂၤဒဲးလီတၢ်ဒ်စီၤယၤကိာ်အသိး ဒီးပှၤကိးဂၤဒဲးကတိၤခဲၣ်သူခဲၣ်ဂီၤအတံၤသကိးတဖၣ်န့ၣ်လီၤ.

မၤတၢ် 21:30

တၢ်တၢထီၣ်တၢလီၤဝဲလၢဝ့ၢ်ဒီဖျၢၣ်ညါ, ဒီးပှၤဂီၢ်မုၢ်တဖၣ်ဃ့ၢ်ဖှိၣ်ဝဲဆူစီၤပီလူးအအိၣ်, စှီၤဃာ်အီၤဒီးတွံၢ်ထီၣ်ကွံာ်အီၤဆူတၢ်လုၢ်ဟံၣ်အချၢလီၤ. တဘျီဃီဖဲန့ၣ်, တၢ်လုၢ်ဟံၣ်အတြဲၤတဖၣ်ဘၣ် တၢ်ကးတံာ်ဃာ်အီၤလီၤ.

ရိမ့ၤ 3:14

အကိာ်ပူၤတဖၣ်ပှဲၤဝဲဒီးတၢ်ဆိၣ်အၢဆိၣ်သီ လၢအခၣ်တဖၣ်န့ၣ်လီၤ.

1 ကရံၣ်သူး 14:20

ယဒီပုၢ်ဝဲၢ်သ့ၣ်ဧၢ, တဘၣ်လီၤဂာ်ဒီးဖိသၣ်တဖၣ်လၢသုတၢ်ဆိကမိၣ်ဆိကမး အပူၤတဂ့ၤ, ဖဲလၢအဘၣ်ဃးဒီးတၢ်အၢတၢ်သီန့ၣ်လီၤဂာ်ဒီးဖိဒံဖိသၣ်, မ့မ့ၢ်လၢသုတၢ်ဆိကမိၣ်ဆိကမးအပူၤန့ၣ်ကဲပှၤဒိၣ်တုာ်ခိၣ်ပှဲၤ တဖၣ်တက့ၢ်.

1 ကရံၣ်သူး 5:8

မ့မ့ၢ်ဒ်န့ၣ်ဒီး, မ်ပကမၤသကိးပဘူၣ်လဲၤကပာ်, တမ့ၢ်လၢကိၣ်အိၣ်ဒီးကိၣ်မံၣ်လီၢ်လံၤဘၣ်ဃးတၢ်ဒဲးဘးဒီးတၢ် အၢတၢ်သီန့ၣ်ဘၣ်. မ့မ့ၢ်, လၢကိၣ်တအိၣ်ဒီးကိၣ်မံၣ်, ကိၣ်ဘၣ်ဃးတၢ်ကဆှီဒီးတၢ်မ့ၢ်တၢ်တီန့ၣ်လီၤ.

၂ ကရံၣ်သူး 12:20

ယဘၣ်ယိၣ်ယဲလၢ, ဖဲယလဲၤတုၤဖဲန့ၣ်န့ၣ်, ယကထံၣ်ဘၣ်လၢသုတမ့ၢ်တၢ်ဒ်ယဆၢလၢသုကမ့ၢ်ဘၣ်ဒီး သုကထံၣ်ဘၣ်လၢယတမ့ၢ်တၢ်ဒ်သုဆၢလၢယကမ့ၢ်ဘၣ်န့ၣ် လီၤ. ယဘၣ်ယိၣ်လၢယကထံၣ်ဘၣ်တၢ်အ့ၣ်လိာ်ဆိးက့, ဒီးတၢ်သူၣ်က့ၣ်သးကါ, တၢ်သူၣ်ဖုၣ်သးဖုၣ်ဒီးတၢ်အဲၣ်လီၤသး, တၢ်ဒုၣ်ဒွဲၣ်ပယွဲ, တၢ်သီၣ်ဝံသဲကလၤ, တၢ်ပာ်ထီၣ်ထီသးဒီးတၢ်တၢထီၣ်တၢလီၤန့ၣ်လီၤ.

ကလၤတံ 5:20

တၢ်ဘါတၢ်ဂီၤတၢ်ဖီၣ်, တၢ်ဟိၣ်တၢ်ယီ, တၢ်ထီဒုၣ်ထီဒါ, တၢ်အ့ၣ်လိာ် ဆိးက့လိာ်, တၢ်သူၣ်က့ၣ်သးကါ, တၢ်သူၣ်ဒိၣ်သးထီၣ်, တၢ်သးဆူၣ်ဆၢမၤန့ၢ်တၢ်, တၢ်လီၤမုၢ်လီၤဖး, တၢ်စုတလီၤဃုာ်ဘၣ်,

အ့းဖ့းစူး 4:22

လၢတၢ်န့ၣ်အဃိ, ဘ့ၣ်လီၤကွံာ်တၢ်အိၣ်မူလီၢ်လံၤလၢအဒုးမူ သုဒ်သုမ့ၢ်တ့ၢ်သုဝဲအသိးန့ၣ်တက့ၢ်. ဒ်ပစံးတၢ်အသိး, တၢ်မူအလီၢ်လံၤလၢအဘၣ်တၢ်မၤဟးဂီၤကွံာ်အီၤလၢတၢ်မိၣ် န့ၢ်သးလီလၢအလီန့ၢ်တၢ်တဖၣ်န့ၣ်လီၤ.

အ့းဖ့းစူး 4:25

လၢတၢ်န့ၣ်အဃိ, တဘၣ်လီလၢၤတၢ်တဂ့ၤ. ပှၤကိးဂၤဒဲးကဘၣ်ကတိၤလိာ်သကိးအသးလၢတၢ်မ့ၢ်တၢ် တီ, မ့ၢ်လၢပဝဲခဲလၢာ်ပမ့ၢ်ခရံာ်အနီၢ်ခိအက့ၢ်အဂီၤသကိး သကိးအဃိန့ၣ်လီၤ.

အ့းဖ့းစူး 4:26

သုမ့ၢ်သးဒိၣ်ထီၣ်န့ၣ်, တဘၣ်ပျဲသုတၢ်သးဒိၣ်ဒုးမၤသုလၢတၢ် ဒဲးဘးတဂ့ၤ. တဘၣ်သးဒိၣ်တုၤမုၢ်လီၤနုာ်တဂ့ၤ.

ကလီးစဲ 3:19

ဝၤသ့ၣ်ဧၢ, အဲၣ်သုမါဒီးတဘၣ်ပာ်ဆူၣ်ပာ်ကိၤသုသးလၢ အဝဲသ့ၣ်အဖီခိၣ်တဂ့ၤ.

ကလီးစဲ 3:8

ဘၣ်ဆၣ်အခဲအံၤ, ညိကွံာ်တၢ်သူၣ်ဒိၣ်သးဖျိး, တၢ်သူၣ်ထီၣ်သးထီၣ်, တၢ်သူၣ်ဟ့သးဟ့ဒီးတၢ်ကတိၤစံးအၢစံးသီပှၤဂၤ, တၢ်ကတိၤဘၣ်အၢဘၣ်သီတဖၣ်တက့ၢ်. ဒီးတၢ်ကတိၤလၢအတကြၢးတဘၣ်တဖၣ်န့ၣ်, တဘၣ်ဒုးဟးထီၣ်အီၤလၢသုထးခိၣ်နီတဘီတဂ့ၤ.

၁ တံၤမသ့း 3:11

ပိာ်မုၣ်တဖၣ်စ့ၢ်ကီးကဘၣ်အိၣ်ဒီးသကဲာ်ပဝးလၢအဂ့ၤ, ဒီးတဘၣ်မ့ၢ်ပှၤလၢအသီၣ်ဝံသဲကလၤတဖၣ်န့ၣ်ဘၣ်. အဝဲသ့ၣ်ကဘၣ်ပာ်အသးသညူးသပှၢ် ဒီးကဘၣ်မ့ၢ်ပှၤလၢ အကလုၢ်တီဝဲလၢတၢ်ခဲလၢာ်အပူၤန့ၣ်လီၤ.

၁ တံၤမသ့း 3:3

အဝဲတဘၣ်မ့ၢ်ပှၤအီမူၤသံး, မ့တမ့ၢ်ပှၤလၢအမၤတၢ်လၢတၢ်စုဆူၣ်ခီၣ်တကးအပူၤတဂၤ န့ၣ်ဘၣ်. မ့မ့ၢ်, အဝဲကဘၣ်မ့ၢ်ပှၤလၢအပာ်အသးခုၣ်ခုၣ် မုာ်မုာ်, ဒီးအဲၣ်တၢ်ဃူတၢ်ဖိးတဂၤန့ၣ်လီၤ. အဝဲတဘၣ်အဲၣ်ကျိၣ်အဲၣ်စ့န့ၣ်ဘၣ်.

၁ တံၤမသ့း 5:13

အဝဲသ့ၣ်မၤန့ၢ်ပှၤကၢၣ်ပှၤကျူအလုၢ်အလၢ်, ဒီးဟးဝ့ၤဝီၤဝဲ တဟံၣ်စဲတဟံၣ်, ဒီးအၢန့ၢ်အန့ၣ်, အဝဲသ့ၣ်သီၣ်ဝံသဲကလၤလၢပှၤအဂ့ၢ်ဒီးနုာ်လီၤမၤသဘံၣ်ဘုၣ် အသးလၢပှၤဂၤအတၢ်ဂ့ၢ်အပူၤ, ဒီးကတိၤတၢ်လၢအတဂ့ၤ ကတိၤဝဲတဖၣ်န့ၣ်လီၤ.

၂ တံၤမသ့း 2:23

မ့မ့ၢ်, တၢ်ဂ့ၢ်လိာ်ဘှီလိာ်ကလီကလီလၢအခီပညီတအိၣ်ဘၣ် တဖၣ်န့ၣ်ဟးဆှဲးအီၤတက့ၢ်. နသ့ၣ်ညါလၢတၢ်သ့ၣ်တဖၣ်အံၤအကတၢၢ်မ့ၢ်တၢ်အ့ၣ်လိာ်ဆိး က့လိာ်အသးန့ၣ်လီၤ.

၂ တံၤမသ့း 3:3

အဝဲသ့ၣ်ကကဲထီၣ်ပှၤလၢအတအိၣ်ဒီးတၢ်သူၣ်ဂ့ၤသးဝါ ဘၣ်, တသးကညီၤတၢ်ဘၣ်, ကတိၤအၢကတိၤသီပှၤဂၤ, တပၢၤအသးဘၣ်ဒီးမၤဆူၣ်မၤကိၤအသး, ဒီးသးဟ့တၢ် အဂ့ၤလီၤ.

တံတူး 1:7

မ့ၢ်လၢတၢ်အိၣ်ဖှိၣ်အခိၣ်အနၢ်တဂၤအံၤအမူအဒါအိၣ်လၢ ကစၢ်ယွၤတၢ်မၤအဂီၢ်အဃိ, အတၢ်ကမၣ်တကြၢးအိၣ်ဘၣ်. အဝဲတဘၣ်ပာ်ဒိၣ်ပာ်ထီအသး, မ့တမ့ၢ်သးထီၣ်ချ့, မ့တမ့ၢ်အီမူၤအီဘှီးအသး, မ့တမ့ၢ်မၤတၢ်လၢတၢ်စုဆူၣ်ခီၣ် တကးအပူၤ, မ့တမ့ၢ်သးကွံစ့န့ၣ်ဘၣ်.

တံတူး 2:3

ဒ်န့ၣ်အသိး, သိၣ်လိပိာ်မုၣ်သးပှၢ်တဖၣ်လၢကအိၣ်မူဒီသူၣ်ပာ်သးဒ် ပိာ်မုၣ်ကြၢးအိၣ်မူဝဲအသိးလၢအမ့ၢ်တၢ်အိၣ်မူအစီအဆှံန့ၣ်လီၤ. အဝဲသ့ၣ်တဘၣ်သီၣ်ဝံသဲကလၤ, မ့တမ့ၢ်ကဲကုၢ်လၢစပံးထံ အဖီလာ်န့ၣ်ဘၣ်. အဝဲသ့ၣ်ကဘၣ်သိၣ်လိတၢ်လၢအဂ့ၤ,

ယၤကိာ် 1:19

ယဒီပုၢ်ဝဲၢ်သးဘိသ့ၣ်ဧၢ, သ့ၣ်နီၣ်ထီၣ်က့ၤတၢ်အံၤတက့ၢ်. ပှၤကိးဂၤဒဲးကဘၣ်ချ့လၢတၢ်နၢ်ဟူတၢ်, ဒီးဃၢဝဲလၢတၢ်ကတိၤဒီးတၢ်သးဒိၣ်ထီၣ်န့ၣ်လီၤ.

ယၤကိာ် 3:14

ဘၣ်ဆၣ်ဒီး, တၢ်သူၣ်က့ၣ်သးကါ, တၢ်သးဆါ, တၢ်အဲၣ်လီၤသး, မ့ၢ်အိၣ်လၢသုသးကံၢ်ပူၤဒီး, တဘၣ်မၤတၢ်ဒဲးဘးထီဒါတၢ်မ့ၢ် တၢ်တီခီဖျိတၢ်ပာ်ကဖၢလၢသးလၢသုတၢ်ကူၣ်သ့ဒၣ်ဝဲ အဃိန့ၣ်တဂ့ၤ.

ယၤကိာ် 4:11

ယဒီပုၢ်ဝဲၢ်သ့ၣ်ဧၢ, တဘၣ်ကတိၤအၢကတိၤသီလိာ်သုသး တဂၤဒီးတဂၤတဂ့ၤ. ပှၤတဂၤဂ့ၤတဂၤဂ့ၤလၢအကတိၤအၢ ကတိၤသီ, မ့တမ့ၢ်စံၣ်ညီၣ်အဒီပုၢ်ဝဲၢ်ပှၤခရံာ်ဖိန့ၣ်, မ့ၢ်အကတိၤအၢ ကတိၤသီဒီးစံၣ်ညီၣ်တၢ်သိၣ်တၢ်သီန့ၣ်လီၤ. သုမ့ၢ်စံၣ်ညီၣ် တၢ်သိၣ်တၢ်သီဒီး, သုတမ့ၢ်လၢၤပှၤလၢ အစူၢ်တၢ်သိၣ်တၢ်သီဘၣ်, မ့မ့ၢ်သုမ့ၢ်ပှၤလၢအစံၣ်ညီၣ် အီၤန့ၣ်လီၤ.

၁ ပ့းတရူး 2:1

လၢတၢ်န့ၣ်အဃိ, မၤပူၤဖျဲးသုသးဒီးတၢ်အၢတၢ်သီခဲလၢာ် တက့ၢ်. တၢ်လီတၢ်ဝ့ၤ, တၢ်ပာ်မၤအသး, တၢ်သူၣ်က့ၣ်သးကါ, ဒီးတၢ်ကတိၤဒုၣ်ဒွဲၣ်စံးအၢန့ၣ်, တဘၣ်အိၣ်လၢၤဘၣ်.

၁ ယိၤဟၣ် 3:12

ပတဘၣ်လီၤဂာ်ဒီးစီၤကၤယံၣ်, လၢအဘၣ်ဃးဒီးတၢ်အၢတၢ်သီ တဂၤ, လၢအမၤသံအဒီပုၢ်ဝဲၢ်ဒၣ်ဝဲန့ၣ်ဘၣ်. ဘၣ်မနုၤအဃိစီၤကၤယံၣ်မၤသံအီၤလဲၣ်. မ့ၢ်လၢအတၢ်မၤဒၣ်ဝဲတဖၣ်မ့ၢ်အအၢအသီ, ဒီးအဒီပုၢ်ဝဲၢ် အတၢ်မၤတဖၣ်န့ၣ်, မ့ၢ်အတီအလိၤအဃိလီၤ.

၁ ယိၤဟၣ် 3:15

မတၤတဂၤဂ့ၤတဂၤဂ့ၤလၢအသးဟ့အဒီပုၢ်ဝဲၢ်န့ၣ်, မ့ၢ်ပှၤလၢအမၤသံတၢ်, ဒီးသုသ့ၣ်ညါလၢပှၤမၤသံတၢ်န့ၣ်, တအိၣ်ဒီးတၢ်မူအထူအယိာ်လၢအပူၤဘၣ်.

လံာ်လီၣ်ဖျါ 12:10

တုၤနုၤတစုယနၢ်ဟူတၢ်ကလုၢ်ဖးဒိၣ်လၢမူခိၣ်စံးဝဲ, “ခဲကနံၣ်အံၤ, ကစၢ်ယွၤအတၢ်အုၣ်က့ၤခီၣ်က့ၤဟဲတုၤဝဲလံ. ခဲကနံၣ်အံၤ, ကစၢ်ယွၤပာ်ဖျါလံအတၢ်စိတၢ်ကမီၤဒ်စီၤပၤတဂၤ အသိးလံ. ခဲကနံၣ်အံၤ, အဝဲဒၣ်အခရံာ်အတၢ်ပၢတၢ်ပြးစးထီၣ်လံ. အဂ့ၢ်ဒ်အံၤ, ပှၤလၢအဆၢထၢၣ်လၢပကစၢ်ယွၤအမဲာ်ညါဒီးပာ်တၢ်ကမၣ်လၢ ပဒီပုၢ်ဝဲၢ်တဖၣ်အလိၤ, မုၢ်ဆါဆါမုၢ်နၤနၤတဂၤန့ၣ်, ဘၣ်တၢ်တ့ၢ်လီၤကွံာ်အီၤလၢမူခိၣ်လံ.