အ့းဖ့းစူး 4:2 - Sgaw Karen Common Bible

² ဆီၣ်လီၤသုသး, အိၣ်ဒီးတၢ်သူၣ်ဂ့ၤသးဝါဒီးတၢ်ဝံသးစူၤထီဘိ တက့ၢ်. ပာ်ဖျါထီၣ်သကိးသုတၢ်အဲၣ်တၢ်ကွံခီဖျိတၢ်သူၣ်စူၤသးစူၤ န့ၣ်တက့ၢ်.

အ့းဖ့းစူး 4:2 Iomraidhean Croise

စံးထီၣ်ပတြၢၤ 138:6

နမ့ၢ်အိၣ်လၢတၢ်လီၢ်လၢ အထီဒိၣ်မးဒၣ်လဲာ်, နအံးက့ၤကွၢ်က့ၤပှၤလၢ အဆီၣ်လီၤအသး, ဒီးပှၤလၢအပာ်ထီၣ်ထီအသးန့ၣ် အိၣ်သဒၢလၢအမဲာ်ညါတသ့ဘၣ်.

စံးထီၣ်ပတြၢၤ 45:4

ဒိးထီၣ်နကသ့ၣ်လၢ တၢ်ကဟုကညီၢ်အပူၤ ဆူတၢ်မၤနၢၤ, လၢတၢ်ဒီသဒၢတၢ် မ့ၢ်တၢ်တီဒီးတၢ်စံၣ်ညီၣ်တီအဂီၢ်တက့ၢ်. ပျဲနစုထွဲဒုးနဲၣ်နၤ တၢ်ဖံးတၢ်မၤလီၤလးတဖၣ်န့ၣ်တက့ၢ်.

တၢ်ကတိၤဒိ. 16:19

တၢ်ဆီၣ်လီၤသးဒီးတၢ်အိၣ်ဖှီၣ်အိၣ်ယာ်န့ၣ်ဂ့ၤဒိၣ်န့ၢ်ဒံးတၢ် ကဲထီၣ်ပှၤပာ်ကဖိအသးတဖၣ်အကျါတဂၤဒီးမၤန့ၢ်တၢ်ဟ့ၣ်နီၤလၢ အဝဲသ့ၣ်အတၢ်ဂုာ်န့ၢ်အကျါန့ၣ်လီၤ.

တၢ်ကတိၤဒိ. 3:34

အဝဲဒုၣ်ဒွဲၣ်ပှၤဒုၣ်ဒွဲၣ်တၢ်တဖၣ်ဒီးဒုးနဲၣ်ဖျါထီၣ်အဘျုး အဖှိၣ်လၢပှၤဆီၣ်လီၤအသးတဖၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 7:8

တၢ်တမံၤမံၤအကတၢၢ်န့ၣ်ဂ့ၤဒိၣ်န့ၢ်ဒံးအတၢ်ကဲထီၣ်အခီၣ်ထံး တက့ၢ်လီၤ. တၢ်ဝံသးစူၤန့ၣ်ဂ့ၤန့ၢ်ဒံးတၢ်ပာ်ထီၣ်ထီသးတက့ၢ်လီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်စဖါနယၤ 2:3

ကယဲၢ်ပှၤလၢအဆီၣ်လီၤအသးလၢထံဧိၤကီၢ်ဧိၤအပူၤ, ပှၤလၢအစူၢ်အတၢ်မၤလိာ်တဖၣ်သ့ၣ်ဧၢ, ဃၣ်က့ၤသုသးဆူ ယွၤအအိၣ်တက့ၢ်. မၤတၢ်တီတၢ်လိၤဒီးဆီၣ်လီၤသုသးလၢယွၤအမဲာ်ညါန့ၣ်တက့ၢ်. ဘၣ်တဘၣ်မုၢ်တနံၤလၢယွၤပာ်ဖျါထီၣ်အတၢ်သးထီၣ်န့ၣ်သုကပူၤ ဖျဲးလၢအတၢ်စံၣ်ညီၣ်န့ၣ်လီၤ.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်တၢ်ဂံၢ် 12:3

(စီၤမိၤၡ့မ့ၢ်ပှၤဆီၣ်လီၤအသးတဂၤဒီးဆီၣ်လီၤအသးဒိၣ်န့ၢ် ဒံးကယဲၢ်ပှၤတဂၤလၢ်လၢ်လၢဟီၣ်ခိၣ်ချၢအံၤန့ၣ်လီၤ.)

လံာ်မးသဲ 11:29

ဟံးထီၣ်ယနီၣ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤဒီးယဆီၣ်လီၤယသးလီၤ. ဒီးသုကထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ.

လံာ်မၢ်ကူး 9:19

ယ့ၣ်ၡူးစံးဘၣ်အဝဲသ့ၣ်, “သုဝဲပှၤတစိၤလၢအတၢ်နာ်တအိၣ်ဘၣ်တဖၣ်ဧၢ, မ့ၢ်ယကဘၣ်အိၣ်ဒီးသုဆံးယံာ်လဲၣ်. မ့ၢ်ယကဘၣ်ဝံသးစူၤသုဆံးယံာ်လဲၣ်. ဟဲကိးဃီၤဖိသၣ်န့ၣ်ဆူယအိၣ်တက့ၢ်.”

မၤတၢ် 20:19

လၢတၢ်ဆီၣ်လီၤသးလၢာ်လၢာ်ဆ့ဆ့ဒီး မဲာ်ထံမဲာ်နိအဒိၣ်အအါ အပူၤ, ယမၤယတၢ်ဖံးတၢ်မၤဒ်ကစၢ်အခ့အပှၤတဂၤအသိး ခီဖျိဆၢကတီၢ်အကီအခဲလၢအဟဲတုၤအိၣ်ယၤလၢပှၤယူဒၤ ဖိတဖၣ်အတၢ်ကူၣ်အၢကူၣ်သီအဃိန့ၣ်လီၤ.

ရိမ့ၤ 15:1

ပဝဲလၢအတၢ်နာ်အဂံၢ်ဆူၣ်အဘါဆူၣ်တဖၣ်ကြၢး ဝံစၢၤယိးစၢၤပှၤလၢအဂံၢ်စၢ်ဘါစၢ်တဖၣ်အတၢ်ဝံတၢ်ယိး တဖၣ်န့ၣ်လီၤ. ပတကြၢးလူၤပသးဒၣ်ပဝဲဘၣ်.

1 ကရံၣ်သူး 13:7

တၢ်အဲၣ်တၢ်ကွံန့ၣ်တဟ့ၣ်လီၤအသးနီတစုဘၣ်. ဒီးအဝဲဒၣ်အတၢ်စူၢ်တၢ်နာ်, တၢ်မုၢ်လၢ်, ဒီးတၢ်သူၣ်စူၤသးစူၤတဖၣ်န့ၣ်တလီၤတိၢ်နီတစုဘၣ်.

ကလၤတံ 6:2

ဝံလိာ်သုတၢ်ဝံတၢ်ယိးတဖၣ်တဂၤဒီးတဂၤ, ဒီးလၢကျဲဒ်အံၤ အပူၤန့ၣ်, သုကစူၢ်ခရံာ်အတၢ်သိၣ်တၢ်သီန့ၣ်လီၤ.

အ့းဖ့းစူး 1:4

တချုးဒံးဒၣ်လဲာ်လၢဟီၣ်ခိၣ်ဘၣ်တၢ်တ့လီၤအီၤန့ၣ်ကစၢ်ယွၤ ဃုထၢဆိပာ်စၢၤပှၤခီဖျိတၢ်အိၣ်မူလၢခရံာ်အပူၤဒ်သိး ပကစီဆှံဒီးပတၢ်ကမၣ်အသုတအိၣ်လၢအမဲာ်ညါတဂ့ၤ အဂီၢ်န့ၣ်လီၤ.

ကလီးစဲ 1:11

မ်သုဘၣ်တၢ်ဟ့ၣ်ဂံၢ်ဟ့ၣ်ဘါသုလၢတၢ်စိတၢ်ကမီၤခဲလၢာ်လၢ အဟဲလၢယွၤ, လၢအအိၣ်ပှဲၤမးဒီးအလၤကပီၤ, ဒ်သိးသုတူၢ်တၢ်ကိးမံၤဒဲးလၢတၢ်သူၣ်စူၤသးစူၤအပူၤကန့ၢ် အဂီၢ်,

၁ တံၤမသ့း 6:11

မ့မ့ၢ်နဲဒၣ်, ကစၢ်ယွၤအပှၤကညီဧၢ, ပဒ့ၣ်ဟးဆှဲးတၢ်သ့ၣ်တဖၣ်အံၤခဲလၢာ်တက့ၢ်. ဂုာ်ကျဲးစၢးဒ်သိးနကအိၣ်ဒီးတၢ်တီတၢ်လိၤ, တၢ်အဲၣ်ထူအဲၣ်ယွၤ, တၢ်စူၢ်တၢ်နာ်, တၢ်အဲၣ်တၢ်ကွံ, တၢ်သ့တူၢ်တၢ်, ဒီးတၢ်သူၣ်ကပုာ်သးကပုာ်သ့ၣ်တဖၣ်န့ၣ်တက့ၢ်.

၂ တံၤမသ့း 2:25

လၢအသိၣ်က့ၤသီက့ၤပှၤလၢအထီဒါအီၤတဖၣ်လၢတၢ်သးစူၤ အပူၤန့ၣ်လီၤ. မ့ၢ်မၤဝဲဒ်န့ၣ်ဒီး, ဘၣ်တဘၣ်ကစၢ်ယွၤကဟ့ၣ်လီၤအဝဲသ့ၣ်တၢ်အခွဲးအယာ်လၢ ကပီၢ်ယၢ်လီၤက့ၤအသးဒီးကတုၤလၢတၢ်သ့ၣ်ညါတၢ်မ့ၢ်တၢ်တီ အဂီၢ်န့ၣ်လီၤ.

ယၤကိာ် 1:21

လၢတၢ်န့ၣ်အဃိ, ညိကွံာ်လုၢ်လၢ်လၢအလီၤသးဘၣ်အၢဒီးသကဲာ်ပဝးအအၢ အသီခဲလၢာ်တက့ၢ်. ဆီၣ်လီၤသုသးလၢကစၢ်ယွၤအဖီလာ်, ဒီးတူၢ်လိာ်တၢ်အကလုၢ်အကထါလၢအဝဲသူၣ်လီၤလၢသုသးကံၢ်ပူၤ လၢအအုၣ်က့ၤခီၣ်က့ၤသုသ့န့ၣ်တက့ၢ်.

၁ ပ့းတရူး 3:15

မ့မ့ၢ်, အိၣ်ဒီးတၢ်ယူးယီၣ်ပာ်ကဲခရံာ်ဒ်ကစၢ်အသိးလၢသုသးကံၢ်ပူၤ န့ၣ်တက့ၢ် (ၡါ ၈:၁၂-၁၃). အိၣ်ကတဲာ်ကတီၤသုသးထီဘိလၢ သုကစံးဆၢပှၤတဂၤဂ့ၤတဂၤဂ့ၤလၢအသံကွၢ်သုတၢ်မုၢ်လၢ်လၢ အအိၣ်လၢသုပူၤအဂ့ၢ်အကျိၤန့ၣ်တက့ၢ်.

၁ ပ့းတရူး 3:8

လၢခံကတၢၢ်န့ၣ်, သုဝဲခဲလၢာ်သုကဘၣ်အိၣ်ဒီးတၢ်ပာ်သူၣ်ပာ် သးဒီးတၢ်ဆိကမိၣ်ဆိကမးတမံၤဃီလီၤ. အဲၣ်လိာ်သုသးတဂၤဒီးတဂၤဒ်ဒီပုၢ်ဝဲၢ်တဖၣ်အသိး, ဒီးအိၣ်ဒီးတၢ်သးကညီၤဒီးတၢ်ဆီၣ်လီၤသးလၢတဂၤဒီးတဂၤ အဖီလာ်န့ၣ်တက့ၢ်.