အ့းဖ့းစူး 3:14 - Sgaw Karen Common Bible

¹⁴ လၢတၢ်ဂ့ၢ်အံၤအဃိ, ယချံးခီၣ်တီၤလီၤလၢပၢ်အမဲာ်ညါ,

အ့းဖ့းစူး 3:14 Iomraidhean Croise

လံာ်စီၤပၤအခီၣ်ထံးတဘ့ၣ် 19:18

အန့ၣ်ဒၣ်လဲာ်, ယကပာ်မူဒံးပှၤဂီၢ်မုၢ်နွံကထိဂၤလၢကီၢ်အံၣ် စရ့လးအပူၤ, ကယဲၢ်ပှၤတဖၣ်လၢအသးတီဒီးယၤ, ဒီးတတီၤလီၤလၢဘဧၤလးအမဲာ်ညါမ့ၢ်ဂ့ၤ, နၢမူအတၢ်ဂီၤတၢ်ဖီၣ်မ့ၢ်ဂ့ၤဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:54

ဖဲစီၤၡလိၤမိၤဘါထုကဖၣ်တၢ်ဆူယွၤအအိၣ်ဝံၤန့ၣ်, အဝဲဂဲၤဆၢထၢၣ်လၢတၢ်လုၢ်လီၢ်အမဲာ်ညါ, တၢ်လီၢ်ဖဲအဝဲချံးလီၤတ့ၢ်အခီၣ်အိၣ်ဒီးအစုယူာ်ထီၣ်အသးဆူ မူခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:13

(စီၤၡလိၤမိၤမၤထီၣ်တ့ၢ်စိၤမိၤတိၢ်ဘီတခါ, ဒီးပာ်အီၤလၢဂၢၢ်အသးကံၢ်ပူၤန့ၣ်လီၤ. စိၤမိၤန့ၣ်အထီအိၣ် ဝဲယဲၢ်ပျၢ်, အဒီၣ်ဃီၤအိၣ်ယဲၢ်ပျၢ်ဒီးအကစီၤထီၣ်အိၣ်သၢပျၢ်န့ၣ်လီၤ. အဝဲလဲၤထီၣ်ဆူစိၤမိၤအံၤအဖီခိၣ်, ချံးလီၤအခီၣ်ဖဲပှၤကိးဂၤဒဲးထံၣ်အီၤသ့, ဒီးယူာ်ထီၣ်အစုဆူ မူခိၣ်န့ၣ်လီၤ.)

လံာ်စီၤဧ့စြၤ 9:5

ဖဲဟါတၢ်လုၢ်တၢ်ပာ်အဆၢကတီၢ်တုၤဃီၤဝဲန့ၣ်, ယဆၢထၢၣ်လၢယတၢ်သူၣ်အုးသးအုးအလီၢ်, ဒီးလၢတၢ်ကူသိးဒံးဒၣ်ယဆ့ကၤတဖၣ်လၢအယာ်န့ၣ်, ယတီၤလီၤလၢတၢ်ထုကဖၣ်အပူၤဒီးယူာ်ထီၣ်ယစုတဖၣ်ဆူယွၤ, ယကစၢ်ယွၤအအိၣ်န့ၣ်လီၤ.

စံးထီၣ်ပတြၢၤ 95:6

အိဟဲ, မ်ပတီၤလီၤဒီးဘူၣ်ထီၣ်ဘါထီၣ်အီၤန့ၣ်တက့ၢ်. မ်ပတီၤလီၤကဒွံကျိာ်လၢပှၤတ့လီၤပှၤ, ယွၤအမဲာ်ညါန့ၣ်တက့ၢ်.

လံာ်ယၡါယၤ 45:23

ယတၢ်အၢၣ်လီၤတီဝဲလိၤဝဲ ဒီးတဘၣ်တၢ်လဲလိာ်ဘၣ်အီၤဘၣ်. ယအၢၣ်လီၤတၢ်လၢတၢ်သမှံၤသပှၢ်အပူၤဒ်ယမ့ၢ်တၢ်အသိးလၢာ်လၢာ်ဆ့ ဆ့န့ၣ်လီၤ. ပှၤကိးဂၤဒဲးကဟဲဒီးတီၤလီၤကဒွံကျိာ်လၢယမဲာ်ညါ ဒီးဆီၣ်လီၤအသးလၢအသးကတီဒီးယၤအဂီၢ်လီၤ.

လံာ်ဒၤနံးယ့လး 6:10

ဖဲစီၤဒၤနံးယ့လးသ့ၣ်ညါတ့ၢ်လၢစီၤပၤဆဲးလီၤအမံၤလၢအက လုၢ်လံာ်တၢ်ကွဲးနီၣ်အဖီခိၣ်ဒၣ်လဲာ်, အဝဲက့ၤဆူအဟံၣ်န့ၣ်ဒီး, လၢအဟံၣ်ဖီခိၣ်တကထၢအဒၢးဖိအပူၤန့ၣ်ကွၢ်ဃီၤတၢ်ခီဖျိ ပဲတြီဖိတဖၣ်ဆူဝ့ၢ်ယရူၤၡလ့ၣ်ဒီးတီၤလီၤဘါထုကဖၣ်စံးထီၣ် ပတြၢၤတၢ်အဘျုးအဖှိၣ်တနံၤသၢဘျီဒ်အညီနုၢ်မၤတ့ၢ်ဝဲ အသိးန့ၣ်လီၤ.

လံာ်လူၤကၣ် 22:41

အန့ၣ်ဝံၤဒီးအဝဲဒၣ်ဟးစီၤစုၤဒီးအဝဲသ့ၣ်ကဘၣ်တကွံာ်လၢၢ်, ဒီးတီၤလီၤဒီးဃ့ဘါထုကဖၣ်တၢ်လီၤ.

မၤတၢ် 20:36

ဖဲစီၤပီလူးကတိၤတၢ်ဝံၤန့ၣ်, အဝဲတီၤလီၤဃုာ်ဒီးအဝဲသ့ၣ်ကိးဂၤဒဲးဒီးဃ့ဘါထုကဖၣ် တၢ်လီၤ.

မၤတၢ် 21:5

ဘၣ်ဆၣ်ဒီးဖဲတၢ်ဆၢကတီၢ်ဘၣ်ဝဲန့ၣ်, ပဟးထီၣ်ဒီးလဲၤကဒီးတၢ်လီၤ. အဝဲသ့ၣ်ခဲလၢာ်ဃုာ်ဒီးအဖိအမါတဖၣ်လဲၤဆှၢလီၤပှၤဆူဝ့ၢ်အချၢ တုၤလၢထံကၢၢ်ခိၣ်ဒီးဖဲန့ၣ်, ပဝဲခဲလၢာ်ပတီၤလီၤဒီးဃ့ဘါထု ကဖၣ်တၢ်လီၤ.

မၤတၢ် 7:60

အန့ၣ်ဝံၤအဝဲဒၣ်ချံးလီၤအခီၣ်ဒီးကိးပသူထီၣ်လၢအကလုၢ်ဖးဒိၣ်, “ကစၢ်ဧၢ, ပျၢ်လၢ်အဝဲသ့ၣ်အတၢ်ကမၣ်အံၤတက့ၢ်.” အဝဲဒၣ်စံးတၢ်အံၤဝံၤအသးဟးထီၣ်ဝဲဒၣ်လီၤ.

မၤတၢ် 9:40

စီၤပ့းတရူးမၢပှၤကိးဂၤဒဲးဟးထီၣ်ကွံာ်ဆူတၢ်ချၢဝံၤ, ချံးလီၤအခီၣ်ဒီးဃ့ထုကဖၣ်ယွၤလီၤ. အန့ၣ်ဝံၤအဝဲဒၣ်ဃၣ်ဃီၤအသးဆူပှၤစိၣ်အအိၣ်ဒီးစံး, “နီၢ်တဘံၤသါဧၢ, ဂဲၤဆၢထၢၣ်တက့ၢ်.” ပိာ်မုၣ်န့ၣ်အိးထီၣ်အမဲာ်ဒီးတုၤအထံၣ်ဘၣ်စီၤပ့းတရူးန့ၣ်ဒီး, ဂဲၤထၢၣ်ဒီးဆ့ၣ်နီၤဝဲဒၣ်လီၤ.

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.

အ့းဖ့းစူး 3:15

ပၢ်လၢဒူၣ်ထၢကိးဒူၣ်ဒဲးလၢမူခိၣ်ဒီးဟီၣ်ခိၣ်တဖၣ်ဒိးန့ၢ် ဘၣ်အမံၤအမ့ၢ်အတီတဂၤန့ၣ်လီၤ.

ဖံလံးပံၤ 2:10

ဒ်သိး လၢတၢ်မၤလၤကပီၤယ့ၣ်ၡူးအမံၤအပူၤ, ကယဲၢ်တၢ်အိၣ်လၢမူခိၣ်, လၢဟီၣ်ခိၣ်ဒီး လၢဟီၣ်ခိၣ်လာ်တဖၣ်ကချံးလီၤအခီၣ်,