အ့းဖ့းစူး 4:21 - Sgaw Karen Common Bible

²¹ သုနၢ်ဟူတ့ၢ်လံဒီးဒ်အပျဲၢ်အဘီၣ်တဖၣ်အသိးသုဘၣ် တၢ်သိၣ်လိသီလိတ့ၢ်သုလၢတၢ်မ့ၢ်တၢ်တီလၢအအိၣ်လၢ ယ့ၣ်ၡူးခရံာ်အပူၤန့ၣ်လီၤ.

အ့းဖ့းစူး 4:21 Iomraidhean Croise

စံးထီၣ်ပတြၢၤ 45:4

ဒိးထီၣ်နကသ့ၣ်လၢ တၢ်ကဟုကညီၢ်အပူၤ ဆူတၢ်မၤနၢၤ, လၢတၢ်ဒီသဒၢတၢ် မ့ၢ်တၢ်တီဒီးတၢ်စံၣ်ညီၣ်တီအဂီၢ်တက့ၢ်. ပျဲနစုထွဲဒုးနဲၣ်နၤ တၢ်ဖံးတၢ်မၤလီၤလးတဖၣ်န့ၣ်တက့ၢ်.

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်လူၤကၣ် 10:16

ယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤလၢ်လၢ်လၢအဒိကနၣ်သုတၢ်ကတိၤန့ၣ်, မ့ၢ်အဒိကနၣ်ယတၢ်ကတိၤလီၤ. ပှၤတဂၤလၢ်လၢ်လၢအညိကွံာ်သုန့ၣ်, မ့ၢ်အညိကွံာ်ယၤ, ဒီးပှၤတဂၤလၢ်လၢ်လၢအညိကွံာ်ယၤန့ၣ်မ့ၢ်အညိကွံာ်ပှၤလၢ အမၢလီၤယၤတဂၤန့ၣ်လီၤ.”

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

လံာ်ယိၤဟၣ် 10:27

ယသိတဖၣ်ဒိကနၣ်ယကလုၢ်, ယသ့ၣ်ညါအီၤဒီးအဝဲသ့ၣ်ပိာ်ယခံလီၤ.

လံာ်ယိၤဟၣ် 14:17

အဝဲဒၣ်န့ၣ်မ့ၢ်ယွၤအသးလၢအလီၣ်ဖျါထီၣ်တၢ် မ့ၢ်တၢ်တီဘၣ်ဃးဒီးကစၢ်ယွၤန့ၣ်လီၤ. ဟီၣ်ခိၣ်တူၢ်လိာ်အီၤ တသ့ဘၣ်. မ့ၢ်လၢအထံၣ်အီၤတသ့ဒီးသ့ၣ်ညါအီၤတသ့ဘၣ် အဃိလီၤ. ဘၣ်ဆၣ်ဒီးသုသ့ၣ်ညါအီၤမ့ၢ်လၢအဝဲအိၣ်ဝဲ ဆိးဝဲဒီးသုဒီးကအိၣ်ကဆိးလၢသုပူၤအဃိန့ၣ်လီၤ.

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

ရိမ့ၤ 10:14

ဘၣ်ဆၣ်ဒီးအဝဲသ့ၣ်မ့ၢ်တနာ်တၢ်ဘၣ်ဒီးကိးထီၣ်အီၤ ကသ့ဒ်လဲၣ်. ဒီးအဝဲဒၣ်မ့ၢ်တနၢ်ဟူဘၣ်တၢ်ကစီၣ်ဘၣ်ဒီး, နာ်တၢ်ကသ့ဒ်လဲၣ်. ဒီးတၢ်ကစီၣ်မ့ၢ်တဘၣ်တၢ်စံၣ်တဲၤတဲ လီၤအီၤဘၣ်ဒီး, နၢ်ဟူတၢ်ကသ့ဒ်လဲၣ်.

၂ ကရံၣ်သူး 1:20

အဂ့ၢ်ဒ်အံၤ, အဝဲဒၣ်မ့ၢ်ဝဲ “မ့ၢ်” လၢယွၤတၢ်စံးပာ်ခဲလၢာ် အဂီၢ်လီၤ. လၢတၢ်တမံၤအံၤအဃိ, ခီဖျိယ့ၣ်ၡူးခရံာ်န့ၣ်ပ “အၤမ့ၣ်” ဘၣ်တၢ်ကတိၤထီၣ်ဖျဲးအီၤလၢကစၢ်ယွၤအလၤ ကပီၤအဂီၢ်လီၤ.

၂ ကရံၣ်သူး 11:10

ဒ်ခရံာ်အတၢ်မ့ၢ်တၢ်တီလၢအအိၣ်လၢယပူၤအသိးန့ၣ်, ယအၢၣ်လီၤအီလီၤယဲလၢယတၢ်ကတိၤတၢ်ကဖၢလၢတမံၤ အံၤတဘၣ်တၢ်မၤဘှ့ၣ်မၤဘှီၣ်အီၤလၢကီၢ်အဃါယၤဒီဘ့ၣ် အပူၤလၢတၢ်လီၢ်နီတတီၤဘၣ်.

အ့းဖ့းစူး 1:13

သုဝဲလၢအနၢ်ဟူတ့ၢ်လံတၢ်မ့ၢ်တၢ်တီအကလုၢ်ကထါ, တၢ်သးခုအကစီၣ်လၢအဟဲစိာ်န့ၢ်သုတၢ်အုၣ်က့ၤခီၣ်က့ၤ ဒီးစူၢ်က့ၤနာ်က့ၤတ့ၢ်လံခရံာ်တဖၣ်စ့ၢ်ကီးသုဘၣ်တၢ်စဲ ပနီၣ်ဃာ်သုဒီးသးစီဆှံလၢအဘၣ်တၢ်စံးပာ်တ့ၢ်အီၤန့ၣ်လီၤ.

အ့းဖ့းစူး 2:17

ခရံာ်ဟဲဝဲဒီးစံၣ်တဲၤတဲလီၤတၢ်သးခုအကစီၣ်ဘၣ်ဃးဒီးတၢ်ဃူ တၢ်ဖိးဆူပှၤခဲလၢာ်အအိၣ်, သုဝဲပှၤကလုာ်ဂၤတဖၣ်လၢအအိၣ်ယံၤဒီးကစၢ်ယွၤဒီးပှၤယူဒၤဖိ တဖၣ်လၢအမ့ၢ်ပှၤအိၣ်ဘူးဒီးကစၢ်ယွၤအအိၣ်န့ၣ်လီၤ.

ကလီးစဲ 1:5

လၢသုတၢ်မုၢ်လၢ်လၢအဘၣ်တၢ်ကတီၤပာ်န့ၢ်သုဂီၢ်လၢမူခိၣ် အဃိန့ၣ်လီၤ. ဘၣ်ဃးဒီးတၢ်မုၢ်လၢ်အံၤအဂ့ၢ်န့ၣ်, သုနၢ်ဟူတ့ၢ်လၢအခီၣ်ထံးလံၤလံၤခီဖျိတၢ်ကစီၣ်အမ့ၢ် အတီလၢအမ့ၢ်တၢ်သးခုအကစီၣ်န့ၣ်လီၤ.

ကလီးစဲ 1:6

တၢ်သးခုအကစီၣ်အံၤဟဲစိာ်ဃုာ်ဒီးတၢ်ဆိၣ်ဂ့ၤ, ရၤလီၤအသးသကုၤဟီၣ်ခိၣ်ဒီဘ့ၣ်ညါ, ဒ်အမၤတ့ၢ်လံ အသးလၢသုကျါစးထီၣ်မုၢ်တနံၤဖဲသုနၢ်ဟူတၢ်ဘၣ်ဃး ယွၤအဘျုးအဖှိၣ်အဆိကတၢၢ်တဘျီ, ဒီးသ့ၣ်ညါထံအီၤဒ် အမ့ၢ်တၢ်နီၢ်နီၢ်အသိး,

ကလီးစဲ 2:7

အိၣ်သူၣ်လီၤသုသးယိာ်ယိာ် ဒီးဘှီထီၣ်သုတၢ်အိၣ်မူလၢ ခရံာ်အပူၤ, ဒီးမ်သုတၢ်စူၢ်တၢ်နာ်အဂံၢ်အဘါကဆူၣ်ထီၣ်ဒ် သုဘၣ်တၢ်သိၣ်လိတ့ၢ်သုအသိး, ဒီးလၢထီၣ်ပှဲၤထီၣ်ဒီးတၢ်စံးဘျုးစံးဖှိၣ်န့ၣ်တက့ၢ်.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.