အ့းဖ့းစူး 4:26 - Sgaw Karen Common Bible

²⁶ သုမ့ၢ်သးဒိၣ်ထီၣ်န့ၣ်, တဘၣ်ပျဲသုတၢ်သးဒိၣ်ဒုးမၤသုလၢတၢ် ဒဲးဘးတဂ့ၤ. တဘၣ်သးဒိၣ်တုၤမုၢ်လီၤနုာ်တဂ့ၤ.

အ့းဖ့းစူး 4:26 Iomraidhean Croise

စံးထီၣ်ပတြၢၤ 37:8

ပၢၤနသးလၢတၢ်သးထီၣ်, ဒီးညိကွံာ်တၢ်သးဒိၣ်န့ၣ်တက့ၢ်. ဘၣ်ကိၢ်ဘၣ်ဂီၤတဂ့ၤ. တၢ်ကိၢ်တၢ်ဂီၤန့ၣ်မ့ၢ်ဒၣ်တၢ်လၢအဆှၢပှၤဆူ တၢ်အၢတၢ်သီန့ၣ်လီၤ.

စံးထီၣ်ပတြၢၤ 4:4

ကနိးကစုာ်လၢ တၢ်ပျံၤတၢ်ဖုးဒီးမၤတၢ်ဒဲးဘးလၢၤတဂ့ၤ. ဖဲသုမံလီၤလၢသုလီၢ်မံပူၤန့ၣ်, ဆိကမိၣ်လီၤက့ၤ သုသးလၢတၢ်ဘှ့ၣ်တၢ်ဘှီၣ်အပူၤတက့ၢ်.

လံာ်တၢ်ဟးထီၣ်ကွံာ် 11:8

စီၤမိၤၡ့မၤကတၢၢ်အတၢ်ကတိၤစံးဝဲဒၣ်, “နပဒိၣ်ပပှၢ်ခဲလၢာ် ကဟဲဆူယအိၣ်ဒီးတီၤလီၤလၢယမဲာ်ညါဒီးအဝဲသ့ၣ်ကဃ့ကညး ယၤဒ်သိးယကဟးထီၣ်ကွံာ်ဒီးယပှၤဂီၢ်မုၢ်ခဲလၢာ်န့ၣ်လီၤ. ဒီးတၢ်န့ၣ်အလီၢ်ခံယကဟးထီၣ်ကွံာ်န့ၣ်လီၤ.” အန့ၣ်ဝံၤဒီးစီၤမိၤၡ့ဟးထီၣ်လၢစီၤပၤအအိၣ်လၢတၢ်သးထီၣ် အပူၤန့ၣ်လီၤ.

တၢ်ကတိၤဒိ. 14:29

နမ့ၢ်အိၣ်ခုၣ်ခုၣ်မုာ်မုာ်ဒီးနမ့ၢ်ပှၤကူၣ်သ့လီၤ. ဘၣ်ဆၣ်နမ့ၢ်အိၣ်ဒီးတၢ်သးထီၣ်ကဲၤန့ၣ်, နပာ်ဖျါထီၣ်ဒၣ်လၢနမ့ၢ် ပှၤအမၢးထဲလဲၣ်ထဲလဲၣ်န့ၣ်လီၤ.

တၢ်ကတိၤဒိ. 19:11

နမ့မ့ၢ်ပှၤသူၣ်ထံသးဆးန့ၣ်နကပၢၤနသးလီၤ. ဖဲပှၤတဂၤဂၤမၤကမၣ်နၤန့ၣ်, နမ့ၢ်ကွၢ်ကပာ်ကွံာ်အီၤဒီးတၢ်န့ၣ် မ့ၢ်တၢ်ဂ့ၤတၢ်ဝါဖးဒိၣ်တမံၤလီၤ.

တၢ်ကတိၤဒိ. 25:23

တၢ်သီၣ်ဝံသဲကလၤဟဲစိာ်တၢ်သူၣ်ဒိၣ်သးဖျိးဒ်ကလံၤလၢ ကလံၤစိးဟဲစိာ်တၢ်စူၤထံလီၤတံၢ်လီၤဆဲးအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:9

ပၢၤဃာ်နတၢ်သူၣ်ဒိၣ်သးထီၣ်တက့ၢ်. တၢ်စၢဃးပှၤဂၤအတၢ်ကမၣ်နၣ်မ့ၢ်တၢ်မၢးလီၤ.

လံာ်တၢ်ဂံၢ် 20:24

“စီၤအၤဟရိၣ်န့ၣ်တဘၣ်လဲၤနုာ်ဆူကီၢ်တဘ့ၣ်လၢယအၢၣ်လီၤတ့ၢ် လၢယကဟ့ၣ်ပှၤအံၣ်စရ့လးဖိတဖၣ်န့ၣ်ဘၣ်လီၤ. အဝဲကသံလီၤ. အဂ့ၢ်ဒ်အံၤ, သုဝဲခံဂၤလိာ်သုပူထီၣ်ထီဒါယတၢ်မၤလိာ်ဖဲမရံၤဘါန့ၣ်လီၤ.

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

လံာ်မၢ်ကူး 10:14

တုၤယ့ၣ်ၡူးထံၣ်တၢ်မၤအသးအံၤဒီး, အသးဒိၣ်ထီၣ်ဒီးစံးဘၣ်အပျဲၢ်အဘီၣ်တဖၣ်န့ၣ်, “ပျဲဖိသၣ်တဖၣ်န့ၣ်ဟဲဆူယအိၣ်ဒီးတြီအီၤတဂ့ၤ. အဂ့ၢ်ဒ်လဲၣ်န့ၣ်, ကစၢ်ယွၤအဘီအမုၢ်မ့ၢ်ပှၤဒ်ဖိသၣ်တဖၣ်အံၤအသိးအတၢ်န့ၣ်လီၤ.

လံာ်မၢ်ကူး 3:5

ယ့ၣ်ၡူးကွၢ်ဃီၤပှၤတဖၣ်လၢအအိၣ်ဝးတရံးအီၤဒီး အသးဒိၣ်ဘၣ်အဝဲသ့ၣ်လီၤ. ဘၣ်ဆၣ်ဒီးတဘျီဃီဖဲန့ၣ်အသးအုးဝဲလၢအဝဲသ့ၣ်တဖၣ်ပာ်ကိၤ အသးဒိၣ်ဒိၣ်ကလဲာ်ဒီးအတၢ်ပာ်သးကမၣ်အဃိလီၤ. အန့ၣ်ဝံၤစံးဘၣ်ပှၤတဂၤန့ၣ်, “ယူာ်ထီၣ်နစုတက့ၢ်.” အဝဲဒၣ်ယူာ်ထီၣ်အစုဒီးအစုန့ၣ်ဂ့ၤထီၣ်က့ၤဝဲဒၣ်လီၤ.

လံာ်သိၣ်လီၤသီလီၤတၢ် 24:15

ကိးမုၢ်နံၤဒဲးတချုးလၢမုၢ်လီၤနုာ်ဒံးဘၣ်န့ၣ်ဟ့ၣ်အီၤ အဘူးအလဲလၢမုၢ်တနံၤန့ၣ်အဂီၢ်တက့ၢ်. အဝဲလိၣ်ဘၣ်တိၢ်န့ၣ်ဒီးမုၢ်လၢ်ဒိးန့ၢ်ဘၣ်တၢ်အဃိန့ၣ်လီၤ. သုမ့ၢ်တဟ့ၣ်အဘူးအလဲဘၣ်ဒီး, အဝဲကကိးထီၣ်ထီဒါသုဆူယွၤအအိၣ်, ဒီးသုကအိၣ်ဒီးတၢ်ကမၣ် လၢတၢ်ဒဲးဘးအဃိန့ၣ်လီၤ.

ယၤကိာ် 1:19

ယဒီပုၢ်ဝဲၢ်သးဘိသ့ၣ်ဧၢ, သ့ၣ်နီၣ်ထီၣ်က့ၤတၢ်အံၤတက့ၢ်. ပှၤကိးဂၤဒဲးကဘၣ်ချ့လၢတၢ်နၢ်ဟူတၢ်, ဒီးဃၢဝဲလၢတၢ်ကတိၤဒီးတၢ်သးဒိၣ်ထီၣ်န့ၣ်လီၤ.

ယၤကိာ် 1:20

အဂ့ၢ်ဒ်အံၤ, ပှၤကညီအတၢ်သးဒိၣ်ထီၣ်န့ၣ်, တမၤန့ၢ်ကစၢ်ယွၤအတၢ်တိာ်ပာ်အတီအလိၤန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 20:34

စီၤယိနၤသၣ်ဆၢထၢၣ်လၢစီၢ်နီၤခိၣ်လၢတၢ်သးဒိၣ်အပူၤဒီး တအီၣ်တၢ်နီတမံၤဘၣ်လၢမုၢ်နံၤအဝဲန့ၣ်လၢလါထီၣ်သီအမူး ခံသီတသီအနံၤန့ၣ်လီၤ. အဝဲအသးဘၣ်ဒိဘၣ်ထံးဒိၣ်မးလၢစီၤဒၤဝံးအဂီၢ်လီၤ. အဂ့ၢ်ဒ်အံၤ, စီၤစီလူးမၤမဲာ်ဆှးအီၤန့ၣ်လီၤ.