အ့းဖ့းစူး 3:15 - Sgaw Karen Common Bible

¹⁵ ပၢ်လၢဒူၣ်ထၢကိးဒူၣ်ဒဲးလၢမူခိၣ်ဒီးဟီၣ်ခိၣ်တဖၣ်ဒိးန့ၢ် ဘၣ်အမံၤအမ့ၢ်အတီတဂၤန့ၣ်လီၤ.

အ့းဖ့းစူး 3:15 Iomraidhean Croise

လံာ်ယၡါယၤ 65:15

ပှၤဂီၢ်မုၢ်လၢယဃုထၢအီၤကသူသုမံၤဒ်တၢ်ဘၣ်ဆိၣ်အၢတမံၤ အသိးလီၤ. ယၤ, ယွၤပၢဘၣ်တၢ်ခဲလၢာ်ကစၢ်ကမၤသံသုလီၤ. ဘၣ်ဆၣ်ဒီးယကဟ့ၣ်မံၤအသီတဖျၢၣ်လၢပှၤလၢအစူၢ်ယၤ တဖၣ်အဂီၢ်န့ၣ်လီၤ.

လံာ်ယံးရမံယၤ 33:16

ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ကဘၣ်တၢ်မၤထူၣ်ဖျဲးအီၤ ဒီးကအိၣ်ဝဲဆိးဝဲလၢ တၢ်ဘံၣ်တၢ်ဘၢအပူၤန့ၣ်လီၤ. ဝ့ၢ်န့ၣ် ကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ န့ၣ်လီၤ.

မၤတၢ် 11:26

တုၤအထံၣ်န့ၢ်အီၤဒီးဟဲက့ၤကိးအီၤဆူဝ့ၢ်အၣ်တံၤအီာ်န့ၣ်လီၤ. လၢဒီနံၣ်ညါအတီၢ်ပူၤန့ၣ်, အဝဲသ့ၣ်ခံဂၤအံၤထံၣ်လိာ်အိၣ်သကိးဒီးတၢ်အိၣ်ဖှိၣ်ဖဲန့ၣ် ဒီးသိၣ်က့ၤသီက့ၤပှၤဂီၢ်မုၢ်လီၤ. အပျဲၢ်အဘီၣ်တဖၣ်ဘၣ်တၢ်ကိး အီၤလၢပှၤခရံာ်ဖိအဆိကတၢၢ်မ့ၢ်ဝဲဒၣ်ဖဲဝ့ၢ်အၣ်တံၤအီာ်အံၤန့ၣ်လီၤ.

အ့းဖ့းစူး 1:10

တၢ်ရဲၣ်တၢ်ကျဲၤလၢယွၤကမၤလၢထီၣ်ပှဲၤထီၣ်ဝဲဖဲတၢ်ဆၢ ကတီၢ်ဘၣ်ဝဲန့ၣ်, မ့ၢ်အကထုးဖှိၣ်က့ၤတၢ်ဘၣ်တ့ခဲလၢာ်, ကယဲၢ်တၢ်အိၣ်လၢမူခိၣ်ဒီးလၢဟီၣ်ခိၣ်တပူၤဃီ, ဒီးခရံာ်မ့ၢ်တၢ်အခိၣ်န့ၣ်လီၤ.

အ့းဖ့းစူး 1:21

ဖဲန့ၣ် ခရံာ်ပၢတၢ်, လၢပှၤလၢအပၢတၢ်လၢမူခိၣ်, ပဒိၣ်ပပှၢ်, တၢ်စိတၢ်ကမီၤ, ဒီးကစၢ်တဖၣ်ခဲလၢာ်အဖီခိၣ်န့ၣ်လီၤ. အဝဲအိၣ်ဒီးမံၤလၢအဒိၣ်န့ၢ်ထီန့ၢ်မံၤခဲလၢာ်လၢအဘၣ် တၢ်ယၢၤထီၣ်အီၤ, တမ့ၢ်ထဲလၢစိၤအခဲအံၤဘၣ်, မ့ၢ်စ့ၢ်ကီးလၢစိၤလၢအကဟဲအပူၤန့ၣ်လီၤ.

အ့းဖ့းစူး 3:14

လၢတၢ်ဂ့ၢ်အံၤအဃိ, ယချံးခီၣ်တီၤလီၤလၢပၢ်အမဲာ်ညါ,

အ့းဖ့းစူး 3:16

ယဃ့ထုကဖၣ်ကစၢ်ယွၤ, ဒ်အလၤကပီၤထူးတီၤဝဲအသိးလၢအကဟ့ၣ်လီၤသုတၢ်စိတၢ် ကမီၤခီဖျိယွၤအသးဒ်သိးသုသးအဂံၢ်အဘါကဆူၣ်ထီၣ်ဝဲ အဂီၢ်,

ကလီးစဲ 1:20

ဒီးခီဖျိအီၤန့ၣ်ကစၢ်ယွၤကမၤဘၣ်လိာ်က့ၤတၢ်ခဲလၢာ်ဒီး အနီၢ်ကစၢ်ဒၣ်ဝဲ, ဒီးခီဖျိဖိခွါအတၢ်ဒိးသံအသးလၢထူၣ်စုညါ အလိၤန့ၣ်, အဝဲမၤတၢ်ဃူတၢ်ဖိးဒီးတၢ်အိၣ်လၢဟီၣ်ခိၣ် ဒီးမူခိၣ်ခဲလၢာ်, ဒီးကိးက့ၤအဝဲသ့ၣ်ဆူအနီၢ်ကစၢ်ဒၣ်ဝဲအအိၣ် န့ၣ်လီၤ.

လံာ်လီၣ်ဖျါ 2:17

မၤသးဒ်န့ၣ်ဒီး, နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ဆူပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်လီၤအီၤကိၣ်မၤနၤခူသူၣ်တနီၤလီၤ. ယကဟ့ၣ်စ့ၢ်ကီးအဝဲသ့ၣ်တဂၤဘၣ်တဂၤလၢလၢၢ်ဝါ တဖျၢၣ်လၢမံၤသီတဖျၢၣ်အိၣ်ကွဲးအသးလၢအလိၤ, မံၤသီတဖျၢၣ်လၢပှၤတသ့ၣ်ညါဝဲနီတဂၤ, သ့ၣ်ညါထဲပှၤတဂၤလၢအဒိးန့ၢ်ဘၣ်အီၤန့ၣ်လီၤ.”

လံာ်လီၣ်ဖျါ 3:12

ပှၤလၢအမၤနၢၤတၢ်န့ၣ်, ယကဒုးကဲအီၤဟံၣ်ထူၣ်တထူၣ်လၢယကစၢ်ယွၤအတၢ်လုၢ်ဟံၣ် အပူၤ, ဒီးအဝဲဒၣ်တဟးထီၣ်လၢအပူၤနီတစုဘၣ်လီၤ. လၢအဝဲဒၣ်အလိၤန့ၣ်ယကကွဲးလီၤယကစၢ်ယွၤအမံၤ, ဒီး ယကစၢ်ယွၤအဝ့ၢ်အမံၤ, ဝ့ၢ်ယရူၤၡလ့ၣ်အသီတဖျၢၣ်လၢ အကဟဲလီၤလၢမူခိၣ်လၢယကစၢ်ယွၤအအိၣ်န့ၣ်လီၤ. ယကကွဲးလီၤစ့ၢ်ကီးယမံၤအသီတဖျၢၣ်လၢအဝဲဒၣ်အလိၤန့ၣ်လီၤ.