အ့းဖ့းစူး 4:1 - Sgaw Karen Common Bible

¹ ယၤ, ပှၤလၢအလီၤဘၣ်ဃိာ်ပူၤလၢအမၤကစၢ်အတၢ်မၤအဃိ တဂၤအံၤ, ယသဆၣ်ထီၣ်သုခံဒ်သိးသုကအိၣ်မူထီၣ်ဘးတၢ်အိၣ်မူ အတီၤလၢကစၢ်ယွၤပာ်လီၤဝဲဖဲအကိးထီၣ်သုအကတီၢ်အဂီၢ် န့ၣ်လီၤ.

အ့းဖ့းစူး 4:1 Iomraidhean Croise

လံာ်တၢ်ကဲထီၣ်အခီၣ်ထံး 17:1

ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

လံာ်တၢ်ကဲထီၣ်အခီၣ်ထံး 5:24

အဝဲအိၣ်မူတ့ၢ်ဝဲလၢတၢ်ရ့လိာ်အသးဒီးကစၢ်ယွၤအပူၤ, ဝံၤဒီးတၢ်တထံၣ်အီၤလၢၤဘၣ်. အဂ့ၢ်ဒ်အံၤ, ယွၤစိာ်ထီၣ်ကွံာ်အီၤန့ၣ်လီၤ.

လံာ်ယံးရမံယၤ 38:20

ယစံးယဲ, “နတဘၣ်တၢ်ဟ့ၣ်လီၤကွံာ် နၤဆူအဝဲသ့ၣ်အစုပူၤဘၣ်. ယဃ့ကညးနၤလၢ နကစူၢ်ယွၤအတၢ်ကစီၣ်န့ၣ်လီၤ. အန့ၣ်ဒီး, တၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢ နဂီၢ်, ဒီးနသးသမူကပူၤဝဲလီၤ.

မၤတၢ် 9:31

သတးဒီး, တၢ်မၤအသးလၢတၢ်အိၣ်ဖှိၣ်အိၣ်လၢကီၢ်ယူဒၤ, ကီၢ်ကၤလံၤလါ, ဒီးကီၢ်ၡၤမရံတဖၣ်အပူၤန့ၣ်, အိၣ်ဘၣ်ဝဲလၢတၢ်ဃူတၢ်မုာ်အပူၤဒီးဘၣ်တၢ်ဒုးဒိၣ်ထီၣ်အီၤန့ၣ် လီၤ. ခီဖျိလၢသးစီဆှံဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်န့ၣ်, အဂံၢ်အဘါဆူၣ်ထီၣ်ဒီးတၢ်အိၣ်ဖှိၣ်ဖိအနီၣ်ဂံၢ်အါထီၣ်ဂီၢ်ထီၣ်, ဒီးအိၣ်မူဝဲလၢတၢ်ယူးယီၣ်ကစၢ်အပူၤန့ၣ်လီၤ.

ရိမ့ၤ 11:29

အဂ့ၢ်ဒ်လဲၣ်န့ၣ်, ကစၢ်ယွၤတလဲလိာ်အတၢ်ပာ်သူၣ်ပာ်သးဘၣ် ထွဲဒီးပှၤလၢအဃုထၢဝဲဒီးဆိၣ်ဂ့ၤဝဲန့ၣ်ဘၣ်.

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

1 ကရံၣ်သူး 4:16

လၢတၢ်န့ၣ်အဃိယဃ့ကညးသုလၢသုကကွၢ်လိယၤလီၤ.

၂ ကရံၣ်သူး 10:1

ယၤ, စီၤပီလူး, ယသကွံၢ်ကညးတၢ်ဆူသုအိၣ်လၢယနီၢ် ကစၢ်ဒၣ်ယဲ, ယၤ, လၢပှၤစံးလၢအဆီၣ်လီၤအသးဒီးမၤအသး ကပုာ်ကပုာ်ဖဲအအိၣ်ဒီးသုအဆၢကတီၢ်, ဘၣ်ဆၣ်မၤအသးဆူၣ်ဆူၣ်ကိၤကိၤဖဲအအိၣ်ယံၤဒီးသုအဆၢ ကတီၢ်န့ၣ်လီၤ. ခီဖျိခရံာ်အတၢ်သူၣ်ဂ့ၤသးဝါဒီးတၢ်အဲၣ်တၢ် ကွံန့ၣ်, ယဃ့ကညးသုဒ်သိး

၂ ကရံၣ်သူး 5:20

လၢတၢ်န့ၣ်အဃိ, ခဲကနံၣ်အံၤ, ပကတိၤတၢ်လၢခရံာ် အဂီၢ်, ဒ်ကစၢ်ယွၤအနီၢ်ကစၢ်ဒၣ်ဝဲသကွံၢ်ကညးတၢ်ခီဖျိပှၤ န့ၣ်လီၤ. ပဃ့ကညးပဝဲလၢခရံာ်အခၢၣ်စး, ပျဲကစၢ်ယွၤလဲလိာ်ကွံာ်သုလၢဒုၣ်ဒါတဖၣ်ဆူအဝဲအတံၤ သကိးတဖၣ်န့ၣ်တက့ၢ်.

၂ ကရံၣ်သူး 6:1

လၢတၢ်န့ၣ်အဃိ, လၢပတၢ်မၤသကိးဃုာ်တၢ်ဒီးကစၢ်ယွၤ အပူၤန့ၣ်, ပဃ့ကညးသုဝဲလၢအဒိးန့ၢ်လံကစၢ်ယွၤအဘျုး တဖၣ်လၢ မ်သုသုတပျဲအကဲထီၣ်တၢ်ကလီကလီန့ၣ်တဂ့ၤ.

ကလၤတံ 4:12

ယဒီပုၢ်ဝဲၢ်သ့ၣ်ဧၢ, ယဃ့ကညးသု, ကဲထီၣ်ဒ်ယၤအသိး တက့ၢ်. ယဒ်သိးဒၣ်သုစ့ၢ်ကီးလီၤ. သုတမၤကမၣ်ယၤနီ တမံၤဘၣ်.

အ့းဖ့းစူး 2:10

အဂ့ၢ်ဒ်အံၤ, ပမ့ၢ်ကစၢ်ယွၤအစုအတၢ်ဘၣ်တ့, တ့လီၤဝဲလၢပကမူလၢယ့ၣ်ၡူးခရံာ်အပူၤ, လၢတၢ်မၤဂ့ၤတၢ်အတၢ်အိၣ်မူလၢအဝဲကတီၤပာ်စၢၤဝဲလၢပဂီၢ် အပူၤန့ၣ်လီၤ.

အ့းဖ့းစူး 3:1

လၢတၢ်ဂ့ၢ်အံၤအဃိ, ယၤစီၤပီလူး, ပှၤဃိာ်ဖိတဂၤလၢယ့ၣ်ၡူးခရံာ်အဃိဒီးလၢသုဝဲပှၤကလုာ် အဂၤတဖၣ်အဂီၢ်အံၤ, ယဃ့ဘါထုကဖၣ်ယွၤကစၢ်လၢသုဂီၢ်လီၤ.

အ့းဖ့းစူး 4:17

မ့ၢ်လၢတၢ်အံၤအဃိ, လၢကစၢ်အမံၤအပူၤန့ၣ်, ယမၢန့ၢ်ဆီၣ်ခံသုလၢသုသုတအိၣ်မူလၢၤဒ်ပှၤတစူၢ်တနာ်ယွၤလၢ အတၢ်ဆိကမိၣ်ဆိကမးအဘျုးတအိၣ်ဘၣ်တဖၣ်အသိးန့ၣ်တဂ့ၤ.

အ့းဖ့းစူး 4:4

ပမ့ၢ်နီၢ်တဂၤဃီ, အိၣ်ဒီးယွၤအသးတမံၤဃီ, ဒ်ကစၢ်ယွၤကိးန့ၢ်ပှၤလၢတၢ်မုၢ်လၢ်တမံၤဃီအဂီၢ်အသိးန့ၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

ဖံလံးပံၤ 1:27

အခဲအံၤ, တၢ်လၢအကါဒိၣ်န့ၣ်မ့ၢ်ဝဲသုတၢ်အိၣ်မူအကျဲကြၢးမ့ၢ်ဝဲဒ် ခရံာ်အတၢ်သးခုကစီၣ်လိၣ်ဘၣ်ဝဲအသိး, ဒ်သိးယလဲၤထံၣ်လိာ် သုသ့မ့ၢ်ဂ့ၤ, တသ့မ့ၢ်ဂ့ၤ, ယကနၢ်ဟူဘၣ်ယဲလၢသုဆၢထၢၣ်ဂၢၢ်ကျၢၤအိၣ်ဒီးတၢ်တိာ်ပာ် တမံၤဃီဒီးလၢတၢ်အဲၣ်ဒိးတမံၤဃီအပူၤ, သုဒုးသကိးတၢ်လၢတၢ်စူၢ်တၢ်နာ်ဘၣ်ဃးဒီးတၢ်သးခုကစီၣ် အဂီၢ်န့ၣ်လီၤ.

ဖံလံးပံၤ 3:14

လၢတၢ်န့ၣ်အဃိယဃ့ၢ်ယဲလိၤလိၤဆူဖီတၢၣ်ဒ်သိးယကဒိး န့ၢ်ဘၣ်ခိၣ်ဖး, လၢအမ့ၢ်ဝဲကစၢ်ယွၤအတၢ်ကိးခီဖျိယ့ၣ်ၡူးခရံာ် ဆူတၢ်အိၣ်မူလၢထးန့ၣ်လီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

ကလီးစဲ 2:6

ဒ်သုတူၢ်လိာ်တ့ၢ်လံယ့ၣ်ၡူးခရံာ်ဒ်သုကစၢ်တဂၤအသိးန့ၣ်, အိၣ်မူသုဝဲလၢအဝဲဒၣ်အပူၤတက့ၢ်.

ကလီးစဲ 4:12

ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.

၁ သ့းစၤလနံ 2:12

ပဟ့ၣ်ဆူၣ်ဒီးမၤမုာ်ထီၣ်သုသး, ဒီးပသဆၣ်ထီၣ်သုခံတဘိ ယူၢ်ဃီ, ဒ်သိးသုကအိၣ်မူတၢ်အိၣ်မူလၢအဘၣ်ကစၢ်ယွၤအသး, ယွၤလၢအကိးဃီၤသုဒ်သိးသုကဒိးန့ၢ်ဃုာ်သကိးအဝဲအဘီ အမုၢ်ဒီးအလၤကပီၤဒၣ်ဝဲန့ၣ်လီၤ.

၂ သ့းစၤလနံ 1:11

လၢတၢ်န့ၣ်အဃိ, ထီဘိန့ၣ်ပဃ့ဘါထုကဖၣ်တၢ်လၢသုဂီၢ်ဒ်သိးပကစၢ် ယွၤကဒုးကြၢးဒုးဘၣ်သုဒီးတၢ်အိၣ်မူလၢအဝဲဒၣ်ကိးဃီၤ သုလၢသုကအိၣ်မူအီၤန့ၣ်လီၤ. ဒီးခီဖျိအစိအကမီၤန့ၣ်, မ်ကစၢ်ယွၤမၤစၢၤသုလၢသုကမၤတၢ်အဂ့ၤတမံၤလၢ်လၢ်လၢ သုသးအိၣ်မၤအီၤ, ဒီးမၤလၢမၤပှဲၤတၢ်ဖံးတၢ်မၤလၢ သုမၤတ့ၢ်လံအီၤခီဖျိတၢ်စူၢ်တၢ်နာ်န့ၣ်တက့ၢ်.

၂ တံၤမသ့း 1:9

အဝဲဒၣ်အုၣ်က့ၤခီၣ်က့ၤပှၤဒီးကိးထီၣ်ပှၤဒ်သိးပကမ့ၢ် အတၢ်ဒၣ်ဝဲ, တမ့ၢ်လၢတၢ်ဖံးတၢ်မၤလၢပမၤတ့ၢ်လံတဖၣ် အဃိဘၣ်. မ့မ့ၢ်, မ့ၢ်လၢအတၢ်တိာ်ဒီးအဘျုးအဖှိၣ်ဒၣ်ဝဲ အဃိန့ၣ်လီၤ. အဝဲဒၣ်ဟ့ၣ်လီၤပှၤတၢ်ဘျုးတၢ်ဖှိၣ်အံၤခီဖျိ ယ့ၣ်ၡူးခရံာ်, တချုးလၢဟီၣ်ခိၣ်ဘၣ်တၢ်တ့လီၤအီၤဒံးဒၣ် လဲာ်န့ၣ်လီၤ.

တံတူး 2:10

ဒီးတဘၣ်ဟုၣ်အတၢ်ဘၣ်. မ့မ့ၢ်တခီ, အဝဲသ့ၣ်ကဘၣ်ဒုးနဲၣ်ဝဲလၢမ့ၢ်ပှၤအဂ့ၤအဝါဒီး အကလုၢ်တီဒီးအကစၢ်ထီဘိဒ်သိးလၢအတၢ်မၤခဲလၢာ် အပူၤန့ၣ်, ပှၤကစံးထီၣ်ပတြၢၤတၢ်သိၣ်လိသီလိဘၣ်ထွဲဒီး ကစၢ်ယွၤ, ပတၢ်အုၣ်က့ၤခီၣ်က့ၤကစၢ်အဂီၢ်န့ၣ်လီၤ.

ဧ့ၤဘြံၤ 13:21

မ်တၢ်ဃူတၢ်ဖိးအကစၢ်ယွၤမၤလၢမၤပှဲၤသုလၢတၢ် အဂ့ၤခဲလၢာ်လၢသုလိၣ်ဘၣ်အီၤ, ဒ်သိးသုကမၤအတၢ်ဘၣ် အသး, ဒီးခီဖျိယ့ၣ်ၡူးခရံာ်န့ၣ်, မ်အဝဲမၤအတၢ်ဘၣ်အသး လၢပပူၤန့ၣ်တက့ၢ်. မ်ခရံာ်ဒိးဘၣ်တၢ်လၤကပီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ဧ့ၤဘြံၤ 3:1

ယဒီပုၢ်ဝဲၢ်ခရံာ်ဖိလၢအဘၣ်တၢ်ကိးန့ၢ်စ့ၢ်ကီးအီၤလၢကစၢ်ယွၤ သ့ၣ်ဧၢ, ကွၢ်ထံဆိကမိၣ်ယ့ၣ်ၡူးလၢကစၢ်ယွၤမၢလီၤအီၤလၢ အကမ့ၢ်ပတၢ်စူၢ်တၢ်နာ်အပှၤလုၢ်တၢ်အခိၣ်အဒိၣ်ကတၢၢ် တဂၤန့ၣ်တက့ၢ်.

၁ ပ့းတရူး 2:11

ယတံၤသကိးသ့ၣ်ဧၢ, ယဃ့ကညးသုဒ်ပှၤသမှံၤဒီးပှၤလီၤပြံလီၤပြါတဖၣ်လၢဟီၣ်ခိၣ် အံၤအပူၤအသိးန့ၣ်လီၤ. တဘၣ်ပျဲနီၢ်ခိဖံးညၣ်အတၢ်သးကွံတဖၣ်လၢအဒုးလိာ်ယၤလိာ် အသးဒီးသုသးသမူန့ၣ်, မၤနၢၤသုတဂ့ၤ.

၁ ပ့းတရူး 3:9

ဟ့ၣ်ကၣ်တၢ်အၢလၢတၢ်အၢ, မ့တမ့ၢ်တၢ်ဆိၣ်အၢလၢတၢ်ဆိၣ် အၢတဂ့ၤ. မ့မ့ၢ်, ဟ့ၣ်ဆၢက့ၤလၢတၢ်ဆိၣ်ဂ့ၤန့ၣ်တက့ၢ်. အဂ့ၢ်ဒ်လဲၣ်န့ၣ်, တၢ်ဆိၣ်ဂ့ၤမ့ၢ်တၢ်လၢကစၢ်ယွၤအၢၣ်လီၤတ့ၢ်လၢကဟ့ၣ်သုဖဲ အဝဲကိးန့ၢ်သုအခါန့ၣ်လီၤ.

၁ ပ့းတရူး 5:10

ဒီးဖဲသုဒိးတၢ်နးတၢ်ဖှီၣ်တစိၢ်တလီၢ်ဝံၤဒီး, တၢ်ဘျုးတၢ်ဖှိၣ်ခဲလၢာ်အကစၢ်ယွၤလၢအကိးန့ၢ်သုလၢသုကဒိး န့ၢ်ဃုာ်အလၤကပီၤအထူအယိာ်လၢယ့ၣ်ၡူးခရံာ်အပူၤတဂၤန့ၣ်, အကစၢ်ဒၣ်ဝဲကမၤလၢပှဲၤသုဒီးဟ့ၣ်သုတၢ်ဂၢၢ်တၢ်ကျၢၤ, တၢ်ဂံၢ်တၢ်ဘါ, ဒီးတၢ်အခီၣ်ထံးလၢအဂၢၢ်အကျၢၤန့ၣ်လီၤ.

၂ ပ့းတရူး 1:3

ကစၢ်ယွၤအတၢ်စိကမီၤဟ့ၣ်လီၤပှၤတၢ်ခဲလၢာ်လၢပလိၣ် ဘၣ်အီၤ, ဒ်သိးပကအိၣ်မူတၢ်အဲၣ်ထူအဲၣ်ယွၤအတၢ်အိၣ် မူနီၢ်နီၢ်ခီဖျိပတၢ်သ့ၣ်ညါပှၤလၢအကိးန့ၢ်ပှၤ, ဒ်သိးကဒိးန့ၢ်ဃုာ်အလၤကပီၤဒီးအတၢ်ဂ့ၤတၢ်ဝါတဂၤ န့ၣ်လီၤ.

၂ ယိၤဟၣ် 1:5

ဒီးခဲကနံၣ်အံၤယဃ့ကညးနၤ, တူၢ်ဒိၣ်မုၣ်သးဘိဧၢ, မ်ပဝဲခဲလၢာ်ပအဲၣ်လိာ်ကွံလိာ်ပသးတဂၤဒီးတဂၤတက့ၢ်. ယကွဲးန့ၢ်သုတၢ်အံၤတမ့ၢ်တၢ်မၤလိာ်အသီဘၣ်. မ့ၢ်တၢ်မၤလိာ်လၢပဒိးန့ၢ်ဘၣ်တ့ၢ်လၢတၢ်အခီၣ်ထံး လံၤလံၤန့ၣ်လီၤ.