အ့းဖ့းစူး 4:12 - Sgaw Karen Common Bible

¹² အဝဲဒၣ်မၤတၢ်အံၤမ့ၢ်ဒ်သိးအကကတဲာ်ကတီၤကစၢ်ယွၤ အပှၤဂီၢ်မုၢ်လၢအကမၤတၢ်ခ့တၢ်ပှၤအတၢ်မၤဒ်ခရံာ်ဖိတဖၣ် အသိး, ဒီးလၢအကမၤထီၣ်မၤထီခရံာ်အနီၢ်ခိအဂီၢ်,

အ့းဖ့းစူး 4:12 Iomraidhean Croise

လံာ်လူၤကၣ် 22:32

ဘၣ်ဆၣ်ဒီးယဃ့ဘါထုကဖၣ်တ့ၢ်ယဲလၢနဂီၢ်, စီၤၡံမိၣ်ဧၢ, ဒ်သိးနတၢ်စူၢ်တၢ်နာ်သုတဟးဂီၤတဂ့ၤအဂီၢ်လီၤ. ဒီးဖဲနဃၣ်ကဒါက့ၤနသးဆူယအိၣ်န့ၣ်, နကဘၣ်ဟ့ၣ်ဂံၢ်ဟ့ၣ်ဘါနဒီပုၢ်ဝဲၢ်တဖၣ်လီၤ.”

မၤတၢ် 1:17

စီၤယူဒၤမ့ၢ်ပှၤတဖုတကရၢဃီဒီးပှၤ, အဂ့ၢ်မ့ၢ်လၢအဘၣ်တၢ်ဃုထၢထီၣ်အီၤလၢအကလဲၤ က့ၤဖံးမၤသကိးတၢ်ဒီးပှၤအဃိန့ၣ်လီၤ.”

မၤတၢ် 1:25

လၢအကဟံးန့ၢ်စီၤယူဒၤအလီၢ်ဒ်ပှၤတၢ်မၢဖိတဂၤအသိးအဂီၢ်န့ၣ် တက့ၢ်. စီၤယူဒၤညိကွံာ်တ့ၢ်တၢ်လီၢ်န့ၣ်လၢအကလဲၤဆူအလီၢ် အကျဲဒၣ်ဝဲန့ၣ်လီၤ.”

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

မၤတၢ် 9:31

သတးဒီး, တၢ်မၤအသးလၢတၢ်အိၣ်ဖှိၣ်အိၣ်လၢကီၢ်ယူဒၤ, ကီၢ်ကၤလံၤလါ, ဒီးကီၢ်ၡၤမရံတဖၣ်အပူၤန့ၣ်, အိၣ်ဘၣ်ဝဲလၢတၢ်ဃူတၢ်မုာ်အပူၤဒီးဘၣ်တၢ်ဒုးဒိၣ်ထီၣ်အီၤန့ၣ် လီၤ. ခီဖျိလၢသးစီဆှံဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်န့ၣ်, အဂံၢ်အဘါဆူၣ်ထီၣ်ဒီးတၢ်အိၣ်ဖှိၣ်ဖိအနီၣ်ဂံၢ်အါထီၣ်ဂီၢ်ထီၣ်, ဒီးအိၣ်မူဝဲလၢတၢ်ယူးယီၣ်ကစၢ်အပူၤန့ၣ်လီၤ.

ရိမ့ၤ 12:5

ဒ်န့ၣ်အသိး, ပအိၣ်အါဂၤသနာ်က့ပမ့ၢ်နီၢ်တဂၤဃီလၢခရံာ် အပူၤဒီးပဘၣ်တၢ်ဒုးစဲဘူးပှၤတဂၤဒီးတဂၤဒ်နီၢ်ခိတဂၤဃီ အက့ၢ်အဂီၤလၢအလီၤဆီတဖၣ်အသိးန့ၣ်လီၤ.

ရိမ့ၤ 12:7

မ့မ့ၢ်တၢ်မၤတၢ်ခ့တၢ်ပှၤအတၢ်မၤဒီး, ပကဘၣ်မၤတၢ်ခ့တၢ် ပှၤအတၢ်မၤလီၤ. မ့မ့ၢ်တၢ်သိၣ်လိတၢ်ဒီး, ပကဘၣ်သိၣ်လိ တၢ်လီၤ.

ရိမ့ၤ 14:19

မၤသးဒ်န့ၣ်ဒီး, ပကဘၣ်ပညိၣ်ဃီၤပသးထီဘိဒီးမၤတၢ်တဖၣ် လၢအဟဲစိာ်တၢ်ဃူတၢ်ဖိးဒီးကဲထီၣ်တၢ်ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤန့ၣ်လီၤ.

ရိမ့ၤ 15:14

ယဒီပုၢ်ဝဲၢ်သ့ၣ်ဧၢ, ယကစၢ်ဒၣ်ယဲယနာ်လၢသုလၢပှဲၤဒီးတၢ်ဂ့ၤတၢ်ဝါ, ဒီးတၢ်သ့ၣ်ညါအိၣ်ပှဲၤသုပူၤ ဒီးသုသိၣ်လိလိာ်သုသးတဂၤ ဒီးတဂၤသ့ဝဲန့ၣ်လီၤ.

ရိမ့ၤ 15:2

အခိၣ်တလိာ်, လၢပဒီပုၢ်ဝဲၢ်တဖၣ်အတၢ်ဂ့ၤဒၣ်ဝဲအဂီၢ် န့ၣ်ပဝဲတဂၤဒီးတဂၤပကြၢးမၤမုာ်အီၤဒ်သိးအတၢ်စူၢ် တၢ်နာ်ကဘၣ်တၢ်သူၣ်ထီၣ်ဂၢၢ်ကျၢၤအီၤအဂီၢ်လီၤ.

ရိမ့ၤ 15:29

တုၤယလဲၤဆူသုအိၣ်ဒီး, ယသ့ၣ်ညါလၢယကလဲၤလၢခရံာ် အတၢ်ဆိၣ်ဂ့ၤဆိၣ်ဝါအလၢအပှဲၤအပူၤန့ၣ်လီၤ.

1 ကရံၣ်သူး 12:27

သုဝဲခဲလၢာ်သုမ့ၢ်ခရံာ်အနီၢ်ခိ, ဒီးသုဝဲတဂၤဘၣ်တဂၤသုမ့ၢ်အက့ၢ်အဂီၤတမံၤစုာ်စုာ်လီၤ.

1 ကရံၣ်သူး 12:7

သးစီဆှံအတၢ်အိၣ်ဝဲလၢပှၤသိးပှၤကျါန့ၣ်, ဘၣ်တၢ်ဒုးနဲၣ်ဖျါထီၣ်အီၤလၢကျဲတဘိဘိလၢပှၤတဂၤ စုာ်စုာ်အပူၤ, လၢပှၤကိးဂၤဒဲးအတၢ်ဂ့ၤအဂီၢ်လီၤ.

1 ကရံၣ်သူး 14:12

မ့ၢ်လၢသုသးဆူၣ်ဒိးန့ၢ်ဘၣ်သးစီဆှံအတၢ်ဟ့ၣ်အဃိ, သုကဘၣ်ဂုာ်ကျဲးစၢးအါန့ၢ်တၢ်အဂၤ, လၢသုကသူအါထီၣ်တၢ်ဟ့ၣ်သ့ၣ်တဖၣ်လၢအကမၤ စၢၤတၢ်ဒုးဒိၣ်ထီၣ်ထီထီၣ်တၢ်အိၣ်ဖှိၣ်န့ၣ်လီၤ.

1 ကရံၣ်သူး 14:14

အဂ့ၢ်ဒ်အံၤ, ယမ့ၢ်ဃ့ဘါထုကဖၣ်တၢ်လၢကျဲဒ်အံၤန့ၣ်ယနီၢ် သးဃ့ဘါထုကဖၣ်တၢ်သပှၢ်ကတၢၢ်, ဘၣ်ဆၣ်ဒီး, ယတၢ်သ့ၣ်ညါအသးတအိၣ်ဒီးတၢ်ဘၣ်ထွဲလၢအပူၤနီ တမံၤဘၣ်.

1 ကရံၣ်သူး 14:26

တၢ်လၢယသးအိၣ်စံးယဲန့ၣ်မ့ၢ်ဒ်အံၤလီၤ. ယဒီပုၢ်ဝဲၢ်သ့ၣ်ဧၢ, ဖဲသုအိၣ်ဖှိၣ်ဘါသကိးတၢ်န့ၣ်, တဂၤအိၣ်ဒီးတၢ်သးဝံၣ်စံးထီၣ်ပတြၢၤယွၤ, အဂၤတဂၤအိၣ်ဒီးတၢ်သိၣ်လီၤသီလီၤ, မၤကဒီးတဂၤအိၣ်ဒီးတၢ်လီၣ်ဖျါဟဲလၢယွၤအအိၣ်, အဂၤတဂၤအိၣ်ဒီးဝံအတၢ်ကတိၤ, ဒီးအဂၤတဂၤအိၣ်ဒီးတၢ်တဲဖျါထီၣ်တၢ်လၢအဘၣ် တၢ်စံးကတိၤအီၤတဖၣ်အခီပညီလီၤ. တၢ်ကိးမံၤဒဲးကဘၣ်ကဲထီၣ်တၢ်မၤစၢၤလၢတၢ်အိၣ်ဖှိၣ်အဂီၢ်လီၤ.

၂ ကရံၣ်သူး 12:19

ဘၣ်တဘၣ်သုဆိကမိၣ်သုဝဲလၢဒီဆၢဒီကတီၢ်ညါန့ၣ်, ပဂုာ်ကျဲးစၢးကတိၤဒီဒၣ်လီၤက့ၤပသးလၢသုမဲာ်ညါလီၤ. တမ့ၢ်ဘၣ်. ပစံးကတိၤတၢ်ဒ်ခရံာ်အဲၣ်ဒိးပကတိၤပဝဲအသိး, လၢကစၢ်ယွၤ အမဲာ်ညါ, ဒီးတၢ်တမံၤလၢ်လၢ်လၢပမၤအီၤန့ၣ်, တံၤသကိးသးဘိသ့ၣ်ဧၢ, မ့ၢ်ဒ်သိးအကမၤစၢၤသုလီၤ.

၂ ကရံၣ်သူး 13:11

ဒီးခဲကနံၣ်အံၤဒီပုၢ်ဝဲၢ်သ့ၣ်ဧၢ, ပလီၤဖးမုာ်မုာ်လီၤ. ဂဲၤပျုၢ်ဂဲၤဆှးလၢ တၢ်လၢတၢ်ပှဲၤအဂီၢ်တက့ၢ်. ဒိကနၣ်ယတၢ်သကွံၢ်ကညးတဖၣ်အိၣ်ဒီးတၢ်သူၣ်လီၤ ပလိာ်သးလီၤပလိာ်လၢတဂၤဒီးတဂၤအဘၢၣ်စၢၤဒီး အိၣ်မူလၢတၢ်ဃူတၢ်ဖိးအပူၤတက့ၢ်. ဒီးကစၢ်ယွၤလၢအဘၣ်ဃးဒီးတၢ်အဲၣ်တၢ်ကွံဒီး တၢ်ဃူတၢ်ဖိးတဂၤန့ၣ်ကအိၣ်ဒီးသုလီၤ.

၂ ကရံၣ်သူး 13:9

ပသးခုပဝဲဖဲပဂံၢ်စၢ်ဘါစၢ်အခါန့ၣ်သုဂံၢ်ဆူၣ်ဘါဆူၣ်န့ၣ်လီၤ. ဒီးလၢတၢ်န့ၣ်အဃိ, ပဃ့ဘါထုကဖၣ်ပဝဲဒ်သိးသုကကဲထီၣ် ပှၤလၢပှၤပှဲၤန့ၣ်လီၤ.

၂ ကရံၣ်သူး 3:8

တၢ်လၤကပီၤလၢအဘၣ်ဃးဒီးယွၤအသးအတၢ်ဖံးတၢ်မၤန့ၣ် ကဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.

၂ ကရံၣ်သူး 4:1

ကစၢ်ယွၤ, လၢအဝဲဒၣ်အတၢ်သးကညီၤအပူၤန့ၣ်, ဟ့ၣ်လံပှၤတၢ်မၤတမံၤအံၤလၢပကမၤအီၤသတးဒီး, ပသးတဟးဂီၤဘၣ်.

၂ ကရံၣ်သူး 5:18

တၢ်ခဲလၢာ်အံၤဘၣ်တၢ်မၤအီၤလၢကစၢ်ယွၤ, လၢခီဖျိခရံာ်န့ၣ်, လဲလိာ်ကွံာ်ပှၤလၢဒုၣ်ဒါတဖၣ်ဆူအတံၤသကိးတဖၣ်, ဒီးဟ့ၣ်ပှၤမူဒါလၢပကဒုးကဲထီၣ်က့ၤပှၤအဂၤတဖၣ်လၢ အဝဲအတံၤသကိးစ့ၢ်ကီးန့ၣ်လီၤ.

၂ ကရံၣ်သူး 6:3

ပတအဲၣ်ဒိးလၢပှၤတဂၤဂၤကထံၣ်န့ၢ်တၢ်ကမၣ်လၢပတၢ်ဖံး တၢ်မၤအပူၤဘၣ်အဃိဒီး, ပဂုာ်ကျဲးစၢးဒ်သိးပသုတပာ်လီၤတၢ်တြီမၤတံာ်တာ်လၢပှၤ အကျဲနီကစၢ်တဂၤတဂ့ၤန့ၣ်လီၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

အ့းဖ့းစူး 1:23

လၢအပၢဘၣ်တၢ်ခဲလၢာ်အသိးန့ၣ်, ယွၤဟ့ၣ်လီၤအီၤလၢတၢ်အိၣ်ဖှိၣ်အဂီၢ်န့ၣ်လီၤ. တၢ်အိၣ်ဖှိၣ်မ့ၢ်ခရံာ်အနီၢ်ခိလၢအမၤလၢထီၣ်ပှဲၤထီၣ်ခရံာ်, လၢအမၤလၢထီၣ်ပှဲၤထီၣ်တၢ်ခဲလၢာ်လၢတၢ်လီၢ် ကိးပူၤဒဲးန့ၣ်လီၤ.

အ့းဖ့းစူး 4:16

လၢအဝဲဒၣ်အပူၤန့ၣ်, က့ၢ်ဂီၤလၢအလီၤဆီလိာ်အသးခဲလၢာ်ဘၣ်တၢ်ဒုးစဲဘူးအီၤလၢ နီၢ်တဂၤဃီအပူၤလၢတၢ်အဆၢတဖၣ်လၢအမၤစၢၤတၢ်ဒ်က့ၢ်ဂီၤ တမံၤဒီးတမံၤအတၢ်မၤအိၣ်ဝဲအသိးန့ၣ်လီၤ. ဖဲက့ၢ်ဂီၤတဖၣ်အံၤမၤသကိးတၢ်ဒ်အဂ့ၤမၤဝဲန့ၣ်, နီၢ်ဒီဂၤညါဒိၣ်ထီၣ်ထီထီၣ်ဒီးမၤထီၣ်မၤထီလီၤက့ၤအသးခီ ဖျိတၢ်အဲၣ်တၢ်ကွံန့ၣ်လီၤ.

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

အ့းဖ့းစူး 4:4

ပမ့ၢ်နီၢ်တဂၤဃီ, အိၣ်ဒီးယွၤအသးတမံၤဃီ, ဒ်ကစၢ်ယွၤကိးန့ၢ်ပှၤလၢတၢ်မုၢ်လၢ်တမံၤဃီအဂီၢ်အသိးန့ၣ်လီၤ.

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

ကလီးစဲ 1:28

ပစံၣ်တဲၤတဲလီၤခရံာ်ဒီးတဲပလီၢ်ပှၤကိးဂၤဒီးသိၣ်လိသီ လိပှၤကိးကလုာ်ဒဲးလၢတၢ်ကူၣ်သ့ခဲလၢာ်အပူၤ, ဒ်သိးပကဆှၢက့ၤပှၤတဂၤစုာ်စုာ်ဒ်ပှၤဒိၣ်တုာ်ခိၣ်ပှဲၤလၢခရံာ် အပူၤအသိးဆူကစၢ်ယွၤအအိၣ်အဂီၢ်န့ၣ်လီၤ.

ကလီးစဲ 4:17

ဒီးတဲဘၣ်စီၤအၢ်ဃံးပူးလၢအကပာ်လီၤအသးသပှၢ်ကတၢၢ်လၢ အကမၤတၢ်မၤလၢအဒိးန့ၢ်ဝဲလၢကစၢ်အအိၣ်န့ၣ်တုၤအဝံၤ, ဒီးလၢထီၣ်ပှဲၤထီၣ်တစုတက့ၢ်.

၁ တံၤမသ့း 1:12

ယစံးဘျုးပကစၢ်ယ့ၣ်ၡူးခရံာ်, လၢအဟ့ၣ်တ့ၢ်လံယၤတၢ်ဂံၢ် တၢ်ဘါလၢယတၢ်မၤအဂီၢ်အဃိန့ၣ်လီၤ. ယစံးဘျုးအီၤလၢအပာ်ယၤလၢပှၤအကလုၢ် တီဒီးဃုထၢထီၣ်ယၤလၢယကမၤအတၢ်မၤအဂီၢ်,

၂ တံၤမသ့း 4:11

ပှၤအိၣ်ဒီးယၤထဲစီၤလူၤကၣ်တဂၤဧိၤန့ၣ်လီၤ. ကိးန့ၢ်စီၤမၢ်ကူးဒီးမၢအဟဲဒီးနၤတက့ၢ်. အဂ့ၢ်ဒ်အံၤ, အဝဲမၤစၢၤယၤလၢတၢ်မၤအပူၤသ့ဒီးကဲဘျုးလၢယဂီၢ်ဒိၣ်မး န့ၣ်လီၤ.

၂ တံၤမသ့း 4:5

မ့မ့ၢ်နဲဒၣ်အံၤ, ပၢၤနသးလၢတၢ်မၤအသးကိးမံၤဒဲးအပူၤတက့ၢ်. တူၢ်တၢ်နးတၢ်ဖှီၣ်, မၤပှၤစံၣ်တဲၤတဲလီၤတၢ်သးခုအကစီၣ်အတၢ် မၤဒီးမၤနမူနဒါခဲလၢာ် ဒ်ကစၢ်ယွၤအခ့အပှၤတဂၤအသိးတက့ၢ်.

ဧ့ၤဘြံၤ 13:17

စူၢ်သုခိၣ်သုနၢ်တဖၣ်အကလုၢ်ဒီးဆီၣ်လီၤသုသးလၢ အဝဲသ့ၣ်အဖီလာ်တက့ၢ်. အဂ့ၢ်ဒ်အံၤ, ဒ်ပှၤလၢအကဘၣ်ဟ့ၣ်ထီၣ်တၢ်စံးဆၢအသိး န့ၣ်အဝဲသ့ၣ်ဆိးသီဝဲလၢသုသးသမူအဂီၢ်လီၤ. သုမ့ၢ်စူၢ်အဝဲသ့ၣ်အကလုၢ်ဒီး, ကမၤဝဲအတၢ်မၤလၢတၢ်သူၣ်ခု သးခုအပူၤလီၤ. မ့တမ့ၢ်ဘၣ်ဒီးကမၤဝဲလၢတၢ်သူၣ်အုးသးအုး အပူၤ, ဒီးတၢ်န့ၣ်တကဲထီၣ်တၢ်မၤစၢၤလၢသုဂီၢ်ဘၣ်လီၤ.

ဧ့ၤဘြံၤ 6:1

မၤသးဒ်န့ၣ်ဒီးမ်ပသုတအိၣ်လၢၤဒၣ်ဖဲတၢ်ဘၣ်ဃးဒီး တၢ်စူၢ်တၢ်နာ်ခရံာ်အခီၣ်ထံးန့ၣ်တဂ့ၤ, မ်ပလဲၤသကိးဆူတၢ်ဒိၣ်တုာ်ခိၣ်ပှဲၤအပူၤန့ၣ်တက့ၢ်. မ်ပသုတက့ၤကဒါက့ၤဆူတၢ်ပာ်လီၤကဒီးတၢ်အခီၣ်ထံးလၢ အမ့ၢ်, တၢ်ပီၢ်ယၢ်လီၤက့ၤပသး, တၢ်ဃၣ်ကဒါက့ၤသးလၢတၢ်သံအတၢ်ဖံးတၢ်မၤဆူတၢ်နာ် ကစၢ်ယွၤအအိၣ်,