အ့းဖ့းစူး 3:2 - Sgaw Karen Common Bible

² ယနာ်လၢသုနၢ်ဟူတ့ၢ်လံလၢကစၢ်ယွၤ, လၢအတၢ်ဘျုးတၢ်ဖှိၣ် အပူၤဟ့ၣ်လီၤတ့ၢ်ယၤလၢတၢ်မၤအံၤလၢယကမၤတၢ်လၢ သုတၢ်ဂ့ၤအဂီၢ်န့ၣ်လီၤ.

အ့းဖ့းစူး 3:2 Iomraidhean Croise

မၤတၢ် 13:2

ဖဲအဝဲသ့ၣ်ဘူၣ်ထီၣ်ဘါထီၣ်တၢ်ဒီးဒုၣ်တၢ်အီၣ်တၢ်အီအဆၢ ကတီၢ်န့ၣ်, သးစီဆှံစံးဘၣ်အီၤ, “ပာ်လီၤဆီန့ၢ်ယၤစီၤဘၢ်နါဘၤဒီး စီၤစီလူး, ဒ်သိးအကမၤတၢ်မၤလၢယကိးန့ၢ်အီၤလၢအကမၤဝဲ အဂီၢ်န့ၣ်တက့ၢ်.”

မၤတၢ် 13:46

ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.

မၤတၢ် 22:21

ကစၢ်စံးဘၣ်ယၤ, ‘လဲၤတက့ၢ်. အဂ့ၢ်ဒ်အံၤ, ယကဆှၢလီၤနၤဆူတၢ်လီၢ်အယံၤဆူပှၤကလုာ်ဂၤတဖၣ် အအိၣ်န့ၣ်လီၤ.’ ”

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

ရိမ့ၤ 1:5

ခီဖျိအီၤန့ၣ်, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်ဒီးတၢ် ခွဲးတၢ်ယာ်လၢယကကဲထီၣ်ဘၣ်တၢ်မၢဖိတဂၤလၢခရံာ် အဂီၢ်, ဒ်သိးယကဆှၢက့ၤပှၤကလုာ်တဖၣ်ခဲလၢာ်ဆူ တၢ်စူၢ်က့ၤနာ်က့ၤအီၤအဂီၢ်န့ၣ်လီၤ.

ရိမ့ၤ 11:13

အခဲအံၤယကတိၤတၢ်ဒီးသုဝဲလၢ အမ့ၢ်ပှၤကလုာ်ဂၤတဖၣ်န့ၣ် လီၤ. ဒ်ယမ့ၢ်ဒံးပှၤတၢ်မၢဖိလၢပှၤကလုာ်ဂၤတဖၣ်အဂီၢ်အသိး, ယပာ်ကဖၢလၢယသးလၢယတၢ်မၤအပူၤလီၤ.

ရိမ့ၤ 12:3

ဒီးမ့ၢ်ယွၤအတၢ်ဟ့ၣ်ဘျုးဟ့ၣ်ဖှိၣ်ယၤအဃိ, ယစံးဘၣ် တဲဘၣ်သုခဲလၢာ်လီၤ. တဘၣ်ဆိကမိၣ်လီၤသုသးဒိၣ်န့ၢ်ဒံး သုကြၢးဆိကမိၣ်န့ၣ်တဂ့ၤ. မ့မ့ၢ်တခီ, ဆိကမိၣ်လီၤသုသးဖဲ အဘၣ်အဘၣ်, ဒီးသုဝဲတဂၤဒီးတဂၤစံၣ်ညီၣ်လီၤသုသးဒ် တၢ်စူၢ်တၢ်နာ်လၢကစၢ်ယွၤဟ့ၣ်လီၤသုအသိးန့ၣ်တက့ၢ်.

1 ကရံၣ်သူး 4:1

သုကြၢးထံၣ်ပှၤဒ်ပမ့ၢ်ခရံာ်အခ့အပှၤတဖၣ်လၢအဘၣ်တၢ်ဟ့ၣ် မူဟ့ၣ်ဒါအီၤဒ်သိးအကပၢၤဃာ်တၢ်ခူသူၣ်ဘၣ်ဃးဒီးကစၢ်ယွၤ အတၢ်မ့ၢ်တၢ်တီတဖၣ်န့ၣ်လီၤ.

ကလၤတံ 1:13

သုနၢ်ဟူဘၣ်တ့ၢ်လံလၢဖဲယဟ့ၣ်လီၤယသးဆူယူဒၤအတၢ် ဘူၣ်တၢ်ဘါအဂီၢ်အဆၢကတီၢ်န့ၣ်ယအိၣ်မူယဲဒ်လဲၣ်, လၢတၢ်တအိၣ်ဒီးတၢ်သးကညီၤအပူၤယမၤအၢမၤနးကစၢ်ယွၤ အတၢ်အိၣ်ဖှိၣ်ဒ်လဲၣ်, ဒီးယဂုာ်ကျဲးစၢးလၢာ်သးလၢယကမၤဟးဂီၤကွံာ်တၢ်အိၣ်ဖှိၣ်ဒ် လဲၣ်အဂ့ၢ်န့ၣ်လီၤ.

အ့းဖ့းစူး 1:10

တၢ်ရဲၣ်တၢ်ကျဲၤလၢယွၤကမၤလၢထီၣ်ပှဲၤထီၣ်ဝဲဖဲတၢ်ဆၢ ကတီၢ်ဘၣ်ဝဲန့ၣ်, မ့ၢ်အကထုးဖှိၣ်က့ၤတၢ်ဘၣ်တ့ခဲလၢာ်, ကယဲၢ်တၢ်အိၣ်လၢမူခိၣ်ဒီးလၢဟီၣ်ခိၣ်တပူၤဃီ, ဒီးခရံာ်မ့ၢ်တၢ်အခိၣ်န့ၣ်လီၤ.

အ့းဖ့းစူး 3:7

ယဘၣ်တၢ်ဒုးကဲထီၣ်ယၤလၢတၢ်သးခုကစီၣ်အံၤအခ့အပှၤ ခီဖျိယွၤအတၢ်ဟ့ၣ်လီၤဆီလၢအဟဲခီဖျိယွၤအစိအကမီၤလၢ အမၤတၢ်လၢယပူၤန့ၣ်လီၤ.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

အ့းဖ့းစူး 3:9

ဒီးလၢယကဒုးထံၣ်ပှၤခဲလၢာ်လၢကစၢ်ယွၤအတၢ်ရဲၣ်တၢ်ကျဲၤ ဘၣ်ဃးတၢ်လၢအအိၣ်ခူသူၣ်တ့ၢ်လၢနံၣ်လၢအပူၤကွံာ်တဖၣ် စးထီၣ်လၢတၢ်ဘၣ်တ့အခီၣ်ထံးလံၤလံၤ,

အ့းဖ့းစူး 4:21

သုနၢ်ဟူတ့ၢ်လံဒီးဒ်အပျဲၢ်အဘီၣ်တဖၣ်အသိးသုဘၣ် တၢ်သိၣ်လိသီလိတ့ၢ်သုလၢတၢ်မ့ၢ်တၢ်တီလၢအအိၣ်လၢ ယ့ၣ်ၡူးခရံာ်အပူၤန့ၣ်လီၤ.

အ့းဖ့းစူး 4:7

ဘၣ်ဆၣ်ဒီး, ပဝဲတဂၤစုာ်စုာ်ပဘၣ်တၢ်ဟ့ၣ်လီၤပှၤလၢတၢ်ဘျုး တၢ်ဖှိၣ်လီၤဆီဒ်ခရံာ်ဃီၣ်ဟ့ၣ်တၢ်အသိးန့ၣ်လီၤ.

ကလီးစဲ 1:4

အဂ့ၢ်ဒ်အံၤ, ပနၢ်ဟူဘၣ်တ့ၢ်လံဘၣ်ဃးဒီးသုတၢ်စူၢ်တၢ်နာ်လၢ ယ့ၣ်ၡူးခရံာ်အပူၤဒီးသုတၢ်အဲၣ်ဘၣ်ပှၤစီဆှံခဲလၢာ်,

ကလီးစဲ 1:6

တၢ်သးခုအကစီၣ်အံၤဟဲစိာ်ဃုာ်ဒီးတၢ်ဆိၣ်ဂ့ၤ, ရၤလီၤအသးသကုၤဟီၣ်ခိၣ်ဒီဘ့ၣ်ညါ, ဒ်အမၤတ့ၢ်လံ အသးလၢသုကျါစးထီၣ်မုၢ်တနံၤဖဲသုနၢ်ဟူတၢ်ဘၣ်ဃး ယွၤအဘျုးအဖှိၣ်အဆိကတၢၢ်တဘျီ, ဒီးသ့ၣ်ညါထံအီၤဒ် အမ့ၢ်တၢ်နီၢ်နီၢ်အသိး,

၁ တံၤမသ့း 1:11

တၢ်သိၣ်လိသီလိအံၤဘၣ်တၢ်ထံၣ်န့ၢ်အီၤလၢတၢ်သးခု ကစီၣ်အပူၤ, လၢတၢ်ဟ့ၣ်လီၤအီၤလၢယစုပူၤဒ်သိးယကတဲ ဖျါထီၣ်အီၤအဂီၢ်, ဒီးမ့ၢ်တၢ်သးခုကစီၣ်လၢအဟဲလၢကစၢ်ယွၤလၢအအိၣ်ဒီး အလၤကပီၤဒီးဘၣ်တၢ်စံးထီၣ်ပတြၢၤအီၤတဂၤအအိၣ် န့ၣ်လီၤ.

၁ တံၤမသ့း 1:4

စံးဘၣ်တဲဘၣ်အဝဲသ့ၣ်လၢအသုတမၤလၢာ်အဆၢကတီၢ် လၢတၢ်စံၣ်ဃဲၤတဲဃဲၤလၢပျၢၤတဖၣ်ဒီးတၢ်ယၢၤထီၣ်ဖးထီ တၢ်ဟဲလီၤစၢၤတဖၣ်န့ၣ်တဂ့ၤ. တၢ်သ့ၣ်တဖၣ်အံၤဒုးအိၣ်ထီၣ်ဒၣ်တၢ်ဂ့ၢ်လိာ်ဘှီလိာ်တဖၣ်ဒီး တမၤထီၣ်မၤထီကစၢ်ယွၤအတၢ်ကူၣ်ထီၣ်ဖးလီၤလၢ တၢ်သ့ၣ်ညါအီၤသ့ဒၣ်ထဲလၢတၢ်စူၢ်တၢ်နာ်န့ၣ်ဘၣ်.

၁ တံၤမသ့း 2:7

ဒီးလၢတၢ်အံၤအဂီၢ်, ယဘၣ်တၢ်မၢလီၤယၤဒ်တၢ်မၢဖိတဂၤ အသိး, ဒီးသရၣ်လၢအကသိၣ်လိပှၤကလုာ်ဂၤတဖၣ်ဒီးဒ်သိး ယကတဲဖျါထီၣ်တၢ်စူၢ်တၢ်နာ်ဒီးတၢ်မ့ၢ်တၢ်တီအကစီၣ် အဂီၢ်န့ၣ်လီၤ. ယတကတိၤတၢ်ကဘျံးကဘျၣ်ဘၣ်. ယကတိၤတၢ်မ့ၢ်တၢ်တီလီၤ.

၂ တံၤမသ့း 1:11

ကစၢ်ယွၤဃုထၢထီၣ်တ့ၢ်လံယၤဒ်ပှၤတၢ်မၢဖိဒီးသရၣ်သိၣ် လိတၢ်လၢယကစံၣ်တဲၤတဲလီၤတၢ်သးခုကစီၣ်အဂီၢ်,