အ့းဖ့းစူး 4:13 - Sgaw Karen Common Bible

¹³ တုၤလၢပဝဲဒၣ်ခဲလၢာ်ပဟဲပာ်ဖှိၣ်ထီၣ်ပသးတပူၤဃီဆူ တၢ်နာ်တမံၤဃီဒီးလၢတၢ်သ့ၣ်ညါထံကစၢ်ယွၤအဖိခွါ အပူၤတစုန့ၣ်လီၤ. ပကကဲထီၣ်ပှၤဒိၣ်တုာ်ခိၣ်ပှဲၤတဖၣ်, တုၤထီၣ်ထီၣ်ဘးဆူခရံာ်အတၢ်ဒိၣ်တုာ်ခိၣ်ပှဲၤလၢလၢ ပှဲၤပှဲၤန့ၣ်လီၤ.

အ့းဖ့းစူး 4:13 Iomraidhean Croise

လံာ်ယၡါယၤ 53:11

ဖဲတၢ်တူၢ်တၢ်နးတၢ်ဖှီၣ်အတၢ်အိၣ်မူတခါဝံၤအလီၢ်ခံန့ၣ်, အဝဲကအိၣ်ဒီးတၢ်သူၣ်ခုသးခုကဒီးတဘျီလီၤ. ကသ့ၣ်ညါဝဲလၢအတူၢ်တ့ၢ်တၢ်န့ၣ်တမ့ၢ်တၢ်ကလီ ကလီဘၣ်န့ၣ်လီၤ. ယခ့ယပှၤလၢအတီဒီးယၤ, လၢယဘၣ်ယသးလၢအီၤတဂၤ, ကဝံထီၣ်ယိးထီၣ်တၢ်စံၣ်ညီၣ်လၢပှၤအါဂၤအဂီၢ်, ဒီးလၢအဝဲဒၣ်အဃိယကပျၢ်အဝဲသ့ၣ်အတၢ်ကမၣ်လီၤ.

လံာ်စဖါနယၤ 3:9

အန့ၣ်တစု, ယကလဲလိာ်ကွံာ်ပှၤကလုာ်တဖၣ်အပှၤဂီၢ်မုၢ်, ဒီးအဝဲသ့ၣ်ကဃ့ထီၣ်တၢ်ထဲဆူယၤတဂၤလီၤ. ဒီးဆူကစၢ်အဂၤတဖၣ်အအိၣ်န့ၣ်တဃ့လၢၤတၢ်ဘၣ်န့ၣ်လီၤ. အဝဲသ့ၣ်ခဲလၢာ်ကစူၢ်ယၤလီၤ.

လံာ်စကၤရယၤ 14:9

အန့ၣ်ဒီးယွၤကကဲထီၣ်စီၤပၤလၢဟီၣ်ခိၣ်ဒီဘ့ၣ်ညါအဖီခိၣ်, ဒီးပှၤကိးဂၤဒဲးကဘူၣ်ထီၣ်ဘါထီၣ်အီၤဒ်ကစၢ်ယွၤအသိးဒီး ကသ့ၣ်ညါအီၤလၢအမံၤတယုၢ်ဃီန့ၣ်လီၤ.

လံာ်မးသဲ 11:27

ယပၢ်ဟ့ၣ်လီၤလံယၤတၢ်ခဲလၢာ်လံ. မ့တမ့ၢ်ဘၣ်ပၢ်ဘၣ်ဒီး ပှၤတသ့ၣ်ညါဘၣ်ဖိခွါနီတဂၤဘၣ်. မ့တမ့ၢ်ဘၣ်ဖိခွါဒီး ပှၤလၢဖိခွါဃုထၢလီၣ်ဖျါထီၣ်န့ၢ်အီၤဘၣ်ဒီး, ပှၤတသ့ၣ်ညါဘၣ်ပၢ်နီတဂၤဘၣ်.

လံာ်ယိၤဟၣ် 1:16

လၢအဝဲဒၣ်အတၢ်ဘျုးတၢ်ဖှိၣ်အတၢ်လၢတၢ်ပှဲၤအပူၤန့ၣ်, ပဝဲခဲလၢာ်ပဒိးန့ၢ်တၢ်ဘျုးတၢ်ဖှိၣ်တမံၤဝံၤတမံၤန့ၣ်လီၤ.

လံာ်ယိၤဟၣ် 16:3

ပှၤကမၤသုဒ်သိးအံၤမ့ၢ်လၢအဝဲသ့ၣ်တသ့ၣ်ညါတ့ၢ်ပၢ်မ့ၢ်ဂ့ၤ, ယၤမ့ၢ်ဂ့ၤအဃိန့ၣ်လီၤ.

လံာ်ယိၤဟၣ် 17:21

ယဃ့ဘါထုကဖၣ်ယဲဒ်သိးအဝဲသ့ၣ်ခဲလၢာ်ကမ့ၢ်တၢ်တမံၤဃီ အဂီၢ်န့ၣ်လီၤ. ပၢ်ဧၢ, မ်အဝဲသ့ၣ်ကအိၣ်လၢပပူၤ, ဒ်နအိၣ်လၢယပူၤဒီးယအိၣ်လၢနပူၤအသိးန့ၣ်တက့ၢ်. မ်အဝဲသ့ၣ်ကမ့ၢ်ဒၣ်ဝဲတၢ်တမံၤဃီ, ဒ်သိးဟီၣ်ခိၣ်ကနာ်လၢနမၢလီၤယၤန့ၣ်တက့ၢ်.

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

လံာ်ယိၤဟၣ် 6:69

ဒီးခဲအံၤပနာ်ဒီးသ့ၣ်ညါလၢနမ့ၢ်ပှၤစီဆှံတဂၤ လၢအဟဲလၢကစၢ်ယွၤအအိၣ်န့ၣ်လီၤ.”

မၤတၢ် 4:32

ပှၤစူၢ်က့ၤနာ်က့ၤတၢ်ခဲလၢာ်အိၣ်ဒီးတၢ်ဆိကမိၣ်တမံၤဃီဒီးသူၣ် တဖျၢၣ်ဃီသးတဖျၢၣ်ဃီန့ၣ်လီၤ. ကယဲၢ်တၢ်အိၣ်ဒီးယၤမ့ၢ်ဒၣ်ထဲလၢယဂီၢ်ဧိၤလီၤန့ၣ်, တစံးဝဲနီတဂၤဘၣ်. မ့မ့ၢ်အဝဲသ့ၣ်ဟ့ၣ်နီၤလိာ်သကိးအသးတၢ်တမံၤလၢ်လၢ်လၢ အအိၣ်ဒီးအီၤ, တဂၤဒီးတဂၤန့ၣ်လီၤ.

1 ကရံၣ်သူး 1:10

လၢပကစၢ်ယ့ၣ်ၡူးခရံာ်အမံၤအဃိန့ၣ်, ယဃ့ကညးသုဝဲကိးဒံကိးဂၤဒဲး, ပုၢ်သ့ၣ်ဝဲၢ်သ့ၣ်ဧၢ, ဒ်သိးသုကအၢၣ်လီၤတူၢ်လိာ်တဂၤဒီးတဂၤအတၢ်စံးတၢ်ကတိၤ, ဒီးသုတအိၣ်ဒီးတၢ်လီၤမုၢ်လီၤဖးလၢသုသိးသုကျါတဂ့ၤန့ၣ်လီၤ. ပာ်ဖှိၣ်ထီၣ်သုသးတဖျၢၣ်ဃီလၢာ်လၢာ်ဆ့ဆ့, အိၣ်ဒီးတၢ်ဆိကမိၣ်တမံၤဃီ, ဒီးတၢ်တိာ်ပာ်တမံၤဃီန့ၣ်တက့ၢ်.

1 ကရံၣ်သူး 14:20

ယဒီပုၢ်ဝဲၢ်သ့ၣ်ဧၢ, တဘၣ်လီၤဂာ်ဒီးဖိသၣ်တဖၣ်လၢသုတၢ်ဆိကမိၣ်ဆိကမး အပူၤတဂ့ၤ, ဖဲလၢအဘၣ်ဃးဒီးတၢ်အၢတၢ်သီန့ၣ်လီၤဂာ်ဒီးဖိဒံဖိသၣ်, မ့မ့ၢ်လၢသုတၢ်ဆိကမိၣ်ဆိကမးအပူၤန့ၣ်ကဲပှၤဒိၣ်တုာ်ခိၣ်ပှဲၤ တဖၣ်တက့ၢ်.

1 ကရံၣ်သူး 2:6

မ့ၢ်သနာ်က့ဒ်န့ၣ်ဒီး, ဆူပှၤဒိၣ်တုာ်ခိၣ်ပှဲၤလၢသူၣ်လၢသးတကပၤ အအိၣ်န့ၣ်, ယစံၣ်တဲၤတဲလီၤတၢ်ကစီၣ်ဘၣ်ဃးဒီးတၢ်ကူၣ်ဘၣ် ကူၣ်သ့ကစီဒီလီၤ. ဘၣ်ဆၣ်ဒီးအဝဲအံၤတမ့ၢ်တၢ်ကူၣ်ဘၣ်ကူၣ်သ့လၢအဘၣ်ဃး ဒီးဟီၣ်ခိၣ်တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤလၢအပၢဟီၣ်ခိၣ် တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤတဖၣ်လၢအစိကမီၤလီၤမၢ်ကွံာ်ဝဲ န့ၣ်ဘၣ်.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

ကလၤတံ 4:19

ယဖိဆံးသးဘိသ့ၣ်ဧၢ, ဒ်မိၢ်တဂၤလၢအဆံးစၢ်ထီၣ်အဖိအသိး န့ၣ်, ယတူၢ်ဘၣ်တၢ်ဆါတမံၤဃီလၢသုဂီၢ်တုၤခရံာ်အက့ၢ်အဂီၤ ကဲထီၣ်လိၣ်ထီၣ်လၢသုပူၤန့ၣ်လီၤ.

အ့းဖ့းစူး 1:17

ဒ်သိးပကစၢ်ယ့ၣ်ၡူးခရံာ်အပၢ်, ပၢ်လၢအလၢပှဲၤဒီးတၢ်လၤကပီၤတဂၤကဟ့ၣ်လီၤသု သးစီဆှံလၢအကဒုးကူၣ်ဘၣ်ကူၣ်သ့သုဒီးလီၣ်ဖျါထီၣ် န့ၢ်သုလၢယွၤဒ်သိးသုကသ့ၣ်ညါအီၤအဂီၢ်န့ၣ်လီၤ.

အ့းဖ့းစူး 1:23

လၢအပၢဘၣ်တၢ်ခဲလၢာ်အသိးန့ၣ်, ယွၤဟ့ၣ်လီၤအီၤလၢတၢ်အိၣ်ဖှိၣ်အဂီၢ်န့ၣ်လီၤ. တၢ်အိၣ်ဖှိၣ်မ့ၢ်ခရံာ်အနီၢ်ခိလၢအမၤလၢထီၣ်ပှဲၤထီၣ်ခရံာ်, လၢအမၤလၢထီၣ်ပှဲၤထီၣ်တၢ်ခဲလၢာ်လၢတၢ်လီၢ် ကိးပူၤဒဲးန့ၣ်လီၤ.

အ့းဖ့းစူး 2:15

အဝဲတြူာ်ကွံာ်ပှၤယူဒၤဖိအတၢ်သိၣ်တၢ်သီဃုာ်ဒီးအတၢ်မၤ လိာ်ဒီးအတၢ်ဘျၢတဖၣ်ဒ်သိးအကဒုးကဲထီၣ်ပှၤခံကလုာ်လၢပှၤ တကလုာ်ဃီလၢအဝဲအပူၤ, ဒီးလၢကျဲဒ်အံၤအပူၤဒုးအိၣ်ထီၣ်တၢ် ဃူတၢ်ဖိးလီၤ.

အ့းဖ့းစူး 4:12

အဝဲဒၣ်မၤတၢ်အံၤမ့ၢ်ဒ်သိးအကကတဲာ်ကတီၤကစၢ်ယွၤ အပှၤဂီၢ်မုၢ်လၢအကမၤတၢ်ခ့တၢ်ပှၤအတၢ်မၤဒ်ခရံာ်ဖိတဖၣ် အသိး, ဒီးလၢအကမၤထီၣ်မၤထီခရံာ်အနီၢ်ခိအဂီၢ်,

အ့းဖ့းစူး 4:3

ဂုာ်ကျဲးစၢးအဂ့ၤကတၢၢ်လၢသုကဟံးဃာ်တၢ်သးတဖျၢၣ်ဃီ လၢယွၤအသးဟ့ၣ်လီၤသုခီဖျိတၢ်ဃူတၢ်ဖိးလၢအစၢဃာ်ဟံးဃာ် သုန့ၣ်တက့ၢ်.

အ့းဖ့းစူး 4:5

ကစၢ်အိၣ်တဂၤဧိၤ, တၢ်စူၢ်တၢ်နာ်အိၣ်တမံၤဧိၤဒီးတၢ်ဒိးဘျၢ အိၣ်တမံၤဧိၤလီၤ.

ဖံလံးပံၤ 3:10

တၢ်လၢယအဲၣ်ဒိးန့ၣ် မ့ၢ်ဒၣ်တၢ်သ့ၣ်ညါခရံာ်ဒီးတၢ်ကလၢၢ်ဘၣ် အတၢ်ဂဲၤဆၢထၢၣ်သမူထီၣ်က့ၤအစိကမီၤ, တၢ်တူၢ်သကိးဃုာ်တၢ်နးတၢ်ဖှီၣ်ဒီးအီၤ, ဒီးကဲထီၣ်ပှၤလီၤဂာ်ဒီးအီၤလၢအတၢ်သံအပူၤ,

ဖံလံးပံၤ 3:8

ဒီးတမ့ၢ်ထဲတၢ်သ့ၣ်တဖၣ်န့ၣ်ဘၣ်. ယပာ်တၢ်ခဲလၢာ်ဒ်အမ့ၢ်တၢ်လီၤမၢ်ကွံာ်လၢယဂီၢ်လၢာ်လၢာ် ဆ့ဆ့လၢတၢ်လၢအလုၢ်အပှ့ၤဒိၣ်န့ၢ်အန့ၣ်တက့ၢ်လၢအမ့ၢ် ဝဲတၢ်သ့ၣ်ညါယကစၢ်ယ့ၣ်ၡူးခရံာ်အဃိန့ၣ်လီၤ. လၢအဝဲဒၣ်အဃိယညိကွံာ်တၢ်ခဲလၢာ်, လၢယပာ်အီၤဒ်အမ့ၢ် တၢ်အိၣ်ဘျဲၣ်အိၣ်စဲၢ်တဂိာ်တသီၣ်, ဒ်သိးယကဒိးန့ၢ်ဘၣ်ခရံာ်,

ကလီးစဲ 1:28

ပစံၣ်တဲၤတဲလီၤခရံာ်ဒီးတဲပလီၢ်ပှၤကိးဂၤဒီးသိၣ်လိသီ လိပှၤကိးကလုာ်ဒဲးလၢတၢ်ကူၣ်သ့ခဲလၢာ်အပူၤ, ဒ်သိးပကဆှၢက့ၤပှၤတဂၤစုာ်စုာ်ဒ်ပှၤဒိၣ်တုာ်ခိၣ်ပှဲၤလၢခရံာ် အပူၤအသိးဆူကစၢ်ယွၤအအိၣ်အဂီၢ်န့ၣ်လီၤ.

ကလီးစဲ 2:2

ယတၢ်ကျဲးစၢးမ့ၢ်ဒ်သိးဒီးသုကလၢထီၣ်ပှဲၤထီၣ်လၢတၢ်သူၣ်ဒူ သးဒူ, ဒီးလၢသုကအိၣ်ဒီးတၢ်သးတဖျၢၣ်ဃီလၢတၢ်အဲၣ်တၢ်ကွံ အပူၤ, ဒ်သိးသုကဒိးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဘၣ်ဃးဒီးတၢ် သူၣ်ဂၢၢ်သးကျၢၤလၢတၢ်သ့ၣ်ညါနၢ်ပၢၢ်နီၢ်နီၢ်ဟဲစိာ်ဝဲဒီးတၢ် သ့ၣ်ညါကစၢ်ယွၤအတၢ်ခူသူၣ်လၢအမ့ၢ်ခရံာ်န့ၣ်လီၤ.

ဧ့ၤဘြံၤ 5:14

ဘၣ်ဆၣ်ဒီးတၢ်အသံးအကာ်မ့ၢ်လၢပှၤဒိၣ်တုာ်ခိၣ်ပှဲၤ အဂီၢ်, ပှၤလၢအအိၣ်ကတဲာ်ကတီၤတ့ၢ်လံအသးခီဖျိ အပဲာ်ဖးနီၤဖးညီနုၢ်တၢ်ဂ့ၤဒီးတၢ်အၢအဆၢန့ၣ်လီၤ.

၂ ပ့းတရူး 1:4

လၢကျဲဒ်အံၤန့ၣ်, အဝဲဟ့ၣ်လီၤလံစ့ၢ်ကီးပှၤလၢတၢ် ဟ့ၣ်အဒိၣ်အမုၢ်ဒီးလုၢ်ဒိၣ်ပှ့ၤဒိၣ်တဖၣ်လၢအအၢၣ်လီၤ တ့ၢ်ဝဲ, ဒ်သိးခီဖျိတၢ်ဟ့ၣ်တဖၣ်အံၤသုကထူၣ်ဖျဲး ထီၣ်လၢတၢ်သးကွံလၢအအိၣ်လၢဟီၣ်ခိၣ်အံၤ အပူၤလၢအမၤဟးဂီၤတၢ်, ဒီးသုကဒိးန့ၢ်ဃုာ်ကစၢ်ယွၤ အန့ဆၢၣ်အဂီၢ်န့ၣ်လီၤ.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.