အ့းဖ့းစူး 4:18 - Sgaw Karen Common Bible

¹⁸ အဝဲသ့ၣ်အသူၣ်ခံးအသးခံးသတးဒီးလီၤဖးကွံာ်ဒီးတၢ်မူလၢ ကစၢ်ယွၤဟ့ၣ်လီၤဝဲ, အဂ့ၢ်မ့ၢ်လၢအဝဲသ့ၣ်အပူၤန့ၣ်တၢ်သ့ၣ်ညါနၢ်ပၢၢ်တအိၣ်ဘၣ်နီ တစဲးဘၣ်ဒီးအသူၣ်ကိၤသးကိၤဒိၣ်နီၢ်မးအဃိန့ၣ်လီၤ.

အ့းဖ့းစူး 4:18 Iomraidhean Croise

စံးထီၣ်ပတြၢၤ 74:20

သ့ၣ်နီၣ်ထီၣ်က့ၤနတၢ်အၢၣ်လီၤလၢ နမၤတ့ၢ်ဒီးပှၤန့ၣ်တက့ၢ်. တၢ်မၤတၢ်လၢတၢ်စုဆူၣ်ခီၣ်တကးအိၣ်လၢ ထံကီၢ်ပူၤလၢတၢ်လီၢ်အခံးကိးတီၤဒဲးလီၤ.

လံာ်ယၡါယၤ 25:7

ဖဲအံၤယွၤကသုးကွံာ်တၢ်သးအုးအတၢ်အၢၣ်လၢအအိၣ်လၢ ကယဲၢ်ပှၤကလုာ်ခဲလၢာ်အဖီခိၣ်သတူၢ်ကလာ်လီၤ.

လံာ်ယဃ့းစက့လး 14:5

တၢ်ဂီၤတၢ်ဖီၣ်တဖၣ်န့ၣ်ဃၣ်ကွံာ်လံပှၤအံၣ်စရ့လးဖိလၢ ယအိၣ်လံဘၣ်ဆၣ်ခီဖျိယတၢ်စံးဆၢန့ၣ်, ယမုၢ်လၢ်လၢယကမၤန့ၢ်က့ၤအဝဲသ့ၣ်အတၢ်သးတီဒီးယၤန့ၣ်လီၤ.

လံာ်ဒၤနံးယ့လး 5:20

ဘၣ်ဆၣ်ဒီးအဝဲပာ်ထီၣ်ထီအသး, ပာ်ဆူၣ်အကိာ်ဒီးအၢသီဝဲဒၣ်အဃိ, အဝဲဘၣ်တၢ်သုးကွံာ်အီၤလၢအစီၤလိၣ်စီၤပၤအလီၢ်ပစိာ်ဒီးအလၤ ကပီၤအလီၢ်လီၤမၢ်ကွံာ်ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:16

ကယဲၢ်စိးဝၣ်ဃးဒ်အကလုာ်အသိး, ထိၣ်ကီၤလၤအူး, ထိၣ်သဘၣ်, ထိၣ်ၡဃးဒီးလံာ်ပီၢ်တ့ဒ်အကလုာ်အသိး,

လံာ်မးသဲ 13:15

အဂ့ၢ်ဒ်အံၤ, ပှၤတဖၣ်အံၤအသူၣ်ဃၢအသးဃၢဝဲ, အနၢ်တဖၣ်ဃၢဝဲလၢကနၢ်ဟူတၢ်အဂီၢ်, ဒီးဘံၣ်ဃာ်အမဲာ်ချံဒ်သိးအသုတထံၣ်တၢ် လၢအမဲာ်ချံတဂ့ၤအဂီၢ်လီၤ. မ့တမ့ၢ်ဘၣ်ဒီးကနၢ်ဟူတၢ်လၢအနၢ် ဒီးကနၢ်ပၢၢ်တၢ်လၢအသးဒီး ကဃၣ်ကဒါက့ၤအသးဆူယအိၣ်, ကစၢ်ယွၤစံးဝဲဒၣ်, ဒီးယကမၤဘျါက့ၤအဝဲသ့ၣ်လီၤ’ (ၡါ. ၆:၉-၁၀).

လံာ်မၢ်ကူး 3:5

ယ့ၣ်ၡူးကွၢ်ဃီၤပှၤတဖၣ်လၢအအိၣ်ဝးတရံးအီၤဒီး အသးဒိၣ်ဘၣ်အဝဲသ့ၣ်လီၤ. ဘၣ်ဆၣ်ဒီးတဘျီဃီဖဲန့ၣ်အသးအုးဝဲလၢအဝဲသ့ၣ်တဖၣ်ပာ်ကိၤ အသးဒိၣ်ဒိၣ်ကလဲာ်ဒီးအတၢ်ပာ်သးကမၣ်အဃိလီၤ. အန့ၣ်ဝံၤစံးဘၣ်ပှၤတဂၤန့ၣ်, “ယူာ်ထီၣ်နစုတက့ၢ်.” အဝဲဒၣ်ယူာ်ထီၣ်အစုဒီးအစုန့ၣ်ဂ့ၤထီၣ်က့ၤဝဲဒၣ်လီၤ.

လံာ်ယိၤဟၣ် 12:40

“ကစၢ်ယွၤမၤဘျီၣ်အဝဲသ့ၣ်အမဲာ်ချံတဖၣ် ဒီးမၤကိၤထီၣ်အဝဲသ့ၣ်အသး, ဒ်သိးအမဲာ်ချံတဖၣ်သုတထံၣ်တၢ်တဂ့ၤ ဒီးအသးအသုတနၢ်ပၢၢ်တၢ်တဂ့ၤ, ဒီးအဝဲသ့ၣ်အသုတဃၣ်အသးဆူအအိၣ် လၢအကမၤဘျါက့ၤအဝဲသ့ၣ်အဂီၢ်တဂ့ၤန့ၣ်လီၤ” (ၡါ ၆:၁၀).

မၤတၢ် 17:30

ဖဲပှၤကညီတသ့ၣ်ညါဒံးကစၢ်ယွၤအဆၢကတီၢ်န့ၣ်, ယွၤကွၢ်ကပာ်အတၢ်ကမၣ်ဒ်န့ၣ်အသိးတမံၤလီၤ. မ့မ့ၢ်ခဲကနံၣ်အံၤအဝဲဒၣ်ဟ့ၣ်လီၤအကလုၢ်ဆူပှၤကိးဂၤဒဲးလၢ တၢ်လီၢ်ကိးပူၤဒဲးဒ်သိးအကဃၣ်ကွံာ်လၢအကျဲအၢကျဲသီ တဖၣ်န့ၣ်လီၤ.

မၤတၢ် 3:17

ဒီးခဲကနံၣ်အံၤယဒီပုၢ်ဝဲၢ်သ့ၣ်ဧၢ, ယသ့ၣ်ညါလၢတၢ်လၢသုဝဲဒီးသုခိၣ်သုနၢ်တဖၣ်မၤဘၣ်ယ့ၣ်ၡူး န့ၣ်, မ့ၢ်ဒၣ်လၢသုတသ့ၣ်ညါဘၣ်အဃိလီၤ.

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

ရိမ့ၤ 11:7

မ့မ့ၢ်ဒ်န့ၣ်ဒီးပကစံးဒ်လဲၣ်. ပှၤအံၣ်စရ့လးဖိတဖၣ်တထံၣ်န့ၢ်တၢ်လၢအဝဲသ့ၣ်ဃုဝဲဘၣ်. ပှၤလၢအထံၣ်န့ၢ်တၢ်တခီမ့ၢ်ပှၤစှၤဂၤလၢကစၢ်ယွၤဃုထၢ ဝဲမ့မ့ၢ်ပှၤအဂၤတဖၣ်အနၢ်တအၢထီၣ်ဒီးတနၢ်ဟူကစၢ်ယွၤ အတၢ်ကိးဘၣ်.

ရိမ့ၤ 2:19

နနာ်သပှၢ်ကတၢၢ်လၢနမ့ၢ်ပှၤတဂၤလၢအဆှၢပှၤမဲာ်ဘျီၣ်, ဒီးနမ့ၢ်တၢ်ကပီၤလၢပှၤလၢအအိၣ်လၢတၢ်ခံးကျါတဖၣ်အဂီၢ် န့ၣ်လီၤ.

1 ကရံၣ်သူး 1:21

အဂ့ၢ်ဒ်အံၤ, လၢအဝဲဒၣ်အတၢ်ကူၣ်ဘၣ်ကူၣ်သ့အပူၤန့ၣ်, ကစၢ်ယွၤမၤဝဲဒ်သိးပှၤဟီၣ်ခိၣ်ဖိအသုတသ့ၣ်ညါအီၤခီဖျိ အဝဲသ့ၣ်အတၢ်ကူၣ်ဘၣ်ကူၣ်သ့ဒၣ်ဝဲတဂ့ၤ. မ့မ့ၢ်ခီဖျိ, တၢ်ကစီၣ်လၢပစံၣ်တဲၤတဲလီၤ, လၢပှၤစံးလၢအလၢအပှဲၤဒီးတၢ်သူၣ်တဆးသးတဆးန့ၣ်, ကစၢ်ယွၤပာ်လီၤအသးလၢအကအုၣ်က့ၤခီၣ်က့ၤပှၤစူၢ်က့ၤနာ်က့ၤ တၢ်တဖၣ်လီၤ.

1 ကရံၣ်သူး 2:8

ပှၤပၢတၢ်ပြးတၢ်လၢဟီၣ်ခိၣ်တဘ့ၣ်အံၤအပူၤတသ့ၣ်ညါ တၢ်ကူၣ်ဘၣ်ကူၣ်သ့အဝဲအံၤနီတဂၤဘၣ်. အဝဲသ့ၣ်မ့ၢ်သ့ၣ်ညါ တ့ၢ်ဝဲန့ၣ်, တမ့ၢ်လၢအဝဲသ့ၣ်ကပျၤထီတၢ်လၤကပီၤအကစၢ် လၢထူၣ်စုညါအလိၤဘၣ်.

၂ ကရံၣ်သူး 3:14

အဝဲသ့ၣ်အသူၣ်အသးတဖၣ်အိၣ်ကးတံာ်အသးစဲဃဲၤလီၤ. ဒီးတုၤလီၤလၢမုၢ်မဆါတနံၤအံၤ ဖဲအဝဲသ့ၣ်ဖးလံာ်တၢ် အၢၣ်လီၤအီလီၤအလီၢ်လံၤတဖၣ်န့ၣ်, အဝဲသ့ၣ်အသးဘၣ်တၢ်ကျၢၢ်ဘၢအီၤလၢနီၣ်ကျၢၢ်ဘၢမဲာ်တခါ ဃီန့ၣ်လီၤ. နီၣ်ကျၢၢ်ဘၢမဲာ်အဝဲအံၤဘၣ်တၢ်ထုးကွံာ်ဒၣ်အီၤဖဲ ပှၤတဂၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်လီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

ကလၤတံ 4:8

လၢအပူၤကွံာ်န့ၣ်သုတသ့ၣ်ညါကစၢ်ယွၤဘၣ်. အဃိ, သုကဲကုၢ်လၢတၢ်လၢအတမ့ၢ်ကစၢ်ယွၤတဖၣ်အဖီ လာ်လီၤ.

အ့းဖ့းစူး 2:1

ဒီးအဝဲဒၣ်မၤမူထီၣ်က့ၤသု, ဖဲသုမ့ၢ်တ့ၢ်ပှၤအသံလၢသူၣ်လၢသးလၢသုတၢ်တစူၢ် တနာ်ယွၤအကလုၢ်ဒီးသုတၢ်ဒဲးဘးတဖၣ်အဃိန့ၣ်လီၤ.

အ့းဖ့းစူး 2:12

အကတီၢ်ဖဲန့ၣ်သုတဘၣ်ဃးဘၣ်ဒီးခရံာ်ဘၣ်. သုမ့ၢ်တ့ၢ်ပှၤတခီထံ တခီကီၢ်ဖိဒီးတဘၣ်ဃးဘၣ်ဒီးကစၢ်ယွၤအပှၤဂီၢ်မုၢ်, ပှၤဃုထၢဖိ တဖၣ်ဘၣ်. တၢ်အၢၣ်လီၤအီလီၤလၢကစၢ်ယွၤစံးပာ်တ့ၢ်လၢ အပှၤဂီၢ်မုၢ်အဂီၢ်န့ၣ်, တဘၣ်ဃးဘၣ်ဒီးသုဘၣ်. ဒီးသုအိၣ်မူတ့ၢ်သုဝဲလၢဟီၣ်ခိၣ်တဘ့ၣ်အံၤအချၢလၢတၢ်မုၢ် လၢ်တအိၣ်ဘၣ်အပူၤဒီးလၢတၢ်တသ့ၣ်ညါထူသ့ၣ်ညါယွၤ အပူၤလီၤ.

ကလီးစဲ 1:21

တဘျီန့ၣ်, သုအိၣ်ယံၤဒီးကစၢ်ယွၤဒီးသုထီဒါအီၤခီဖျိတၢ် ဆိကမိၣ်, ဒီးတၢ်ဖံးတၢ်မၤအအၢအသီတဖၣ်န့ၣ်လီၤ.

၁ သ့းစၤလနံ 4:5

ဒီးတမ့ၢ်ဘၣ်လၢတၢ်မုာ်ဖံးမုာ်ညၣ်အတၢ်သးကွံအပူၤ, ဒ်ပှၤလၢအတသ့ၣ်ညါထူသ့ၣ်ညါယွၤတဖၣ်မၤဝဲအသိးန့ၣ်ဘၣ်.

ဧ့ၤဘြံၤ 5:2

ဒ်အနီၢ်ကစၢ်ဒၣ်ဝဲအိၣ်ဒီးတၢ်ဂံၢ်စၢ်ဘါစၢ်လၢကျဲအါဘိအပူၤ အသိး, အဝဲဘၣ်ထွဲဒီးပှၤလၢအတသ့ၣ်ညါတၢ်ဒီးပှၤလၢအမၤ ကမၣ်တၢ်တဖၣ်န့ၣ်လၢတၢ်သးအိၣ်အပူၤသ့ဝဲန့ၣ်လီၤ.

ဧ့ၤဘြံၤ 9:7

မ့မ့ၢ်ဆူဒဲအံၤခံတီၤတတီၤအပူၤန့ၣ်ပှၤလဲၤနုာ်ဘၣ်ထဲ ပှၤလုၢ်တၢ်အခိၣ်အဒိၣ်ကတၢၢ်တဂၤဧိၤ, တနံၣ်န့ၣ်ထဲတဘျီဧိၤဘၣ်စိာ်ဃုာ်တၢ်သွံၣ်လၢအဘၣ် လုၢ်ဝဲလၢအနီၢ်ကစၢ်ဒၣ်ဝဲအဂီၢ်ဒီးလၢပှၤဂီၢ်မုၢ်တဖၣ် အတၢ်ကမၣ်အဂီၢ်န့ၣ်လီၤ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.

၁ ပ့းတရူး 1:14

စူၢ်ကစၢ်ယွၤတက့ၢ်. ဒီးတဘၣ်ပျဲသုသးသမူမၤန့ၢ်အက့ၢ်အဂီၤလၢအဘၣ်တၢ်တ့န့ၢ် အီၤလၢတၢ်သူၣ်လီသးကွံလၢအအိၣ်ဒီးသုဖဲသုတၢ်သ့ၣ်ညါ နၢ်ပၢၢ်တအိၣ်ဒံးဘၣ်အခါန့ၣ်တဂ့ၤ.

၁ ယိၤဟၣ် 2:11

ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအသးဟ့အဒီပုၢ်ဝဲၢ်န့ၣ်, အိၣ်လၢတၢ်ခံးတၢ်နၤအပူၤလီၤ. လဲၤတၢ်လၢတၢ်ခံးတၢ်နၤ အပူၤဒီးလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်. မ့ၢ်လၢတၢ်ခံးတၢ်နၤမၤမဲာ်ဘျီၣ်အီၤအဃိလီၤ.