အ့းဖ့းစူး 4:24 - Sgaw Karen Common Bible

²⁴ ဒီးသုဘၣ်ကူထီၣ်သိးထီၣ်နီၢ်အသီ, လၢအဘၣ်တၢ်တ့လီၤအီၤလီၤဂာ်ဒီးကစၢ်ယွၤ, ဒီးလီၣ်ဖျါထီၣ်အသးလၢတၢ်အိၣ်မူလၢအမ့ၢ်အတီ အပူၤ, လၢအစီဝဲဆှံဝဲဒီးတီဝဲလိၤဝဲန့ၣ်လီၤ.

အ့းဖ့းစူး 4:24 Iomraidhean Croise

လံာ်တၢ်ကဲထီၣ်အခီၣ်ထံး 5:1

အအံၤမ့ၢ်တၢ်ကွဲးနီၣ်ဘၣ်ဃးစီၤအၤဒၣ်အစၢၤအသွဲၣ်န့ၣ်လီၤ. (ဖဲကစၢ်ယွၤတ့လီၤပာ်လီၤပှၤဟီၣ်ခိၣ်ဖိန့ၣ်မၤဝဲဒ်အဂီၤဒၣ် ဝဲအသိးန့ၣ်လီၤ.

လံာ်စီၤယိၤဘး 29:14

ယမၤတၢ်လၢတၢ်စံၣ်ညီၣ်တီဒီးတၢ်တီတၢ်လိၤအပူၤထီဘိန့ၣ်လီၤ.

လံာ်ယၡါယၤ 52:1

ဝ့ၢ်ယရူၤၡလ့ၣ်ဧၢ, ဂံၢ်ဆူၣ်ဘါဆူၣ်ဒီး ဒိၣ်ကဒီးက့ၤနဲတက့ၢ်. ကစၢ်ယွၤအဝ့ၢ်စီဆှံဧၢ, ကူသိးထီၣ်နဲတၢ်ဃံဒိၣ်လၤဒိၣ်တ က့ၢ်. ပှၤတသ့ၣ်ညါယွၤတဟဲနုာ်ဘၣ်ကဒီး လၢနတြဲၤတဖၣ်အပူၤနီတစုဘၣ်.

လံာ်ယၡါယၤ 59:17

အဝဲကကူထီၣ်သိးထီၣ်တၢ်စံၣ်ညီၣ်တီဒ်ဆ့ကၤဖီခိၣ်သဃိးတဘ့ၣ် အသိးဒီးကကုာ်ထီၣ်တၢ်အုၣ်က့ၤခီၣ်က့ၤအစိကမီၤဒ်ခိၣ်ကုာ်သုး တဖျၢၣ်အသိးလီၤ. အဝဲကကူထီၣ်ကၤထီၣ်ဝဲတၢ်သးအိၣ် နီၢ်နီၢ်လၢတၢ်မၤလိၤမၤဘၣ်က့ၤတၢ်အဂီၢ်ဒီးကစံၣ်ညီၣ်ဒီး ဟ့ၣ်ကၣ်ဆၢက့ၤတၢ်ကမၣ်တဖၣ်လၢပှၤဂီၢ်မုၢ်တူၢ်ဘၣ်ဝဲန့ၣ်လီၤ.

လံာ်လူၤကၣ် 1:75

ဒ်သိးပကစီဝဲဆှံဝဲဒီးတီဝဲလိၤဝဲလၢအဝဲဒၣ်အမဲာ်ညါ လၢပတၢ်အိၣ်မူဒီစိၤညါန့ၣ်လီၤ.

လံာ်ယိၤဟၣ် 17:17

မၤစီဆှံထီၣ်အဝဲသ့ၣ်လၢနဂီၢ်ဒၣ်နဲခီဖျိတၢ်မ့ၢ်တၢ်တီ တက့ၢ်. နကလုၢ်နကထါန့ၣ်, မ့ၢ်တၢ်မ့ၢ်တၢ်တီလီၤ.

ရိမ့ၤ 12:2

တဘၣ်အိၣ်မူထိၣ်သုသးလၢပှၤဟီၣ်ခိၣ်ဖိတဖၣ်အတၢ်အိၣ်မူ အတီၤတဂ့ၤ. မ့မ့ၢ်တခီ ပျဲယွၤလဲလိာ်သုလၢသုသူၣ်ကံၢ်သးလဲ ခီဖျိတၢ်လဲလိာ်ကွံာ်သုတၢ်ဆိကမိၣ်လၢာ်လၢာ်ဆ့ဆ့တက့ၢ်. အန့ၣ်ဒီး, သုကသ့ၣ်ညါကစၢ်ယွၤအတၢ်ဘၣ်အသး - တၢ်လၢ အဂ့ၤ, ဒီးတၢ်လၢအဒုးသးမုာ်သးခုအီၤ, ဒီးတၢ်လၢတၢ် ပှဲၤမ့ၢ်တၢ်ဒ်လဲၣ်ဒ်လဲၣ်န့ၣ်လီၤ.

ရိမ့ၤ 13:12

မုၢ်နၤကလၢာ်တ့ၢ်ဒီးမုၢ်ဆါကတုၤဃီၤဘူးထီၣ်လံ. မ်ပကဆိကတီၢ်ပတၢ်မၤတၢ်ခံးတၢ်နၤအတၢ်မၤတဖၣ်, ဒီးဟံးထီၣ်သကိးစုကဝဲၤတဖၣ်လၢပကဒုးတၢ်လၢတၢ် ကပီၤအပူၤအဂီၢ်န့ၣ်တက့ၢ်.

ရိမ့ၤ 13:14

မ့မ့ၢ်ဟံးထီၣ်ကစၢ်ယ့ၣ်ၡူးခရံာ်အစုကဝဲၤတဖၣ်ဒီးဆိ ကတီၢ်သုတၢ်မၤမံသူၣ်မံသးလီၤက့ၤသုနီၢ်ခိဒီးအတၢ် မိၣ်န့ၢ်သးလီတဖၣ်န့ၣ်တက့ၢ်.

ရိမ့ၤ 6:4

မ့မ့ၢ်ဒ်န့ၣ်ဒီး, လၢပတၢ်ဒိးဘျၢပသးအဃိပဘၣ် တၢ်ခူၣ်လီၤဃုာ်ဒီးအီၤဒီးပသံဃုာ်ဒီးအီၤဒ်သိး, ဒ်ခရံာ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံခီဖျိပၢ်အစိကမီၤလၢအပှဲၤဒီးအလၤကပီၤ အသိးန့ၣ်, ပကအိၣ်ဒီးတၢ်အိၣ်မူအသီဒ်န့ၣ်အသိးစ့ၢ် ကီးလီၤ.

ရိမ့ၤ 7:6

မ့မ့ၢ်ခဲအံၤ, ပထူၣ်ဖျဲးထီၣ်လၢတၢ်သိၣ်တၢ်သီမ့ၢ်လၢပသံ သဒၣ်ကွံာ်တၢ်တမံၤလၢတဘျီဟံးဃာ်ဖီၣ်ဃာ်ပှၤအဃိ န့ၣ်လီၤ. ပတမၤတၢ်လၢကျဲလီၢ်လံၤ ဒ်တၢ်သိၣ်တၢ်သီကွဲးအသး အသိးလၢၤဘၣ်, မ့မ့ၢ်လၢကျဲအသီဒ်ကစၢ်ယွၤအသးဒုးမၤပှၤ အသိးန့ၣ်လီၤ.

ရိမ့ၤ 8:29

ပှၤလၢကစၢ်ယွၤဃုထၢပာ်ဝဲတဖၣ်န့ၣ်, ပာ်လီၤဆီဝဲလၢအကကဲထီၣ်ပှၤလၢအလီၤဂာ်ဒီးအဖိခွါ, ဒ်သိးအဖိခွါကကဲထီၣ်ဝဲၢ်ကိလၢဒီပုၢ်ဝဲၢ်အါဂၤအကျါ န့ၣ်လီၤ.

1 ကရံၣ်သူး 15:53

အဂ့ၢ်ဒ်အံၤ, တၢ်လၢအသံသ့ကဘၣ်သိးထီၣ်တၢ်လၢအသံ တသ့, ဒီးတၢ်လၢအဟးဂီၤသ့ကဘၣ်သိးထီၣ်တၢ်လၢ အဟးဂီၤတသ့ဘၣ်န့ၣ်လီၤ.

၂ ကရံၣ်သူး 3:18

လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.

၂ ကရံၣ်သူး 4:16

လၢတၢ်ဂ့ၢ်တမံၤအံၤအဃိ, ပသးတဟးဂီၤနီတစု ဘၣ်. ပနီၢ်ခိမ့ၢ်ဟးဂီၤကွံာ်တစဲးဘၣ်တစဲးသနာ်က့, ပနီၢ်သးဘၣ်တၢ်မၤသီထီၣ်အီၤတနံၤဘၣ်တနံၤလီၤ.

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

ကလၤတံ 3:27

သုဘၣ်တၢ်ဒိးဘျၢသုလၢထံဆူတၢ်တမံၤဃီဒီးခရံာ်အပူၤ, ဒီးခဲအံၤသုကူထီၣ်သိးထီၣ်ခရံာ်အကစၢ်ဒၣ်ဝဲအတၢ်မူန့ၣ်လီၤ.

ကလၤတံ 6:15

ပှၤတဂၤဒိးတၢ်ကူးတရံးမ့ၢ်ဂ့ၤ, တဒိးဝဲမ့ၢ်ဂ့ၤတမ့ၢ်တၢ်လၢ အကါဒိၣ်ဘၣ်. တၢ်လၢအကါဒိၣ်တခီမ့ၢ်ဝဲတၢ်ကဲထီၣ် တၢ်ဘၣ်တ့အသီန့ၣ်လီၤ.

အ့းဖ့းစူး 2:10

အဂ့ၢ်ဒ်အံၤ, ပမ့ၢ်ကစၢ်ယွၤအစုအတၢ်ဘၣ်တ့, တ့လီၤဝဲလၢပကမူလၢယ့ၣ်ၡူးခရံာ်အပူၤ, လၢတၢ်မၤဂ့ၤတၢ်အတၢ်အိၣ်မူလၢအဝဲကတီၤပာ်စၢၤဝဲလၢပဂီၢ် အပူၤန့ၣ်လီၤ.

အ့းဖ့းစူး 2:15

အဝဲတြူာ်ကွံာ်ပှၤယူဒၤဖိအတၢ်သိၣ်တၢ်သီဃုာ်ဒီးအတၢ်မၤ လိာ်ဒီးအတၢ်ဘျၢတဖၣ်ဒ်သိးအကဒုးကဲထီၣ်ပှၤခံကလုာ်လၢပှၤ တကလုာ်ဃီလၢအဝဲအပူၤ, ဒီးလၢကျဲဒ်အံၤအပူၤဒုးအိၣ်ထီၣ်တၢ် ဃူတၢ်ဖိးလီၤ.

အ့းဖ့းစူး 6:11

ကူထီၣ်သိးထီၣ်တၢ်ဒုးသုးအကူအသိးခဲလၢာ်လၢကစၢ်ယွၤ ဟ့ၣ်သုဒ်သိးဒီးသုတြီဆၢမုၣ်ကီၤလံၢ်အတၢ်လီတၢ်ဝ့ၤကသ့ အဂီၢ်န့ၣ်တက့ၢ်.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 1:8

ဘၣ်ဆၣ်ဒီးဖဲအဘၣ်ဃးဒီးဖိခွါန့ၣ်စံးဝဲ, “ကစၢ်ယွၤဧၢ, နဘီနမုၢ်အိၣ်ဝဲအစိၤစိၤအဃၣ်ဃၣ်, နပၢတၢ်ဒီးတၢ်တီတၢ်လိၤလီၤ.

ဧ့ၤဘြံၤ 12:14

ဂုာ်ကျဲးစၢးဟံးဃာ်တၢ်အိၣ်ဃူအိၣ်ဖိးဒီးပှၤခဲလၢာ်တက့ၢ်. ဂုာ်ဟံးဃာ်စ့ၢ်ကီးတၢ်စီဆှံတက့ၢ်. တၢ်စီဆှံတအိၣ်ဘၣ်ဒီးပှၤတထံၣ်ဘၣ်ကစၢ်ယွၤနီတဂၤဘၣ်.

၁ ပ့းတရူး 2:2

မၤသုသးဒ်ဖိသၣ်လၢအအိၣ်ဖျဲၣ်ထီၣ်သီတဖၣ်အသိးလၢ အဆၢန့ၢ်ဘၣ်တၢ်နုၢ်ထံနီၢ်နီၢ်ဘၣ်ဃးဒီးသူၣ်ဒီးသး, ဒ်သိးခီဖျိသုအီအီၤန့ၣ်, သုကဒိၣ်ထီၣ်ဒီးဘၣ်တၢ်အုၣ်က့ၤခီၣ်က့ၤသုအဂီၢ်တက့ၢ်.

၂ ပ့းတရူး 1:4

လၢကျဲဒ်အံၤန့ၣ်, အဝဲဟ့ၣ်လီၤလံစ့ၢ်ကီးပှၤလၢတၢ် ဟ့ၣ်အဒိၣ်အမုၢ်ဒီးလုၢ်ဒိၣ်ပှ့ၤဒိၣ်တဖၣ်လၢအအၢၣ်လီၤ တ့ၢ်ဝဲ, ဒ်သိးခီဖျိတၢ်ဟ့ၣ်တဖၣ်အံၤသုကထူၣ်ဖျဲး ထီၣ်လၢတၢ်သးကွံလၢအအိၣ်လၢဟီၣ်ခိၣ်အံၤ အပူၤလၢအမၤဟးဂီၤတၢ်, ဒီးသုကဒိးန့ၢ်ဃုာ်ကစၢ်ယွၤ အန့ဆၢၣ်အဂီၢ်န့ၣ်လီၤ.