အ့းဖ့းစူး 4:29 - Sgaw Karen Common Bible

²⁹ တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

အ့းဖ့းစူး 4:29 Iomraidhean Croise

စံးထီၣ်ပတြၢၤ 45:2

လၢပှၤပိာ်ခွါတဖၣ်အကျါနမ့ၢ်ပှၤလၢအဃံလၤကတၢၢ်, နမ့ၢ်ပှၤစံးကတိၤတၢ်သ့န့ၣ်လီၤ. ကစၢ်ယွၤဆိၣ်ဂ့ၤတ့ၢ်နၤထီဘိန့ၣ်လီၤ.

စံးထီၣ်ပတြၢၤ 5:9

အဂ့ၢ်ဒ်အံၤ, တၢ်ကတိၤအမ့ၢ်အတီ တအိၣ်ဘၣ်လၢအထးခိၣ်နီတထံၣ်ဘၣ်. လၢအသးကံၢ်ပူၤန့ၣ်အိၣ်ထဲ တၢ်သးအိၣ်မၤဟးဂီၤတၢ်န့ၣ်လီၤ. အကိာ်ပူၤန့ၣ်လီၤဂာ်ဒီးတၢ်သွၣ်ခိၣ်အပူၤ အိၣ်အိးထီၣ်အသး, အပျ့ၤတဖၣ်ပှဲၤဒီးတၢ်ကတိၤအူသဖှိထီၣ်တၢ်လၢ ကလီန့ၢ်ပှၤအဂီၢ်လီၤ.

စံးထီၣ်ပတြၢၤ 52:2

နကူၣ်ထီၣ်တၢ်မၤဟးဂီၤပှၤဂၤ, နပျ့ၤလီၤဂာ်ဒီးဒီလူၤတၢ်လၢအကနၣ်အ့ၣ်ဝဲ, ဒီးနမ့ၢ်ပှၤမၤတၢ်လၢတၢ်သူၣ်တဘျၢ သးတဘျၢအပူၤလီၤ.

စံးထီၣ်ပတြၢၤ 71:24

ဒီးယပျ့ၤကစံးကတိၤနတၢ်တီတၢ်လိၤ အတၢ်မၤစၢၤသ့သ့တနံၤလီၤ. အဂ့ၢ်ဒ်အံၤ, ပှၤလၢအဃုမၤဟးဂီၤယၤတဖၣ်န့ၣ် အမဲာ်ဆှးဒီးဘၣ်တၢ်ပာ်မဲာ်ဆှးအီၤလီၤ.

တၢ်ကတိၤဒိ. 12:13

ပှၤတတီတလိၤတဂၤန့ၣ်ဘၣ်တၢ်ဖီၣ်န့ၢ်အီၤလၢအတၢ်ကတိၤဒၣ်ဝဲလီၤ. မ့မ့ၢ်ပှၤအတီအလိၤတဂၤန့ၣ်မၤထူၣ်ဖျဲးထီၣ်အသးလၢတၢ်ကီတၢ် ခဲအပူၤလီၤ.

တၢ်ကတိၤဒိ. 15:23

တၢ်ကတိၤအဘၣ်လၢတၢ်ဆၢဂ့ၤကတီၢ်ဘၣ်အပူၤန့ၣ်မ့ၢ်တၢ်သးခု ဆံးဒိၣ်လဲၣ်.

တၢ်ကတိၤဒိ. 15:7

တၢ်သ့ၣ်ညါန့ၣ်ဘၣ်တၢ်ရၤလီၤအီၤလၢပှၤလၢအကူၣ်တၢ်သ့တဖၣ်ဒီး တမ့ၢ်ဘၣ်လၢပှၤဟးဂီၤဖိတဖၣ်န့ၣ်ဘၣ်.

တၢ်ကတိၤဒိ. 16:21

ပှၤကူၣ်သ့ဒီးဒိၣ်တုာ်ခိၣ်ပှဲၤတဂၤန့ၣ်ဘၣ်တၢ်သ့ၣ်ညါအီၤလၢအ တၢ်သ့ၣ်ညါနၢ်ပၢၢ်အဃိလီၤ. အတၢ်ကတိၤတဖၣ်ဒံးမုာ်အတၢ်ထုးန့ၢ် ပှၤအသးဒံးအါလီၤ.

လံာ်ပှၤစံၣ်တဲၤတဲလီၤတၢ် 10:12

တၢ်လၢပှၤကူၣ်တၢ်သ့တဂၤစံးဝဲန့ၣ်ဟဲစိာ်န့ၢ်အီၤတၢ်လၤ ကပီၤလီၤ. မ့မ့ၢ်ပှၤအမၢးတဂၤန့ၣ်, အတၢ်ကတိၤဒၣ်ဝဲတဖၣ်မၤဟးဂီၤအီၤလီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

လံာ်လူၤကၣ် 4:22

အဝဲသ့ၣ်ကိးဒံကိးဂၤဒဲးဘၣ်သူၣ်ဘၣ်သးလၢယ့ၣ်ၡူး, ဒီးကမၢကမၣ်ဝဲလၢတၢ်ကတိၤအသ့အဘၣ်လၢ အဝဲဒၣ်စံးကတိၤတ့ၢ်ဝဲတဖၣ်အဃိန့ၣ်လီၤ. အဝဲသ့ၣ်စံးဝဲ, “အဝဲဒၣ်တမ့ၢ်စီၤယိၤသးအဖိခွါဘၣ်ဧါ.”

လံာ်ယိၤဟၣ် 1:37

အပျဲၢ်အဘီၣ်ခံဂၤနၢ်ဟူစီၤယိၤဟၣ်ကတိၤတၢ်အံၤဒီး ပိာ်ထီၣ်ယ့ၣ်ၡူးအခံန့ၣ်လီၤ.

ရိမ့ၤ 14:19

မၤသးဒ်န့ၣ်ဒီး, ပကဘၣ်ပညိၣ်ဃီၤပသးထီဘိဒီးမၤတၢ်တဖၣ် လၢအဟဲစိာ်တၢ်ဃူတၢ်ဖိးဒီးကဲထီၣ်တၢ်ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤန့ၣ်လီၤ.

ရိမ့ၤ 15:2

အခိၣ်တလိာ်, လၢပဒီပုၢ်ဝဲၢ်တဖၣ်အတၢ်ဂ့ၤဒၣ်ဝဲအဂီၢ် န့ၣ်ပဝဲတဂၤဒီးတဂၤပကြၢးမၤမုာ်အီၤဒ်သိးအတၢ်စူၢ် တၢ်နာ်ကဘၣ်တၢ်သူၣ်ထီၣ်ဂၢၢ်ကျၢၤအီၤအဂီၢ်လီၤ.

1 ကရံၣ်သူး 14:19

ဘၣ်ဆၣ်ဒီး, ဖဲတၢ်ဘူၣ်တၢ်ဘါလၢတၢ်ဘါယွၤလီၢ်အဆၢကတီၢ် န့ၣ်, လၢယကကတိၤတၢ်ကတိၤအဖျၢၣ်တကလးလၢပျ့ၤလီၤဆီ တဖၣ်အလီၢ်, ဘၣ်ယသးလၢယကကတိၤတၢ်ကတိၤယဲၢ်ဖျၢၣ်လၢတၢ်နၢ်ပၢၢ် အီၤသ့ဝဲ, ဒ်သိးယကသိၣ်လီၤသီလီၤပှၤအဂၤတဖၣ်အဂီၢ်န့ၣ်လီၤ.

အ့းဖ့းစူး 4:12

အဝဲဒၣ်မၤတၢ်အံၤမ့ၢ်ဒ်သိးအကကတဲာ်ကတီၤကစၢ်ယွၤ အပှၤဂီၢ်မုၢ်လၢအကမၤတၢ်ခ့တၢ်ပှၤအတၢ်မၤဒ်ခရံာ်ဖိတဖၣ် အသိး, ဒီးလၢအကမၤထီၣ်မၤထီခရံာ်အနီၢ်ခိအဂီၢ်,

အ့းဖ့းစူး 4:16

လၢအဝဲဒၣ်အပူၤန့ၣ်, က့ၢ်ဂီၤလၢအလီၤဆီလိာ်အသးခဲလၢာ်ဘၣ်တၢ်ဒုးစဲဘူးအီၤလၢ နီၢ်တဂၤဃီအပူၤလၢတၢ်အဆၢတဖၣ်လၢအမၤစၢၤတၢ်ဒ်က့ၢ်ဂီၤ တမံၤဒီးတမံၤအတၢ်မၤအိၣ်ဝဲအသိးန့ၣ်လီၤ. ဖဲက့ၢ်ဂီၤတဖၣ်အံၤမၤသကိးတၢ်ဒ်အဂ့ၤမၤဝဲန့ၣ်, နီၢ်ဒီဂၤညါဒိၣ်ထီၣ်ထီထီၣ်ဒီးမၤထီၣ်မၤထီလီၤက့ၤအသးခီ ဖျိတၢ်အဲၣ်တၢ်ကွံန့ၣ်လီၤ.

ကလီးစဲ 4:6

သုတၢ်စံးတၢ်ကတိၤန့ၣ်, မ်အကမ့ၢ်တၢ်လၢအမုာ်ဝဲဒီးထုးန့ၢ် ပှၤအသးဒီးသုကြၢးသ့ၣ်ညါစံးဆၢက့ၤပှၤကိးဂၤဒဲးသ့သ့ ဘၣ်ဘၣ်န့ၣ်လီၤ.

၁ သ့းစၤလနံ 5:11

မ်ဒ်န့ၣ်ဒီး, ကတိၤဟ့ၣ်ဆူၣ်ထီၣ်လိာ်သုဂံၢ်သုဘါတဂၤဒီး တဂၤ, ဒီးမၤစၢၤလိာ်သုသးဒ်သုမၤတ့ၢ်လံခဲကနံၣ်အံၤအသိး န့ၣ်တက့ၢ်.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

၁ ပ့းတရူး 3:1

ဒ်န့ၣ်အသိးသုဝဲမါတဖၣ်သုကဘၣ်ဒိးပၢဒိးဆှၢသုသးလၢ သုဝၤတဖၣ်, ဒ်သိးအဝဲသ့ၣ်တဂၤဂၤမ့ၢ်တနာ်ယွၤအကလုၢ် ကထါဒီး, သုသကဲာ်ပဝးကထုးန့ၢ်က့ၤအဝဲသ့ၣ်လၢကစူၢ် က့ၤနာ်က့ၤတၢ်အဂီၢ်လီၤ. တလိၣ်သုကတိၤတၢ်နီတဘီဒၣ်လဲာ်ဘၣ်.

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.