အ့းဖ့းစူး 3:19 - Sgaw Karen Common Bible

¹⁹ မ်သုကသ့ၣ်ညါဘၣ်ယွၤအတၢ်အဲၣ်, လၢပှၤသ့ၣ်ညါအီၤလၢလၢပှဲၤပှဲၤတသ့နီတစုဘၣ်, ဒ်သိးသုကလၢထီၣ်ပှဲၤထီၣ်ဒီးကစၢ်ယွၤအတၢ်လၢ တၢ်ပှဲၤခဲလၢာ်အဂီၢ်န့ၣ်တက့ၢ်.

အ့းဖ့းစူး 3:19 Iomraidhean Croise

စံးထီၣ်ပတြၢၤ 17:15

မ့မ့ၢ်ယဲဒၣ်အံၤယကထံၣ်ဘၣ်နၤ, မ့ၢ်လၢယတမၤကမၣ်တ့ၢ်တၢ်အဃိ, ဒီးဖဲယပၢၢ်ထီၣ်န့ၣ်ယကပှဲၤဒီးတၢ်သးခု မ့ၢ်လၢနအိၣ်ဒီးယၤအဃိလီၤ.

စံးထီၣ်ပတြၢၤ 43:4

အန့ၣ်ဒီးကစၢ်ယွၤဧၢ, ယကလဲၤဆူနတၢ်လုၢ်လီၢ်, ဆူယွၤလၢအမ့ၢ်ယတၢ်သးခုအဂံၢ်ထံး အအိၣ်န့ၣ်လီၤ. ကစၢ်ယွၤ, ယကစၢ်ယွၤဧၢ, ယကဒ့တနၢ်ဒီးသးဝံၣ်စံးထီၣ်ပတြၢၤနၤလီၤ.

လံာ်မးသဲ 5:6

ပှၤလၢအတၢ်ဆၢမိၣ်န့ၢ်သးလီတၢ်အဒိၣ်ကတၢၢ် မ့ၢ်တၢ်တီတၢ်လိၤန့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကစၢ်ယွၤကမၤလၢပှဲၤအတၢ်မိၣ်န့ၢ် သးလီအံၤလၢလၢပှဲၤပှဲၤလီၤ.

လံာ်ယိၤဟၣ် 1:16

လၢအဝဲဒၣ်အတၢ်ဘျုးတၢ်ဖှိၣ်အတၢ်လၢတၢ်ပှဲၤအပူၤန့ၣ်, ပဝဲခဲလၢာ်ပဒိးန့ၢ်တၢ်ဘျုးတၢ်ဖှိၣ်တမံၤဝံၤတမံၤန့ၣ်လီၤ.

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

ရိမ့ၤ 8:35

မ့ၢ်မတၤမၤလီၤဖးပှၤဒီးခရံာ်အတၢ်အဲၣ်တၢ်ကွံကသ့ တဂၤန့ၣ်လဲၣ်. မ့ၢ်တၢ်ကီတၢ်ခဲမၤကသ့ဧါ, မ့တမ့ၢ်တၢ်ကိၢ် တၢ်ဂီၤ, တၢ်မၤအၢမၤနးပှၤ, တၢ်သၣ်ဝံၤလီၤဒိ, တၢ်အိၣ်ဘ့ၣ်ဆ့, တၢ်လီၤပျံၤလီၤဖုး, တၢ်သံ, မၤကသ့ဧါ.

ရိမ့ၤ 8:39

တၢ်လၢထးမ့ၢ်ဂ့ၤ, တၢ်လၢလာ်မ့ၢ်ဂ့ၤ, တၢ်ဘၣ်တ့အဂုၤ အဂၤခဲလၢာ်မ့ၢ်ဂ့ၤ, မၤလီၤဖးပှၤဒီးကစၢ်ယွၤအတၢ်အဲၣ် တၢ်ကွံလၢအအိၣ်လၢပကစၢ်ယ့ၣ်ၡူးခရံာ်အပူၤန့ၣ်တသ့ဘၣ်လီၤ.

၂ ကရံၣ်သူး 5:14

ပဘၣ်တၢ်ပၢၤဃာ်ပှၤလၢခရံာ်အတၢ်အဲၣ်န့ၣ်လီၤ. အဂ့ၢ်မ့ၢ်လၢ, ခဲကနံၣ်အံၤ, ပပာ်သူၣ်ပာ်သးလၢပှၤတဂၤသံလၢပှၤခဲလၢာ် အဂီၢ်, အခီပညီမ့ၢ်ဝဲ, ပှၤကိးဂၤဒဲးသံဃုာ်ဒီးအီၤန့ၣ်လီၤ.

ကလၤတံ 2:20

လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.

အ့းဖ့းစူး 1:23

လၢအပၢဘၣ်တၢ်ခဲလၢာ်အသိးန့ၣ်, ယွၤဟ့ၣ်လီၤအီၤလၢတၢ်အိၣ်ဖှိၣ်အဂီၢ်န့ၣ်လီၤ. တၢ်အိၣ်ဖှိၣ်မ့ၢ်ခရံာ်အနီၢ်ခိလၢအမၤလၢထီၣ်ပှဲၤထီၣ်ခရံာ်, လၢအမၤလၢထီၣ်ပှဲၤထီၣ်တၢ်ခဲလၢာ်လၢတၢ်လီၢ် ကိးပူၤဒဲးန့ၣ်လီၤ.

အ့းဖ့းစူး 3:18

ဒ်သိးသုကအိၣ်ဒီးတၢ်စိတၢ်ကမီၤလၢသုကနၢ်ပၢၢ်သကိးဒီး ပှၤစီဆှံတဖၣ်, ခရံာ်အတၢ်အဲၣ်တၢ်ကွံန့ၣ်လဲၢ်ထဲလဲၣ်ဒီးထီ ထဲလဲၣ်, ထီၣ်ထီထဲလဲၣ်, ယိာ်ထဲလဲၣ်အဂီၢ်န့ၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

အ့းဖ့းစူး 5:25

ဝၤသ့ၣ်ဧၢ, အဲၣ်သုမါဒ်ခရံာ်အဲၣ်တၢ်အိၣ်ဖှိၣ်ဒီးဟ့ၣ်လီၤကွံာ် အသးသမူလၢအဂီၢ်အသိးန့ၣ်တက့ၢ်.

ဖံလံးပံၤ 1:7

သုအိၣ်လၢယသးပူၤထီဘိလီၤ. လၢတၢ်န့ၣ်အဃိ, ယပာ်ယသးလၢသုဖီခိၣ်ဒ်အံၤန့ၣ်မ့ၢ်တၢ်လၢအဘၣ်လီၤ. အဂ့ၢ်ဒ်အံၤ, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤယၤန့ၣ် သုဒိးန့ၢ်ဃုာ်အီၤဒီးယၤ, ဖဲယအိၣ်လၢဃိာ်ပူၤအဆၢကတီၢ် ခဲအံၤမ့ၢ်ဂ့ၤ, ဒီးဖဲယအိၣ်ဒီးတၢ်သဘျ့လၢယကကတိၤဒီဒၣ်ဒီး မၤဂၢၢ်မၤကျၢၤတၢ်သးခုကစီၣ်အခါမ့ၢ်ဂ့ၤန့ၣ်လီၤ.

ဖံလံးပံၤ 4:7

ဒီးကစၢ်ယွၤအတၢ်ဃူတၢ်ဖိး, လၢပှၤဟီၣ်ခိၣ်ဖိနၢ်ပၢၢ်လၢအဂ့ၢ်တသ့ဘၣ်အံၤန့ၣ်, ကပၢၤဃာ်သုသူၣ်သုသးဒီးသုတၢ်ဆိကမိၣ်တဖၣ်လၢယ့ၣ်ၡူးခရံာ် အပူၤန့ၣ်လီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

၁ ပ့းတရူး 1:8

သုတထံၣ်ဘၣ်ဒံးအီၤသနာ်က့သုအဲၣ်အီၤ, ဒီးသုတထံၣ်အီၤခဲအံၤသနာ်က့သုနာ်အီၤ န့ၣ်လီၤ. လၢတၢ်န့ၣ်အဃိ, သုသူၣ်ခုသးခုလၢတၢ်သးခုဖးဒိၣ်ဒီးတၢ်သးခုလၢ အပှဲၤဒီးတၢ်လၤကပီၤလၢပစံးကတိၤလၢအဂ့ၢ်တသ့ဘၣ်.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.