အ့းဖ့းစူး 3:18 - Sgaw Karen Common Bible

¹⁸ ဒ်သိးသုကအိၣ်ဒီးတၢ်စိတၢ်ကမီၤလၢသုကနၢ်ပၢၢ်သကိးဒီး ပှၤစီဆှံတဖၣ်, ခရံာ်အတၢ်အဲၣ်တၢ်ကွံန့ၣ်လဲၢ်ထဲလဲၣ်ဒီးထီ ထဲလဲၣ်, ထီၣ်ထီထဲလဲၣ်, ယိာ်ထဲလဲၣ်အဂီၢ်န့ၣ်လီၤ.

အ့းဖ့းစူး 3:18 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:41

ယွၤ, ကစၢ်ယွၤဧၢ, ဂဲၤထၢၣ်ခဲကနံၣ်အံၤ, ဒီးလဲၤနုာ်ဆူယွၤအတၢ် လုၢ်ဟံၣ်ပူၤဃုာ်ဒီးတၢ်အၢၣ်လီၤအီလီၤအတလါစီဆှံ, တၢ်အဒိဘၣ်ထွဲဒီးနတၢ်စိတၢ်ကမီၤဒီးအိၣ်နဲဆိးနဲဖဲအံၤ လီၤစိၤလီၤထီတက့ၢ်. ဆိၣ်ဂ့ၤနပှၤလုၢ်တၢ်အခိၣ်တဖၣ်လၢကယဲၢ်တၢ်ခဲလၢာ်လၢအမၤဝဲအပူၤ ဒီးမ်နပှၤဂီၢ်မုၢ်ခဲလၢာ်သူၣ်ဖှံသးညီ, မ့ၢ်လၢနတၢ်မၤဂ့ၤဘၣ်အဝဲသ့ၣ်အဃိန့ၣ်တက့ၢ်.

စံးထီၣ်ပတြၢၤ 103:17

မ့မ့ၢ်ယွၤအတၢ်အဲၣ်ဂၢၢ်ကျၢၤအိၣ်ဝဲလၢ ပှၤလၢအပျံၤအီၤတဖၣ်အလိၤလီၤစိၤလီၤထီ ဒီးအတၢ်ဂ့ၤတၢ်ဝါန့ၣ်အိၣ်ဂၢၢ်ဆိးကျၢၤကိးစိၤဒဲး,

စံးထီၣ်ပတြၢၤ 116:15

အပှၤစီဆှံတဖၣ်အတၢ်သံန့ၣ် မ့ၢ်တၢ်လုၢ်ဒိၣ်ပှ့ၤဒိၣ်လၢယွၤအမဲာ်ညါလီၤ.

စံးထီၣ်ပတြၢၤ 132:9

မ်နပှၤလုၢ်တၢ်အခိၣ်တဖၣ် မၤတၢ်အဘၣ်ထီဘိတထံၣ်ဃီတက့ၢ်. မ်နပှၤဂီၢ်မုၢ်ကိးထီၣ်လၢ တၢ်သးခုအပူၤတက့ၢ်.

စံးထီၣ်ပတြၢၤ 139:6

နတၢ်သ့ၣ်ညါဒ်အံၤလီၤလးကဲၣ်ဆိးလၢယဂီၢ်, အိၣ်ထီၣ်ထီဝဲ, ယနၢ်ပၢၢ်ယဲတသ့ဘၣ်.

စံးထီၣ်ပတြၢၤ 145:10

ယွၤဧၢ, နတၢ်မၤခဲလၢာ်ကစံးထီၣ်ပတြၢၤနၤ, ဒီးနပှၤစီဆှံခဲလၢာ်ကစံးထီၣ်ပတြၢၤနၤလီၤ.

လံာ်ယၡါယၤ 55:9

အဂ့ၢ်ဒ်အံၤ, ဒ်မူခိၣ်မူကပိာ်လိၤထီန့ၢ်ဟီၣ်ခိၣ်အသိး, ယကျဲဒီးယတၢ်ဆိကမိၣ်တဖၣ်ထီန့ၢ်သုကျဲဒီး သုတၢ်ဆိကမိၣ်တဖၣ်စၢၢ်တလၢၢ်လီၤ.

လံာ်စကၤရယၤ 14:5

သုကပူၤဖျဲးထီၣ်ခီဖျိတၢ်တြီၤဖးဒိၣ်အံၤလၢအနီၤဖးကစၢၢ်ခံခီန့ၣ်လီၤ. သုကဃ့ၢ်ထီၣ်ကွံာ်ဒ်သုမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲအသိး ဖဲဟီၣ်ခိၣ်ဟူးဝးမၤအသးလၢကီၢ်ယူဒၤအစီၤပၤဧူးစံယါအမုၢ်နံၤန့ၣ်လီၤ. ယွၤ, ကစၢ်ယွၤကဟဲဝဲ, ဒီးကဟဲကိးဃုာ်အကလူးတဖၣ်ခဲလၢာ်ဃုာ် ဒီးအီၤန့ၣ်လီၤ.

လံာ်ယိၤဟၣ် 15:13

တၢ်အဲၣ်တၢ်ကွံအဒိၣ်ကတၢၢ်လၢပှၤတဂၤဟ့ၣ်အတံၤသကိး တဖၣ်သ့န့ၣ်, မ့ၢ်တၢ်တူၢ်သံအသးလၢအဝဲသ့ၣ်အဂီၢ်န့ၣ်လီၤ.

ရိမ့ၤ 10:3

အဝဲသ့ၣ်တသ့ၣ်ညါကစၢ်ယွၤအတၢ်ပာ်တီပာ်လိၤပှၤ အကျဲဘၣ်ဒီးကျဲးစၢးဒုးအိၣ်ထီၣ်အကျဲဒၣ်ဝဲ, သတးဒီးအဝဲသ့ၣ်တဟ့ၣ်လီၤအသးဆူကစၢ်ယွၤအကျဲလၢ အပာ်တီပာ်လိၤတၢ်အပူၤန့ၣ်ဘၣ်.

၂ ကရံၣ်သူး 13:13

ယွၤအပှၤဂီၢ်မုၢ်ခဲလၢာ်ဆှၢန့ၢ်သုအတၢ်ဆၢဂ့ၤဆၢဝါ တဖၣ်လီၤ. ကစၢ်ယ့ၣ်ၡူးခရံာ်အဘျုးအဖှိၣ်, ကစၢ်ယွၤအတၢ်အဲၣ်တၢ်ကွံဒီးသးမုၢ်စီဆှံအတၢ်ရ့လိာ် မုာ်လိာ်န့ၣ်, မ်အအိၣ်ဒီးသုဝဲကိးဂၤဒဲးတက့ၢ်.

ကလၤတံ 2:20

လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.

ကလၤတံ 3:13

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).

အ့းဖ့းစူး 1:10

တၢ်ရဲၣ်တၢ်ကျဲၤလၢယွၤကမၤလၢထီၣ်ပှဲၤထီၣ်ဝဲဖဲတၢ်ဆၢ ကတီၢ်ဘၣ်ဝဲန့ၣ်, မ့ၢ်အကထုးဖှိၣ်က့ၤတၢ်ဘၣ်တ့ခဲလၢာ်, ကယဲၢ်တၢ်အိၣ်လၢမူခိၣ်ဒီးလၢဟီၣ်ခိၣ်တပူၤဃီ, ဒီးခရံာ်မ့ၢ်တၢ်အခိၣ်န့ၣ်လီၤ.

အ့းဖ့းစူး 1:15

လၢတၢ်ဂ့ၢ်အံၤအဃိ, စးထီၣ်လၢယနၢ်ဟူဘၣ်သုတၢ်စူၢ်တၢ်နာ်က့ၤကစၢ်ယ့ၣ်ၡူး အဂ့ၢ်ဒီးလၢသုတၢ်အဲၣ်ဘၣ်ကစၢ်ယွၤအပှၤဂီၢ်မုၢ်ခဲလၢာ် အဂ့ၢ်လံၤလံၤန့ၣ်,

အ့းဖ့းစူး 3:19

မ်သုကသ့ၣ်ညါဘၣ်ယွၤအတၢ်အဲၣ်, လၢပှၤသ့ၣ်ညါအီၤလၢလၢပှဲၤပှဲၤတသ့နီတစုဘၣ်, ဒ်သိးသုကလၢထီၣ်ပှဲၤထီၣ်ဒီးကစၢ်ယွၤအတၢ်လၢ တၢ်ပှဲၤခဲလၢာ်အဂီၢ်န့ၣ်တက့ၢ်.

ကလီးစဲ 1:4

အဂ့ၢ်ဒ်အံၤ, ပနၢ်ဟူဘၣ်တ့ၢ်လံဘၣ်ဃးဒီးသုတၢ်စူၢ်တၢ်နာ်လၢ ယ့ၣ်ၡူးခရံာ်အပူၤဒီးသုတၢ်အဲၣ်ဘၣ်ပှၤစီဆှံခဲလၢာ်,

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.